美心西餅 (已結業)

呢排又出返天使蛋糕🎂（試食價：$188）係我印象中好似只係試過魔鬼蛋糕😋😋所以今次咁啱有機會就試埋天使蛋糕———————————其實呢個天使蛋糕真係好各花入各眼，如果你鍾意食Cream嘅話，咁呢個蛋糕你一定會食得好滿足，因為幾乎成個蛋糕都係cream，但係如果你唔鍾意食Cream嘅話，你應該真係會覺得呢個蛋糕好難食，因為真心幾滯，但係由於我係一個幾鍾意食Cream嘅人，而且仲有焦糖脆脆配埋法國鮮忌廉嘅雪芳蛋糕，蛋糕輕盈得嚟又好鬆軟，配埋Cream嘅感覺好入口即溶，所以真心幾符合我口味❤️❤️而且重點係外型好吸引

老豆買左美心西餅做早餐對上一次食已經係好細個嘅事，對美心西餅嘅印象一直停留係舊式餅鋪嗰啲椰撻同蛋卷到原來時代變遷，佢地嘅西餅都進步左咁多；唔再喺千篇一律嘅牛油餅底，撻底有真朱古力味，唔會一味死甜，面頭鋪滿朱古力碎，仲有幾粒原粒榛子作點綴，平民價錢嚟講個質素算有誠意

食母親節飯，蛋糕依D必要的食品無得走。有晚經過長沙灣地鐵站見到美心西餅門口人山人海，原來係因為3日前預訂母親節蛋糕可以有85折，我諗阿媽都會鍾意D粉紅色，所以揀左「美心花樣粉紅蛋糕」，原價$228，折左$193.8。去取蛋糕又係人山人海，等左好耐先揾到我個蛋糕，食完飯拎個蛋糕出黎，媽媽見到都好開心，因為個蛋糕真係好靚。蛋糕頂上係一朵粉紅色的朱古力康乃馨，靚就好靚，但食落就會好甜。而切開左粉紅色的海綿蛋糕，夾層內有士多啤梨慕絲、士多啤梨果肉同啫喱，仲有白朱古力的杏仁脆脆，係好香同好有口感GEI~媽媽都表示好滿意~

I love Star Wars. And I think I've collected all the Star Wars pudding cups from Maxims? Hmm...yes. Yes, I have!These are the two latest ones: Captain Phasm (on the left) and Kylo Ren (on the right). Each costs $39.Captain Phasm's pudding was a milk pudding. It was ok. Not very creamy but at least a rich milk taste.Kylo Ren had chocolate. It was spongy in texture. I never understand why Maxim's chocolate puddings always have this odd spongy texture? But it had a rich chocolate taste.Portion is a

今日老闆生日, 我地一早訂左一個熊仔蛋糕比佢, 係地鐵站取。幾方便，反工經過就可以拎埋反工。首先，雖然我老闆係男人，但佢見到個熊仔造型睇得出佢係開心既!就咁睇呢個蛋糕好似唔算好大, 但都成2磅幾。成隻熊仔都係朱古力mousse加少少朱古力蛋糕, 都幾甜下。食一兩啖會覺得幾好食，但食多少少就會覺得好漏，建議一大班人share會好D。其實佢既味道都幾似之前出過既魔鬼蛋糕, 不過魔鬼蛋糕反而無咁漏!不得不讚美心既方便同效率既, 因為我地本身係早一日訂,好多餅店都已經接唔切, 但係美心o係咁急既情況下都安排到寫埋名再送到指定分店, 係做得幾好既! 

去左長沙灣行街，突然之間好想食甜品，就去左美心買左個蛋糕仔食呢個係意大利芝士蛋糕，味道同一般嘅差唔多，朱古力粉有少少苦味，中和左cream嘅甜味同奶味，最好就係唔算好甜。但係價錢黎講太貴，要12蚊一個。

屋企人一向好少搞咩慶祝聖誕，通常各有各節目，不過，今年卻意外地同屋企人前後食咗兩個聖誕蛋糕，仲兩個都喺嚟自美心西餅。經過美心，又喺「chilam」，見2014聖誕蛋糕系列推出好多款式：紫色聖誕樹、可愛聖誕鹿、聖誕旋粟、奇脆聖誕、聖誕樂園、聖誕Hello Kitty、聖誕My Melody 、魔雪奇緣、迷你白魔王森林及黑魔王森林，有啲喺之前出開嘅款式加少少聖誕元素嚟應應節，有啲就全新製作。紫色聖誕樹（紫薯蛋糕）$138舊年美心出過一款「紫醉甘迷」（紫薯甘栗蛋糕），唔單全花花唧花外型幽雅吸引，而且，鮮磨栗子蓉忌配紫薯蓉忌廉確喺特別。所以，今年再見紫薯蛋糕出現，梗喺要試試啦，當然唔喺特別為聖誕，只喺為「食」嘅意外啫。紫色聖誕樹同樣以手工細膩嘅紫薯蓉忌廉唧花鋪成，做成一樖浪漫紫色聖誕樹，襯以朱古力金星、金珠、銀珠、聖誕葉作裝飾，既靚又配合到聖誕氣氛。個蛋糕唔止有外觀，又有內涵，朱古力海綿蛋糕、朱古力脆米及朱古力忌廉所做嘅餅底，口感富層次又好味；而中間一層又一層嘅喺芒果忌廉夾朱古力海綿蛋糕，忌廉柔滑不膩，芒果清甜無渣；再加埋輕盈富薯香嘅紫薯蓉忌廉，果然值得一試再試。聖誕樂園（雜果蛋糕）$168本

特色撻已經出左好耐 由$7升至$8 但系琴日路過留意到某幾款改頭換面 亦都改左名叫新既特色撻 所以我就買左個泥試下。店員細心提示購買優惠 買4送1 即是買5個既價錢比以前平左喎！眼前既芒果撻賣相一般 相比以前就有少少吾同。第一口 感覺奇怪 芒果味又吾似 橙味又吾似 桃味又吾似 總之就分吾到咩味 而且十分乾睜睜 完全兩回事 難怪而加既優惠平左拉

由細到大都系買美心西餅 因為姑媽會比好多西餅券 所成日都拎一打半打西餅食 以$4件泥講就不過不失 我覺得貴左少少 如果$3件會好d。上年有日見到美心出左新撻 全部因為週年紀念所以推出 只賣$7件。我見到件件都幾靚 雖然吾會好高級 但系睇落都比普通西餅特別好多 所以就叫媽媽買左幾個番去當下午茶喇。我覺得2款都好好食 有餅果款就比較甜 但系d餅系偏向軟身同埋好夾味。而另一就勳有好多堅果碎 仲有好多一塊塊碎碎地既杏仁。芒果撻系另買 $16件 我就覺得比起$7件既撻有點遜色 始終價錢相差什遠 我會期望佢既味道特別出色 配搭吾同 但系配搭麻麻 入而有cream但無味 芒果吾甜 吾值$16。不過而加既特別款撻已經$8件 而且留意到吾系間間美心有得買 幸好長沙灣呢間美心有得買 希望吾會停賣 可以繼續吸引人買。對面既pie&tart路線吾同 不過都系一個幾大既競爭對手阿！

今日返半晝，撘MTR放工經美心...反正未食Lunch，就諗住換D西餅食... 本來想買一打$4嘅西餅，點知呢間美心竟然冇，有冇搞錯!唯有逼住揀6隻Le Franchise Tart返去...Le Franchise Tart有幾隻味...之前都寫過食評，係呢度就唔多講la... 食過好多次，都係覺得香酥榛子撻同香桃榛子撻最正(7/10分)，所以就各換左兩件... 今次就冇再要朱古力味嘅撻(5.5/10分)，因為太甜而且好漏，我就唔鐘二咁膩 另外，我仲要左杏仁菠蘿撻同新出嘅杏仁香桃撻(6.5/10分):呢兩隻撻可以話係一樣，唯一嘅分別就係上面個樣生果><蛋糕好普通，冇咩特別...補充->個店員叫我雪凍佢，話咁樣Tart就會好食D... 我反而覺得雪凍之後，難食左! D Tart雪凍左，D蛋糕冇咩水分，個皮硬左，一D都唔鬆軟...想講嘅，仲有就係店員D質數...好差! 都唔知係咪新來，竟然摧人做決定，等我想慢慢睇都唔得 唔單止呢樣!佢做野慢到死，淨係包個盒都用左5分鐘:/咁樣點得嫁?!真係唔好去呢間分店!!

美心近來推出法式撻優惠，用美心西餅禮餅卡換購7件(原價$8嘅)法式撻...反正有餅咭，就決定換D返屋企食...其實，之前都已經試過呢隻撻好多次...之前都寫過食評，提到過最好食係邊隻法式撻...今次同上次一樣，我都係覺得香酥榛子撻最好食! 最鍾意食佢蛋糕面上嗰啲脆餅，蛋糕好鬆軟，個皮冇上次咁硬，好明顯今次D撻新鮮啲跟住嘅排名就輪到香桃榛子撻.... 佢整體嚟講同香酥榛子撻好相似，但佢就以酸酸甜甜嘅香桃做主角...味道唔錯，但我個人就唔多鍾意酸><朱古力撻我就唔多講啦，一個字可以形容哂->甜另外，今次試咗個新款嘅撻，叫杏仁菠蘿撻... 賣相又真係麻麻，一啲都唔吸引人:/ 佢有好多杏仁碎係面增加口感，蛋糕鬆軟，有好重既牛油味，撻皮鬆脆，菠蘿好清甜，食落都OK唔好睇啲撻好細件，食落其實好飽肚 我一個人食左3件撻...飽到喊T.T

當天臨回家前買左1pack 曲奇朱古力包 $12 / 共6個小麵包-曲奇朱古力味,望落去脹卜卜都幾得意ga 其實曲奇只是面頭果d oreo 曲奇碎,不過味道都不錯,甜甜的,但朱古力味不太重~但想不到咬下去如此軟身,仲軟過皇冠包tim~都幾好味ga! 另有吉士牛油味,小紅莓味!不過3款味道比較,都係呢款比較吸引!!職員有笑容,good service

$4。凍蛋撻：大件，曲奇撻底尚算香口，蛋香味剛好又很滑，凍吃也很美味呢

終於試到很多人都讚好的糙米芝士包一開袋就聞到好香芝士味, 食第一塊是麵包頭, 沒有芝士, 唔知係咪要落少d牛油, 有少少乾, 不過都接受到~ 有raw的感覺~第二塊只有好少芝士, 所以我揀中間的來食, 有了芝士立即令到成個包好似軟咗, 好好味!!但整袋包的芝士分量好少, 只係集中在中間的兩、三塊( 真的非常集中！), 平均一點會好好多, 不過都做到每塊都有芝士~加了糙米, 比以前的車打芝士包感覺無咁滯, 食完好想再食, 我的家庭裝麵包首選！

一袋有5個包仔, 一睇咁黃就知真係有好多牛油。隔了一個夜, 依然脹脹的。很香很軟, 不過size有點細, 早餐食兩個都唔夠飽, 還是其他袋裝包抵食一點~p.s. 連美心也搞儲印花活動, 而且在地鐵買嘢仲有抽獎咭添~