美心西餅 (奧運站)

营业中

休息中

為女兒慶祝生日，在美心網站見到一個可愛小豬蛋糕。 設計得很有心思，便决定訂了。出來結果和網上的圖片 一樣， 沒有失望。最驚喜是味道亦十分不錯，不會太甜，大人都中意食。

對蜜運中的情侶來說，情人節絕對是個大日子；對熱戀中的情人來說，情人節同樣是個大日子；對老夫老妻來說，情人節也許仍然是個大日子，但一簇漂亮的玫瑰花，一份名貴的情人節禮物，一頓豐富的燭光晚餐，可能已非必要。當然，不同人有不同的想法，有些夫妻可能即使銀婚已過，仍會隆而重之的慶祝情人節，每一年都非要把它當成是一年之中最重要的節日不可，但對我和與我抱著同樣想法的太太來說，每天都可以是情人節，並非只得那天才是，也許，在某一年，我們會想大事慶祝一番；也許，在某一年，我們會只是靜靜平淡地度過。就好像今年的情人節，早出晚歸的我，就只是在放工之後，回家之前，在「美心西餅」買了人一個 Belgium Pure Milk Cake回家，在享受過太太烹調的美味餸菜後，体息一會，再跟她一起分享這純白簡約的忌廉蛋糕。 奶白色的蛋糕，沒有太多的花巧，只有簡單的點綴，香甜幼滑的忌廉，輕盈軟熟的蛋糕，甜絲絲的，就像細水長流的愛情，舒服，稱心。 這一夜，沒有燭光晚餐，沒有名貴禮物，但情人節的一點甜，仍能讓自己一再回味。

早上遲了出門，逼於無奈在地鐵站找東西吃。買了珍寶吞拿魚包，大約10蚊。匆匆吃了，但發現沒有感覺，我已經算細食。美其名叫珍寶，但裡面的吞拿魚醬（只是醬！）只有一點點，包看起來不小，但裡面大部分是空氣。無論是味道，價錢，新鮮程度都比不上傳統餅店，會買的人真是傻的。完全是搵笨，有種被騙的感覺。

東海堂出左咁耐既美人の赤苺，但一直覺得好貴，最近朋友生日，搵到籍口買嚟試試！個蛋糕食落唔錯，士多啤梨相對好多蛋糕黎講好甜，好多汁。蛋糕入面有草莓、草莓啫喱、海綿蛋糕、草莓白朱古力脆脆，因為本身草莓就有少少酸，所以唔會膩！蛋糕又多層次，真係食唔停口！雖然價錢真係貴左少少，但一次半次都可以接受既。

天使蛋糕是你很喜歡吃的蛋糕,這天因記念日我買了這個蛋糕,得知原來你以前自己一個人的時候會買這個蛋糕獨享!天使蛋糕外層佈著薄薄一層的cream,很雪白!當切開蛋糕時,已經感覺到這蛋糕富彈性,而入口時亦同時有軟綿綿的感覺,口感很好!配合附送的焦糖脆脆,cream中帶焦糖甜味,很美味的配搭!

屋企有d陳年舊餅卡，橫豎不用白不用，這日中午見不是很肚餓，用餅卡換了幾件美心西餅做午餐。除左普通d的蛋卷、蛋糕外，還換了幾件比較貴的特色西餅返屋企食，當中包括：1）經典黑森林：黑森林蛋糕係自已的至愛之一，這裡的黑森林西餅味道唔錯，不會太甜，不過忌廉略多了點，而且並無車厘子果肉在裡面，有點失望。2）悠閒莫加：這款咖啡味蛋糕的賣相唔錯，食落都幾有咖啡味，又唔係太甜，都幾好。3）鮮果樂園：這款有士多啤梨和奇異果等水果舖在上面的西餅甜度適中，新鮮的水果能夠中和這西餅的甜味，。4）蜜柑滋味：清新的味道，吃後不會感到膩滯，是這西餅的最佳評價。這次的午餐，只是用了$16，平平地，不過帶來的就算唔係大滿足，起碼都叫做好食又飽肚，都唔錯。

七月六日(星期日)為食二人組食完車品品之後,就即刻又去食月餅!而家只係七月都開始食月餅喇!!今次試左美心最新既芝麻豆腐花月餅!好食呀!!!又香芝麻味,雖然豆腐花味唔重!但係d芝麻一粒粒,幾得意!新嘗試既月餅唔錯唔錯~老公仔到時,我會買成盒比你慢慢嘆!

而家百物騰貴,一張餅咭只可以換四件cake,計有Tiramisu,cheese cake,什果cake,芒果朱古力餅.Tiramisu有朱古力粉,味道不錯;cheese cake幾大件,亦有芝士味;另外兩件cake餅底亦脆,什果夠凍,亦不會酸.

琴日表弟兩歲生日,大家同呢個可愛既啤啤慶祝,有一大個兩磅生日蛋糕食,名為意式濃情,原來係意大利芝士咖啡蛋糕,即係tiramisu啦!不過呢個tiramisu既蛋糕比例較多,個底係朱古力蛋糕,都佔左一大半,上層既芝士其實無芝士味,似cream多d,而面頭既朱古力粉既朱古力味都唔強,反而最好味係圍邊既一塊塊大大塊既朱古力,真係食到唔停得口!個人覺得滋心意既tiramisu似乎好味過大大個既tiramisu,不過大大個既有士多啤梨,細細件既就無!

家姐尋日買左件$7.2 o既藍草莓朱古力榛子蛋糕(唔知exact名)返黎俾我食. 個蛋糕同"歐陸西餅"擺埋一齊,係呢幾日新出o既.件蛋糕好靚,不過食落無乜特別,有d失望...

手頭上有張餅咭,尋日經過就攞左打西餅. 其中要左呢個果仁香蕉蛋糕(本身好鍾意食香蕉蛋糕),因為原價$7.2,所以攞餅時一件banana cake當兩件西餅.唔知係咪擺左一日o既緣故,件蛋糕好硬,唔鬆軟. 而且雖然面頭有蕉,聞落都有香蕉味(不過有d假),但係食落無乜香蕉味,所以唔好食!建議大家唔好買呢件cake.