影片
招牌菜
公司租客送咗几年美心糭券比我哋，今年环境咁差都有送 👍👍但今年只糭好难食，糯米一啲都唔香，冬菇连蒂都无切走，干瑶柱完全无味，咸蛋王干巴巴无味，食完只糭感觉净系得二个字 － 无味！美心生意近排差咗可能有啲客观因素，但其实佢哋无留意自己食物质数都每况愈下都赶客呢？面包价钱比一般小店贵不在话下，最惨系食空气，食咗都唔填肚！讲真百多完买只乜味都无嘅糭，真心好彩系客人送的，如果仲要我比钱买真系会嬲嬲啰 🤭🤭🤭
继续阅读
美心出左夏日限定既 芒果热情果慕丝蛋糕同荔枝玫瑰彩虹蛋糕💓芒果热情果慕丝蛋糕🎂包括多种夏日水果，果味清香甘甜，配合酸酸甜甜嘅芒果热情果薄荷茶流心，冰凉薄荷令人食落去真系透心凉，系大家嘅消暑恩物💓我自己就比较钟意荔枝玫瑰彩虹蛋糕🎂唔单止因为佢系我最爱既白色，同粉红色💓荔枝玫瑰彩虹蛋糕，采用荔枝制作成寒天💓，清甜美味夹层嘅士多啤梨荔枝玫瑰果酱，配合Pink Pink嘅彩虹忌廉蛋糕，入口香软，外型吸引又好食。
继续阅读
妈妈生日但买我中意食的 (呢个女真系孝顺😂)🙈🙈🙈终于食到一直想试既彩虹蛋糕喇😂 想试呢个彩虹蛋糕好耐, 无奈嘅事一直揾唔到机会买呢个蛋糕, 而当有机会想去食嘅时候佢就没有再出售了。可能因为好食嘅关系吧! 最近竟然推出返, 有呢个机会当然唔可以错过啦彩虹蛋糕 $168粉系啲蛋糕真系很少有, 啲颜色真系好靓! 女生真系不可抗拒呢种颜色诱惑😝😝😝除咗出边系彩色缤纷之外, 入面都系层层不同色嫁!有生果系中间, 味道都唔错嫁又唔会好甜, 整体味道都不错😋👍🏻 回购率好高
继续阅读
购买这个蛋糕的机遇是很巧合, 当丈夫与我在为晚上聚会的生日蛋糕张罗时, 恰巧收到群组内寿星女与朋友的一段玩笑对话, 字里行间加上碰巧我们走到美心西饼时, 一眼遇见 --- 是这个了! 当晚, 当寿星女打开蛋糕盒时, 在场男女朋友加上寿星女的表情, 由惊讶转为欢乐, 那种真情流露绝非虚假, 那一刻真是珍贵, 我想应该要多谢Hello Kitty小姐吧!反过来说, 到要把Kitty蛋糕切开分享时, 哎呀 ... 这种痛~海绵蛋糕内藏有很酸的芒果肉, 基本上满心欢喜地收到一件蛋糕, 看一看, 脑袋当然会告诉味蕾:「唔......好香甜多汁㖞~」怎知道吃了一啖:「酸嘅! 」, 内心一定会在臭骂 唯有转去吃其他部份, 可幸是海绵蛋糕松软, 但有一点儿干, 至于云尼拿慕丝是绵绵, 质感细致似棉花糖, 云尼拿味道不重。哈哈, 有机会见证A小姐由小女孩转变为大人, 这是我的荣幸。
继续阅读
早系一个星期就订咗嘅父亲节蛋糕，三个人食问咗好多间都冇得买半磅嘅蛋糕。终于决定系美心买，因为今年嘅父亲节系我6年尼终于系香港嘅一次，所以决定同爷爷同爹哋一齐庆祝。去到美心，依边小啲人所以可以慢慢㨂。我问咗好咗问题，啲姐姐都好好心答我，最后决定订个半磅「踢出彩虹」。问佢地可唔可以写牌，佢地都好好心机解释话因为父亲节太忙，所以冇得写牌。攞咗之后，佢会送上面嘅装饰俾客人自由设计，但我惊整得唔靓，就叫咗姐姐帮手放上去。佢地好有心思，放得好靓嫁。另外佢地都附上一块父亲节纸牌，番到去我就自己插埋上去，即刻同爷爷同爹哋影张相。踢出彩虹我本来都唔明点解有彩虹系𠮶名到，但一切开竟然系一个彩虹蛋糕。每一层都有新鲜水果做馅，令到味道唔会太甜，食每一层都有惊喜。有上至下嘅味道包括士多啤梨，橙酱，芒果，奇异果等等。虽然出面一大层cream，但系份量唔会太多，味道都几啱老人家食嫁！我爷爷食得好开心。但系唯一唔好食嘅系上面𠮶足球，啲姐姐话系朱古力，以为空心。一咬好硬，点知系实心，好甜唔好食。成个蛋糕整体唔错，可以一试。
继续阅读