美心西餅 (青衣站)

营业中

休息中

佢地最新推介o既台式麵包”度小月肉燥包” ($6.5) – 賣相吾算吸引…肉燥好甜…麻麻地…一定吾會再買!!!“吞拿魚火腿黑芝麻包” ($7) – 好軟熟, 但吾覺芝麻香, 吞拿魚亦蓋過晒火腿味…所以只係覺得食緊一個普通吞拿魚包咁…咋!

大家一睇張相係咪好似意大利芝士蛋糕呢..但其實佢係朱古力蛋糕....個賣相就幾靚喇..味道如何呢 ?!本身抱住好大期望....點知....海綿蛋糕冇咩味,....朱古力太杰同甜又搞到個蛋糕好滯...食一件已經飽到上心口...太甜既野我真係頂唔順

向來都不太喜愛在普通美心餅店買麵包..因為麵包又貴又凍...以前在城大的美心是新鮮而且價錢比外面美心便宜..畢業後我一直都沒有買美心的麵包!!但之前見到廣告美心兩款雪山包外型真的很吸引, 今日終於都路過了, 美心的西餅姐姐都推介這款麵包我在猶豫.....流沙奶黃還是香芋呢?!?最後都係揀香芋, 因為這種味道的麵包比較少有, 小妹亦未曾吃過香芋味的麵包, 買了後滿心歡喜地期待吃這個包香芋雪山包 ($6.5): 拆開紙盤....竟然見到有一部份係沒有芋頭coat住..搣開一半.....好失望...芋頭餡竟然少得可憐..只有一丁點....再咬一口, 芋頭雖然幼細軟滑..但一點都不甜..只是未加工的芋頭那種味道...既然如此..新鮮芋頭來價很貴嗎?為何不放多一點?出乎我的意料...我未吃前是期待這個芋頭餡是很甜的, 但反而麵包面頭上的coating仲甜.........最後一點...這個包非常之油膩被美麗的外表騙了.......從中亦上了一課: "有外在美不等於有內在美"

外層有點像菠蘿皮但牛油味重，偏向鹹，且有酥皮的香味流沙餡亦豐富奶皇的甜中帶着鹹蛋黃的香(有說傳統的流沙包是有鹹蛋黃的)而我亦相當受落有很層次，每吃一口都為味蕾帶來滿足超讚~~

本來想要原裝天使蛋糕但li排唔再賣 迫人要聖誕版 多兩塊朱古力 又貴10蚊食落覺得蛋糕唔夠鬆軟忌廉有好大陣脫脂奶味中間層cream搽得好唔平均(其實成個蛋糕外層都好粗製濫造)整體味道唔特出我寧願去starbucks食

老豆牛一，佢話想食清D多生果既蛋糕第一個就想起尼個蛋糕！我講過，凡蛋白做的食物我都好有興趣因我未試過尼個蛋糕，增加左我決心去買！鮮果蛋白脆脆蛋糕 - 多生果，少忌廉，完全合我同屋企人既心意！好清，無乾曾曾既感覺，底層有一層朱古力脆脆及蘇皮！敗筆是個朱古力，實在實在太太太甜啦唔通D糖唔洗錢就係咁落？？

在小時候一眾的蛋糕麵包鋪都係~$3一件簡單細cake現在都紛紛推出林林總總賣相精美的cake >$9因為表姨買了一盒西餅來探我地和婆婆依家的西餅的樣貌對我來說很陌生呢因為價錢的關係, 所以都未試過挑了一個, 賣相幾靚, 新的combination味道也不差,例如咖啡cream配上jelly, cookies cream上的choco crunch還有那個朱古力味的蛋糕和以前的一樣, 吃掉一個還想吃, 意猶未盡最後在一天內幹掉了三件西餅!

因為我生日~~所以去左美心訂左呢個藍莓朱古力什果蛋糕~~開頭諗住連鎖式o既舖頭~~好極有限~~點知唔係喎~~個蛋糕好好味呀！有朱古力脆脆做底~~咬落去非常有口感~~而且d脆脆唔會變得"淋bad bad"~~海綿蛋糕本身都冇問題~~正常~不過如果咁大間連鎖店連最基本o既海綿蛋糕都整到有問題~~都可以收皮啦......個蛋糕面有好多好多生果~~而且種類都好多~~睇圖大家都見到啦~~最好就係佢有朱古力片圍住o係側邊~~比平日就咁用朱古力碎鋪邊更好味~~不過如果可以改夾心就會更加好~~因為上面係生果~~入而又係生果~~有d多餘呢......至於服務方面~~美心個女仔o既服務都算唔錯~~識得有禮貌地叫我"王生先"~~不過聽得出又係大陸口音......我唔係歧視大陸人~~但既然美心想扮高檔，唔該就請d講野發音講得正d o既人......又要高檔又要慳~~都唔知想點......

今日食左美心栗子粒粒"卑鄙"月餅, d栗子蓉好香滑, 中間又有好多粒粒既栗子, 而且個皮仲好薄添, 好好味!!! 好食過大班o個d...20蚊有2個~~ 都ok 啦~~仲有好多口味可以選擇, e.g. Wasabi, 荔枝, 楊枝甘露, 珍珠咖啡, 抺茶甘栗...下次可以再試下其他

因為之前食過佢\地既黑糖提子包之後都有好感，見到有新出既黑糖紅豆包就立刻買左個試，好可惜我一d都食唔出有黑糖味，中間又空心，無味既...

買咗個綠茶撻，我估其實係蛋撻加了綠茶粉，雖然好濃綠茶味，不過太甜，唔好食。