美好點心小館

第一次光顧，要令我願意花時間寫評價，證明服務態度惡劣得難以形容！著實知道香港各行各業都面對不少挑戰，飲食業更加困難，所以都特別盡能力留港消費，但呢間食肆的態度，不單止足以將旅客趕走，相信就連本地客都會趕走。先講食物方面，價格實惠，味道合理。餐廳懷疑行舊式大排檔都不敢行的路線，配合監獄風格，職員會在你進食期間，掉張單過來，同你講收銀要埋數，喝令你即刻出去比錢。以我初步觀察和了解，店舖無明顯地告知只收現金，但當我個口仲咬緊一整粒鯪魚球出去埋單之際，收銀竟然話只收現金。已甚少帶銀票出街的我，幾乎口中鯪魚球都跌出來，好在身上還有應急銀票隨身，否則可能要幫啊姐洗碗。佢地有壓力，好多人一樣都有壓力。呢一餐晚餐已經經歷了一整日工作，由落單一刻無耐，野食未上已經被姐姐問加唔加單，要截單，進食中途叫出去埋單都ok算數。但食都未食完，監獄風格的姐姐話夠鐘，然後落閘，結果食左一半既咸魚肉餅飯，只能夠即刻食埋咸魚同肉餅就要被趕出門口，茶都未有時間飲一啖，真正食得鹹魚，要抵得渴。食餐飯都要上一課。我強烈建議餐廳主推監獄風格路線，以特色主題方式掩蓋態度惡劣之實，保住成個飲食業，保住成個香港本土市場。而我必須重申，相信以上行為只屬個別人士的個別例子，並非泛指該店的所有職員。…查看更多

這家店點心正常，雖然選擇較少，茶市也受街坊支持,但收銀阿姐經常跟客人吵架，不是因坐座問題就是收費問題，每次都是大聲夾惡，語氣態度極差，大家街坊街里，客人都是老人家，希望老闆正視員工問題。…查看更多

晚上來這裡吃晚飯，本想點那個有點心+湯+飯的套餐，殊不知已經冇得賣，唯有散叫點心(腸粉、燒賣等)，令人失望。點心質素普通，比較特別是那個炸糯米雞，但感覺都是普通野。另外，價錢也不算抵，只是環境都OK，有大玻璃窗可望外景。…查看更多

本身嚟咗幾次就係想嗌佢個乳鴿餐，幾次都話冇晒。咁我就再接再厲再過嚟，今次有啦，但嗌完一個餐，佢話剩返一款飯。下一秒隔籬枱就嗌緊第二款飯。咁當我再遞紙嗌點心嘅時候，又有第二個客可以嗌佢話冇嘅飯。如果係話一枱只可以嗌一個乳鴿餐嘅話直接講就得唔需要咁表達。其實食物係唔錯，正常好食嘅，性價比還好一般。馬拉糕同乳鴿係正常發揮，菠蘿叉燒餐包菠蘿皮冇乜味，但個叉燒餐包係唔錯嘅。蒸飯如果用唐記嚟比，唐記更加好食。。…查看更多

茶芥每位 ($7)🟢燉湯組合套餐 ($68)1️⃣粉葛赤小豆燉豬軟骨燉湯：湯頭濃郁，粉葛和赤小豆的搭配增添了豐富的口感，豬軟骨燉得十分軟嫩2️⃣鮮魷肉餅飯：魷魚肉餅鮮嫩多汁3️⃣北菇棉花雞🟢乳鴿套餐 ($78)1️⃣乳鴿一隻：乳鴿烤得金黃酥脆，肉質鮮美，伴隨著獨特的醬汁，風味十足。2️⃣豬骨湯浸時菜：湯頭清澈，時菜吸收了豬骨的精華，口感爽脆，飲用後感覺十分舒適。3️⃣蟲草花滑雞飯：這道飯的雞肉滑嫩，蟲草花的香氣增添了獨特風味，讓人回味無窮。另外我們還點了🟢蝦餃皇 ($18)🟢招牌香菇燒賣 ($18)餐廳還免收加一服務費，性價比十分高…查看更多

食物質素就跟唐記好一點，性價比一般。環境多人嘈雜，坐得唔舒服。二人入座會焗你坐唔舒服既位置，這是香港特色就不說了。食物等待時間長，質素沒甚麼特別。沒有特別優缺點，就係啲椅坐得唔舒服就咪要人等咁耐，又唔係特別好食，真心唔建議食。但如果話佢好差，佢又未算，最少表面環境還算乾淨，可能因為開左無幾耐。價錢唔算特別貴，但你又會諗點解唔唐記結論：帶老人家，人數3-4人，唔知食乜可以試下，好過垃圾稻香先。但如果得1-2人。 真係要諗下係咪好想食堂食唐記。附近有更多更好選擇。服務方面，起碼有人執枱，一般吧。…查看更多

將軍澳新開的點心店, 一定要試下幫襯下 食物 : 蝦餃皇(2隻) $18 ~ 大大粒又足料, 幾好味 招牌香菇燒賣(2隻) $18 ~ 味道正正常常 陳香牛肉球 $26 ~ 味道都OK, 加埋喼汁都幾好 酥皮香麻蘿蔔餅 $28 ~ 皮好厚, 饀料很少, 比較油膩, 不推薦 鮮蝦腐皮卷 $26 ~ 外皮都幾脆, 味道正常, 但都是太油膩 炭燒鳳凰义燒腸 $30 ~ 义燒腸有加蛋, 質地都幾滑 茗茶每位 $7 x2 = $14 ~ 叫咗香片, 茶味比較淡 食物質數正正常常, 可以接受, 蝦餃及燒賣可以兩粒起叫 環境 : 新店地方算乾淨, 當天坐四人卡位, 唔會好迫 服務 : 店員有禮貌 費用 : $160 (無收服務費)…查看更多

我同我老豆及阿叔去左美好點心小館吃晚餐。我地叫左晚上6時開始供應的$68燉湯盅飯點心三合－套餐，叫左三份。三個人的燉湯係揀左准山蟲草雞腳燉湯，足料熱辣辣及鮮甜，雞腳好淋 ，長者食到。盅飯叫左一個煎旦滑牛肉飯及2個蒸雞飯，味道美味新鮮。點心叫左粉果(飽滿，味道比酒樓好)，蒜蓉蝦春卷(來到時香脆)及蝦餃(大粒及皮簿，蝦肉爽口)。燉湯賣晒就要單叫飯及點心。大家要留意即叫即蒸要等15分鐘，食鲜味值得等待。買單$235，當中包括茶介$21蚊($7/位x3)，可樂$10蚊及$68套餐三份，無加－。…查看更多