美味的泰國菜

营业中

休息中

喺深水埗行完街，見到有間新開張嘅泰國小店，門面已經好有泰國feel，就入去試試，估唔到非常有驚喜，味道非常正宗😋泰式海南雞飯雞肉鮮嫩，雞飯美味，搭配特製的醬，增添了風味。遊船河（牛肉）湯底微辣濃郁，仿佛置身於泰國的船麵一條街。牛肉鮮嫩，金邊粉彈牙，與湯底的搭配恰到好處。泰式酸辣鳳爪鳳爪彈牙，酸酸辣辣十分開胃。泰式青木瓜沙律爽脆的青木瓜十分清新，酸甜的調味醬汁讓這道沙律更加開胃。泰式炸蝦餅外脆內嫩的炸蝦餅，味道鮮味。泰式炸春卷金黃酥脆的春卷，裡面包裹著新鮮的蔬菜，口感豐富。龍眼冰好多龍眼肉，清甜的龍眼冰用黎解辣一流。珍多冰椰汁非常香濃，綠色粉條"珍多"軟糯香甜。芒果糯米飯香甜無根的芒果搭配暖暖的糯米飯，淋上椰漿，讓人感受到滿滿的幸福感，絕對是完美的完結。

Lunch time 黎到，叫左個冬陰功湯金邊粉🧡橙色既湯底好吸引，仲有隻煎得好靚嘅太陽蛋湯底一啲都唔辣 飲到口好舒服🐣🥚金邊粉係好有黏性 口感同一般既有啲唔同🍜粉入面係海鮮 有鮮蝦、蜆、魷魚、菇類另一個叫左泰式豬頸肉炒飯🍛啲飯炒得好香，而且豬頸肉都燒得幾靚🐷份量好足我地仲嗌左啲小食🥟泰式炸春卷、酸辣鳳爪、炸雞翼、泰式炒芥蘭價錢夠哂經濟實惠 😗😗最後食埋芒果糯米飯🍚啲芒果好熟好甜大大份仲有軟綿綿糯米飯真係好似去咗泰國咁🥭

深水埗多野食就大家都知，而佢附近嘅長沙灣原來都唔差，起初真係俾佢個名吸引到，點解個名會係美味的泰國菜🤣到底係對自己啲出品幾咁自信先會改呢個名🤣真係一試便知龍與鳳#泰式燒牛肉沙律 $108見佢係new arrival已經想試下，嚟到見到嗰份量都好多，個醬汁好好食，我係最後將海南雞啲雞肉浸埋落去食，可想言之幾咁正，而牛肉方面大部份都係比較冧身，只係得伶仃幾舊相對較硬要咬好耐，但係整體嚟講呢個我覺得可以再encore#泰式青檸蒸魷魚 $149呢個魷魚嘅味道就相對比較清，如果食開重口味嘅就可能會覺得佢個味唔係好夠，但係如果你本身都鍾意清淡嘅話呢一款就好啱你食，成條魷魚個肉質都比較冧口，唔會硬到好似橡筋咁，軟綿綿幾好咬#泰式海南雞飯 $70呢個飯嘅性價比超級高，因為啲雞肉嘅份量係好多，只係個醬汁就相對比較少，點到最後仲剩返好多雞肉，如果佢啲醬可以多啲就好啦，所以就點咗另外一款醬（燒牛肉個醬汁），結果出奇地都好夾#芒果糯米飯 $58呢個芒果係用咗水仙芒，所以食落去都會比較香，而成個芒果糯米飯係即叫即整，所以糯米飯送上嚟仲係熱辣辣，煙煙韌韌好好食，真係還原泰國嘅風味整體嚟講呢一間舖頭嘅性價比都好高

呢間泰國餐廳，超有驚喜。真係好正！－定要推介👍🏻1）冬陰功海鮮湯金邊粉配有大蝦大蜆嘅冬陰功湯底，酸辣得嚟好開胃，配料亦都好新鮮。金邊粉煮得啱啱好。色香味俱全。好抵食。推介👍🏻2）泰式燒雞半隻雞皮燒得香脆，肉質嫩滑多汁，好有炭燒香味。點埋個自家製泰式辣醬，真係好惹味👍🏻👍🏻👍🏻係好食到停唔到口果種👍🏻3）酸辣豬頸肉生菜包豬頸肉燒得香口，酸辣味好平衡，生菜碧綠新鮮爽脆。配合豬頸肉一齊食，口感清爽得嚟又唔會太膩，好好食。4）泰式蟹肉炒飯勁多蟹肉😻份量足，炒得好夠鑊氣，飯粒分明。仲有啲蛋花。食落好香口，滿分👍🏻餐廳的裝修好有特色好chill。而且上菜速度理想。每碟餸都好有水準可以熱辣辣一齊食。❤️ 泰國菜水準好高好地道。份量都夠，價錢合理。Menu仲有好多唔同嘅選擇，真係好值得推介❤️👍🏻絕對值得再嚟！

門外貼滿餐牌，價錢合理，望落吸引見餐廳坐滿食客，就決定試下排一陣隊原來由泰國人主理，菜式味道就更加正宗🔅泰式柚子沙律 $79滿滿嘅酸酸甜甜清新味道，夠晒開胃🔅串燒拼盤（3串）$49豬雞牛每款各一，帶有炭香燒烤風味🔅正宗泰式烤魚 $159採用鹽燒嚟烤魚，魚皮脆卜卜，可以成塊掀起而底下嘅魚肉，係非常嫩滑而且無咩細骨，啖啖魚肉，食得方便極力推薦👍🔅泰式炒寬粉（海鮮）$78寬粉口感好特別，有少少Q彈感覺配菜有鮮蝦同魷魚，仲有蔬菜同炸蒜香口而且有充滿鑊氣🔅菠蘿炒飯（海鮮）$78鮮蝦、魷魚、青口，加上肉鬆果仁同提子乾鹹鹹甜甜，又有幾重口感而佢用嘅提子乾係大粒青提比起常見黑色提子乾會再甜d同juicy d

我今日放工後，約同好友去位於長沙灣元州街162號地舖的《美味的泰國菜》食晚餐，環境舒適，小店型式經營。我地點左：泰式柚子沙律 $79燒豬頸肉飯+煎蛋 $75香芒大蝦炒飯 $75泰式明爐鰂魚 $189泰式柚子沙律好惹味，柚子酸酸甜甜，4隻蝦球結實彈牙，沙律菜新鮮甜美，好醒胃呀；燒豬頸肉飯+煎蛋份量不少，豬頸肉皮脆肉嫩又香口，煎蛋好味；香芒大蝦炒飯係大份量，蝦肉好味，芒果肉鮮甜，成碟炒飯口感豐富👍；泰式明爐鰂魚在檯上煮滾後才進食，面頭的肉碎伴菜豐富，魚肉鮮嫩，好味又好食。

深水埗平民天堂，親民街頭泰國菜由泰國 青萊既一對年青夫婦夫開既一間小店餐廳座位不多，週末場景爆滿充滿懷舊氣息·上台食物用到老式鐵盤上味道「正宗」好貼近港人口味Lunch小食➕💲1️⃣5️⃣/up炸雞翼| 泰式炒通菜|泰式酸辣鳳爪～入味爽脆，味道甜、酸、辣炒金邊粉(豬/牛/雞)~ 揀咗雞肉充滿蛋白質少埋素料，粉多過料真係冇得輸，唔油又好鑊氣，微微茄膏幾開胃船粉河(豬/牛肉)～揀咗牛肉另配料牛肉丸、脆豬皮、肥芽菜及通菜等…幼幼滑嫩粿條吸收牛血湯頭淡淡濃郁微辣，好好飲！芒果糯米飯選用香水仙芒清甜個糯米飯熱辣辣淋上椰漿，口感軟糯米香青檸梳打｜泰式奶茶～茶味重，唔會死甜

今日去了長沙灣，朋友介紹一間抵食又好味的泰菜。小小餐館好滿坐！我們點了碎肉生菜包$79串燒拼盤（3串）（豬/雞/牛）$49綠咖哩雞$72大蝦炒金邊粉$72蒜蓉包 （4 pcs）$29椰汁三色冰$38碎肉生菜包$79菜新鮮鮮嫩，碎肉酸辣，生菜爽脆。串燒拼盤（3串）（豬/雞/牛）$49燒得剛剛好，好好味！綠咖哩雞$72蒜蓉包 （4 pcs）$29好清新的香料味！不辣滿滿的椰香，配蒜蓉包😋😋😋好好味！香香脆脆的蒜蓉包。大蝦炒金邊粉$72好靚蛋皮包住金邊粉，大大隻蝦爽口彈牙！炒得好好味！椰汁三色冰$38大樹菠蘿絲，綠色條條，好足料又大杯！

🇹🇭 好味嘅泰國菜 cheung sha wan長沙灣抵食平民價正宗泰國菜✨佢哋嘅串燒燒得非常惹味，唔會燒到乾晒，配埋佢哋嘅特製沙嗲醬，超級好食價錢仲要唔貴，大家記住試吓佢哋嘅雞全翼🥰當然仲有泰菜必點嘅冬陰功湯，冬陰功湯非常濃味，酸酸辣辣，夠晒開胃另外佢哋嘅招牌菜 正宗泰式烤魚 肉亦都非常有特色，正宗泰式烤魚肉夠晒Juicy，好惹味🐟🐟鍾意食咖喱嘅可以叫咖哩炒軟殼蟹 ，造型非常特別，泰皇咖喱好惹味，最好叫埋蒜蓉多士，用嚟點咖喱食一流食泰菜當然要飲泰式奶茶啦，呢度都整得唔錯，整體嚟講都非常抵食又好味，鍾意食泰菜嘅不妨過嚟長沙灣試吓呢間美美泰國菜餐廳食物餐牌種類繁多📍交通方便 開放時間下午十二點至下午三點 同埋下午 6 點至晚上 11 點(星期三閂門)

唔洗特登入去九龍城，喺長沙灣都可以食到地道嘅泰國菜！呢間美味的泰國菜係由泰國人主理嘅餐廳，主打各式各樣嘅泰國街頭美食～正宗泰式烤魚💰HK$159烤魚採用咗鹽燒嘅方法去烤，表面有一層厚厚嘅鹽！魚皮烤到香脆可口，內裡嘅魚肉保持到果種嫩滑多汁嘅口感！就咁食已經食到魚肉嘅鮮味，點埋旁邊嘅泰式醬汁，更開胃～泰式炒寛粉(海鮮)💰HK$78有大蝦、魷魚等多款海鮮，另外仲有多款脆嫩嘅蔬菜！寛粉滑嫩Q彈！整體味道微辣又有鑊氣，令人回味無窮～泰式青木瓜沙律💰HK$65青木瓜沙律爽口脆嫩，酸酸辣辣好清新！仲有花生碎碎、腰果同埋紅蘿蔔絲等配料，口感充滿層次感～芒果糯米飯💰HK$58芒果係用咗新鮮嘅水仙芒，清甜又多汁！糯米飯暖笠笠而且口感煙韌，表面仲淋咗一層椰奶，味道經典～呢間美味的泰國菜，真係冇改錯名，食物正宗又好味👍🏻～