美味佳

营业中

休息中

#美味佳 delicious and goodits very old store. eat it 10 years ago. i dknt know how old is it. needa ask my whampoa friend. it just moved to new location with exactly the same renovation and layout. seats are increased 1/3 very big now. can contain more ppl.the boss bbqing is a fat lady. just like our Maria Cordero, a very high pitch singing in hong kong who can sing and dance and also a plus size model.that why we call her 肥婆❤️but remember dont call this name in front of her. she will get mad and ma

價錢平，反應質素（食物服務兼備）。生意長期唔優做，由其星期五、六晚。人多要排隊，門口先落單後派籌，入座不能加單，食完早早離場。車仔面好抵食又包嘢飲，不過一杯唔夠飲。蛋炒腸粉真心正常ok要試。其他普遍食物正常，有炭香味，不過現場應用電爐燒。最有印象，燒茄子濕潤juicy。錫紙花甲乾身收汁兼送沙。環境似舊式茶樓感覺，鐘意感受氣氛一定要嚟。搭枱、懷舊音樂、結識新朋友（同隔離傾偈鬥大聲，聽晒隔離講嘢）。真心平，唔介意排隊，等食，食完快走，必然一試（有晒心理準備就無問題）。

心心念念的混醬腸粉！上網搵紅磡腸粉，見到呢間「蛋炒腸粉」，原本覺得會好濟，又唔會喎！炒過嘅腸粉更加香！呢間「美味佳」新鋪一開時，已經吸引我注意👀 一開張時，門面未貼食物相，睇唔出食咩，但已經好多熟客仔，應該由舊鋪就食開！原來我搵嘅「蛋炒腸粉」就係呢間👅👅好多款串燒，只係試咗雞軟骨、司華力腸、翠玉瓜、娃娃菜，十分滋味🤤🤤 去多幾次先試得晒！小食店嚟講好大間，堂食好多位。附近仲有間外賣嘅👍🏻

今日宵夜時段嚟到呢間紅磡區出哂名嘅串燒店😆估唔到呢個時間都會咁多人🫣不過好彩店內座位都多，所以都唔算等咗好耐就入到😁😁都係第一次堂食呢種舊式串燒店😙兩位姨姨一路都好落力燒🔥呢度唔會一次過出哂你點嘅串燒，而係燒好一串就放一串喺你隻碟😂😂唔洗驚攤凍咗，有種等餵食嘅感覺🤣氣氛幾熱鬧幾特別😌不過如果時間唔充裕嘅就要留意😉嚟呢度真係可以豪食😆瘋狂叫都係食咗200蚊🤩🤩不過落單前要諗清楚😌因為加單應該會有排等🫣所以姨姨落單前都再三問多次夠唔夠食😂招牌燒雞全翼 ($13)整體來講都好好食😋炒腸粉外面焦脆，內裏嫩滑😋串燒又香又惹味😆最驚喜係燒娃娃菜🥬平時最怕燒菜燒到乾柴，但佢仍然爽脆多汁🤤仲有雞全翼🍗大大隻又香脆多肉汁，果然係每枱必叫之選👍🏻蛋炒腸粉 ($20)煙肉腸 ($16)燒雞肉 ($13)牛肉 ($16)豬頸肉 ($16)雞腎 ($12)雞軟骨 ($12)肥牛韮菜卷 ($16)翠玉瓜 ($11)娃娃菜 ($11)雞脾菇 ($11)燒菠蘿 ($11)

美味佳搬左新舖位，大左好多，乾淨左，感覺佢通風都好左，都係老闆娘親自係入面燒。星期四夜晚去，唔算好爆，唔洗等位食物質素依然good，性價比高，兩個人食，二百蚊唔洗。牛脷、雞軟骨、蛋炒腸粉都係我必叫，佢新鮮燒出黎，真係好好味。特別係雞軟骨，我鍾意佢唔係好多肉連住粒雞軟骨，好脆。蛋炒腸粉脆，蛋就嫩，加埋個combination好正。牛脷就建議一定要趁熱食，始終係平，一凍就會比較硬。另外推薦佢個雞肉、雞中翼、雞全翼組合，30蚊3串好抵（不過今次小辣都好辣，老闆娘好似辣粉落重左）

作為一個幫襯咗四年嘅客，搬左新舖地方大咗，廚房照舊都係一個姐姐做。 閒閒地兩個人食，食足兩個幾鐘啲嘢都未嚟齊，真係好難攪🤔但依然會繼續支持小店💪🏻希望下次過黎已經解決到遲上菜問題👍🏻