影片
当初嚟到荃湾生活，因为见到门口餐牌手字好靓（系老板娘嘅手笔！），吸引咗我入去食，就系咁一食就食咗几年。我喺荃湾咗耐，就食足美伦咗耐，当一个月食一次，计返我都食咗几十次。如今美伦唔做了，要荣休了，我好伤心，冇谂过美伦会先我一步离开荃湾。美伦嘢食味道唔算顶级超卓，近年奶茶淡过以前，但系整体都系好食，而且风味同个性十足，有旧式卡位，又有个粉面区。唔似近年好兴𠮶啲新派冰室咁一式一样咁闷。最吸引到我长期食嘅系人情味，老板、老板娘、楼面姐姐都好好人，对我好好。食得多佢哋认得我，每次我路过舖头门口，佢哋都会同我打招呼，但系冇压力嘅，唔系say完hi就一定要帮衬，我都成日hi完就直行直过，佢哋都冇乜嘢，真系纯粹街坊式咁打招呼。个人最爱煎肉饼饭，份量唔多，但系厚度适中，皮脆肉香。咕噜鸡球饭，唔系咁多茶记嘅午市快餐有咕噜鸡，通常呢啲系晚市小菜先有架嘛。美果鸡扒肠仔饭，美果即系有啲杂果咁解，几有趣福建炒饭大大碟，啲汁闪令令咗卖相好吸引（虽然粒蟹柳系cheap货，不过茶记系咁架啦，仲想点啊？），我食到一粒饭都冇剩虽然好唔舍得美伦，不过可以开心退休都系好大嘅福气，祝老板一家健康快乐💞
继续阅读
知道美伦做埋今个月～拿拿声要去食多几次我最钟意喺度据扒～好味够经济～又唔洗点等位～个罗宋汤去亲必定要饮，加啲辣椒仔落去，真系好好味架啲晚餐都好底食～份量够晒～各式各样都有好多选择，加$3蚊仲可以level up杯嘢饮添～岩晒我哋呢啲草根～虽然装修旧式啲，但最紧要佢整体啲嘢食都好味。喺荃湾区屹立28真系唔容易～食埋呢个月就要拜拜啦呢区又少咗一间老店啦～真可惜唔好睇啲亚姐个样咁恶，其实都有风趣一面～好唔舍得呀
继续阅读
今天星期六周末又来到这里吃过早餐后才出外跑步兼晨运，但见老板于收银处贴出31/8 荣休，结朿其28 年经营的餐厅，有点愕然，我搬来荃湾短短2年，食过好多餐厅，美伦不是最好，但是每次见到老板，老板娘，太子爷都好好客，好有礼貌，每天都精神奕奕落力地招呼客人，倾吓闲计，吃过就好想再回头，今天虽然有点好可惜，以后不可以来此餐厅吃餐，但都戥老板高兴可以在身体还是健康的时候退休，享受人生之后多姿多彩嘅退休生活，可喜可贺。
继续阅读
一间有人情味的港式茶餐厅。赞！进入餐厅后第一个感觉就是老板及店员，非常非之有礼貌，价钱公道座位舒适。令我最难忘的就是有一位茶客，他应该忘记带银包，付款有点尴尬，但是老板跟客人说，下次付下次付不用急。这就是香港70.80年代茶餐厅的人情味的感觉，今天重新再现了！加油呀！支持香港原味道！
继续阅读
咁啱去朋友去屋企经过，又钟意试d比较怀旧嘅茶餐厅，所以就拣咗呢间野试一试。牛腩同牛筋系做番传统茶餐厅既味道，好耐无食过！牛筋有入口即溶既感觉😋😋会再过黎食。
继续阅读