美臨至尊小㕑

营业中

休息中

難得來到元朗。試下這家小菜的餐廳，餐牌都多選擇。小菜的款式很多。選了一個四餸套餐。好似都係300零蚊。四個人食都底。牛河都吵到有鍋氣那種口味。即叫即炒 份量很夠！評價美味之選。

家人突然話想出去食，我地就隨意選了一間餐廳。去到樓面先比我地飲例湯，味道唔錯 。每個小菜都有個白飯。我地之後叫左幾個菜，好快到左。好香好送飯，好快送飯都食哂 。食到D小菜好有鑊氣，超有打冷味道 。呢度勝在位置舒服，冷氣又夠 。每人$78 飽心滿意足感埋單。個人認為，晚上最抵 ，每人唔洗 $100 就可以食到有品質的小菜 。

位於元朗水車館街嘅「美林至尊小廚」，係正往上水紅色小巴站對面。橙色店面，十分搶眼。一間種類繁多嘅餐廳。門面及店內都十分寬闊，坐位不少，環境衛生舒，仲有電視睇添。一心來試佢嘅「招牌客家碌鵝」，因為只有兩人，所以叫了份例牌。一入口陣陣香味十分濃，鵝肉嫩滑不韌，都係冇揀錯。聽老闆講個鵝汁是自家製，但味道真係唔錯！依家傳統食物真係買少見少，值得一試。除了碌鵝，仲有秘製醬油鴨、麻辣雞煲、牛坑腩煲。另外仲有特色烤魚、估吾到連海蜇芝麻手撕德國豬手都有。酸菜魚係用一個大沙煲上，份量大概夠三至四人用。店舖還有其他特色小炒，例如一字骨、拔絲生炒骨等等。連潮洲蠔餅及海鮮都有得選擇。碟碟分量十足，而且都係即叫即煮。食物種類真係十分多元化，價錢亦經濟實惠。吾止咁簡單，佢上午有港式早餐、茶餐。一般炒粉麵飯有吾止，又估佢吾到仲有火鍋配料添。如果不是因六點後未能堂食，這餐廳很適合一般家常晚餐聚會之選。最後埋單又有發現，舖頭仲可以預訂圍村盆菜，用料十足又傳統。新春家人團年、與親朋戚友做節，訂番個盤菜就十分正了。

今日發現屋企附近水車館街這間美臨至尊小廚，原來唔只係茶餐廳，仲有好多少菜打邊爐.....嘢食選擇超級多喎！餐廳算大．裝修簡簡單單．好平民化,店員好nice呀😃除咗早、午、下午茶、晚餐之外．價錢好優惠．晚餐四五十蚊有交易👍👍仲有好多特色小菜．家鄉碌鵝唔係周圍食到㗎😜點咗碌鹅例牌-$138一上枱,熱辣辣🤩鹅香濃郁．個醬汁調得非常好🤗有家鄉的味道,肉質紮實,唔會太肥,客家名菜．正👍👍咕嚕雞球$85炸粉很薄．雞肉嫩滑．用上新鮮菠蘿我其他配菜．酸酸甜甜非常開胃,好有鑊氣呢😬😬叫咗個晚餐大澳炒飯$45送咗好大碗例湯．非常足料!炒飯份量超多,應該有五小碗,炒飯粒粒分明．非常乾身好香口😍有驚喜嘅一間茶餐廳小廚,遲啲等役情過後,一定帶家人試下．有幾張圓枱好闊落好適合大班人👍👍😎

在大棠觀賞完紅葉後，坐車出元朗市中心，在區內找地方吃晚餐。落小巴後由大街走到內街，行了一圈，看到這間餐廳，有合口味的晚餐，價錢也算合理，就決定入內試試。西芹腰果雞丁 $60份量頗大，除了西芹丶腰果丶雞丁之外，還有一些燒腩肉，小菜套餐附送中式例湯及白飯一碗。例湯有合掌瓜及雞腳，雞腳腍身好味。枝竹火腩豆腐飯 $68這個份量也不少，但火腩味道過濃，感覺很膩。我們決定日後在元朗區行山後也可考慮到這間餐廳用膳。

上次同屋企人經過既時候。見到呢間餐廳，但仲未開。一個月之後既今日再路過。咁就試試你啦！新開無幾耐新同乾淨係基本。一入去就有卡位。夠哂闊落！好難得坐得咁舒服。早餐我就不嬲食得吾多既！所以叫返我平時鐘意既西式扒餐。我本身叫左個雞扒配煙肉加熟蛋既。圖入面個塊豬扒就係屋企人俾我既。豬扒一口咬落去係有口感！而吾係一pat野咁，夠味又吾太咸！雞扒就不了，因為仲有雪味。其實仲有塊多士！但已經俾我食左！飲左杯熱檸茶！吾會苦！夠茶味！支持小店！goodgood！