羊城火鍋海鮮酒家 (已結業)

今天為食之友聚會, 選址在屯門區, 對眾人來說, 屯門始終不是一個方便的地點, 都選擇來這裡, 是為了吃這裡的片皮鴨(北京填鴨)呢我們點了北京填鴨 一份量。填鴨肥瘦適中, 皮脆肉嫩, 油香滿滿。用薄餅皮包著片皮鴨、蔥、青瓜, 充滿油潤鴨香, 蔥和青瓜增添了清爽, 整個就是很夾。蜜汁叉燒當然是我們必點之物。這裡的叉燒是甜，吃起來還有點豉醬的味道。這裡的叉燒應是老式做法，最出色的還是那淡淡的烤肉香味。肉本身帶半肥，肉質完全不腍，仍然保持了相當的口感，屬越嚼越有味的一類。吃這裡的叉燒，配上一杯香茶，不知人間何世。

本人8月26號夜晚黎食晚飯叫左個片皮鴨，跟住就一個豉椒炒蜆 正想食隻片皮鴨果時 就聞到隻鴨比D千年油整過咁 都算 之後碟炒蜆D肉質真係唔新鮮仲有隻鴨問我 你想隻鴨涼瓜炆定係茄子炆我就同朋友話茄子炆 一出到黎又黑又有陣臭油味 唉 即係你平都唔好做到咁樣

11/7早上夫妻二人特想飲中式早茶，便到家附近經常光顧的屋邨商場酒家飲茶，剛到富泰邨羊城火鍋海鮮酒家門口，眼見門口並無其他食客等候，亦無接待員接待，所以直接步入酒家內找侍應揾枱！隨即一位姓郭的女侍應把我倆帶到已有食客的枱前，我亦表明唔想撘枱，那位女侍應便以不禮貌的語氣回應我："全場要撘枱喎"，我亦再次表明唔撘枱得嘛？佢亦用剛才的態度及語氣回應我多一次，之後我沒有理會她便在那張枱附近找到另一張食客已離開的"吉"枱坐下(因當時酒家內的入坐率只有九成左右)！坐下後另一位侍應便前來執拾枱上碗碟便問飲邊種茶！我答：普洱！接著一位姓邱的男侍應上前幫忙執拾碗碟，我眼見他身穿不是制服的西裝，心想應該是酒家的經理吧。便問他：你們酒家是否全場撘枱？他便以不客氣的語氣及不耐煩的態度回答我：全場要撘枱喎！之後我續問：如果不撘枱又如何？他便開口回答：如果不撘枱就須給其餘多出的兩位茶位費用(因我倆當時是坐四人枱的)！那時我隨即答應他：照寫四位茶位及斥責他：如果你們酒家有這種制度的話可向客人表明吖，無須要用這種不禮貌的語氣及態度回應客人吖！之後那位自稱經理的人以不服氣的態度叫那位女侍應寫上四位茶錢！最後我倆在一肚氣

位於屯門轉角處的羊城，中式點心價廉物美，想不到她們的海鮮也可以這麼精彩，也吸引了不少人慕名來一試。 中式餐廳羊城的芝士龍蝦麵，把奢華平民化，鬼馬。原隻的波士頓龍蝦，半埋在芝士麺內，金黃亮麗。個龍蝦是立體的，因為他們竟然將大大隻龍蝦放在麵上面，給客人足料的感覺，原隻龍蝦就一定不能呃秤，視覺效果亦有驚喜。爽彈的龍蝦肉、濃厚的芝士香、麵吸飽龍蝦汁的鮮味，是豐富的好滋味。上碟後的龍蝦，是紅色鮮艷的色彩，配合芝士的濃湯。怪不得美味來得如此有深度，啖啖都是百隻龍蝦的精華。

我自己住天后，男友住tuen mun~平時係港島飲茶行2步就係，但去我男友度就下下都要搭車出市中心~想懶都唔得~不過自從發現呢間又平又好食既茶樓~想懶就可以懶了~樣樣都唔錯~蝦餃真係冇得彈~!~!$9.8,啖啖蝦牛肉球好彈牙~而且食到陳皮香~蒸飯d飯係一粒粒，料都算多~豬肚燒買，豬肚淋，肉新鮮~!小籠包，正常味，價錢超值~牛柏葉~呢個好正好多蔥同芹菜~蝦餃都有2籠，食左咁多，總共9碟野，埋單$144~平到恐怖~最緊要係好食!

話說此商場這些年來只有一間酒樓，而且經歷數度的轉手，到近日換成這一間羊城酒樓。根據以往經驗，這一位置的酒樓質素好不了那裏。生意不佳的關係，菜式選擇少，偏貴，最重要的是食材不太新鮮。不過，羊城酒樓的出現或許會帶來一番新氣象。因為此酒樓在屯門另一區開設酒樓多年，也有一定口碑。便有了一試的信心，而事實上火鍋表現也算穩打穩紥的。這天一試它的晚市，雖是閒日，晚上八時有七成滿，光顧晚飯的人比火鍋的多，這次就試試晚飯小菜吧!翻看餐牌，不難發現羊城走的是傳統酒樓路線。都是傳統小菜，也有好些80年代流行的小菜，如北京填鴨、冬瓜盅。最吸引的是閒日有好些超特價優惠，$48的蒸多寶魚、$19.8的炸子雞、$29.8的生炒骨，一定要試!先上桌的是德國咸豬手煲($75)是煮過了火之故，豬手過於軟淋，口感一般。醃得太久，豬手咸味有點過，脂肪也太多了，感覺十分肥膩。黑椒汁帶點點醬油與酒香，還加了點洋蔥作點綴，味道還可，是白飯的良伴。緊接着便是炸子雞($19.8)，足有半隻的份量，好久未遇過這種「超級優惠」了!只是十來元的菜式，雞件卻排得工整，與正價的小菜無異。雞肉算是滑溜，最驚喜的是炸子雞的外皮十分香脆，是剛炸起的。

屋企樓下的新酒樓閒日去飲早茶, 11點前都幾抵食. 今日食左一碗皮蛋廋肉粥, 只需3.8, 梅菜肉餅飯, 只需9.8, 仲有牛肉同埋春卷, 見隔離有人食鴨腳扎, 又叫左一籠.碗粥唔係好大碗, 但係都有些皮蛋同埋肉的, 粥底都綿身的, 好味呀. 同埋真係好抵呀. 飯都足料, 有南瓜, 梅菜都香, 肉餅. 唔細碗的, 飯都乾身, 唔會好淋的呀. 好味道呀.牛肉OK, 唔會好粉身, 都算實的, 春卷好香口, 入面有些蝦的. 熱辣辣炸起架.鴨腳扎, 入面舊肉都唔會好肥, 有芋頭, 鴨腳都幾入味, 唔會好淋, 過熟.

來了這間酒樓飲茶, 裝修都好豪華的, 感覺大左好多, 都幾多人呀, 等左幾個字就有位呀.我們點左鮮竹卷, 灌湯餃, 燒賣, 蝦餃同埋綿花雞.星期日的下午茶都唔係好平喎, 尤其係特點, 好貴, 要28.8. 那蝦餃同埋綿花雞都係特點添呀. 不過味道都幾好的, 鮮竹卷都好味, 好香及入面都好豐富的料, 唔係只有肉呀, 灌湯餃都幾抵11.8, 閒日仲抵5.8炸, 都OK喎, 唔會好細, 熱辣辣, 入面有蝦, 肉, 蟹柳, 有些素翅添呀, 都幾好味, 唔會冇味.燒賣好似係精點, 唔平的, 但都大粒, 同埋有些蟹子, 唔會好肥, 有蝦, 肉, 冬菇絲. 蝦餃大大粒, 皮都薄的, 都爽口, 好味, 綿花雞反而係最唔抵呀, 魚肚只有好少, 同埋幾件大大件的雞, 冬菇, 蟹柳. 味道OK的.不過我鍾意多D魚肚囉.

琴日同屋企人預祝媽媽生日，見佢新開張又係正屋企樓下就落黎試下。未入去已經覺得價錢＄１２８唔平，所以期望都幾高。點知入到去，所有野自助（但個碟勁細要分好多轉行），加上野食勁少種類，（真係大概得二十種）連肥牛都無，一有人ｒｅｆｉｌｌ就比人搶晒，（但唔好味，拎左４盒食足２個鐘先食得完）所有食物睇落都唔多新鮮，加上佢啲肉係一堆堆擺埋一齊自己夾，睇上去有少少核突，另外好多菜類都有少少黑邊，要用心揀先揀到啲比較正常既菜肥牛太肥唔係幾好味，所有食物食物既賣相不太吸引，味道正常偏差，只能算係好普通好普通，感覺上係屋企買料打仲會好味少少另外，又無甜品又無其他熟食等等，如果咁既價錢只係得咁少野食，我真係寧願搭車出去食牛一或者去東城，遠少少但食得開心起碼食物多種類好多又好味好多。服務態度還可以。見到有人唔打邊爐嗌餸食，感覺上抵打邊爐好多。成餐飯不停覺得唔抵都唔開心，建議大家去食都唔好去打邊爐。。。。。。