羊城火鍋海鮮酒家 (已結業)

平时一直都帮衬开，饮茶晚饭都满意，不过估唔到上得山多终遇虎，平时食开晚餐都系6只，今次得四只，唔紧要小有小食，卖相又差，有一只重要剪开左一半，谂住问下经理，佢竟然答我系咁，一桶有多有少，咁你地采购都几有问题，咁如果下一桶得两只又拎出黎？158蚊得4只真心有啲过份…查看更多

今朝同老公饮茶 见门面ok突登行远d黎呢间饮去到我地自己主动量完体温 行去reception想拎位个收银示意叫我地行入去 咁我地就自己揾位啦点知入到去开埋茶 就话我地唔拎筹🤷🏻‍♀️本身都算啦无野谂住算个经理仲要态度西到系度单单打打系我地前面讲 做左影响人嘅野就要讲唔好意思架啦咁样你自己酒楼安排得唔好 仲要系度西态度仲要野食又唔好食又贵叫个咸水角 入面d陷少到完全系通隆个皮又硬又厚棉花鸡个样就颓到咁几个点心 两个人食左百五蚊价钱都唔系问题 态度真系好西酒楼多人要搭枱无问题 但正常都系重铺第二张枱布set野先坐落黎 俾个心理准备人无啦啦食到一半有个呀婆坐埋黎我真系黑人问号 咩事呀依加 白撞呀？d态度同服务真系好唔得 野食仲要唔系好事 一无事处 以后都唔会再帮衬 出屯门食都好过食呢d垃圾…查看更多

餐厅限聚令，想饮下茶，唯有买返屋企食啦。虽然系屋村酒楼，但食物质素中上。虾饺有大虾，味道唔错。皮就差少少，会夹烂的，而且冇荀丝。烧卖最值得赞，料足，包得好实，唔系比肥猪肉𠮶d。呢个价钱系高性价比山竹牛肉够大粒，但冇乜牛味肠粉冇蒸到散，样靓仔的。味道合格，原只虾每条有2-3。肠粉系厚的，中意食薄/晶莹剔透的就唔系咁啱呢间屋村酒楼比好多连锁酒楼都做得好，当然顶级就算唔上了。疫情下质素都冇话退步，呢点令我想打篇野支持下佢酒楼的老员工，服务就系屋村质素。…查看更多

下午同朋友去饮茶，拣左呢间酒楼。佢午市有张蓝色纸，系平d既，叫做「平点」，咁我地就紧系叫晒「平点」黎食啦，都系有质素架！首先讲下个五式点心拼盘，21蚊，但有齐烧卖、虾饺、菜虾饺、鸡仔包同埋黑糖糕，真系好抵食！而烧卖同牛肉球都好大粒，都系十几蚊一笼，又好食，所以价钱黎讲真系唔错！至于个XO酱萝卜糕，一个字：好食！不过奶皇包就争小小啦，因为佢唔够流心，有少少「结」既状态。而我就最中意佢个烧腩仔同贵妃鸡双饼饭。烧腩仔外脆内软，加埋个酱真系不得了；仲有个排骨凤爪饭，都系好食，同埋大兜！整体黎讲，呢间酒楼系唔错，值得去！…查看更多

因为有亲戚住附近，所以过黎呢头食野，老人家想饮茶，附近只有呢间选择。都唔系第一次食，不过有时真系忍唔住要写一写食评。佢d櫈劲污糟，所以我都忍唔住要换左佢。食物选择唔多，见有麻蓉包都几特别，但原来劲甜，炒米粉好油，煎薄饼劲咸、咸到入唔到口，牛肉球食到好多肥肉，肠粉好一般，蒸银丝卷仲有趣，同蒸馒头系完全无分别架，唔似正常个d中间系应该带一丝丝的！即系无竞争就无进步，希望呢头可以引入多点食肆，使呢间酒楼可以改善一下。…查看更多