羅麥記 (青衣城1) (已結業)

一個人下午茶餓餓地，想食啲茶記feel既青衣城又無乜選擇，經過羅麥記見啲下午茶餐都有十幾款，但價錢確實唔算吸引。 五香肉丁炒公仔麵 $60外表正正常常，份量都唔算少，洋蔥、蔥段、芽菜、肉丁都有齊，平時茶餐廳肉丁只有幾粒，呢度算唔錯，唔只幾粒甘少。味道夠香濃，辣辣地幾惹味，60蚊黎講都算可以。 熱咖啡（跟餐）正正常常。 餐廳冷氣真係比較大，飲品一到好快就吹到凍晒，可惜温度不能調較。

今日真係覺得凍！ 青衣城仲要近住個海好cool ! 一諗就諗要去食鐵板！ 有無人同我一樣想食什扒🤗🤗夠哂暖胃滿足！！黑椒汁唔夠可以搵店員添~~見到今日既晚市特別多人！！

叫左個晚餐，一開波個姨姨已經好似唔識落單禁樣，問同事問左好多次先落到張單，眼見隔黎遲過我地黎都已經有野食，我地都仲未落到單。而個餐話包例湯，個例湯可以轉熱飲，跟住加10蚊可以要杯凍飲。到收錢時，杯凍飲變左20蚊，話因為你唔要個例湯，所以已經送左杯熱飲比你，杯凍飲要收正價喎。我話你個熱飲個餐包架，幾時變送呀！？餐牌唔係禁寫喎！佢話可能佢寫得唔好啦，跟住好悔氣話我同你反影下啦。仲有，個臘味炒芥蘭，臘味有油益味，芥蘭又炒唔熟嘅。

為咗要買聖誕禮物俾小朋友，所以去咗青衣城，因為呢度有好大間嘅奇趣天地❤️去到已經7:30pm，剛好要到晚餐時間，所以先醫肚，再去買玩具🥰🥰🥰其實青衣城好多餐廳選擇，不過最後被呢間嘅裝修吸引咗入去！我地三個人，唔太餓，所以叫咗個二人餐，可以叫4個餸加兩碗飯，我地叫咗沙拉豬扒，蜜桃咕嚕肉，羅麥記雞翼同芝士牛肉蔥油餅卷。。另外爸爸要湯，我就加錢要熱奶茶☕️一望見個飯，已經知道水太多，一patpat ！因為個飯太難食，我地主要食餸，個蜜桃咕嚕肉最好食，酸酸甜甜，所以都可以勉強食幾口飯😂沙拉豬扒都唔太差，可以一試！食咗呢兩個餸，已經好飽，所以爸爸食埋個羅麥記雞翼同芝士牛肉蔥油餅卷，爸爸對個雞翼就麻麻地，可能浸太耐？！🤔不過值得一讚係個裝修，真係好特別👍🏻👍🏻

青衣城大部分都係集團形式嘅餐廳，都係普通醫肚多，今次搵食去羅麥記簡單食個快飯。叉燒通粉 炒蛋多士 3/5常餐就係早餐，叉燒通當午餐食都夠飽肚，叉燒係半肥瘦部分，誠意十足，唔會係乾柴烈火既質感，但又唔會太淋身，通粉都係普通批發野。炒蛋有牛油香，無腥味，配多士唔錯。🤓🤓地點:青衣城1期2樓，附近仲有唔少商舖餐廳，食飽行街又得。環境:好欣賞佢既裝修風格，將90年代既經典電影放係牆上面，有發哥、李小龍、包租婆等，玩味十足既燈牌同裝飾物，影下相都唔差。🤭但同隔離枱好近好迫，無乜私隱度。價錢:食個常餐都要60幾蚊，我覺得貴左啲，佢午餐仲要70幾蚊，真係當人入青衣無得食要焗住食🤣🤣。服務:侍應聽錯我叫既野飲，送錯熱飲比我🤣。但上菜快，反應快幾好。

見到個晚市小菜，魚香茄子（90蚊）同埋張相諗住係煲仔上啦，嚟到白碟既，唔係丫！？問職員回覆咁冇啦！照食，妖食落啲茄子去都未（諗）。再食多幾啖，又無鹹魚香，剩係得個濃味（多鹽多油多糖）有冇用煲上真係差好遠90蚊都係下價貨式

有一天，為了幫小朋友買學習要用的東西，輾轉地來到了N多年都未踏足過的青衣城。買好了東西，小朋友又在商場辦的活動滿足了玩耍的慾望。而時間也不經不覺地到了可愛的3點3，也就是下午茶的時間。就在老人家坐下休息的那一層，我們看見《羅麥記》的下午茶好合大家的心意啊。店內大大隻字寫著 "全院滿座"，的確是 "全場滿座"。我們要係門口等一等位啊，幸好不用等太久，就有職員來帶位入座了。全院滿座，外母一見到就感嘆地說，好耐冇見過 "全院滿座"了。我也獨自地慨嘆，香港的電影，已經沒有80、90年代的風光。之後，我同外父、外母同太太三人，就去一一把畫中的明星、演員認出來。說什麼黯然銷魂飯/麵，我們來個蔥油叉燒咸牛肉蛋撈丁同樣咁開心。咸牛炒蛋，甚有早餐 feel，用來撈麵好食，但我總覺得，咸牛肉蛋用來夾三文治更佳。叉燒算是好，蔥油又非常香，令到這一個麵好香口，好好味，但同樣地，好似好油好不健康。香蕉花生醬西多士，看起來就同一般的西多士沒分別。但吃起來，在多士的內心多了香蕉的甜同軟綿綿口感，很是得別。炸得香，內外也甜美，我們吃得出，這是一片很有水準的西多士。炸雞脾拼沙律，雞脾同沙律兩者都是主角。生炸無沾粉的雞脾

冷氣極大，連侍應都要著north face外套，雞扒食到一半已經吹凍咗，全家著晒外套都頂唔順，因為有細路喺度唔想冷親，我地未食曬已經起身離開。服務態度差，要求侍應較細個冷氣，侍應只回應這是商場設定無得改，所有餐廳都一樣，冇意欲解決，亦沒有同我換位，令我極度懷疑，此店志在用大冷氣趕客，因為餐廳本身已經排得密密麻麻，門口依然要排隊奶茶難飲，只有苦澀，沒有茶味，企圖多奶冚住啲澀味叫左雞扒腸仔飯，瑞士雞翼撈通心粉，味道正常總結：無下次，完

下午茶時段見到羅麥記有位就入去啦選擇算多，除了下午餐，仲有午餐可以點選三個人一人一set!招牌滑蛋叉燒飯 + 熱美祿滑蛋夠滑，入口嫩滑，但叉燒好韌好乾好鞋口，飯又有點生硬，除左滑蛋同叉燒，仲有洋蔥，為飯添上洋蔥香。芝士脆腸肉醬焗意粉 + 凍檸茶脆腸真係夠脆，可惜係肉醬意粉質感太淋而蕃茄肉醬味道就有點太濃烈，太過醒胃，即係太過酸蒽油叉燒咸牛肉炒蛋撈丁+ 熱美祿蒽油好香，咸牛肉炒蛋好香口，叉燒就一樣好乾好韌丁麵同樣係稍為淋左少少，唔夠爽口

呢間茶餐廳同其他最唔同嘅係 佢係用咗電影院來做主題🎬上次就試咗個阿芝芝士撈麵🍴其實佢就係芝士醬撈丁～雞扒煎得幾香脆 面頭鋪滿勁多芝士醬 再加埋個公仔麵 真係極級邪惡😈

因為今日放得比較夜 所以就喺青衣城求其搵間餐廳食啦 之後行咗成個青衣城 見到門口特別懷舊同埋好多嘢食 之後就入咗去啦 入到去見到個餐牌花多眼亂 樣樣都好想食 咁我就揀咗三絲炒米粉同蜂蜜鮮牛奶 個米粉好多油 蜂蜜加牛奶味道怪怪地 不過都值得再去嘅

🎞 港風電影院茶餐廳在迪士尼玩樂一天過後又累又餓，利苑後往青衣城覓食，這次挑選了一間茶餐廳醫肚。🥩 西冷牛扒配餐 $98牛扒點了7成熟配黑椒汁，大大塊的牛扒煎得香氣滿溢，牛扒底部配以炸薯條、三色豆、番茄和椰菜。牛扒煎得火候不錯，沒雪藏味，味道濃郁，相當飽肚。🫕 阿芝芝士撈麵 （雞扒）$56芝士撈麵可選豬頸肉或雞扒，考慮到豬頸肉卡路里較高，所以還是吃雞扒好了。芝士醬會淋在整個麵上，賣相一般，感覺將芝士放中層，雞扒鋪面外觀會更佳。雞扒味道不錯，但芝士味道較淡，麵質較冧。🍨 雪糕紅豆冰 🫘 $38星期日要以正價計劃（淚）平常跟餐特飲只需加$28，紅豆香軟但偏甜了一點，配以雲尼拿雪糕，味道還不錯。🔸小總結： 餐廳內部佈置以港式懷舊電影院作藍本，地方寬敞舒適。食物和服務一般，不過不失，醫肚來說是不錯的，因為上菜速度快，份量多。味道方面一般，始終是茶餐廳，不能有過高要求。👅 味道：3.8/5💰CP值：4/5🕴🏻服務：4/5🔰餐廳環境：4.5/5🍽 餐廳 ：羅麥記🌐地址 ：青衣青衣城2樓212 A號舖🐮#cowing吃在青衣#foodie #hkfoodie #hongkongfoodie #852

某個平日，約左朋友仔撐枱腳食早餐，早餐時段唔需要等位可以直入，大把卡位選擇。早餐選擇多多，點左英式早餐煙肉，薯餅，太陽蛋，蕃茄焗豆，牛油餐包 $56價錢就麻麻啦，唔係咁抵食奶茶唔夠香滑未有茶餐廳水準牛油餐包唔熱，凍冰冰，大大扣分煙肉，薯餅，太陽蛋普通水準蕃茄就唔掂啦，生蕃茄即切即上枱咁

✨ 羅麥記 ✨附近番工搵地方食Lunch，見其他都排晒長龍，見到唔洗排隊就trytry佢 🍜 羅麥雞翼撈通粉 配 羅記炒蛋多士 $60 👉🏻5/10炒蛋炒得啱啱好😋好滑撈通粉嘅汁太甜 似係將甜豉油當湯咁滷水雞翼整得唔錯 幾林同入味但豉油湯太甜令到整體失色！🥸🍹生薑蜂蜜水 （跟餐唔記得加幾錢🙊）👉🏻 1/10自認鍾意飲薑蜂蜜水 所以特登加錢試飲但超超超級失望🙃 太多薑 多到苦苦地完全飲唔到蜂蜜嘅甜 似飲薑水多啲…冇諗到會甜時就甜到漏諗住會甜嗰陣就飲唔到唔通呢啲就係緣份？！注定夾唔到😂😂🥲┄ ♡ 評分區 ♡ ┄💰價錢：7/10🌆 舒適：6.5/10😚 返兜：4/10 📍#羅麥記 (青衣) 地址：青衣青敬路33號青衣城2樓212A號舖

晚上6點後禁堂食，我唯有6點前去食個下午茶餐當dinner la。要快靚正既話，茶餐廳真係不二之選。我呢日就嗌左至愛既西多做晚餐 (真係超邪惡🤤食完肥幾磅)。西多士做法一般都係用油炸至金黃，表面加上一塊牛油&糖漿，外脆內軟，香甜可口。係我至愛既港式美食之一。而羅麥記既流心奶黃西多士就令西多士口感層次更升華啦～下午茶餐：流心奶黃西多士配熱飲 $36炸得金黃鬆脆又夠厚身嘅西多士，上面配有一大塊牛油，光從視覺上來看就超邪惡😆 多士內包裹著香而不膩嘅流心？金沙奶黃，令人食指大動！外酥內軟，咸咸甜甜，超級好食！係個奶皇餡唔多夠流心🤔 果然，美食當前，都會令人忘記咩叫做熱量...🥴減肥呢家野，食完再算啦🤣