影片
星期六下午黎到康怡食lunch，见到呢间潮版怀旧冰室装潢几好，又好似唔系度度都有，于是就入去试试。冰室既枱枱櫈櫈似足课室个D咁，连本menu都系扮学生手册，仲写住2015年度上学期，唔知呢本系咪比日头用，晚市又有本下学期架呢？打开menu第一页见到十大必食，仔细一睇D推介全部都熟口熟面咁﹗好似有新记既芝士猪颈肉捞丁、太平馆瑞士汁牛河、胜香园蕃茄牛肉面等等…@@ 之后揭去后面几页睇，D食物款式真系同其他餐厅个D好似，好似左抄呢度右抄个度摆落自己menu咁﹗不过样样都系大众钟意食个D….都几识抄既 男友点咗焗猪扒饭，我就15/16唔知拣芝士猪颈肉捞丁定葱油猪扒捞丁 (系咪又好熟呢？咪兰芳园啰)，最尾鬼掩眼拣咗芝士捞丁。黎到见到卖相麻麻，芝士汁就够哂大pat，不过D猪颈肉就唔多掂，煎得唔够金黄不特止，仲要韧到咬唔到，一D都唔够爽﹗建议大家唔好叫呢款﹗而焗猪扒饭就普普通通，不过不失喇﹗之后饮品黎到，我明明系叫热柠蜜，但黎到变咗杯菜蜜加柠檬=.= 买单之后仲送咗张coupon，原来希慎有间…..真系唔知会唔会再去食….
继续阅读
行过康怡广场，见到呢间怀旧茶餐厅好似好得意，就走入去一试。坐底就见到一本好似学生手册既餐牌，就俾佢吸引著 Order 咗虾多士＆鸡翅面。虾多士有5件，盐味刚好，食到真系有虾肉，而且香口又唔会太油，系唔错既小食。红豆粒粒奶茶仲有惊喜，竟然冰粒里有红豆㖞 一个鸡翅面+虾多士，两个女仔 share 食就刚刚好。加上环境特别，墙壁上有60-70年代既小装饰，是一个很好的个假日 branch 好选择。
继续阅读
平日我较少选择去茶餐厅... 好些茶餐厅都不太整洁, 我肠胃比较敏感, 不敢乱来; 大部份茶餐厅都没有装修, 想食得型格一点是妄想; 茶餐厅一般服务都是顶级的, 你懂的, 不解释; 再者是, 我比较喜欢有内涵的食物, 用餐时多一点享受...嘿嘿, 要求多多之下, 我地都可以储落一堆御用饭堂, 幸福...今夜有幸获邀请, 出席食家聚会, 虽然临近4月全年最忙的月份, 但聚会地点选在近得不可能再近的太古区, 点可以唔出席呢又, 哈哈...罗麦记是由2位生于70年代的年轻小伙子MR.罗&MR.麦合作的概念店, 目标是打造出香港60-70年代的冰室, 带大家回到过去重温昔日滋味... Check Point 1 -- 型格装修... Pass!!! 咁吉?!! 无人食?!! 唔系... 呢几张相要等到夜晚10点先影到, 店内仍然有几枱客人... 10点前又点呢?!! 睇相...咁大张吉枱?!! 哈哈, 非也... 此乃食家聚会专用桌!!! 枱面是特别订制的, 取材自70年代具代表性的图片, 如西瓜波、九龙皇帝墨宝、本地故事书, 极具怀旧味道... Check Point 2 -- 卫生整洁... Pass!!!请各位同学打开手册, 检视一下今日大厨要做的功课... 想快点放学?!! 先留心听书吧!!! 谁能答得出罗麦记十大必吃... 我! 我! 我! (争相举手中)红豆粒粒奶茶 $35-- 必试!!! 虽然我好少饮奶茶, 但系见到红豆粒粒冰真系忍唔到口, 回想起小时候经常将红豆沙放入啫喱杯雪成冰来吃, 吃1杯已乐上半天, 滋味至今难忘, 是5星级酒店甜品所不能替代... 红豆粒粒冰大大粒的, 红豆香甜软腍, 老味道让我重拾到童年时纯朴的幸福... 对红豆及奶茶均不感兴趣的朋友, 可尝试菠萝粒粒冰, 为沉闷的炎炎夏日抺上清新气息... (利申 : 我是红豆痴)麦Sir乳鸽仔 $46-- 看到肥嘟嘟的乳鸽放在面前, 你的反应会是... 1) 不停尖叫OMG!!! OH NO!!! 定系 2) Blink Blink 眼 + 口水直流... 嘿嘿, 很抱歉, 我系2!!! 小时候被灌输的概念系Pigeons are Food, not Friends!!! 卤水乳鸽肥美多肉, 肉质幼嫩, 又香又甜, 好美味哟, 必吃!!! (利申 : 我系乳鸽痴) 罗麦鸡翼 (5只) $48-- 辣版瑞士鸡翼, 哗!!! 好辣呀!!! 嗯... 大家唔使咁惊, 我一向只可以食小辣的... 店主钟意食辣, 所以创作出呢款罗麦鸡翼, 相信必有知音人... 唔食辣得的小朋友(如我, 哗咔咔咔), 可以于落单时要求唔辣的, 咁就Perfect Sweet Swiss喇, 我自己一个食2打都得...罗麦汁牛河 $60-- 又一Sweet Swiss搞作, 河粉可要求兜乱, 让Sweet Swiss渗进河粉之中, 吃时甜甜的... 砖头焗猪扒饭 (限量发售) $75-- 全港首创!!! 将焗猪扒饭放入特厚多士中, 果然创意无限, 掌声鼓励!!! (啪啪啪啪)焗饭有炒蛋底, 掌声鼓励!!! (啪啪啪啪)猪扒份量不少, 茄汁微酸不像茄膏开的, 在郁闷的梅雨天, 很是开胃... But... 唔好谂住一个人食晒, 焗猪扒饭加上松软的砖头绝对不能看轻, 独食包你饱到见晕... 虾多士 (5件) $50-- 坦白讲, 我一向对虾多士有恐惧症... 呢款虾多士同我食过的凤尾虾多士又有少少唔同, 将虾胶铺在软绵的法包上, 唔会油淋淋, 的确几创新, 要推介给虾多士迷好友KaKaMa试试... 好, 关于十大必吃的课题暂时到此为止, 请各位同学翻开新一页, 看看十大必吃以外的课题... 葱汁捞丁 (猪扒/鸡翼/鸡扒) $42-- 平平无奇的外表, 平平无奇的材料, 加上我食白切鸡时从不蘸的姜蓉, 捞埋一齐点解会咁好味嘅?!! 天呀, 如果我食唔返呢种味道咁点算呀!!! (呢段经典对白小时候模仿过超过1千次, 系, 我系好无聊, 哈哈哈哈) 我真系第一次食呢个组合, 如果大家系外面食到厌晒, 唔好嘘, 唔该... 捞丁条条分明无黐埋, 好弹牙, 葱汁彻底地渗透每一条面, 香到爆, 就算食得慢摊凉咗依然系咁好味, 仲要无黐返埋, 好利害... 西多士 $20-- 外表像我最喜欢的粒粒厚多士(懒人恩物), 洒上糖粉有点圣诞Feel, 松软的厚多内藏咖央酱, 超级椰子味(我的天敌), 由于太厚的关系, 食1粒已饱到晕... 如果下午茶食佢, 随时饱过食Lunch... 千层朱古力西多 $28-- 像穿了松糕鞋的千层朱古力西多非常吸引, 大家都饱到不得之了, 食唔落就唯有启动后备应急方案--第2个胃!!! 千层朱古力好好味哟, 不死甜, 香浓醇厚, 嗒吓嗒吓, 非常非常熟悉的味道, 是... 呀!!! 榛子朱古力... 银沙!!! (呢期银魂' 转咗做金魂', 金魂'大结局之后应该会转返做银魂', 哗咔咔咔) Check Point 3 -- 食物内涵... Pass!!! 怀旧不忘创意, 咬落每一口都包含著罗麦Hearts, 衷心希望Your Hearts will go on...Check Point 4 -- 待客服务... Pass!!! 乳鸽可选原只上或切件上, 用餐期间有换碟, 我与食家打趣说"你试吓去金龙叫佢换碟吖!"... (呢期银魂' 转咗做金魂', 哗咔咔咔)我打算揾日带Honey来试吓麦Sir乳鸽仔同埋葱汁捞丁, 当然唔少得千层朱古力西多, 我估佢会钟意的... 如果罗麦记可以通过Honey的严格检定, 咁我地将来又会多一间御用饭堂喇喂~
继续阅读
Went here twice because the vermicelli was good but on the second visit the broth was not that good.★☆★☆★☆★☆★☆★☆★☆★☆★☆★Vermicelli on the first visit:The broth was strong with some yellow glistening chicken oil that had strong chicken taste.★☆★☆★☆★☆★☆★☆★☆★☆★☆★Vermicelli on the second visit:n the second visit, the broth was gone and was soaked up by the vermicelli when they served it and it the taste was bland.The vermicelli set comes with toast and egg which is weird but it is a Chinese thing.As well as the vermicelli, I tried the macaroni cheese with tuna and spinach.★☆★☆★☆★☆★☆★☆★☆★☆★☆★macaroni cheese with tuna and spinach:It was Chinese style so the sauce is basically starchy creamy white gravy with Parmesan cheese sprinkled on top. Overall it tastes quite nice if you treat it as macaroni in cream sauce with canned tuna chunks!!★☆★☆★☆★☆★☆★☆★☆★☆★☆★Instant noodles with pork chop:The instant noodles were too sweet for my liking.★☆★☆★☆★☆★☆★☆★☆★☆★☆★◎ⓢⓤⓟⓔⓡⓢⓤⓟⓔⓡⓖⓘⓡⓛ◎The bill: $1xxService: OKService charge: noYummy factor: okNapkins provided: yesPortion sizes: BigNoise levels: NoisyGlass of water provided: yesEnglish Menu: YesAir Conditioning: Yes◎ⓢⓤⓟⓔⓡⓢⓤⓟⓔⓡⓖⓘⓡⓛ◎
继续阅读
星期六晚上同男朋友晚上想试一试这间茶餐厅，之前都上网看过食评和介绍，点知中伏，叫了所谓的招牌砖头焗猪扒饭，超级难食，好多油啰，非常腻，猪扒都系得几块(一定唔超过六块)，而且又薄，坦白讲，七八十蚊真系不知所谓，大家乐都好吃过佢，同埋叫左捞丁，极其一般，三个字，贵，唔抵! 我男朋友都话以后唔会再帮衬!
继续阅读