影片
其实本身唔想写， 我个人都几钟意食米线， 所以有米线铺开我一定会去试。 兆和街呢边都有另外一间米线， 唔算话好好食，汤底偏甜， 服务一般， 但唔会好似呢间咁衰到令我想写食评。 今日入去纯粹系想试下味道。 其实我见到个餐牌价钱定价已经偏高， 米线迷嘅我系咪都会去试一碗先既。普通米线冇送$25， 普通菜萝卜呢啲已经系$6个𩠌， 加肉类就$8起， 再特别啲嘅𩠌就要$10至$15。 一试无妨再试就无谓。呢碗系 萝卜 紫菜 腐竹 猪头肉 米线 中辣， 下午茶话送野饮， 所以冻柠茶系免费嘅。不过我见佢menu写住， 嘢饮要到$40以上先至可以加钱， 如果唔系就正价。 外卖都要$2。 成个menu上面定价根本就偏高。讲埋个味道， 川台两个字根本配唔起。 汤底系死辣， 米线系偏硬， 其实呢碗米线连屋企水准都冇。 杯冻柠茶， 冇茶味冇柠味，非常厉害。 唔可以话好难食， 但真系唔建议再去食。讲下个服务， 新开张我知道落单可能会比较慢未上手，我明白既。但有客问野想知汤底配料可唔可以转，其实个客讲完只系想走芽菜，一句话就唔可以，非常赶客走。唔系对间嘢有偏见， 而系真系非常失望。 讲真如果唔系见到佢哋咁样对客， 我都有可能比第二次机会去试下饭类食品。但所以野加埋我真系唔想推荐比大家。希望铺头老板见到可以改善下。
继续阅读
次次想影相都唔记得。楼下新开，依家成日食。老板讲声唔好意思先，我次次叫一𩠌，𩠌又多又送野饮。腐文卷好正。租咁贵，先30几蚊我都怕你做唔住。汤底几好，味精一定间间都有，我冇所谓。有D仲有一滴香，我食唔出，不过希望老板你冇落因为我真系一星期食两次。30几蚊真系性价比高，咁我一定唔要求你做到成百蚊嘅质素。依间米线系谂身个只。最后我希望等你生意好少少可以加𩠌菜选择，汤底如果可以好似香居街街市 “老x娘”咁仲正。成日食D连锁米线真系食到厌。
继续阅读
舖头干净企理，坐得舒服。酸辣米线好味又多𩠌，推介腩肉大肠鸡翼米线。 又有送饮品。👍🏻好抵食隔离台叫碟饭都好多𩠌，阿哥食完仲叫多碗外卖返去做晚餐。下次可以试下个饭
继续阅读
食咗都唔知食咗啲乜嘢 垃圾等汁啦 咪鬼去中伏 腩肉又冻又硬 😶米线又硬身又无味贴钱买难受 😑第一次写食评忍不住x出黎 价钱又唔系平 😧无诚意咪鬼出黎靠害 第一次食野食到咁嬲 系得炸鸡翼食得🖕🖕🖕🖕
继续阅读