純茶 (已結業)

繼續葵廣尋新店，多數係葵廣開嘅都係小食店，就比較少話有新飲品店，今次見到有新嘢飲就緊係要試一試啦，順便就繼續尋覓最好嘅珍珠奶茶比大家，呢間個名叫純茶，睇落應該就又純又筍，#經典珍珠奶茶 $19，價錢都算幾平呀，低過 $20 現今都比較少，可惜呀可惜，珍珠又係擦子膠嘅口感，奶茶好淡，肯定係溝過水，唔怪得叫純茶啦，啲奶茶真係夠哂純，純到似水嘅奶茶 💙 真係奇怪，伏果啲就叫純，好食嘅就叫伏，世界真奇妙呀 💞-純茶葵芳葵涌廣場 2 樓 2022 號舖

店舖沒有華麗的門面，抱著試試無妨的心態，叫了一個鮮榨草莓茶，非常清新，不是溝出來的草莓味，是像新鮮榨的，茶底很搭，甜度剛好，不會過甜，每一口都是清新的感覺，下次來都想再喝。

.📍純茶葵廣專家🐷，係到長大，眼見葵廣每況愈下，見到有間新野就試下，見佢有賣意粉打算下次食🤤—————————————————————❣️羽衣甘藍奶綠 ($23)🐷見個menu有羽衣甘藍幾特別，健康吖嘛，好過又飲黑糖珍奶啦🤩一心諗住試伏，點知有驚喜，好fresh，甜度剛好，又冇羽衣甘藍陣草青味—————————————————————不專業評分👅好味指數:4/5💰性價比:4/5👍🏻推薦:5/5—————————————————————🏡地址:純茶 (葵芳)葵芳葵富路7號葵涌廣場2樓2022號舖👉🏻旺角都有分店—————————————————————#chuchu食在葵芳#chuchu飲品#chuchu食台式#香港美食 #hkfood #852food #香港好去處 #hkfoodie #hkfoodinstagram #食好西 #美食推薦 #好食 #tasty #chinesedish #葵廣美食 #飲品 #follow #like

今日行葵芳廣場。行行下shopping都行到好累好口渴，係時候買番杯野飲。經過尼間純茶。見到寫明鮮榨果汁，緊係即刻去買啦。我就最鍾意飲鮮榨果汁，又健康又有營養。岩晒平時少食生果既我。入面真係好多選擇，花多眼亂。最後我叫左杯「鮮橙汁茶」茶底選擇左烏龍茶，少甜少冰。杯野黎到手緊刻飲。味道好唔錯。鮮橙汁配烏龍茶底,好fresh。好夾。仲有橙肉咬下咬下甘，增加左成杯「鮮橙汁茶」的口感。尼間店鋪係有心小店，好飲呀！下次可以試下其他果汁茶。唔知係咩味呢。

真要發表下意見：今日經過葵廣二樓，有d想飲嘢，我之前未幫襯過純茶嘅，一來唔係咩大牌子，二來裝修唔算豪果隻，唔太有衝動去試佢d嘢。今日想飲下嘢，就停底腳步睇下佢哋個menu，哇，舖仔細細，成幾十款嘢，店員弱質纖纖咁，都好犀利。我特登叫啲liu lung嘢，(其實唔係想玩嘢，係真係ng知想飲咩，又ng想叫埋啲珍奶咁普通)，見到有張poster，介紹羽衣甘藍，講真呢種菜我真係麻麻，草青味重，話就話有益啫，都唔好咁難食架嘛，但店員話ng澀嘅，咪即管信佢一次囉。本來想加d仙草啊，寒天啊，之類，都覺得好普通，就問店員，可唔可以加奶蓋，明知佢梗話可以架喇，做生意嗎，點知佢仲話好夾，吓！係咪㗎！我份人仲衰(澄清，唔係時時都咁衰🤣)我叫佢加重d奶蓋，佢話平時兩隻奶蓋，會喺杯嘢個面見晒，我抵史到叫佢個面唔洗見晒兩隻，我想要一隻奶蓋舖滿一層，另一隻奶蓋再舖滿一層，我ai佢唔好加我錢，佢話當然可以👍👍👍纖纖女，我鍾意妳！哇，的確驚為天人，真係唔澀，奶綠味好得，羽衣甘藍磨到好碎，搞勻佢根本唔覺，個奶蓋果然同杯嘢好match,無介紹錯，纖纖女，我會記得妳，29蚊杯，值！唔好睇小呢間嘢，快d開多d分店，你哋得㗎‼️

雲石烏龍珍珠奶茶轉左新公司在葵芳區，真係開心，人氣旺盛，又多美食，價錢又合理，近來又開左好多間新茶店，位於二樓店舖的純茶，好好味，試過咁多間，感覺純茶好味，老闆又有親切感，介紹幾個口味給我，烏龍茶超正，配粉紅色雪糕雲石醬，隻色嬌左d，女仔會好鍾意，男仔可能一般，講番隻味，成杯個味好match,配得唔錯，上次試過奶綠，覺得今次呢杯烏龍仲好飲D，種類多選擇，佢隻杯仲可以放微波爐，帶返屋企再用，真係夠環保

我不嬲好鍾意飲黑糖奶茶，自從台灣興起，我喺台灣飲過，好鍾意隻味，竟然無耐香港就有喇，幸福！！我飲過好多好多間。今日路經純茶，咪又飲吓囉！盞鬼！佢d紋我喺第二度未見過，好似波浪咁，好特別，好得意，所以話盞鬼。到個份量喇，間間都比較細杯，係佢做到咁大杯，我開頭都驚飲唔晒，或者飲完好飽，完全唔洗驚😌，主要因為佢唔係甜耶耶果隻，所以飲完無溜嘅感覺，所以唔會飽死滯死咁，好得啊！到茶底嘞，呢杯烏龍珍珠嘅烏龍茶味都算出，不過講唔上馥郁果隻。不過我都係鍾意普通奶茶多些，下次試。珍珠如果再多啲仲好，因為佢唔係波霸果種，所以應該多番少少，不過最緊要係好唔好飲，其他嘢都唔係最重要，我比85分，好飲。

黑糖珍珠鮮奶茶在葵芳葵涌廣場二樓我係黑糖迷，自從坊間開始有黑糖，我好似中左毒咁隔日飲，都怕糖份高㗎，所以揀揀無咁甜嘅。班fan話呢間純茶好飲，唔會太甜，特登搭地鐵嚟試，間嘢喺正二樓電梯口，紅色果間咩麵小食隔離，位置唔難搵，杯嘢果然唔會得過甜字，班fan冇介紹錯，果然值得推介，但隻杯嘅包裝要改下，唔夠型，大家明架啦，拎住杯嘢，鬼知你好唔好飲咩，型好緊要架嘛，我提左店家架喇，下次嚟要改善lu wor😊

我係第一次喺純茶買嘢飲，佢種類都幾多，店員好有禮貌，好肯為我哋呢d選擇困難嘅病人詳細介紹🤣。我最後點左個雲石烏龍珍珠奶茶，因為奶茶奶綠都飲得太多喇，無乜feel喇，咪試下烏龍囉！講真，我本來對烏龍茶一般啦，講唔上好鍾意，亦唔算憎，今日只係唔想飲其他，所以點烏龍。隻烏龍茶真係唔錯，好飲過奶茶同奶綠，烏龍嘅茶味比起其他茶味道重d，突出d，想唔好飲極都果d，可以叫呢隻，值得推薦。至於奶味，未至於超香，應該唔係用3.6 3.7果d，如果唔係，一般會雞乸咁大隻字寫住或show晒出嚟架嘛😂，不過，呢隻茶嘅奶味，勝在調和，夾得到，所以好飲。至於雲石紋，原来係雪糕醬，喺重點我想提嘅，呢隻醬應該係全港得佢哋有，唔見第二度有。士多啤梨嘅醬，的確士多啤梨味好夠，唔係作嘢，隻色都好靚，製作嘅阿妹嘅手勢就一般嘞，掛杯d紋好重要，掛得靚唔靚好靠整果個人嘅手勢，但d醬加埋烏龍茶底，的確好夾，好飲。止賣21蚊喇，咁我都係寧願賣21蚊喇，希希。下次會再嚟幫襯。

打完波，去葵廣搵嘢食，見 ＊純茶＊擺左啲鮮搾芒果茶出嚟比人試飲，梗係唔好執輸啦，本身又口渴，飲左2杯，不過每杯先得果1安士，哇哈哈哈！梗係唔夠喉啦，不過的確好好飲，佢哋真係識做生意，拎d出嚟比人試，吸引人嚟買，起碼吸引左我，如果唔係都唔知有呢款嘢飲，我點左杯細嘅，好好飲，茶味香，唔會比芒果味搶晒，茶裏面有芒果蓉嘅，幾真材實料，唔係放果汁果隻，甜度可以淡些仲正，我個人唔係太鍾意太甜，Sales好有禮貌，問咩都無唔耐煩嘅面口出嚟，比粒A**佢哋，建議佢哋出多幾款唔同嘅生果，佢哋淨得芒果，橙同士多啤梨，應該出埋例如芭樂啊，火龍果啊，顏色又靚又好飲，價錢方面23蚊都可以接受。

鳳梨雙重芝士奶蓋奶蓋夠厚😋，芝士味唔會好鹹，算滑，但奶味可以再重返D仲好，飲唔出有咩雙重芝士，鳳梨茶底都好飲🤩，加埋個Happy Birthday窩心死😍😘， $29蚊份生日禮物，特別過送生日蛋糕❤🍾🎂

一直都喜歡奶蓋之類飲品，但合口味的奶蓋好難搵，但今天有驚喜，純茶車厘子雙重芝士奶蓋，車厘子唔酸亦唔會太甜，期望雙重芝士奶蓋真有兩層，但第二隻奶蓋只放中間，咁應該叫做兩種芝士奶蓋貼心D 整體味好飲

話說我好鍾意雲石紋既野 最近係ig 見到呢間純茶 做緊promotion 10蚊一杯雲石紋既奶茶！ 🤣🤣身為雲石紋fans一定要去棒下場 😋由新都會行過去葵廣果邊已經見到間鋪 好方便～順便係隔離買重慶野食 😋😋😋🤩🤩🤩🤩白色雲石好靚 🤩🤩🤩🤩佢d 珍珠都幾彈牙 唔會痴住痴住奶茶味夠濃白色呢個係雲呢拿醬，要襯仲有promotion 果陣想試埋士多啤梨醬，雲石烏龍珍珠奶茶！佢個黑糖系列下次都試下先～