影片
港铁铜锣湾站 F2 出口
继续阅读
营业时间
星期一至四
11:00 - 23:00
星期五至六
11:00 - 00:00
星期日
11:00 - 23:00
公众假期前夕
11:00 - 00:00
以上资料只供参考，请与餐厅确认详情
平日同fd 子在铜锣湾觅食，谂左好耐唔知食咩，行开诚品，醒起希慎有footcourt，就决定系𠮶到食晚饭。行左一转，果然都系日式野啱我口味。可能佢个位系最入，隔离排晒长龙佢都系冇人既。不过我今次试新野既勇气就带到间不错既餐厅落袋啦🤣有好多款不同的野食，有咖哩饭同乌冬。头顶都有menu。仲有关东煮食😋我今次嗌左咖哩炸虾饭($58)，野饮可配汽水或者雀巢柠檬茶。落单后都等左五分钟先拎得，份量都吓一跳，原来成个餐仲有前菜同汤。前菜有腌芽菜，酸梅同蟹柳。汤系普通日式面豉汤，有海带同洋葱。我自己就加左五味粉落个咖哩饭到，惹味啲呀嘛😏 咖哩材料都几丰富，有磨菇，洋葱粒同薯仔粒，唔算太辣。配埋我食咖哩最钟意一齐食既腌萝卜，真系好好食，味道绝对比得上卖贵成倍的日式咖哩饭专门店。炸虾有两只，卖相都几好架。炸粉不会太厚，不过虾就唔算大只，成个饭主要都系靠咖哩黎𩠌🤣 不过咁既价钱食到咁既质素，仲有咁多野食，直情可以叫性价比高添。呢间仲有炸鱼饼食，都几吸引，如果系foodcourt 唔知食咩，我都几推荐呢间👍🏻
继续阅读
呢日返开铜锣湾又唔熟地头，最唔洗谂既选择当然系去就近既food court啦。行到最角落先见到呢间野，居然有我最爱既滑蛋猪扒饭$50个set包前菜、味噌汤、汽水，听落系几抵食。职员态度欠佳，点餐果时问佢有无得转茶，佢移开个身示意我望佢身后：「无呀，你都睇到得汽水啦，我地无其他咖啦」仲有啲黑面查实答一句有定无咪得啰出餐算快，六分钟有得拎。前菜：有蟹柳、腌芽菜同紫姜，芽菜酸酸辣辣几开胃，紫姜唔会太酸好爽口，蟹柳好淡食落似摆左段时间。味噌汤：味道几淡，海带都唔多块。今日既主角滑蛋猪扒饭，猪扒size正常，外层炸得都算脆身，肉唔韧无筋，但系偏薄唔厚肉；蛋好少，而且煮得太熟，无乜蛋汁，全部带唔到味俾啲饭，洋葱好生，感觉煮得唔够耐；饭份量多到唔洗钱咁，但煲得太湿，又湿又糊虽然系平系抵食，但唔会有下次。食完隔左两个钟我同我有份食既朋友都轻微绞肚痛，唔知系材料摆得耐定煮食过程唔卫生
继续阅读
曾光顾过沙田的纪文，味道虽普通，但快餐价格算便宜，因此尚可接受这次在希慎food court见到，便再度尝试不过，这次绝对适合用难吃来形容！！午市时间，点了滑蛋猪扒饭餐$50包了汤，前菜，主食，汽水前菜有蟹柳﹑大豆芽及腌菜全部的味道都很淡只是腌菜正常的带点酸味味增汤，是喝过那么多味增汤中最难喝的因其味道近乎淡如水！其实只要多放丁点味增酱就有味啊！主食滑蛋猪扒饭是最令人失望滑蛋变成熟蛋，随意的围在猪扒的旁边吉列猪扒，外稔内韧，都不知是炸好多久然后冷却了再翻热饭也是糊糊的，没味道总括而言，就是不会再光顾啊！！
继续阅读
话说今晚买咗杯珍珠奶茶，手上面拎住杯未饮晒嘅珍珠奶茶，都唔知去边度食嘢好，就决定咗上去Hysan Place嘅food court上面揾食。今日天气超冻，所以想食返啲有汤嘅热野暖下，但又唔系太肚饿，唔想食太贵太饱，所以走匀成个food court睇吓边度有又平又有热汤嘅食物。结果行到最后呢一间最隐蔽嘅角落，来咗咁多次而家先发现有呢间日本野，俾佢嘅价钱牌吸引咗，居然一个乌冬/荞麦面套餐，最平只系$40就有交易，平过晒food court入面嘅其他乌冬专门店、泰国粉面店和越南河粉店！我即刻上来openrice search下呢间食评，见冇乜劣评，同埋呢间有我喺香港好少见有得食嘅荞麦面餐，所以就决定试吓啦！为咗唔想食太油腻嘅炸竹轮天妇罗餐($40)，所以我决定咗买第二最平嘅自选鱼饼荞麦面餐($43)。可能因为食之前冇期望过，所以最后俾佢呢个食物嘅高性价比带嚟咗惊喜！比完钱后，佢话好快有，结果真系唔驶1分钟就已经有得拎。鱼饼我拣咗野菜鱼饼，有少少失望系鱼饼浸左入汤入面，我以为会好似丸龟咁有另外一只碟分开上，虽然个外貌都唔系太差。幸好嘅系鱼饼虽然浸过汤，但系一咬落去居然系有烟 韧嘅外皮配弹口嘅鱼肉，口感同丸龟嘅软林林嘅鱼饼口感有好大分别！口感似厚版嘅泰式鱼饼，鱼饼入面嘅蔬菜亦足料。略嫌有少少扣分位系食物唔够热。分量唔算好多，对于女仔来讲份量够食了。以呢个价钱来讲，真系算性价比高！其他餐厅以更高嘅价钱，都未必做到呢个质素。比完钱之后先发现俾钱柜位台面上贴咗广告写可以免费转「0g糖面」，睇完description之后觉得个0g糖面好啱夜晚想减少进食淀粉质嘅我食啰！下次我应该会再来呢间试试！
继续阅读
今日在非繁忙时间来到眼见一间乌冬店 价钱中等便去试试 点知一试就中伏个staff系完全无人系我后面排队既时候 用超急赶而无礼貌既方式对待 谂住算啦 见佢display食物都靓靓仔仔 平平地照食点知一坐低 杯野似叫走冰佢比多冰我 「小食」 几条大荳芽无口感 两旧姆指长既蟹柳极硬 好似食紧手指饼咁一试个汤 伏味更浓。 完全系超市买 20蚊两碗既出前一丁既 猪骨味味精包多油版 更有趣既系佢可以做到味精味浓而无猪骨味 诚意比超市买即食拉面 更差 虽然价钱唔贵 我都无expect佢系一兰既品质 但至少都应该有丸龟既日本风味 实在教人失望不可一 不可再 纪文，慎入顺带一提 行过门口有既香味系黎自格离铺 小心中伏
继续阅读