影片
位于元朗尔峦嘅红豆厨房 系我几乎每星期都会帮衬一次嘅冰室 通常我都系早餐时间去 每次我都会点同样嘅食物 因为佢嘅鲜牛肉通粉 系非常之好味 我曾经问过店员点解佢哋嘅鲜牛肉 会咁有牛肉味 佢话佢哋系用新鲜嘅牛肉所以啖啖都有牛肉 肉汁嘅味道 另外佢嘅早餐 仲会配上 汉堡扒 双蛋同埋多士 而多士可以选择奶酱多 奶油多 多样嘢畀你拣 每次我都会叫奶酱多 原来奶酱多 加通粉早餐 真系非常好味㗎 另外好值得一提嘅 系佢嘅咖啡奶茶 都系非常之好饮嘅 而且以咁优美嘅环境 大概40蚊就可以食到呢一个咁丰富嘅早餐 好值得去一次 不过呢个地方唯一嘅缺点 就系交通唔系太方便 通常都要揸车去 如果唔系就要喺元朗站 再转巴士或者小巴过去啦
继续阅读
相关食物：炸鸡配冷明太子乌冬，鱼香茄子饭，手撕鸡双蛋饭等等呢间系朋友一直食开而带我去食简单来讲，间餐厅地点都几偏僻，食物方面喺呢个地点同价钱嚟讲算几好，性价比，lunch set 多选择，味道唔错，唔多人，几chill，虽然唔系靓叫咗几样嘢食，有啲无影相，鱼香茄子饭好够味，好浓，非常啱送饭，手撕鸡都唔错，卖相吸引（如图），炸鸡冷明太子乌冬就好一般，不过几有创意，好少喺茶餐厅见到整体而言，如果经开都可以试吓，服务态度唔错，算坐得舒服，唔迫，好过一般茶餐厅
继续阅读
大年初一食盆菜嘅好日孑，今日一家10个就选择咗红豆厨房嘅盆菜，12人份量$1780，价钱唔算贵，但当然亦都有好多平过佢啦⋯但当打开个包装一睇，D料排得好靓，而且仲好重料，鲍鱼、花胶、发菜、豪士、猪手、烧鸭⋯等等⋯味道相当唔错，特别系佢个汁，老板话系落咗醋调味，但如果唔大钟意醋嘅味道，可以各自加白开水调淡⋯最后大家都食得好饱，而且仲有差唔多1/3余下，的确系值得推介嘅一个✌🏻✌🏻✌🏻
继续阅读
侍应态度差不在话下 我叫F餐 葱油什扒饭餐牌写住（猪扒，鸡扒，肠仔，太阳蛋配白饭）以上餐：餐肉，火腿，肠仔，煎蛋，烟肉，任选两款咁任选两款我就拣左蛋同餐肉个餐黎到既时候就系得猪扒，鸡扒，餐肉，蛋。上次黎食既时候都系叫同一个餐同一样既野但系上次上餐就系有猪扒，鸡扒，餐肉，肠仔，2只蛋。问返侍应系咪流左啲𩠌 一句就同我讲「系咁嫁啦」，再拎返个餐牌问佢 佢话系得肠仔同太阳蛋可以转 而唔系多两样𩠌 问返佢点解上次会有今次无 佢既回答系「我唔知点解你上次有㖞」 争论左一番之后话唔好烦 补返比我，跟住补黎既系火腿同肠仔 但系我任选两款系蛋同餐肉 点补都系补蛋同肠仔啦😅问佢地其实想点 个侍应西晒口面 其实我系黎食饭唔系黎受气 餐牌咁写我上次又系咁食 好正常会问点解 老实唔系西口西面咁对客嫁麻同埋葱油黎就系得啲葱系无油嫁 咁又点叫葱油饭呢
继续阅读
因为朋友大力推介而光顾。废话唔讲，只讲重点：1）服务好好，对小朋友好亲切，换碟上菜都有效率。2）头盘刺身新鲜。4）螺的酒好味。3）食物一般，唔系唔好味，只系，我觉得个价钱打六折会较容易接受。4）只鸡嘅雪味未退，豉油的浓味都盖唔过。 注：好矛盾，其实如果要食到真正合乎我口味的，我知市价要多一倍，但因为现在d野太贵，如有要求又不松动嘅的，都系自己煮煮。
继续阅读
您可能会有兴趣的...