紅茶冰室

营业中

休息中

呢間紅茶餐廳食過幾次，今次忍唔住要俾評論，對比荃灣廣場紅茶，大窩口呢間明顯食物比較鹹好多，究竟係糖同鹽落錯？定係廚師個味覺比較差？個炒飯食一半就真係頂唔順，成碟XO叉燒炒飯只係得個鹹味，失敗中嘅失敗。之前食嘅咖喱雞扒飯嗰塊雞扒又係鹹到乜咁，呢個炒飯又係勁鹹，我自問都識得鹹都頂唔順，為咗健康唔會再幫襯啦，遠離劣質。再講吓個環境衛生真係麻麻哋不太理想，周圍好多食物碎，之前夏天試過不停俾嘢咬，類似啲昆蟲啊蚊嗰啲，寫埋呢篇嘢呢間嘢唔會再幫襯

路過見到附近無咩餐廳選擇,見到間紅茶就入左去,晚餐只係得一個牛扒餐,就同老婆叫左兩份,落完餐就去左廁所,大約一分鐘度,一返到位...唔係掛,咩都上晒,牛扒,湯,餐飽,係野飲未到,我眼都突埋出黎,唔洗咁快掛...一飲D湯.....一D都唔熱,暖都講唔上,再食個扒.唔係講笑,我真係未食過一塊可以難食到呢個地步既牛扒,唔熱,微暖,完全熟晒,重乾到又硬又鞋,十足掉落水由佢煮返一粒鐘咁,我老婆都一路食一路話好難咬,唔食啦,唔講真係唔知自己食緊牛扒,有無街坊係果邊食過,點解難食成咁,都生存到??旺角紅茶我都去過N次,第一次去大窩口食竟然可以難食咁多.真係唔係講笑.簡直用劣食黎形容都侮辱咗劣食兩個字.試過就明.

每次去到茶餐廳都人山人海好大機會，要在店舖面前排隊幸好是職員沒有強行搭枱二人前往多數都能坐一個卡座食物質素老實說是還可以的特別是常餐特餐等都唔會令人失望保持到食物水準令人驚喜的是菠蘿油售價只是$10 趁他新鮮出爐時order 牛油包溶得徹底👍

今日個仔返晏，就比佢瞓晏啲然後去食個brunch再返學，紅茶冰室十一點半前仲有早餐，阿仔就叫咗個假鮑魚絲火腿通心粉，配餐包煎雙蛋加杯熱飲，我就懶係健康叫咗個北海道牛奶藜麥粥，配蛋治熱奶茶。呢個藜麥粥嘅口感認真麻麻，唔知點解叫北海道牛奶，唔覺得有加入牛奶去煮，完全冇味道，上枱跟咗一杯仔煉奶，本來都係想食健康啲但再加煉奶就完全違背咗呢個原意但冇味真係好難食，好彩件蛋治十分出色，奶茶亦都唔錯。下次都係叫返沙爹牛肉麵或者通心粉或者佢嘅全日早餐。

紅茶冰室係大陸網站的著名網紅餐廳，所以吸引到好多人國內人士過嚟食嘢，同埋順便打個卡，餐廳見質素同一般嘅茶餐廳冇乜分別，一個下午lunch套餐大約係要$70，會配一個餐湯，同埋飲品，如果要飲凍飲，就要加多$3。今日食咗個黑松露魚柳焗飯，黑松露醬嘅香味濃郁，魚柳嘅份量都好大塊，配咗個餐湯同埋熱檸茶，都幾好飲，仲有叫咗個咖喱牛筋腩飯，咖喱好香好濃，牛筋腩嘅份量都好足夠好多，不過如果唔跟套餐，凍飲就要加$6。

路過聽聞唔錯就試下食早餐，都知道外賣可能唔太好味，但係都冇理由差到好難食，個沙爹牛肉油麵成層油，一夾起D油到食唔落，要太陽旦就求其比穿窿旦，杯凍檸茶成杯苦茶甘，46蚊我去隔離間鋪食又冇甘貴，起碼唔會有甘既體驗先，好難有下次

今日第一次食, 招待我入內的哥哥仔態度OK, 食物都OK, 到埋單啦, 拎張單出去, 收銀果個女人一句聲都冇出過, 幾多錢冇講, 咁我比張$100佢, 佢就放張$50在TRAY上, 我印象中係四十幾蚊, 以為仲有幾蚊找比我, 確實幾多忘記了, 咁我諗住佢收錢都會講一句幾多錢先.....點知佢好似啞咁, 張$50放左o係tray度30秒左右, 佢就篤下張$50示意我拎, 我就問佢幾錢, 佢先出聲話"$50"........多謝一句都冇......香港服務業真係好差!!!!

無食lunch諗住喺附近搵間餐廳食個下午茶又咁啱平時好多人排隊嘅呢間紅茶冰室冇乜人咁就隨意咁入咗去我哋兩個人去安排咗我哋坐四人嘅卡位地方都算闊落，好憎迫迫夾夾咁樣食嘢佢哋嘅下午茶大概30幾到50幾一個餐我就點咗一份豬扒包配薯角同埋熱狗包餐出餐嘅時候都驚人哋好大份呢張圖嘅熱狗切開咗一半！另外一半都好大份熱狗包嘅麵包，好新鮮好趣口好香牛油味咁啱又冇食到lunch，簡直係恩物🤤但係你話食左午飯嘅，呢份又真係有啲over size凍飲加$3賣單總共$92 ，差唔多啦~~~#周圍食嘢的jamjam🤤🤤🤤

香港人茶餐廳文化已經入哂骨🤣紅茶冰室既早餐或常餐的「沙嗲牛肉腸仔麵」係無得頂呀！！！佢既腸仔煮法同其他餐廳有啲唔同，好味好多。反正呢個餐係日日食都唔厭😆😆😆佢既茶走都係特別香滑，以前真係一星期點都食幾次佢既早餐，都係呢個一模一樣的Morning Set，平時想食常餐都有的，不過價錢貴小小，早餐係性價比極之高的🤘🏻雖然好多人都話自從開左分店之後就無以前甘好食，不過點差都好，仲係日日排哂隊🤣同佢都係我食過甘多間最好食既沙嗲牛👅係必食！

紅茶冰室是一家知名的台灣茶飲店，以其獨特的茶飲和冰品聞名於世。首先，紅茶冰室的茶飲種類繁多，包括紅茶、綠茶、奶茶等多種口味，滿足了不同飲茶愛好者的需求。茶葉選用優質的原料，沖泡出的茶湯清澈明亮，帶有濃郁的茶香，讓人愛不釋手。無論是單喝還是加入其他配料，茶飲都保持了原本的純淨和風味。紅茶冰室的冰品同樣令人驚艷。他們以新鮮水果和優質的配料為基礎，製作出各種口味豐富、色彩繽紛的冰品。比如，他們的水果沙拉冰混合了新鮮水果和奶油冰淇淋，口感豐富而清爽。他們的珍珠奶茶冰則融合了經典的珍珠奶茶和冰淇淋，帶來了一種獨特的口感和滋味。無論是炎熱的夏天還是寒冷的冬天，紅茶冰室的冰品都能帶來愉悅和涼爽的享受。除了茶飲和冰品，紅茶冰室還提供各種小吃和甜點，如蛋糕、餅乾和糖果等。這些小吃和甜點都經過精心製作，味道鮮美，讓人回味無窮。

其實我㨂餐廳好簡單：1）啲嘢真係好食2）服務唔須要90度躹躬嗰隻，親切有禮就可以但係呢間紅茶就⋯⋯今日叫咗個菠羅油/凍奶茶外賣中伏個包一啲都唔熱，攤到凍晒唔熱嘅菠蘿油，舊油又點溶呢？唯有硬啃一向都知呢度叫凍飲少冰=冇叫過少冰咁唯有正常啦兩步路返到公司冰還在茶很淡飲奶水一樣食物唔得👎🏻服務仲差等外賣一向都知道要等阿叔你都唔使咁躁囉我見到大家都好努力但可以好聲好氣啲囉正如劉德華所講：今時今日咁嘅服務態度點得架？總括來說，$30，菠蘿油+凍奶茶一啲都唔值

喺大廈街，咁多間食肆，紅茶冰室門口係唯一一間企滿咗人同要排隊，見咁墟冚，所以就湊熱鬧買兩個包先😹(買包我就唔駛排隊，直接同店員講要咩就得)🎀招牌冰火脆皮菠蘿油 $12拎上手新鮮熱辣辣🔥可惜牛油唔算厚同唔夠凍🧈我只係過咗對面街到食，2分鐘都冇嘅路程，舊牛油就溶溶地，食到後面，牛油已經同麵包結合🥺但麵包係鬆軟嘅，上面個菠蘿皮又真係脆，但又唔會散到一地都係果種，不過我覺得可以再甜少少🤏🏻🎀3.6牛乳鮮奶球 $8可能我留咗夜晚食，麵包已經唔夠鬆軟，至於奶味就唔算好香濃🍼上面塊皮如果再大啲會好啲😂我會寧願買多個菠蘿包～🧸結論我番到去google先知呢間被內地人吹奏，唔怪之得咁多人排😹但其實就好普通嘅茶餐廳，同樓下食嘅麵包舖/茶餐廳嘅包差唔多～有人話店員態度麻麻，可能我唔係堂食，唔係好feel到🤪我企係麵包前面，好快就有個後生嘅男店員好好禮貌問我要咩，幫我落單，但等咗大約5分鐘都未有，之後又有個啊姨問我要咩，不過佢就稍為粗聲粗氣dd，我講話落咗單㗎啦，佢就即刻幫我問其他店員有未，都唔錯嘅🤔

.試左兩個睇下有冇退步.睇下碟鐵板炒公仔麵.佢個鐵板真野黎上到檯仲熱緊公仔麵炒到乾身 底果d就有少少脆身炒嘅時間真係要遇到啱啱好先做到呢個效果其次豬扒雖然醜，但係入面都仲有啲濕潤整體嚟講真係好香好好食.就係因為咁好食，所以碟乾炒牛河唔繼續影相大家可以幻想吓如果公仔麵都係差唔多咁好食乾炒牛河一定唔會差得去邊仲好出色！

工作關係途經大窩口的大厦街附近， 因為午飯吃得少所以有點餓，正好前面是那間久違了的紅茶冰室，立時可入去醫醫飢腸，時值三點三下午茶的時間，見到店内食客頗多。今天點了個豬扒烏冬加一杯熱華田，在這天寒地凍的日子可帶來一絲的暖意。坐下不久熱乎乎的華田到了，喝一口味道很濃，不似有些餐廳開水太多變得淡而無味。很快豬扒烏冬亦上枱，見豬扒賣相都很好，外表炸得色澤金黃，切開時也不會有那種過老的感覺，咬了一口外脆内軟，蘸上沙律醬來吃滋味十分好。倒反覺得烏冬就煮有點得過稔身，欠缺了應有的烟韌和彈牙口感；猶幸烏冬的湯夠熱，湯味亦夠濃稍作瀰補不足。總結今餐食物質素都算不錯，而且價錢亦夠大眾化，以茶餐廳來說坐位也算得上寬敞，下次亦會再來光顧。

我做足一百分的茶餐廳！如果你用茶餐廳的標準去量度他，我認為紅茶是做到100分的！上菜快大大碟價錢平選擇多作為一間茶餐廳，做到這些，已經係恰如其分，佢仲要好食！你還想怎樣呢？ ！今晚點了三個菜：椒鹽肉排，好夠鹹，份量又多，唔記得加$10定$15 ，就有飲品、餐湯及白飯。80幾蚊，係有少少貴，但佢真係俾返小菜嘅份量你， CP值 OK ！牛柳意粉，這是set dinner ,有四五件牛柳，肉質林滑，當然你唔好預好有牛味，但係意粉都配咗少少新鮮蕃茄醬，叫做平衡到個肉味， OK好食！仲有一碟咖喱吉列豬扒飯，咖喱汁與豬扒分開上，已經見到佢有心機，咖喱汁偏甜，有椰汁底，是馬來西亞風味，豬扒大大塊！好夠飽。如果咖喱入邊啲薯仔，有揸過的話……就真係做足一百分！