影片
我最钟意食佢哋D刺身，好新鲜，一入口就溶！出边就食唔到咁抵D刺身啦!价钱 OK 呀!可能For某些人嚟讲有D expensive 但系食落肚就唔紧要啦！一生人一次，我想我下次会试吓打边炉!!!你哋不防试吓佢哋D刺身呀，冬天食仲有Feel 呀!!
继续阅读
31/08 晚为 Samantha 庆祝开始回家待产，一班同事﹝十一人﹞借花敬佛和她到此晚饭﹝因为张生又中六合彩，已经不下三四次﹞。牛肉刺身非常好食，三文鱼腩真系好肥美........因为有赠券所以绝对超值。海胆刺身三板配以紫菜又大件真系好甘......因为有赠券所以绝对超值。杂锦刺身有(鱼立)鱼厚切和薄切、北寄贝、吞拿鱼、牡丹虾及黄金鱿鱼......都系果句因为有赠券所以绝对超值。跟住火锅上枱有猪骨锅同水鱼锅，配料就有鸵鸟肉、羊肉、墨鱼丸、云吞水饺、肥鹅肠等等，总之好多好多饱到顶哂肚。在此代各位同事再一次多谢！
继续阅读
i saw the advertisement on the web, then i decided to go and have a try. i would like to say decent price and awesome food especially the assorted sashimi (highly recommened). Me and my other frds couldn't finish the whole set of it, is really worth. It only cost $168.. how cheap is that!!!! Also, the beef for the hot pot is delicious. (highly recommended). I strongly suggeset you to have a visit, i assure you will think is worth.
继续阅读
报纸日日卖广告, 见佢个$1 A5和牛刺身卖相好吸引, 趁友人想打边炉就顺势试一试可能平日关系, 只系三,四台客, 地方几阔落, 台边放左调味架, 岩晒我地呢d食食下又要加葱,辣椒等既人未落单已放低碟和牛刺身, 份量少, 一定唔系报纸所讲值$480, 牛味唔重, 雪花纹又唔多, 入口无甘香, 差. 虽然呢间店主打刺身同都有唔少贵价食物, 但伙计完全无硬销, 汤底有泡浮面又会帮忙拨走, 服务方面算唔错芫茜皮蛋汤底 - 好多皮蛋, 但可惜唔系糖心筒蚝 - 蚝身饱满, 不过嫌蚝鲜味唔够四宝丸 - 一碟八粒, 份量好似少左D, 其中姜汁猪肉丸最令人惊喜, 姜味香浓手切肥牛 - 牛味浓, 肉质几滑鸡子 - 分新鲜同雪藏两种, 要了平那种, 鸡子大大粒, 虽雪藏货但咬开仍很嫩滑牛脷 - 第一次用牛脷打边炉, 味道有少膻, 牛脷都系用来烧好D桂花蚌 - 蚌身粗大厚肉, 口感爽口鲜甜鱼皮饺 - 普通是晚主攻蓝妹, 特价都要$18/罐, 好似贵左D其实食物算唔错, 不过奈何价钱偏费兼份量偏少, 地方又太唔就脚, 再来恐怕都要讲缘份
继续阅读
我见呢间新开既火㶽店做紧一蚊A5和牛推广, 揾埋朋友仔去试下啦!虽然间铺系红磡咁远, 但系我哋两个为食妹都系山长水远咁走入去试下.是晚菜色如下:A5和牛刺身(推广价$1)饱鱼刺身一只(推广价$48)美国雪花肥牛(例$98)黄帝菜($28)什菌拼盘($58)手打鲜丸四宝($48)鸳鸯汤底($60)前菜(一坐底就上枱, 老屈你食, 无得唔要$18)另加茶介每位$8, 酱料$18本来想七点半去食, 但订枱既时候, 佢又话因为铺面唔大, 所以要分时段: 六点至八点三或八点半至十一点, 咁我六点先收工, 惟有订八点半啦. 但系我哋去到, 连埋我哋都只系得三枱客, 好心佢新开张又唔多客就无谓分时段啦, 想做多转咪限时啰, 浪费晒我哋啲时间, 食到夜一夜先走得.讲返食物先啦, 虽然个A5和牛系刺身, 但系我哋一坐底, 佢就上咗个和牛先, 到我哋点完野食都迟咗十分钟先食啦, 所以我都唔敢当刺身食, 当火㶽料烚下烚下啰. 味道方面令人失望, 无乜牛肉味, 亦都无乜油脂, 食完之后一滴油都无留系口, 比较可取既系肉质松软. 份量方面呢, 虽然系推广价都预咗唔会好大份, 但系和牛既份量真系好少, 有十片大约20mm X 50mm X 1mm. 唔知呢个系正常份量还是推广价份量, 若果真系正常份量就真系超级无敌劲唔掋, $480食十片细细片和牛, 我不如系citysuper之类买返屋企自己煮好过啦. 到个饱鱼刺身咧, 我平时好少食刺身, 饱鱼刺身更加系第一次食, 所以都唔知点既味道先叫好食. 我个人意见就觉得个刺身都好爽, 又够新鲜, 价钱贵唔贵我就唔识分, 不过$48试下都OK.由于个和牛份量太少, 我哋两个牛魔王又点够喉?! 所以另外要多个美国雪花肥牛. 呢个肥牛一样系细细片, 不过比和牛大片少少. 牛肉味比和牛多, 但依然系好淡, 点少少酱油已经会盖过晒啲牛味. 最唔掂既系啲所谓雪花肥牛, 有半碟系半片脂肪半片牛肉既牛肉片, 就算你话系同一嚿牛肉上面切落唻, 我觉得都唔应该畀客食啰. 若果你系大大片牛肉入面有一部份系肥脂肪就还可以, 但系你又切到细细片, 咁样食法真系唔掂. 若果你话成本贵, 咁不如细碟啲啰, 你咁样沟啲"杂质"入去, 真系食得好无瘾.其它食物如皇帝菜, 什菌, 四宝丸都用料新鲜, 不过菜既份量真系太少, $28既菜煮埋得一碗份量左右. 什菌并盘要$58我都觉得遍贵.另外一样要提吓既系佢哋既酱油, 佢哋有个配料架畀你加配料入鼓油度, 又会有一碟自制既XO酱畀你, 但系个XO酱好辣, 我哋只系食少少少少就无点过, 可以话系无食过就收返. 但系酱油钱要每位$18, 我相信其中唔少系因为呢碟XO酱, 对于无辣不欢既人就无所谓, 因为佢一定会食呢个XO酱, 但系对于唔食辣或者钟意食食物本身鲜味既人唻讲, 呢个XO酱就好多余.埋单既时候, 食物连加一原本系$452.1, 佢竟然将个一毫子进一收我$453㖞. 其实依家有边个会要返啲毫子吖? 畀tips都畀咗啦, 但系佢自己进一就有点儿那个啰, 连员工既下拦都要食埋. 最后总结系, 呢个铺有太多老屈收费, 印象麻麻. 若果唔系有推广价食品拉底返个总数, 呢餐真系超唔掋.
继续阅读