影片
以上资料只供参考，请与餐厅确认详情
由七月開始天氣開始好熱，就唔係好想出去買外賣，買完成身汗返黎，發現紅城冰室只要叫滿$100就會送上門，只要有多一個同事食就好容易達minimum charge。紅城冰室每日更新五個午餐和一個素食餐，亦有四個固定的午市客飯餐，選擇好多。今日我點了咖喱魚柳飯，跟配紅湯和熱好立克，盛惠$60。咖哩：天氣又悶又熱，食欲不振，食咖喱最好不過。咖哩口感順滑，味道偏椰香清淡，並唔係惹味辛辣的濃味咖喱，對於午餐來講相對light d 容易接受。魚柳：兩件香脆吉列魚柳，啖啖肉。但今次炸得過左龍，有dd乾，唔夠juicy。紅湯：港式的羅宋湯，酸味味夠晒開胃。亦要一讚佢哋WhatsApp落單的服務，好方便，負責WhatsApp 的人又盡責又好禮貌，good!
继续阅读
見下午茶都幾經濟，就入去試吓，因為之前都系到試過粉麵覺得吾人錯。棟左幾抵食嘅「牛角包」加炒蛋$27牛角包翻熱過，包面脆脆地，內裡好鬼淋，都幾油下；炒蛋好大份，系正常嘅炒蛋，無加入忌廉，吾系嫩滑型，成底油，只係飽肚，味道差左啲。「鴛鴦」堅難飲，奶少，又苦又澀又鞋口，講完！
继续阅读
紅城冰室咁多年就好多人都識，最近仲係隔幾間鋪開多咗間紅城粉麵，而且仲好抵食⋯⋯午飯時間又到，又係新開，就梗係要食😁😁唔想同人迫，所以通常都會晏D先食午餐，而且又有下午茶時間，又平又正。超值抵食👍👍👍👍👍👍—————-🟧下午茶餐之必吃：🦐蝦球撈麵配XO醬➕即磨咖啡☕️=48元先講杯咖啡☕️⋯⋯平日咖啡店一杯咖啡都唔只咁既價錢，而家48元一個套餐，主要係即磨咖啡係香濃、濃郁，而且味道仲拍得上D咖啡店😋😋😋—————🟦再講🦐蝦球撈麵，🦐蝦球係真係好大好大隻，仲要係有五大隻，爽口鮮味彈牙，配上自家制又有蝦乾、瑤柱及多款材料的XO醬，香口美味，再加埋佢地又係自家制既菜甫，係超級惹味⋯⋯仲要食到舐舐利😋😋麵質爽口嫩滑、足料、麵底仲有菜心，配上湯一碗，味道好昧之餘，48元咁平又咁好食又足料配搭，即磨咖啡☕️、大大隻蝦🦐球，足料自家製XO、自家製菜甫，真係點講都係超值好食抵食👏👏👏👏👏——————-🟥紅油雲耳———食雲耳有益健康又有幫助通血管功效，醋香帶微辣，又爽又脆👍👍👍👍👍—————-🟨冰鎮介蘭———配埋wasabi豉油，芥蘭又爽又脆又嫩，可以話係食菜都可以有另一境界🥳🥳🥳🥳🥳——————環境乾淨衞生，店員仲係超級有禮貌，中上環區都可以食到咁平又咁靚既嘢，扺食超值👍👍👍👍👍—————-開心🥳⋯⋯簡單
继续阅读
平常去食下午茶都喺星期六、日行完山之後，喺呢啲時間先叫有啲閒情逸致，今次都差唔多，不過，就唔喺晌九龍區或新界區，而喺落番嚟中環轉港鐵返九龍，順道晌中環嘆個下午茶而已。路經「紅城粉麵」，真喺好隨意就入咗去。店內環境唔大，實屬小店一家，地方算四正整潔。用餐期間見到有啲人走到廚房旁條樓梯，原來，仲有二樓雅座，不過，就無上到睇睇。餐廳都主力做外賣，所以，有啲外賣單張攞，掃描貼出嚟，有啲咩揀，就一目了然。而嚟得食下午茶，目標就自然好清晰。冰鎮菠蘿油餐 $27其實下午茶嘅菠蘿包餐賣$22，加牛油就額外多加$5，加片牛油俾多$5查實感覺喺有點貴，但整份賣$27，對比起之前晌唔同區食過嘅菠蘿油餐（$24-$32），呢度嘅價位算喺屬中間啦。菠蘿油啲菠蘿包見店員由前枱拎番入廚房烘番熱，所以，面皮食起嚟好脆，散到一枱都喺面皮碎，包身一貫港式包嘅軟熟。最搞嘢喺件牛油另上，仲真喺冰鎮住，感覺都喺花巧大於實際。熱奶茶奶茶就比預期稍遜，主要喺茶底唔夠香，入口少咗份醇厚感，但又唔可以話佢差，只喺中規中矩咁啦。雖然食物方面就一般般，不過，啲阿姐就好有禮貌，而且，幾好招呼。家吓疫情之下飲食業都幾難做，所以，啲阿姐都話，有份工撈，點都要做好啲嘅。
继续阅读
服務好、食物水準高且價錢實惠嘅中環午市高質之選～～～返工忙到傻 同大舊基本上個星期都冇得見 終於捱到星期六 但係因為疫情關係 唔可以夜晚一齊出街食飯 所以我哋就嚟咗中環食個午餐見一見～～～講起紅城冰室 相信大家中國人都聽過 已佢哋最近就係冰室嘅附近開咗呢間紅城粉麵 餐廳廚房係半開放式設計食客可以見到廚房入邊嘅情況令人倍感安心（我地坐喺度一粒半鐘見入面嘅侍應同廚師全部都有戴上口罩衛生措施做得好足值得一讚）～～～食物方面我哋叫咗 涼拌手撕雞 冰鎮芥蘭 冰鎮菠蘿油 一個午市套餐 鮮魚湯鮮蝦菠菜餃米線 一個早餐（剛好趕上last order）混醬多士餐 ”另加$5加隻炒蛋 同加$10加埋鮮蕃茄薯仔排骨通粉”～～～涼拌手撕雞：可以揀金芝麻醬 麻辣或者涼拌 而我哋就揀咗涼拌雞絲好嫩滑 味道調得啱啱好 水準有驚喜～～～冰鎮芥蘭：爽脆嘅芥蘭 食落口凍冰冰好消暑 加埋Wasabi同日本醬油食有種覺得自己食緊日本刺身嘅感覺 ～～～冰鎮菠蘿油： 鬆 軟 綿 香嘅菠蘿包 熱辣辣新鮮出爐 加上冰凍嘅牛油 每啖食落去都覺得自己真係好幸福啊～～～午市套餐-鮮魚湯鮮蝦菠菜餃米線 配時令菜 有飲品 $50都唔使 有碗麵仲有埋菜同飲品 中環黎講真係好抵食 而且啱晒非常之缺菜嘅中環人見到呢個套餐有種相逢恨晚嘅感覺 一直都唔知呢度有個咁抵食嘅午市套餐 以後同大舊1-5返工嘅時候 又多一個好選擇lu!～～～早餐-混醬多士餐：佢哋嘅早餐係11:30 cut off 雖然我哋嚟到嘅時候已經差唔多搭七 但係好好人嘅老細都俾我哋叫 服務態度超級好呢個多士餐可以任揀兩款醬 包括有果醬 花生醬 煉奶 架央同牛油 而我哋就叫咗花生醬加架央 真心好食到不得了 點解我哋仲加左牛油嫩滑嘅炒蛋 同真材實料嘅鮮蕃茄薯仔排骨通粉 成個餐加加埋埋都唔使$40 抵食之餘又豐富😊好正～～～推薦度：🔥🔥🔥🔥🔥🔥🔥🔥🔥）餐廳：紅城粉麵 (中環)地址中環機利文新街10號地舖
继续阅读