影片
是日天气冻，路过留意到这间红叶有羊腩煲食，而且睇落环境明亮，食客不少点知咁都中伏。中伏位１：污糟，多飞虫餐厅卫生非常重要，但入去坐低后飞虫好多，十分滋扰。乌蝇处处(有图)，赶极都仲有。以为识飞既已经够烦点知生菜碟上都仲有虫仔(有图)食完枱面又有究竟呢间嘢点解可以咁多虫？中伏位２：误导食客食二人细份羊腩煲，嗌咗饮中汤，阿姐再问「饮咩」，跟住我问：吓，仲连嘢饮架咩？佢答「系」。跟手出单一睇：两杯嘢饮出正价。198的餐，两杯嘢饮计我50。睇返餐牌，你包汤，唔包嘢饮，点解要答我「系」。由于已经饮咗，唔想拗了。纯粹写出黎警世。同场旁边另一个阿姐又同食客起争拗食客走咗，个阿姐仲响度劲大声埋怨个食客可想而知，呢间嘢的服务水平有几优秀。讲返个羊腩煲，咁样的细羊腩件有6-7件，size偏细冇咩急冻味，冇咩骚味，冇咩味肉比较实，未去到韧完全靠个汤，另外仲有些少冬菇、笋，南乳酱好酸，唔点好过点味道唔算差。配两碗白饭，两个人食都饱。题外话，连大勺都没有提供，用茶匙来盛汤都几灾难。总括：呢间好多人食，估计写食评未必会搜黎睇。但今次真系中伏经历。加上本人系埋单𠮶位，倍感气结。纯粹写出黎警世，希望唔好再有人中伏
继续阅读
深水埗太多餐厅可选择！红叶装修后光猛又亲民👍唔错经典红叶早餐：香煎猪扒通粉👍芝麻猪仔沙爹牛肉饱👍沙爹汁劲多😋热奶茶餐肉+煎双蛋+脆香丹麦多士仿鲍鱼丝火腿通粉香煎猪扒公仔面👍金牌炒双滑蛋+脆香丹麦多士热奶茶金牌炒滑蛋+脆香丹麦多士
继续阅读
深水埗区都每份加十蚊， 环境又唔系好过人， 服务员嘈冤巴闭， 真系唔可以去的餐厅， 炒蛋 特别不同颜色，我怀疑都系预制菜交来的， 我估计其他菜品也一样， 想尝试预制菜的朋友不妨一试。
继续阅读
早餐个炒蛋上碟系一个雪糕球咁，懒系靓，但系冇蛋味同水汪汪的，好难食问佢有冇得转正常炒蛋，个侍应话冇，系得呢款，一整出黎就系咁。咁我唯有转煎蛋先有蛋味既蛋食。以后都唔会再去！
继续阅读
晚餐叫左个五香肉丁炒公仔面，可以改名做鸡蛋丝伴五香肉丁炒面食落口完全唔知自己食紧乜！太多鸡蛋，公仔面味又冇，得啲蛋味，食左半碟面都冇就唔食！真系失望，原本以为会有啲香喷喷嘅五香肉丁味，但结果完全唔系咁。面条煮得过熟，变得有啲糊，完全冇咬口。再加上啲肉丁份量少得可怜，根本唔够饱肚。呢餐饭真系令我对呢间餐厅嘅印象大打折扣，下次真系唔敢再试呢度嘅公仔面。希望下次可以揾到一间真系好食嘅餐厅，唔好再有咁失望嘅经历。
继续阅读