紅葉餐廳小廚 (已結業)

大埔除左街市抵食 性價比高之外其實行過少少屋邨個邊都好多又平又抵食既餐廳架😀😀😀😀今日本身一心黎附近食餃子 點知上網休息時間晤準確 黎到先摸門釘😣😣😣😣😣😣醫肚要緊 唯有是但搵一間食 下次再黎食餃子啦今次試左雞扒冬陰功米線 包熱飲 只係32蚊冬陰功就一定晤好expect佢係泰國餐廳既質素不過我覺得合格有餘 夠酸夠辣 又大大碗雞扒煎得好香又夠嫩滑 好味道食完無好口渴 我覺得超值👍👍👍👍熱飲叫左熱檸水 值得一講 檸檬無苦味 仲俾左四塊 有良心😀😀

有一次經親戚介紹下黎左食飯，之後出奇地吸引左無誇張，自此成為左我一家人/相聚既飯堂餐廳由老闆、老闆娘同仔仔一齊經營，親切到會一齊吹水大埔就係咁人情味。首先一坐低已經會比個湯你飲，每碗都有湯料，用料十足。話梅排骨(必試之選)佢係用話梅肉整成，成個醬好濃郁，酸meimei超中意，合晒呀媽口味，送飯亦都一流黃金涼瓜(必試之選2)私心推介，涼瓜連埋咸蛋黃一齊飛油，外脆內軟涼瓜完全無苦味，連小朋友都食蒜蓉開邊蝦喱個餸就好多地方都有，而且味道正常，但食得出唔係養蝦太極肉餅取其名係一邊梅菜一邊純肉餅，但喱個餸非常適合小朋友雜菜粉絲煲不過不失，但誠意十足又蝦、又有帶子，湯底有味最後，誠意推薦大家試下佢既晚飯小菜，店舖細細但一啲都唔失望

今早行到邊食到邊，就入咗嚟呢間食早餐。麥皮唔香，多士明顯烘定，啲牛油都唔溶，太陽蛋正常加條雞肉腸。另一份比較出色，魚柳夠熱同香口，德國腸都係一早煮定唔熱。佢個 poster 話係用黑白奶，杯奶茶無茶味，太多奶!我比較欣賞落單姐姐，經過見我哋仲揀緊都唔會催，又唔會企定定等你比壓力你，餐廳內大檯比較多，所以大部份都要搭檯。夜晚揾食經過見佢坐無虛席，門口仲有人等位，餐廳內有好多餸嘅相片睇落都幾吸引，睇吓下次有無機會嚟晚飯啦 😁

啱啱返黎香港想食下我未食過ge 餐廳， 就同爸媽係大埔墟周圍行下， 見門口啲相幾靚，老闆話"唔好食咪下次唔黎lor" 咁， 就入左黎食 😂 環境ok, 最緊要無咩油煙味， 非常好 6pm入黎， 無人唔使等位， 點知原來之後都幾多booking , 所以無我地咁早黎食可能要book位 😂我自己最鐘意食黃金蝦， 蝦爽滑， 掛黃啱啱好， 唔會太厚， 感覺健康啲， 仲有西蘭花係eatable , 唔係只有伴碟的硬 😂 隔離枱有叫有煲仔的， 好似幾好味， 下次試下先