紅葉酒場 (T.O.P This is Our Place) (已結業)

當日到了餐廳門口，見到標示要去到紅葉茶屋繼續進食。當我去到紅葉茶屋的時候，店員表示餐廳並沒有任何食品可以提供，只能夠提供紅葉茶屋的餐廳內食品 ，我就失望地繼續食紅葉茶屋的食物，對這樣奇怪的設計亦深感無奈，最後我叫咗原條鰻魚茶漬飯，我覺得味道軟硬剛好，而我揀選嘅係煎堅魚湯，味道清淡，但正正中和了鰻魚的肥膩感，大家可以一試。記住這並不是紅葉酒場的食物，建議大家想試紅葉酒場前先致電店舖查詢。晚餐都唔需要等位，即時會有位，現場是用手機落單，上菜時間都好快，大約十五分鐘內就有得食。

俾佢嘅裝修吸引咗入嚟係我今個星期最後悔做嘅事情我同媽咪兩個人入嚟食見環境寧靜餐牌款式都算多元化就入咗嚟分別嗌咗個燒三文魚加三文魚刺身飯仲有個四色刺身飯好快就已經嚟咗個四色刺身飯真係啲刺身博到透左啲飯出嚟我哋兩個見到都O嘴😖大嗱嗱聲$148 隔離樓下爭鮮都不如咩事先博都算竟然仲要係又腥又梅上個星期食嘅放題好過佢幾千倍隔咗5分鐘我嗰個三文魚飯都嚟埋果不其然一樣咁難食份量少三文魚堆埋一堆先係爭鮮三塊刺身加埋嘅厚度啲魚子仲要係勁腥入落口唔需要咬就已經爛晒梅到阿媽都唔認得呢個飯同樣都係$148 真係真係真係食到我哋咩心情都冇晒唯一可以讚嘅就係呢度嘅職員態度好好同埋四色刺身飯個甜蝦較為好食其他真係垃圾都不如第一次食過咁難食嘅餐廳無敵超級失望加埋一最後埋單330食完仲要去返旺中繼續食過一來彌補心情二來唔飽10分極之唔推介大家嚟食但係我睇社交平台相有冇咁衰唔知係咪近排轉左師傅真係超級衰名將都好過佢😶😶😶😶太嬲啦三百幾蚊食咗劈垃圾🤬張相真係影得靚左如果大家唔怕劣食都一定要去試吓呢一度嘅壽司飯雖然我唔知道佢呢度其他嗰啲吉列好唔好食但係刺身就真係好難食真係博到透光🤯😡

夏日熱辣辣想係商場舒舒服服食番餐好，醒起之前行過睇落唔錯嘅紅葉茶屋平時唔洗等位，點知今日差唔多8點都仲有十個八個排緊隊🥲因為想試佢個壽喜燒醒起同一層另一邊嘅紅葉酒場都有，呢邊唔洗等可以直入😆睇過menu應該大部分茶屋嘅菜式酒場都有，不過酒場睇落就好似比較專門食牛，有更高級嘅選擇，但唔想等位去酒場都一樣食到茶屋menu，大家可以留意番😝-🍤天婦羅咖喱烏冬定食 $108咖哩似平時超市買到一包包即食咖哩，唔會難食不過無驚喜。男朋友表示份量偏少食完唔太飽，整體屬於正常中規中矩之選。-🐮和牛肉壽喜燒定食 $158食得出同平時啲牛肉唔同，口感係軟熟啲同埋脂肪多少少，不過唔係好掛到湯，要連湯飲先有壽喜燒感覺，牛肉份量唔算少👌🏻配料有豆腐、冬菇同娃娃菜，簡簡單單呢幾樣配料都係我最愛，讚🥰整體唔錯如果用鍋上熱住會更好更符合壽喜燒感覺～-🥭芒果&西柚紅茶 $38唔太甜幾好飲，解渴之選，可以一戰👌🏻-總結：食物質素唔錯，可惜份量偏少定價略高，到此一遊系列。

商場細細，晚飯時間，周圍都排隊，唔覺意發現角落有間日式扒房，空位多過人，驚伏架⋯⋯實在同隔離既紅葉茶屋，係同一間餐廳，同一個餐牌，只是多了酒和扒。✅ 環境可以，枱唔密，坐得舒服✅食物質素唔錯。牛扒煎得香，有鑊氣；日式烏冬也特別⚠️冷氣好凍⚠️全場得兩位待應，要等佢留意到先應到