繼光香香雞

营业中

休息中

一日一黃店-葵廣大大塊台式炸雞 排唔想食kfc 去左試試呢間台灣好出名嘅炸雞 （題外話葵廣真係好多人）.今日最驚喜嘅係呢個⭐️川麻雞髀扒$38👍🏻真係有塊面咁大塊 即炸好熱😋外層酥脆 有麻辣粉 係越食越麻果隻 大概10小辣‼️如果可以爆落粉 應該會再爽d（問問店員啦）👍🏻咬開雞肉好嫩滑 有汁流出好評必食.見到而家有優惠到2月7號買套餐可以有優惠加$5 小食（甘梅地瓜條/Q彈墨魚花枝丸/塔香蘿蔔糕）我就試左⭐️香香炸雞+蒜脆杏鮑菇$49細分都有 近8舊 同樣即炸爆熱👌🏻外層同埋好脆 炸皮都薄 有五香粉調味👌🏻但炸耐左小小 乾左d 可能因為雞髀扒太滑👍🏻炸菇菇係厚切 相對有口感好多😊食完好有去咗台灣夜市嘅感覺.⭐️黑白花枝丸+$5😋呢個好食 仲要平 外層脆脆地 咬開入邊有墨魚香鍾意食墨魚丸嘅朋友一定鍾意.我幾鍾意呢間炸雞店整體出品唔錯 呢間之前聽講有告急仲有聽講上水店有麻辣鴨血 好多人排隊（搞到我又好想試 下次再去上水店啦）.#繼光香香雞 (葵芳) 地址：葵芳葵富路7號葵涌廣場3樓303A號舖.⭐️評分：味道：4.2/5環境：-/5服務：-/5抵食：3.8/5

新鮮炸起嘅雞粒，真係好正。外皮脆卜卜，入邊嘅雞件仲嫩、好Juicy。雞件好滑，細細粒，一口一件，好方便。加埋少少調味粉，鹹鹹地，好惹味，啱晒做下午茶！估唔到一袋嘅份量都幾多，好滿足。

來到葵廣，一定要嚟食繼光香香雞現時香香雞在香港的分店不算太多，難得路過要試試到達店外，已經聞到惹味的炸雞味炸物都是即炸，需要等5-10分鐘還有在台灣也很常見的炸杏鮑菇，今次諗住掃街，留返下次試～炸雞可以選不同辣度，我揀微辣，可以過口癮提味，不會太辣。香香炸雞（大）微辣 $30等大概10分鐘，炸雞已炸好。熱辣辣的炸雞非常誘人，炸粉本身也有調味，不會太厚食落香口脆卜卜，充滿雞汁雞肉嫩滑，完全不柴雞肉入味，有黑椒胡椒的香味，帶點鹹甜味，又香又好食下次會再買!

同朋友們行開葵廣，口痕想食野，見到新上市，我哋又好辣，緊係要試試佢🤪-👉🏻新上市🐥川麻雞髀扒｜💰38✔️外皮酥脆，雞肉質嫩滑多汁✔️雞肉索哂醃製醬汁，夠入味✔️椒麻味香👉🏻仲可以揀大辣｜中辣｜小辣｜微辣｜正常⭕️但可惜我個塊唔夠辣，鐘意辣既朋友記得要求多辣喇🥺唔好學我唔記得左揀辣度😂.🌟8月31日前購買川麻雞髀扒連野飲有優惠‼️只需💰45，🥤佢地有桂香酸梅湯，唔係死甜，配埋雞排係夏天食，涼浸浸消暑解膩一流🤪-

疫情嘅影響下，肥雞已經唔夠膽喺街度食野，唯有買番屋企食。咁肥雞梗係嗌佢個招牌菜繼光香香雞粒，八爪魚鬚同埋炸杏鮑菇啦。講返佢嘅招牌香香雞粒先，佢啲五香粉呢非常之香配埋台灣特有嘅地瓜粉，將成個外皮炸得非常之香脆，同埋個口感一流，而且佢啲肉醃得非常之有味有孜然粉，花椒粉等等，食得出同燒烤係冇乜分別最重要係佢所有嘢都即叫即炸，可能肥雞好好彩遇正佢新鮮炸嘅一刻。至於八爪魚酥呢一個呢，就非常之香口彈牙送酒一流而佢嘅杏鮑菇呢就係肥雞最愛嘅佢嘅諗法都充滿咗非常之香嘅汁益配埋香脆嘅炸衣食落口一啲都唔乾

自從2020年之後，今次係第一次去葵廣，靜左好多，係得一兩當有人排隊。咁我就去睇吓啦。呢間繼光香香雞係台式炸雞名店，喺香港政府實施公眾場合禁止四人聚集嘅條件下，推行買大分香香炸雞其他食品半價嘅優惠。香香炸雞（大） $39講到炸雞，我一向都覺得台式炸雞係好食過韓式炸雞嘅。香港出名嘅台式炸雞唔係繼光就係豪大大。今次再食，印象依然非常好。原因係我見着佢返貨，下午一點左右，每日由台灣空運到港，同埋佢即叫即炸嘅過程，炸至金黃色，咬落皮脆多汁，好掂！酥炸魷魚（小） $32酥炸魷魚易係即叫即炸，顏色揸得好金黃，咬口酥脆，魷魚係用獨家配方醃製過。要用台灣嘅說法你形容就係肉質Q彈。加上胡椒粉同秘製嘅粉，充滿滿滿嘅台灣夜市風味。建議大家買大份，因為細分嘅話好快就會食晒。最後，介紹甘梅番薯條$26店長話呢個薯條係有台灣正港嘅紅心番薯（地瓜），配合梅子粉而成的。當然，我係食辣嘅，我加咗繼光嘅辣粉同埋胡椒粉，整個口味甘甘甜甜鹹鹹，且具飽肚感，抵食！

葵涌廣場嘅小食多就係人都知，但係要搵到一間好味嘅炸雞選擇就唔係太多啦，由於疫情嘅關係而家邊度都唔可以去，想食炸雞嘅話呢我就一定會揀呢間台灣嘅繼光香香雞，我哋可能係下午三四點過去，人流就唔算多不過鋪面就得一個姐姐，但係佢嘅服務態度都非常之好而且都好有效率，我哋除咗見過份炸雞之外仲買咗個魷魚鬚，我自己比較推介個魷魚鬚炸得啱啱好唔會話太油，呢個價錢同埋份量我覺得都算非常抵，最啱就係下午茶買啲返去公司一班人食啦！

平時都有個興趣去葵廣掃下街。因為葵廣真係好多嘢食手肘餅啊食個魚蛋燒賣都有風味過人😍而家短期內都冇得去旅行，太掛住台灣d炸雞😭😭之前已經成日食繼光香香雞！佢出咗好多唔同嘅款式。因為我太鍾意食雞嘅關係從來都冇試過食其他小食😝😝😝今次叫咗佢個魷魚鬚。哇好好味喎，魷魚唔會縮到好細，比起其他餐廳食嘅好食好多而且仲好大份！正呀！另外佢個台嗑三塊雞。其實係一個雞髀加雞胸超大舊！熱辣辣入邊唔會炸到好乾！大件夾抵食！

💛黃店X台式炸雞🐔系列💕▫️餐廳：繼光香香雞🐥▫️地點：全香港有4間分店🇭🇰📍葵芳葵富路7號葵涌廣場3樓303A號舖（港鐵葵芳站 D 出口(🤪葵廣)▫️營業時間⏰：mon-sun 12:00non - 10:00pm▫️價錢：～$20-30+—美味：🐥🐥🐥🐥環境：🐥🐥🐥（冇得堂食）價錢：💰💰💰—葵涌廣場，簡稱：葵廣，係眾所周知既掃街勝地🍮🥛🧁🌰🍰🍥🎂🍜🍲🍱，包你可以由晨早食到夜晚。👧🏻最鐘意食炸雞🍗，次次經過都食一包香香雞，一定揀大🌶（$28細）都幾大包，有8-9件雞🐥慢慢食都食到好耐🤪仲會比佢獨特既味粉攪到食上癮🤩仲要唔係太油☺️-#好西 #繼光香香雞 #葵廣 #葵芳 #掃街 #打卡 #炸雞薯條#夏天美食 #HongKong #HK #foodie #goodwest #food #meal #lunch #dessert #amy_in_kf #黃色經濟圈 #黃店 #台式炸雞

兒童節去開葵芳經過葵涌廣場，見往日大排長龍的繼光香香只有两三人在等，便買了些回去跟姪子們分享。選了香香炸雞粒、台嗑三塊雞、墨魚甜不辣即叫即炸，保證熱辣辣，姪子們很愛吃這家的炸雞，也常常吃，反而自己是第一次買來吃。拿在手中也聞到香噴噴，回到家要第一時間把包裝打開，以免熱力令空氣中的水分濕潤了雞塊。香香炸雞粒$39（大）香脆可口，外脆內軟有肉汁，好味！台嗑三塊雞$38原來係雞膇，表皮好脆，肉質嫩滑，非常惹味，對於喜愛偏淡口味的人會有點咸。墨魚甜不辣$24（海苔味）出乎意料咁好食，口感好正。侄子們平常只買香香雞，今次試過其他款式食物，都覺得下次可以買多些種類呢。

因為疫情關係，最近好少出街食野，前幾天經過葵廣的繼光香香雞，因為太香忍唔住買了外賣番屋企食。🤤好開心最近做緊優惠，由4月10 至5月10 買大份香香炸雞，第二款食物任選一款半價，仲有17款可以揀。香香炸雞 (大）剛剛炸好，真係好香好香，炸粉厚薄適中，配酒飲一流。台嗑三塊雞 第一次食台嗑三塊雞，大大件，肉質好嫩滑，好滿足。酥炸魷魚(大）媽媽鐘意食魷魚，雖然買左2款雞，都忍唔住買黎孝敬佢。剛剛炸好的魷魚外脆內彈牙。

一向都好鍾意食炸雞，尤其是行行吓街想食。小食呢度當然一定要叫香香雞，香香雞炸得好香。因為即叫即炸，而且個雞唔會太鞋。仲可以揀辣同唔辣，炸得好香口。另外仲叫咗炸魷魚，第一次食炸魷魚，魷魚味好香，由於都係即叫即炸，所以都真係非常新鮮，份量又夠多！！台嗑三塊雞，食因為朋友話想要一盒返屋企，呢個味道好似以前食過嘅味道咁，係有炸雞嘅味道，炸得超級脆，好香口，啖啖肉。當小食真係一流，而且真係好味！最鍾意食炸嘢：）

呢幾日放假，出街買啲外賣食，見到平時食開嘅香香雞居然有優惠，買大份嘅香香炸雞，再買第二款食物就半價，好抵！(10/4-10/5期間) 今日晏晝就食呢樣🥰1.香香炸雞 (大) 小辣份量好多，炸到金黃金黃，勁吸引！炸粉唔會好口，食落卜卜脆，外脆內軟，肉質都幾細嫩，好美味呀！2.半價嘅產品就揀咗SPA雞排 小辣勁大塊喎！同樣都係好酥脆可口，夠嫩滑幾juicy，又夠香噴噴！食落唔會覺得好油膩，真係令人舔舔脷，食過返尋味😆😆3.酥炸魷魚🦑好大條，好香脆，淡淡魷魚肉😆幾彈牙！我想講佢調味調得幾好🥰🥰呢個午餐真係好邪惡，好美味呀！

繼光香香雞今日下午去開葵廣經過呢間繼光香香雞都會俾佢嘅香味吸引到，呢日終於忍唔住當午餐食啦香香炸雞一啖一粒皮脆，超香口，仲要內裡雞肉好嫩好多汁，最重要係即叫即炸，唔會預先炸定一大堆，保證熱辣辣，可口香脆配特製嘅調味粉，好味呀台嗑三塊雞 每件雞都好大件，好抵食，叫左中辣面頭灑咗少少辣粉，更加惹味，小小辣，吃不停口。酥炸魷魚炸魷魚，魷魚肉質Q彈而且不油，味道都幾鮮，最緊要係外皮都好薄。炸漿同調味亦啱啱好，長期必食之選，而且4月10 日開始購買大size 的香香炸雞，第二款食物任會自動半價，抵食

繼光香香雞係台灣好出名嘅炸雞品牌，係葵涌廣場開咗幾年都仲好多人食呀炸雞即叫即炸，所以可能會等耐少少，但好食就等下都冇所謂啦，而家仲做緊優惠4月10號至5月10號期間買香香炸雞大份仲可以用半價買多任何一款食物，有十幾廿款咁多，好抵食呀香香炸雞表面酥脆，雞肉嫩滑多汁，唔會好油膩，中辣都唔太辣台嗑三塊雞炸粉厚薄適中，一樣咁香脆，但都係啖啖肉嘅香香炸雞啱我多啲酥炸魷魚切到一口size好方便，而且外脆內軟，軟得嚟又有咬口