緬泰皇宮

营业中

休息中

住了香港仔十年有多...這是第2次到該餐廳食飯..上次食已經成年前..記得有訂位, 但係都要等位..之後有試過再去, 但係果度個收銀話, 你等唔到位ga喇......態度...真係...所以即走..星期四再去, 因為父親生日想再去..再一日訂位..8點。我和弟弟準時8pm 去到。個經理話我地張台埋緊單, 等一等...點知...一等...等左20mins..見到好多剛到的熟客, 經理都先招呼佢地...到最後....2十幾分鐘之後佢先醒起我地等緊..我真係黑面咁望住佢地...!第一個想法係...就算食物幾好, 我都唔會再來。食了一個2人set, 有肉眼筋同蝦餅->大家都滿意因為貴"勺"無晒, 轉金邊粉...好濕...另叫了海鮮炒飯...-->唔得..! 所謂海鮮原來得魷魚....=.=" 仲普通過茶餐廳的揚州炒飯。炒介蘭-->咸, 不過份量相比其他多。黃咖哩羊---> d 汁好稀...無咖哩味。叫了泰國beer給父親, 他說不錯。埋單:$325食物沒有上次食的那麼好吃，可能等位果刻已經留下了壞印象。我見到隔離d 熟客, 經理都好好招呼, 不時走過去問佢地點.

午餐:雙拼麵$19.8有雞絲,生牛肉,豬扒,燒雞,扎肉....!河粉,濛粉,金邊粉.....菠蘿炒飯都幾好味!$22.2最好就係贈送一件大菜糕!

公司和學校的午飯時間，人山人海，可見餐廳是頗受歡迎的。價錢相宜應該是其中一個原因。撈檬湯河之類只是$16左右，雙拼$18，炒飯也是$22，還送甜品，對一般學生和打工仔來說，很是化算。要了一個豬扒撈檬($16) 和一份蝦餅($22)，埋單加一共收$41.8。檬粉SIZE 可觀，檬底有生菜絲，吃落爽口。豬扒略帶香茅香味，但稍兼涼了一點，而且某些部份的炸粉過多，吃得不是味兒。蝦餅一碟兩塊，熱辣辣，但是以粉漿爲主的那種。甜品像是椰汁糕之類，送了給同枱的學生哥吃了。總的來說，價錢大衆化，食物味道亦算不過不失。後記：同枱學生點了燒雞湯河，來的時候居然是豬扒湯河。問問夥計，原來燒雞賣完，轉了豬扒，不過是在沒有問過食客的情況之下轉的，有點莫名其妙....

食品方面,樣樣都做得很好,唯一的d勝子有好多殘殼,食o個時要小心~提一提大家, 該店十月八号至十八号裝修, 想食的要等一等啦!

老實講～不嬲同男朋友屋企都間唔中落街食飯就黎哩間食因為佢Ｄ泰國菜真係唔差鐵板蠔仔、辣椒膏炒聖子、蒜蓉包、菠蘿炒飯都非常好味！而且男經理好NICE~而且可能係熟客啦所以次次食完飯都有甜品(無論午餐定晚餐)晚餐仲會請我地食千層糕而佢地個千層糕非常好味暖暖地...好有咬感好煙軔!!而且蝦餅非常好食~值得一試我地6個人一個小朋友食左8樣野~400幾蚊埋單野食真係唔錯~但D座位真係有D迫而且星期6,日要訂位~遲少少訂都有排等

Came here for lunch with family. Ordered a the noodle lunch set for 2 (2 pcs of shrimp cake, vegetable, 2 bowls of noodles, and coconut dessert), added a small tom yum that was for 4 people, and a chicken/taro rice in pot. The food was quite tasty as you can taste the MSG right after a sip of rice. The noodle and the coconut dessert were nothing special, but the tom yum and vegetable was nicely made.I'm not sure whether I'd recommend this restaurant as there are some better Thai food places i

8 June 2007 (Fri) - 晩飯同朋友打完波，順道同佢補祝生日，黎咗呢度食晚飯，叫咗個$178既三餸一湯餐，嘩．．．　真係太多，食到頂肚．．．．好扺食！三餸有：炒聖子，泰式炒什菜，黃咖喱雞，一湯係冬陰公湯！我最鍾意個冬陰公湯，料多夠辣，有蟹肉，正！泰式炒什菜唔係辣既，但份量都好多；黃咖喱雞一啲都唔辣，有啲失望；炒聖子我又麻麻！不過呢度樣樣餸既份量都好多，唔怪得佢話係二至三人餐，真係飽到頂！將所以打完波所消耗既脂肪都加返晒，唔開心．．．．不過見係同朋友補祝生日，所以至食咁豐富，否則一定唔會做完運動食咁多！

住香港仔都係食過兩次。兩個月前食過，好味道，今次返來，叫了上次覺得好味的生菜包，侍應說辣的，但我記得上次食係唔辣架!! 究竟係辣定唔辣呢？咁所以我就叫佢少辣，結果來到係一d都無辣，佢俾左辣粉我自己調較，都好。還叫了青咖厘羊，辣味岩岩好，不過鹹得實在不能吃下，我已經用薄餅來送青咖厘汁，薄餅是沒味的，但都變得鹹到不得了，侍應拎入廚房加工，出到來咖厘味淡了，但鹹味依然強烈，她說是加了椰汁再煮，沒法，只好拎返屋企再加工。d羊肉好un好un，而且仲好salty。薄餅好味，好味又鬆化，本身叫來送咖喱，不過佢係第一樣到既食物而青咖厘隔左四十五分鐘，乜都凍啦~變得硬晒lu。叫了乾炒豬肉河粉，又係唔辣既... 好多粉無乜餸，好一般。值得讚既係佢地人手夠，好留意客人既需要，女侍應和經理都說試過d青咖喱指真係鹹左d，會同廚房講，呢次都係單一事件者，我會再來架。個經理很好記性，咁多客人，佢都記得我係book左位來的。佢記低我姓什麼，話下次我幫襯時同佢講返呢件事，有野送喎.... XD唔理真定假，我感受到佢既誠意。Good!

昨晚與友人來試了:1)冬陰功(細)-要求小辣,但我兩個都唔太食得辣,所以越飲越覺得辣。其實入口酸酸辣辣,味道幾好。不過懷疑有味精,因食到中段,有味精反應。另外,湯內隻蝦(開邊連殼)"霉"的,失敗。大大扣分2)炭燒肉眼根-原來亦即燒豬頸肉-做法是燒得乾身,既唔juicy又唔惹味,但肉質都算腍-ok啦3)咸魚炒芥蘭-ok,一般4)黃薑汁煮緬甸蝦(1隻)-另外有1款緬甸蝦是用鮮奶蛋白蒸,因嫌做法比較中式,所以選黃薑汁煮-上檯時隻蝦幾大,比得上波士頓龍蝦size。開邊蒸,上面舖滿長薑絲,幾多汁-不過肉不夠鮮,也不夠爽-有d失望因單這道菜都收得幾貴5)椰汁千層糕-反而這道甜品幾特別-是6小長條形綠色椰汁糕,呈薄片形。還冒煙,入口頗熱,煙"un"-碟底有小小白色椰汁糖水,都不錯-不幸地,食物全無驚喜,又落味精,海鮮又唔夠新鮮。客觀來說,服務好快手。記得來位時,人頭湧湧,訂了位的我還要等,於是對經理埋怨了1句。想不到走時,他也不忘說多次對不起是我們等-食物雖未至於難食,但以這價錢(以香港仔區算貴),環境,材料,味道都去唔到水平,所以marginally fail

聖誕節同肥b,靚女c,f去海洋公園玩,住香港仔靚女f話香港仔無乜好食,所以我同肥b上網睇定有乜好食,最後一致決定食泰國最穩陣,玩到7點幾,我就搭的士食dinner,大約7點我打電話先book位.book8點,到只係7點半,等10分鐘左右,就有位,我叫$188餐,點炭燒豬頸肉,幾香口,薄薄,幾口味,泰式炒芥蘭,芥蘭幾甜,同幾多蒜蓉,無渣,白咖喱雞,咖喱甜d,肥b話太多奶,幾漏,原個菠蘿炒飯,幾多,有雞絲有臅腸,有肉鬆咁,幾豐富,另外我叫蝦剌生,d蝦都幾多,但唔係好大隻,點個汁ok,唯一係d蝦無"meet"腸,要扣分,蒜蓉包.夠趣,都幾多蒜蓉同牛油,不過漏d,冬陰公,肥b勁讚話正,d料多同新鮮,同埋個湯辣辣,酸酸,但又唔會"傘"湯d鮮味,正!辣椒膏炒聖子,我咁唔食得辣都覺得唔辣,肥b話老點佢,但肥b話聖子都新鮮同多,不過係細隻d都ok,到差唔多埋單時, 我問有無甜品送,佢送每人一件椰汁榚,夠凍,唔甜唔漏,正呀,散叫食都抵,到埋單時,我叫成8樣,都唔晒$400,勁抵,可惜遠d,我又唔會專登入食,可能又要等下次再去海洋公園先再,不過hea成日,食埋呢餐覺得非常完滿,肥b都叫我比笑笑!PS.肥B

我差不多每個月都會去一次,我對上次都冇見到個經理,佢個經理係男人,個子比較高,都好nice, 不過我每次都唔多洗等位,可能你好遲才去.多數係大約19:00到去食都冇乜人呀。推介有:明爐魚,咖喱炒蟹,炭燒豬頸肉，炒聖子，炒蠔仔，牛丸河，仲有冰類飲品都好好飲．香港仔區算唔錯

家人推薦話係最正的泰菜,所以專登坐的士入黎食.最初就好奇緬泰同普通泰菜有咩唔同,原來係有一些緬甸的特色野食,例如係個緬甸蝦,o的汁有著好濃的蝦味,真係好好食!雖然蝦真係好貴,但係一場入到黎,唔試真係哂左~另一推介係個毫不起眼的Garlic Bread,o的醬夠之餘,包外面脆內軟,次次食都要encore!!用個包黎點o的蝦汁,真係好鬼好味!!蠔仔炒蛋亦做得好出色,蛋好滑之餘,少少的黑椒更能帶出蠔仔的鮮味,而且的蠔仔全部都幾大隻o架!!而個明爐魚就因為好多地方都整得好食,所以就不必特別提.但其實都好好食!每次黎都唔捨得唔叫哂o的主打,所以每次都食到好飽好飽~~

黎"泰皇宮"最好預先預位，否則你好難有位，一係就等番一兩個鐘，仲要排緊隊時要落埋order入面d食物比起同區另一間泰國菜館好，推介的食品包括︰冬蔭公、咖哩蟹、芋頭飯等... ...真係可以一試~

食物本來都ok,但係service好一般.出事既係經理!!一入到去門口等位經理叫我地先order野ok 但係佢毫無耐性人客諗下都要吹order住幾味先都俾經理串態度不佳好啦唔理佢入去食野啦點之埋單個時將個咖哩炒蟹收左炒糕蟹既價錢食左我地一定俾囉我唔食糕落order時我仲講明要普通炒蟹!話俾個經理聽佢仲屈人叫左炒糕蟹搞到我同d friend好嬲佢仲串我地食左要認離哂譜! 唔知係佢自己落既order唔記得定係有心屈人幾十蚊customer service? 佢d staff好過佢一百倍囉我話過!一定叫d friend同屋企人唔好去離哂譜!

3月18日晚係freeforum食版復版後第一次版聚,我之前食過呢間個泰式生蝦好正,所以提議黎呢度.生意好到丫,book左檯都要等成8個字,老細都好唔好意思咁俾定個memu我地揀菜先,仲話送多個甜品添.經老細推薦,我地8個人要左個6-8人餐,有泰式生蝦剌身,蝦肉本身得個爽字無咩味,但如果點左個辣醬就好勁辣,有個版友仲唔小心成隻蝦落晒去添,唯有慢慢撥返d辣出黎啦...另外仲有辣豆醬炒通菜,我麻麻地食通菜,但都覺得味道ok喎,泰式四寶翅可能因為人多,佢響廚房落晒碗至出黎,感覺麻麻地,蒸大頭蝦(老細極力推薦),蝦膏好多好香,不過係d肉蒸鞋左,反而蒸蛋白仲好食,腰果炒鴕鳥肉,醃燒牛肉,有人以為蕃茄籽係辣椒籽,響度博命揀^o^鐵板炒蠔仔食落麻麻有d鞋同有渣,同埋佢成碟都係蠔仔,食多dd都會覺得好滯,如果揀辣椒膏炒聖子應該會好少少,原個菠蘿炒飯,之後另外order左個烤鱔片.甜品送左個熱食千層糕,好煙韌呀~ 連啤酒,total $1020,價錢ok.不過因為響舊街入面,衛生麻麻,等位期間樓上仲跌左條紅褲子落黎添.