緬泰皇宮

营业中

休息中

已數不清去了多少次！每次都好多人，街坊生意太勁了！有套餐，但分開點價錢差不多。蝦片好脆，沾醬汁，配搭gd。每次必點小食：酸辣鳳爪，蝦餅！無論菠蘿飯，煲仔飯，炒飯都好味，次次試一款鐵板蠔一般般，鐵板上但濕濕地好奇怪，事關家鄉盛產蠔，食過咩系足味的蠔。前排就快新年轉餐牌，唔見有酸菜豬肚湯，於是問職員，他很好地幫我問廚房落單，小食也可照樣俾半份(餐牌轉左全份的)。街坊生意多，服務真的好。甜品送既椰汁糕好味到。。。想自己返去試整。。總結：抵食又好味。去完再去再去。。

拍拖兩週年紀念日，到黃竹坑接男友放工，手拖手散步去香港仔，入緬泰皇宮，食晚飯慶祝炸蝦片侍應自動奉上，香脆的餐前小吃。泰式炸蝦餅熱辣辣，夠厚身，蝦味十足，非常香口，不太油膩；配以甜酸醬，味道更佳！蝦米炒椰菜椰菜新鮮，蝦米入味，炒得不錯。鐵板炒蠔仔一上枱，已聞到陣陣香味，一邊吃，一邊反底，才不會燶，蠔仔夠多，粒粒肥大，很鮮味，與炒蛋混合，少油，口感香滑！泰式椰汁雞湯喝起來，很辣啊！落單時實在想像不到會辣得如此；湯料中的雞，煲過後，肉質仍不致太韌，吃了一至兩件。椰汁西米糕飯後甜品，椰汁滲透西米，很足料，甜而不漏！三色冰+龍眼冰三色冰賣相佳，味道好；龍眼冰，清甜解渴。

I used to come here ocassionaly beofre newer and better Thai food restaurants opened in the area, it was the only option when I didn't feel like going outside of Aberdeen for Thai food. Passed by recently and decided to go for it to see if anything had changed and here is my review. The pricing is a littler higher than other similar type restaurants, something I attribute to the location. The food isn't that great even basic dishes are somewhat flat and plain. Sometimes the pad thai is dry and l

今日又出城食LUNCH, 一行十多人除了茶樓有大枱外, 緬泰都是另一好選擇, 大約有4張大枱. 整間餐廳都好泰國FEEL, 座位闊落, 大部份泰式餸菜都有, 跟九龍城既泰國餐廳一樣多選擇.  午市有好多套餐可供選擇, 我們點選8人餐, 每碟份量好大, 不過味道較參差, 每人幾十蚊食到捧肚已經好滿足.這個套餐, 最出色是拼盤既炸蝦餅及春卷, 另外蒜蓉包, 鐵板煎蠔仔, 菠蘿炒飯, 椰汁糕都值得encore.  其他都一般.  感覺較差是沙嗲 ~ 分不出是那種肉類, 炸得太乾; 咖喱牛腩 ~ 汁太稀偏淡; 炸銀鱈魚 ~ 日式既煎法肉質較滑, 豉油汁又偏咸

緬泰皇宮是香港仔有名平霸餐，水準不是太高但超抵食。鋪頭掛上很多掛畫，很有泰國風。我點了海南雞湯河，海南雞與河粉分開上枱。河粉量不多，算滑，但湯底好油，因此河粉像吸滿油般，吃來有點膩。另上的海南雞好難食，先說是有骨的，而且好凍肉好'鞋'，又沒有雞味，感覺好差！再來是雞絲湯河，由於價錢平通街，沒有要求之下反而不錯。湯底沒怎味道，但好在雞絲鮮嫩，湯粉亦好幼細，米味足，總體味道較海南雞湯河好。另加了蝦餅，剛炸好，外層煎得金黃，炸粉不太厚，內裡主要是魚肉和蝦肉，點起甜酸醬很惹味！甜品是青檸糕，帶少許青檸味，好清新，表面的黑子咬下去很彈牙，好味！這家餐廳沒有套餐，飲品要另叫，我點了果粒草莓果汁。底層似是用韓國草莓醬開水，溝上 tonic 有氣水，總體味道有點怪。

小時候，學校就只與這家餐廳相隔不到200米的距離，但一直都沒有機會一嚐這裡的美食。間中聽到同學與家人放學後去吃泰國菜，心裡羨慕得很，聽罷便乖乖地回家去......今天又是一個如常的工作天，放工後男友提議到香港仔晚飯，我就選了這個地方。是夜沒有一貫的長龍，甫走進店裡便獲分配得梳化位置，四周的古舊泰式裝潢洋溢著一絲絲令人懷緬的90年代氣息。點了一個二人套餐，ABCD四個category各選一。今天的晚餐好不豐富，有炸蝦餅，蒜蓉炒通菜，冬蔭公湯和咖哩牛腩煲。蝦餅外層舖上薄薄的炸粉，再點上甜酸醬，熱騰騰地送進口裡，不俗。重點是沒有太重的油膩感。咖喱牛腩的肉太硬，不夠腍身，可以再多煮一會兒，相比下牛筋味道更好。待應姐姐捧著瓦煲徐徐走近，還附身踢我們倒湯， 一邊跟我們閒聊著這個小社區的變遷。冬蔭公的用料尚算充足，不過只有海鮮的甜味而沒有該有的辛辣。蒜蓉炒通菜份量十足，像座小山丘一樣，味道清新可口，但還是剩下一半呢。飽得捧著肚子離去，結賬只是每人＄100左右，算是挺划算的一餐， 笑臉是給服務殷勤的待應姐姐的。

本身想試糖妹介紹新開既中菜店不過見好多人排隊,就放棄了黎左某人介紹既泰國菜因為冇book位,都等左一陣先有位坐由於事隔太耐,要睇下其他食評先記得有送蝦片都幾好食,不過太熱氣,都不能吃太多見好多openrice食家都介紹食鐵扒燒蠔仔我又跟風嗌先又幾好食之後嗌左咖哩完全忘了係咩肉因為個咖哩太好食了可惜忘了係咩咖哩仲嗌左薄餅黎點咖哩食不過d薄餅普通,比佢好食既薄餅多的是呢><另外仲嗌左菠蘿炒飯都幾多送但因為頭先d送太重味了真係配白飯正好多!敗筆!最後外賣左炒飯拎返屋企做宵夜下次再黎會encore咖哩同埋蠔仔不過會醒水嗌白飯黎送咖啦!

香港仔好味嘅泰國菜餐廳唔多，依間已經係其中一間很受歡迎，晚上排長龍嘅其中一間。  一座低，待應們送上一籃蝦片，（賣單時發現要$10）   兩個人，order 了一個套餐，包括四款食品，冬陰公湯，麵豉醬炒通菜，鐵板炒蠔仔，酸辣鳳爪沙律，另加生蝦刺身。   生蝦刺身都幾大碟，若有10 隻，如果冰上就更爽口，配上酸辣汁，十分惹味。   冬陰公，用煲上碟，效果一流，有很多草菇，大頭蝦也很鮮甜。   麵豉醬炒通茶，很嫩囗，唔會太油。 酸辣鳳爪沙律,很爽囗，個汁又酸又辣，越食越開胃!

依家想食個午餐，即使只是快餐，動不動都要$35以上，但今日去香港仔食泰國野，竟然發現仲有$17一碗的泰式湯粉！真係平到唔信呀！唔怪得佢叫曼谷街頭霸皇湯粉咁浮誇啦，老細明益街坊呀~單拼$17，雙拼$20的湯粉，有八個配料可以選擇，除左常見的札肉、雞絲，仲有得揀牛腩、雞腳呢d特別款喎~麵底亦有三種選擇~兔兔叫左個燒雞湯檬，熊大叫左個扎肉牛腩湯河~個湯幾惹味架，湯底的蘿蔔仲好入味添！份量就唔太大碗，女仔食岩岩好~見咁抵食，熊大又唔夠飽，就加左個蝦餅（2件$28）~以泰式小食來講唔貴，但諗落仲貴過碗粉！不過啖啖蝦肉，的確彈牙好味~午市好多泰式特飲都係$8，抵飲呀~兔兔叫的椰汁冰好足料，重椰味！見人地食$26的菠蘿炒飯，真係有原隻菠蘿喎！下次一定要試下~

今日即興約同學仔晚飯，有人提議食泰菜，所以中午打去訂16個位（11大5小），準時去到，一張大枱坐曬，餐廳充滿泰國色彩，有好多泰國木刻裝飾，雖然有啲迫，其中幾人要坐圓櫈，不過好過分開坐，雖然有套餐，但唔係咁抵，又唔係每款食物都啱食，所以我哋散叫，人多有個好處，就係可以想食乜就叫，大家好開心盡情叫！坐低即刻送上兩籃蝦片，蝦片少少辣，重要不停添加！正小食拼盤：應有盡有，蝦餅外脆又彈牙，多春魚炸得香口，豬頸肉肉香滿口，無骨䫣腳香辣！連伴碟嘅蕃茄都新鮮多汁！抵！生蝦刺身：唔係每間泰國餐廳都敢叫呢樣，因為蝦嘅衛生難保證，要幫襯有信心嘅餐廳，生蝦雪得有啲乾硬，不過配泰式醬料食，都香辣惹味！明爐烏頭：跟火爐上，湯酸酸地，唔食辣嘅可以唔點醬汁！大家都食到，魚肉鮮嫩，好味！肉碎生菜包：生菜新鮮，肉碎唔辣，九層㙮不多，所以唔係咁香，一般！串燒（18支）：有雞同羊，我吃咗羊，羊肉唔蘇，點沙嗲醬好味道！青咖哩羊：我用咖喱汁沾蒜茸包，好香好濃，不過唔辣！有少少失色！咖哩蝦：蝦我食咗一隻，咖哩香濃，但唔辣，似炒蛋多過似咖哩！泰式海南雞：已起骨，但唔滑，無乜雞味！點泰式辣汁會好味啲！鐵板炒蠔：熱辣辣，用芽菜墊底，蠔仔

逛完南丫島, 坐船到香港仔食嘢, 小店在舊大街, 路人較少.晚市開6點, 6時15分到達,己經坐咗好幾枱.2個人叫咗:炸蝦片(送) - 戒熱氣和零食的我差不多清晒, 味道有少少辣，好香脆, 食到唔停得口.炸蝦餅 - 新鮮新辣, 陣陣香味, 唔多油, 配埋甜酸醬好好味.鐵板炒蠔仔蛋：蛋和蠔比例適中,調味簡單, 唔咸, 食到蠔的鮮味！ 推介!***咖喱羊煲: (唔記得果個名) 服務員推介呢個咖喱無咁辣, 味道偏甜, 對板.薄餅: 少油, 味道一流.送甜品: 椰汁西米糕, 少甜, 西米多, 有粟米, 好味。服務員勤快地加茶上菜, 食物新鮮好食,價錢合理, 怪不得顧客絡繹不絕.

試下呢到的lunch~$17/碗單拼河/檬/金邊粉~真係好平~~(不過有加一)$20就可以雙拼~~我地點了:牛丸牛肉河: 牛丸有美極味!!! 雖然都幾濃味~~但沒有蓋過牛肉味~~個人好鍾意呢個味道!! 而牛肉就不過不失~~~$20碗超抵~扎肉牛肉檬: 扎肉其實味道不出~~不過口感都唔錯~~份量亦足夠!! 男士食可能會覺得細碗d~~菠蘿炒飯: 等左好耐~~但一出就出5-6碟~~~雖然炒得香~但唔夠乾身~好濕~呢到仲有d好抵的飲品~~果d咩珍多冰~椰汁冰~大部份泰式飲品都係$8/杯~~我自己貪得意叫左個草莓果汁~但原來係一d士多啤梨果jam溝梳打….都可以入口~~但賣相一般~~下次都係叫返d常見的冰冰飲品算喇XD

今次是我第2次黎食,總結味道一樣很好.先講燒春雞：比起第一次去食，有點不同,無O左香茅味；雞皮有點乾。鐵板炒蠔仔：今次非常非常非常好食，更加鮮味！ 讚！生菜包：D碎肉有青檸味，用生菜包住D肉，一口咬下去有種fresh感覺。 (我地仲夾O左D蠔仔包住一齊食，別有一番風味，大家可以試下)鹹魚炒芥籣：今次鹹O左D。芒果糥米飯：上次唔記得試，所以今次一定要叫；黑白糥米是熱熱地加上甜甜的椰漿一D都唔會過甜好好食，又QQ的口感十 足。 (值得一試，但之前唔好食得太飽，如果唔係就好似我甘，要打包返屋企食(=_=") )椰汁西米糕：一如既往，好味。

當我睇完餐牌後"炸蝦片"以被人無食晒LU~~~炸蝦片 - 我一塊都食唔到鐵板炒蠔仔 - 蠔仔肥美，整的好好食唔到有殼留下好才今日早D去食,如果唔係就要等位.3人同行今次忘記了, 要點"芒果黑白糯米"~如去食最好都係打個電話去訂位，因為比較多人食。如果兩個人去,可能要搭檯。個到都有2人檯,但比較細,放唔到幾多碟餸!

和家人一起於香港仔緬泰皇宮品嚐泰菜，點選了以下美食。冬蔭公湯：辣度茅香適中，湯料亦不少，所用海蝦肉質稍嫌不夠結實。蔗蝦：即炸蔗蝦，香口燙嘴，不膩口，質感彈牙。蔗身清甜。金袍銀雪魚：銀雪魚先經走油至外層金脆，再簡單配上香葱豉油調味。香口度合預期，但同時搶了部份魚香。因魚塊較薄，銀雪魚的白滑肉質亦不能充份發揮。用上醬油調味，空口吃有點鹹。泰式風味蜆：泰式醬汁甜辣交替，略稠身。蜆肉細隻無乜味。鳳梨焗湄南蝦：用原個菠蘿盛載，賣相不俗。配上甜酸醬汁亦頗為匹配。湄南蝦有四五隻，鮮味肉質一般。咖哩炒羔蟹：羔蟹羔量不多，同時肉質很削，用料不太理想。咖哩汁力度可再加強。青咖哩雞：青咖哩味道對辦，雞件無乜特別。緬甸煎薄餅：香口鬆化，配上咖哩汁吃效果不俗。鹹魚炒芥蘭：芥蘭都幾甜，鹹魚醬未夠香口。椰汁炒西蘭花：椰汁甜香清新，OK喎！乾炒豚肉貴刁：貴刁炒得乾身，調味適中，豚肉大塊有口感。芒果黑白糯米：出品熱騰騰，香煙四起，黑白糯米煙煙韌韌，沾上椰漿味道甜美。來一口芒果果肉，滯膩感頓時緩和。椰汁糕拼大菜糕：附送的甜品，普普通通喇！