緣聚西日餐廳 (仁愛堂圍) (已結業)

我們三人訂了夜晚7點後放題，餐廳電話永遠無人接聽，whatsapp更加無人回覆，最終到傍晚先打通，我預先訂卡位，果位職員話已經係卡位。佢咁講我算數，咁當然去到又另一回事，又話我無訂卡位，又話已留比訂佐嘅人，不過，佢哋最終都安排番卡位比我，呢點要讚識轉灣。食物種類算豐富，值得一提，刺身有油甘魚同三文魚腩，又有帶子，落足本。推介花之戀同火炙壽司，細細件，唔會頂到飽肚，飯還微暖，讚!!!!另外b仔雞奕尖同蒜蓉飽其實無厘頭但又幾好食。飲品種類夠多，熱飲凍飲罐裝韓飲任君選擇。沙律要自助，但賣相一點都不吸引，我怕怕無食。最後，最重要一點要彈，就係我同朋友，一路食，一路比蚊咬，抓到隻蚊爆晒成手指血，同主任投訴，佢話唔覺，可能枱底黑忟忟惹蚊! 😯😯😯又話隔離枱話凍所以較細了冷氣有蚊，我唔明呢啲叫咩原因，佢哋真係要好好攪清潔滅蚊，你放晒啲沙律出嚟又無遮無擋，但啲蚊又飛來飛去，我就怕怕啦雖然食物ok,但衛生環境要改善。

今次係第二次幫襯啦 ，我最鍾意中午時間冇咁多人嘅時候呢食放題，舒舒服服又輕輕鬆鬆可以同朋友傾下偈飲下嘢飲品都幾多款式㗎 不過我自己個人就比較鍾意飲酒精有啤酒sake同梅酒任你飲， 一路食一路咁飲下都幾痛快酒櫃旁邊仲有甜品櫃添 款式 都幾多款揀下仲有埋雪糕柜添通常我哋一坐低就會 拿拿聲寫一大堆食物， 估唔到最快嚟嘅竟然係串燒， 燒大蝦，雞軟骨同埋西冷牛扒都幾好食， 呢個可以再encore食完串燒就食下啲魚生刺身， 冇理由你食放題唔食返佢兩三轉刺身 ， 咁樣先叫值回票價壽司都唔錯，係好肚餓嘅情況下壽司一定要食呀， 有啲飯氣吖嘛清酒煮硯清清哋 非常好食而且啲蜆冇沙又夠肉，正😋估都估唔到佢個煉奶個餅咁好食 ，第一次食薄餅食咗成五六轉，今次真係成肚都澱粉質呀竟然連 呢款 雞翼尖都有得食， 仲好辣添， 淨係食呢啲嘢都飲咗成罐啤酒 ，不過好好味 牛舌又腍 又入味， 帶有少少炆牛腩嘅口感

今日同老公兩口子走咗去何福堂食放題，真happy，近近地唔使出去咁遠食放題😜7:00前離座好抵呀，連埋加一都唔使$200😜好環保呀，用pad 落單，仲有埋圖片睇，唔驚叫錯食物👍🏻喺Facebook 分享佢地間餐廳仲有鵝肝送呀刺身夠新鮮，仲好肥美壽司細細粒，唔使驚比d飯飽咗誠意推薦^_^蟹粥，又綿又有味劍魚刺身，係厚切架好得意既魷魚🦑春卷，好脆口鐵板牛舌，好香口新鮮😍呢罐果酒，好得，水果味夠濃但唔甜，除咗酒精類飲品，仲有好多飲品選擇最尾，唔少得就係食返幾杯雪糕先，開心果味Dreyer’s我至愛😍

入咗屯門搵朋友食飯，搵咗間都幾抵食嘅放題，一齊食番餐餐廳座位舒服大部份都係卡座，而且仲會用電子平板點餐，幾先進喎我哋一去到就即刻點咗啲火炙壽司，個人最推薦三文魚壽司，燒得啱啱好，好好食，我哋前後都叫咗兩三round之後我哋再嗌左啲小食，有雞翼，牛舌，雜菜等等，種類都算多嘅朋友最鍾意食個蟹肉粥，味道夠，入面蟹肉味幾重食到咁上下我哋又點咗個火鍋食，叫咗個芝士蕃茄湯底，又叫咗菜同拉麵，我哋都食到超級飽咁就出咗去搵甜品食啦，雪糕都有兩個雪櫃真係幾多值得一讚嘅係佢哋嘅飲品有熱飲，呢個係我第一次係放題嗰度有嘅，啱晒我哋呢啲唔鍾意飲凍野嘅人

今日黎到呢間日式放題係位於扒王之王舊置，餐廳地點近杯渡車站，午市放題由11:30開始 – 16:00，2小時任點任食，午餐放題分兩款，一款係自選午市放題，另一款係豪華午市放題，豪華的食物選擇最多及已包任食甜品，任飲飲品。 <錫紙牛油焗甜薯> 加左牛油焗甜薯，味道又香又甜，甜薯質地好滑。 <黃金雞軟骨> 普通炸雞軟骨食得多，黃金雞軟骨比較少有，外層多左份咸香，味道變得唔單調，可以試下。 <鐵板牛舌> 牛舌用醬汁煮過，肉質軟林嫩滑，牛味濃郁，厚切牛舌口感特別好。 <芝士炸蝦卷> 芝士外層有沙津醬同蟹子，芝士輕輕燒過，中間包左炸蝦，味道好夾。 <海皇粥> 粥底好綿，不過蟹味鮮味唔突出，反而菇味多一點，入口清淡。 炸物方面，友人最鍾意食炸一口芝士，芝士味香濃，皮薄，食落又唔會覺得油膩。 飲品選擇非常多，除左多款汽水之外，仲有好多紙包飲品，酒類飲品亦都唔少，比較少有連支裝熱維他奶都有。 甜品有芝士蛋糕，布甸，乳酪及豆腐花等等，重點大品牌杯裝雪糕一樣有埋。 無漏單，上菜快，用電子屏幕機下單，方便又環保。

屯門有自助餐的地方不多，這次再來到緣聚吃自助餐。相隔數月，店面店內依舊不變。店舖門口依然是各式各樣的餐牌和優惠。店內用平板電腦點菜，最喜歡這個點菜功能。隨後一邊吃一邊點，按後不久就上菜了。不用每次經侍應點菜，避免點錯食物，節省時間又環保。點菜版面清晰，不用講解也能自行點菜。在家人點菜的時間，我到了自助甜品及飲品區。飲品的款式改變了，清酒及梅酒很受歡迎，有兩種大小可選，同時適合小酹一杯和大喝特喝的人。忌廉撻: 兩口一粒，面層的忌廉可用匙吃。忌廉不是軟滑空洞，而是實心的口感，喜歡吃忌廉的可選這個迷你甜品。朱古力蛋糕: 普通的朱古力蛋糕，為朱古力迷而設，不會太甜，多吃幾件會飽肚，淺嚐就可。雞蛋布丁: 很喜歡這個，比一般布丁滑，滑得有點像豆腐花，可吃到淡淡的雞蛋味，很清淡，多吃也不厭。布丁: 母親很喜歡吃這個，她說布丁不甜，比我在家弄的好吃。我吃了兩口，還是較喜歡樓上那個黃色的雞蛋布丁。這個布丁較實，不是不好吃，而是更喜歡樓上那個布丁。這個如木槺布丁的甜品其實是木糠加忌廉。與忌廉撻差不多，但我較喜歡忌廉撻餅皮的口感。這個主要是吃忌廉，賣相也較好看。還有一個藍莓芝士蛋糕，順手夾幾件來慶祝生日真的

食得放題當然食刺身先啦！刺身足料大件厚切，唔會食完覺得無口感。三文魚腩亦夠哂肥美，甜虾大大隻又多膏，必食推介！！其實仲有好多款刺身，不過得兩個人食試唔哂咁多款。炒雜菜，雞軟骨，蟹粥，辣味雞翼尖，清酒煮蜆，芝麻雞翼，壽司，炸物，炸蠔，燒鯖魚多春魚，焗蠔，燒大虾，蒜蓉包，食物種類多不勝數，一張枱都放唔哂！！！最緊張係全部都大大件同嗌幾多都黎足，又唔會等得太耐！所有食物都係熱既，唔會似有啲放題整定暖暖地拎出黎，個人推介三文魚腩刺身，焗蠔，鯖魚，大虾，壽司炸物。屯門人近近地可以一試，保證物超所值！

屯門冇乜地方提供放題；難得附近新開左間價錢唔貴當然要試九點後入座第二位仲有半價好抵餐廳環境唔錯牆壁印有立體暴龍圖案好打耳平板電腦落單環保而且唔怕漏單餐廳入面仲有成排雪櫃放左好多唔同飲品同甜品酒精飲品除左啤酒仲有梅酒同清酒好正三文魚腩油脂甘香；象拔蚌爽脆唔腥；帶子鮮甜厚身；壽司款式幾多而且份量唔大可以試哂再叫；羊架焦香肉質嫩滑鐵板牛舌軟腍惹味；焗蠔唔太但係飽滿而腥新鮮唔腥；紫心香芋丸口感軟糯而且芋香味濃芝麻雞翼炸得金黃香脆而且充滿肉汁；白桃燒酒微甜且帶果香容易入口

剛剛食完午市放題，每位$88，到第二轉入單他們好明顯地拖延時間係都唔出嘢，自問不是叫很多也沒浪費食物，寿司拖延了半小時，催了兩次，佢哋就係唔出，我太太最後話痴線唔等啦，出去埋單時向侍應小姐投訴，話食到好似乞兒咁，侍應小姐叫我哋唔好走住，叫我哋繼續叫嘢食，我話唔啦，點知你廚房大哥一陣整d咩比我哋食？要做放題又想賺到盡？永無下次

話說之前去完元朗既緣聚餐廳放題,食到飽飽又滿足~心思思又想去之時,發現原來屯門都有一間分店,而且仲要係新開張,所以馬上決定去試下!黎到呢間位於屯門既緣聚放題餐廳,感覺比起元朗分店更搶眼,可能是位置比元朗更易搵啦~ 唯一不變既定律係依然係有咁多人排隊,可見名氣都幾大~門口位置放滿左好多餐廳供選擇既食物,一見了然! 可能因為新開張,所以特別多優惠! 而且7點前離座仲有VIP卡送,而每個唔同時段都有野送餐廳內格局依然係走工業風,所有野都非常新淨,新開業果然係唔同~ 飲品依然係選擇多,自助方式,足足有幾個櫃可供選擇!呢度點菜係用平板電腦黎點,大大減低漏單既機會,而且更環保首先點左一個刺身拼盤,賣相非常精緻,而且十分新鮮! 特別係刺身蝦,又大又鮮甜,強力推薦! 而其他刺身都係高水準,無雪味!壽司方面選擇非常多.不論係手屋壽司或火炙壽司,全部高水準,飯少配料又多又厚,完全無一種令你食多啲飯快啲飽既感覺,就連平時好少有得食既拖羅,蝦膏等都係任食!蟹子沙律都係滿滿既感覺!串燒蝦燒到熱辣辣,而且完全無OVERCOOK, 又大又鮮!而特別值得推薦呢度既焗蠔,勁好味,我點左蒜蓉味同埋芝士味,兩款都好味,各有

難得假日，中午飯又適合吃個夠, 一家來到新墟的一間放題。門面企理，座位寬敞, 讓人一點也不覺焗促。 先來刺身拼盤，三文魚及帶子入口新鮮，比想像中有驚喜；甜蝦，吞拿魚及玉子等品質中上，足料之餘也沒雪藏味。 再來壽司拼盤，帶子，火炙三文魚及蟹柳都屬中上水準，飯團握得比較實飯夠足, 很能填肚。 下一道是鐵板牛舌，尖喉剛好不會太硬身, 多汁惹味。 因為刺身的質素實在超出想像，所以又點一盤！ 再來是芝士焗蠔及蒜蓉焗蠔，芝士夠濃郁, 能鎖住蠔的水份與醬汁混在一起好味。 蟹粥，鮮甜滿有口感的。 最後是自選甜品，有乳酪，布丁等，這裡提供的甜品有很多, 不愁沒選擇。放題而言這間著數不錯值得來。

第一次嚟食就中伏,明明生日有全單88折,訂位時已經問咗,入座時又比咗身份證職員check,埋單嘅時候竟然無比折扣,好彩睇一睇收據,唔係就比人收多錢,都唔知有心定無意,同返收錢職員講張單無做生日折扣,一句"唔好意思"或者解釋做漏咗都無,轉個頭手寫個新價錢喺原本張單度而唔係重新出過張,點知會唔會又計錯或者寫錯,緊係叫佢重新出過張電腦單,好彩最後個價錢啱返。除此之外,店內某些職員拾下拾下,仲有食物係隻碟上面,問都唔問聲就收走左,叫都叫唔住,真是浪費,還有職員拿了碟天婦羅四圍問人有無叫到,真心唔明白點解平板電腦落單都可以咁混亂。講返Ｄ食物,種類唔算多,刺身壽司味道OK,炸物都唔錯,有幾樣食物特別差:枝豆超級老,凍蝦好難食,羊架又肥又羶,印度薄餅伴朱古力醬又乾又硬,焗蠔得尾指咁細隻,完全唔值呢個價。一句講曬,同呢間餐廳緣盡了。

屯門新開左間放題餐廳🙈身為屯門友見到屯門竟然開放題緊係9秒9去食🤷🏻‍♀️😇5:20去到已經好多人排隊 5:30準時入座 用ipad落單 第一Round叫既刺身都好快到 但之後既壽司呀手卷呀其他野等極都冇😰😰😰-缺點：1)新開店人手不足可能又冇咩經驗🤦🏻‍♀️漏單情況嚴重🤷🏻‍♀️🤦🏻‍♀️出單較慢 但都ok🤭 見到隔離檯係咁嗺單 話落左單一樣都送到來🤣🤣🤣2)好快就要埋單 但只係坐左1個鐘 18:22last order lol😅😅但明明寫左2小時任食 最後得1.5小時咩事3)選擇較少🤨 好似食來食去都係個啲咁🤷🏻‍♀️-講下啲野食：推介👉🏻黑松露三文魚🍣👍🏻夾埋啲油香好正 鰻魚同左口魚都唔錯😝😝 手卷飯量同壽司一樣 唔會太大幾好😌刺身ok新鮮 最好食榮螺 象拔蚌都唔錯 帆立貝稍微有陣味😕😕😕 甜品最好食雞蛋🥚布甸 一細杯一口 食左5杯😀極滑極重雞蛋味☺️仲有烏冬同拉麵可以叫 但好在細細碗 得幾啖 唔會一野ko你🤣🤣-可以skip👉🏻拖羅他他同圖完全唔同 味見過屎色既拖羅🤭蜜瓜味布甸麻麻地 唔滑得好微蜜瓜味😰😰 其他野食就不過不失 枝豆用黑胡椒來調味😝比較油唔係太好食 -另外有打邊爐//+錢升級

店舖位置介於杯渡輕鐵站及何福堂輕鐵站中間，高速公路經過可看到，但並不在主行人路。星期六豪華午市放題可選刺身及壽司等，點菜方式已轉為平板電腦，方便又環保。店內裝潢活潑，特別適合親子同樂及朋友聚餐。刺身特別推薦三文魚、帶子及甜蝦，新鮮肥美彈牙而不腥。壽司每件小巧，可以每人吃下多款壽司還有肚子擠下其他食物。火炙款式都不錯，推薦一下。卷物有很多款，包括花之戀，軟殻蟹卷等，選了芝士蟹籽炸蝦卷，即叫即造，新鮮，放題來說屬高水準。芝士及蒜香焗蠔，每隻蠔雖小巧，反而容易入口，一口一顆，不腥香口。牛舌軟淋入味，大片而厚身。鐵板牛舌、羊扒及西冷扒必點之選，肉嫩而味道足。蟹皇粥及海蜇味道上乘，可嚐嚐。甜品及飲料款式多，必會有適合你的選擇。放題而言，緣聚的刺身、壽司及熟食也算上乘，午市價錢又經濟，適合愛吃放題的朋友仔。

今晚同老公晚市放題,到門口的接待已友善亦詳細介紹價值及帶到坐位;室内佈置有特色,有些似pub或玩具展覽,樓底高亦不焗促,枱與枱亦有空間,感覺舒適有型;食物方面選擇不算多,每類只有一個多版面,用平板電腦落單方便亦快捷一目了然;等候食物時間快亦完全没有漏單~讚👍,食材亦新鮮(魚生壽司食得出鮮味),熟食如燒物炸物煮物等,亦熱辣辣送上~好;甜品柜及飲品係自助形式,亦有頗多選擇(尤其雪糕雪條);最重要係職員友善有禮、勤快,不斷收拾枱上碗碟;是次晚餐印象幾好,亦好過市區唔少放題。