緣屋 札幌元袓蝦湯拉麵 (信德中心)

营业中

休息中

This new ramen shop opened for a while, but its my first time to try. It is a shrimp soup based ramen, therefore I tried a couple of signature items.I ordered the Miso Rich Shrimp Broth Ramen with extra BBQ Pork, the soup base is pretty rich, the miso taste is quite balanced with shrimp, that one would not overpower the other. However the soup is a bit on the oily side, making the ramen quite heavy on the stomach. The noodles comes with 4 slices of char siu, texture was acceptable but not very t

🦐🍜味噌叉燒蝦濃湯拉麵($98)有5塊大大塊嘅叉燒，厚薄岩岩好，又唔會有太多脂肪。湯底係以甜蝦頭混入秘制湯底，成為日本首創的特色濃蝦湯拉麵。拉麵唔容易腍同糊(這個很重要！因為Ms Kiki食得比較慢)，一啖有湯有麵再加上櫻花蝦，就似浸緊個蝦濃湯溫泉咁♨️☺️/醬油蝦濃湯拉麵($75)加埋日式醬油將蝦濃湯昇華到另一個層次📈多咗份咸香味，如果只可以二選一，Ms Kiki會推介你試喱碗😉～/蝦多士($38)多士上嘅蝦膠打得妙，食落好爽口👍🏻見到拉麵職人好細心咁將每件炸好嘅蝦多士都fing返啲油出嚟，所以唔會食到腍咗/成口都係油👍🏻👍🏻/唐揚炸雞($38)估唔到炸雞都炸得好出色👍🏻👍🏻👍🏻出面嘅炸漿唔係好厚個啲，炸完啲雞肉仲好juicy，🔒鎖到🐔啲肉汁～總結係Ms Kiki會再去食，想試埋焦香醬油，火炙味噌同埋鹽味🤤😋

🦐🍲味噌叉燒蝦濃湯拉麵 + 蝦多士之前已經聽聞過呢間拉麵嘅蝦濃湯好得，所以係過大海之前就決定去試一試佢，叫咗個五味噌叉燒蝦濃湯拉麵，店員一放上枱，就已經聞到勁香嘅蝦湯味，令人食慾大增😋影完相即刻要飲一啖湯先，雖然表面有啲油， 但係味道濃得嚟又一啲都唔咸，而且有一陣鮮甜味添，加上有櫻花蝦係面令到蝦味更加重~ 個湯底的確係出色👍🏻拉麵係粗身嘅，口感煙煙韌韌，就算我影完相，個麵都唔會淋曬，而且掛湯力十足，同個蝦濃湯係絕配，份量一啲都唔少，唔會兩三啖就食曬~ 至於叉燒有成五塊都幾多㗎，而且係半肥瘦，口感適中唔太淋/太硬，重有叉燒味添~ 小食方便都係以蝦做主題， 所以我就叫咗蝦多士， 炸得鬆脆得黎唔會好油，蝦肉係新鮮有蝦味而且彈牙，好好味~整體上我覺得好滿意而且有驚喜，下次會再嚟試~

去澳門前都可以食到拉麵 😆😆入面環境都幾好 俾到吾少空間人有做間格 坐得又舒服 😁😁記得之前去北海道 食過蝦湯底拉麵真系一試難忘今日可以又食喇 😋😋😋佢有嘅選擇都吾少嫁我選左火灸味噌蝦濃湯拉麵濃湯底 真系濃湯底一放下 就聞到濃烈嘅蝦味 🤤正到呢…湯底偏濃 如果喺凍凍嘅天氣食一真系冇得頂 😆拉麵 彈牙 好食 😋身邊的就選左 叉燒蝦濃湯拉麵同樣地濃郁的湯叉燒好好食 不得不讚 😋相比上面嗰個 呢個湯底會清少少真系少少 比較合吾好咸的人口味炸蝦多士非常脆口 蝦膠蝦味出 😁😁

信德中心一向我以為都係得連鎖餐廳，點知今日行過竟然見到黎自北海道嘅緣屋蝦湯拉麵！終於唔使去北海道先食到啦！拉麵選擇都幾多，唔係蝦湯嘅都有，岩哂唔食海鮮嘅同事先黎一碟蝦多士，咬落超香脆，仲充滿蝦膠係上面，係perfect嘅餐前點心！原本超食得辣嘅同事見到餐牌寫呢一個拉麵有五隻辣椒都淆底，我同佢講其實日本野唔辣得去邊不出我所料一食落去佢即刻「唓」，同譚仔小辣差唔多呢碗拉麵特別在於佢比較似韓國拉麵，因為入面嘅肉係用左豬肉片，唔係日式叉燒，仲叫人加半碗飯一齊食，完全係韓國style我就叫左呢個蝦濃湯味噌拉麵，好鐘意呢種粗粗地嘅拉麵，蝦味好濃好香，溏心蛋好好味，叉燒肥瘦適中，整體都出色拉麵黎講真係算抵食，唔加野的話唔使90蚊其實真係ok👍🏻

好鍾意食日本拉麵☺呢間拉麵成日排長龍，特別在佢以甜蝦頭的湯頭混入秘制湯底，成為日本首創的特色濃蝦湯拉麵👅 想試好耐今日唯有放工去排下隊啦好彩今日唔算多人，唔使等好耐就可以安排入座 餐廳環境好有日本feel,你可以望住廚師幫你煮拉麵蝦湯拉麵其實都幾多選擇， 多到絕款款都想揀🔸️焦香醬油蝦濃湯拉麵🍜（$85）個湯真係啖啖鮮蝦味🦐好鮮甜，忍唔住飲哂🤭 拉麵食落有日本風味☺🔸️一口牛油粟米餅🌽（$28）另外仲有牛油，卜卜脆，牛油粟米真係絕配👄 呢度d拉麵真係有水準🥢

總覺得拉麵店既餃子都不好食，人氣店通常都名過於實，抱著這個心態去試，反而有驚喜，未坐低就已經點到蝦湯既香味，除了拉麵，還點了蝦多士，餃子和炸赤蝦，全都好足料好食！蝦多士有滿滿蝦膠，多士香脆有口感不錯，餃子不像日本食的那些也很香，赤蝦雖然也香口，但我覺得沒特別，拉麵推薦火炙味噌，貴點，但真的好香濃，唯一缺點就是濃味會產生膩感，食到最後會感覺食不下

今天經過上環，見信德中心開左拉麵，好少開係度會有咁多好評，於是去試下。去到搵左一陣，原來係以前賣咖哩執左變左拉麵店。主打的蝦湯底拉麵選擇都唔少，有幾款唔同口味，如味噌，醬油等，其他拉麵店的蝦湯拉麵通常只會有一款。唔食蝦的亦可以選擇豬骨湯底，我今次就揀左招牌的味噌蝦湯拉麵。份量唔大，啱啱好，配料有叉燒，溏心蛋，大蔥，櫻花蝦，最特別係有粟米仔。湯底飲落有濃濃蝦味，真材實料，但反而唔覺有味噌味，叉燒水準不俗，淋滑有肉味，肥瘦相間，可惜只得一塊，溏心蛋亦出色，可惜只得半隻，略嫌吝嗇，粟米仔好爽口，估唔到同湯底幾夾。麵是偏粗卷麵，有輕微梘水味，但很彈牙，與濃味的蝦湯底很夾，注意此店不能自選拉麵軟硬程度。吃至一半，開始覺得偏咸，要多喝水，枱上有蒜蓉，建議選蝦湯底的不用加。另外見幾位客人都點了，三文魚子蟹肉飯，眼見幾足料，可能是店的另一名物，決定下次經過再試

我地好少係香港食拉麵，呢間開左以黎，我地已經去試第三次試埋佢第5，6款拉麵 (之前無係呢到打食評既習慣，係最近先開始，見都唔係太遠古，就連今日一齊放),佢麵質唔錯，好彈牙爽口都做到好balance, 湯就見人見智啦～問心，我地未試過咁短時間，咁樣去試一間食肆... 佢好似有7款拉麵，我地今日去第三次去試XD我地食左3次都覺得第一次食係最好食既，我就話可能之後我地補期望，但肯定第二次食既，係最唔好食既... 所以我地決定去第四次再試番第一，二碗睇下係咪都仲覺得好食XD 又或者去試埋第七款同"原味拉麵"

上星期五下午同男朋友係信德中心揾食！之前一直都想試下哩間拉麵店，見下午時分冇咩人，就入去試試啦！我地兩個人叫左兩個唔同味既拉麵，雖然都係招牌既蝦湯底，但都有啲分別！但兩款都好味架！圖片係🦐味噌湯，我個人覺得比較濃味，重口味人士比較啱！而我男朋友叫既係🦐醬油味，我試左幾啖，覺得比較清啲，反而啱我口味多啲！但其實兩款既🦐味都出既，所以兩個湯底我地覺得唔錯！我地都叫左個炸雞小食，多左啲櫻花蝦就比普通炸雞貴左啲啲，但啲蝦又冇乜味，所以我覺得可以食返普通炸雞😅下午茶冇任何優惠，幾時去食都係哩個價，但因為我幾中意個湯，有機會我都會再去食既！

#LuBie上環#LuBie日式#LuBie拉麵呢間拉麵就咁睇舖面就普普通通，但原來佢係大有來頭既，佢就係日本首間首創既特色濃蝦湯拉麵既拉麵店。呢款濃蝦湯拉麵係以甜蝦頭既湯頭混入秘制湯底，去做成拉麵既湯底，味道十分鮮甜，令佢地既蝦濃湯拉麵都好受觀迎。🍜味噌叉燒蝦濃湯拉麵就咁睇已經好豐富，配料佈滿左碗面，有成幾大片既叉燒、溏心蛋、櫻花蝦乾同埋一啲蔬果。個湯底好鮮甜 蝦味好重，再加埋櫻花蝦既味道更加濃郁。叉燒既份量好多 而且肥瘦均勻，油脂部分令到食落更軟熟。溏心蛋既流心度都不錯，而且拉麵較粗身，不但掛湯能力高，而且仲有彈性。🔽🍤唐揚炸雞炸得都算幾金黃，香脆度都不錯，略嫌個炸粉炸出黎硬身左少許，唔夠鬆化，但雞肉都好嫩滑幾juicy，味道上都不錯。🏠緣屋 札幌元袓蝦湯拉麵 📍上環干諾道中168-200號信德中心2樓228-230號舖#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香

平時成日覺得信德中心冇乜嘢好食，點知最近發現開咗間新嘅日本過江龍拉麵，身為拉麵之鬼嘅我當然要試吓。店內環境幾大，其他枱坐滿晒人要坐bar枱，食拉麵嘅時候睇住廚師一路煮都係一種享受嚟嘅。枱面有唔同配料，我最鍾意係個蒜醬，加埋落個拉麵令個湯底更加豐富。首先上菜嘅就係蝦多士，炸得酥脆可口，有少少油膩，蝦肉彈牙，食落口感好豐富。朋友叫咗個人氣既味噌蝦濃湯拉麵，我試左一下湯頭果然蝦味濃郁，帶有濃濃海鮮香，拉麵嘅配料就有叉燒糖心蛋櫻花蝦同玉米仔，非常豐富。我就叫咗個火炙味增蝦濃湯拉麵，火炙壽司就成日食，火炙味既湯頭真係第一次試。湯頭食落比朋友個碗既更有焦香，火候十足，係從來未係拉麵食過嘅新鮮感。半肥瘦嘅叉燒肉質亦都唔錯，採用既粗麵幾彈牙，配合到突出嘅湯頭。總括而言呢兩碗都算係比較濃郁嘅拉麵，我同朋友都係比較重口味嘅人，所以我哋都非常滿意。

約好朋友食埋個lunch先出發去澳門兩日一旅。食飽坐到差吾多時間就上去搭船出發。【焦香醬油蝦濃湯拉麵】$85幽微既焦香感覺幾舒服，醬油味好濃唔會死咸，又吾會蓋過到蝦濃湯味道，易入口。麵條拉麵軟硬程度剛好，有口感得來唔會太淋或太硬。【味噌蝦濃湯拉麵】$78蝦頭味鹹香濃厚，冇比味噌搶哂味，湯底偏油但吾會話好膩滯。叉燒份量唔算太多，肉質幾嫩，而且肥瘦分佈平均，食落有咬口之餘仲帶甘香。流心蛋烹調時間剛剛好，食起來好滑。【蝦多士】$38蝦肉彈牙有口感，多士炸到色澤金黃但就有啲乾硬。

呢間「緣屋 札幌元袓蝦湯拉麵」店源自北海道札幌！已經有20年歷史，係日本都有好幾間分店，主打蝦湯底，香港呢間分店都有跟足日本店，咁就試下日本既味道！餐廳內外位於「信德中心」，地理位置唔算特別方便，但店舖都幾大間，亦有Bar枱位置，接近下午茶時候前來，餐廳內都有不少人。食物選擇主打蝦濃湯，再分蝦濃湯加左味噌、醬油、鹽味、辣味，亦有普通原味拉麵，仲有沙律及兩款丼飯供應。櫻花蝦唐揚炸雞 $43呢款係香港限定料理，炸雞食得多，第一次食用上櫻花蝦一齊炸既炸雞。櫻花蝦沾附係炸皮，不過食落去櫻花蝦既作用不大，同平時食既炸雞冇乜分別，炸粉略厚，雞肉質素正常，冇太大驚喜。味噌蝦濃湯拉麵 $78追加左叉燒一片(+$10)，味噌蝦濃係店內招牌，主打用甜蝦頭熬煮而成，再加上赤味噌，湯底飲湯有少許鮮味，湯底較濃郁但唔會過鹹，配上較粗身既拉麵，十分彈牙掛汁，而叉燒薄身但不失鬆軟口感。焦香醬油蝦濃湯拉麵 $85焦香醬油即係加入左炒香左既肉粒、木耳、洋蔥，係蝦濃湯做Basic再加醬油做成湯底。仲有附上薑碎，客人可以隨個人喜好落，我就冇落，因為已經夠味。另外，有肉粒既關係，湯底味道又增添左一份肉香，加上用既焦香醬油有股

第一次來這些食拉麵。湯底好濃郁！好好味！我食原味。面都好食。好好食！服務態度好好！不錯！推薦！😋同事說這裡的湯好出名。幸好我們12:15pm 左右到。但都差不多已坐滿人。好誇張。否則有排等。