緣屋 札幌元袓蝦湯拉麵 (信德中心)

营业中

休息中

一去澳門就會諗起喺信德中心食嘢等上船，今次介紹入邊其中一間餐廳。( ´▽` )ﾉ緣屋以蝦做主打，以甜蝦頭的湯頭混入秘制湯底,成為日本首創的特色濃蝦湯拉麵。今次叫咗「味增湯蝦濃湯拉麵」，先講湯底，的確超濃蝦味，係會令人飲完一啖又一啖。叉燒薄得黎好林好有叉燒味，至於麵質夠煙un彈牙！(●°u°●)​ 」.另外仲叫咗兩個小食，「日式蝦多士」ʕ •ᴥ•ʔ蝦多士足料，炸到下面塊麵包好鬆脆，不過食兩塊我已經有少少飽飽哋。同「一口牛油粟米餅」。佢炸咗入面係栗米湯，凍咗無咁好食，建議一上菜就要即食！.計埋鋪面乾淨，坐得舒服加店員幾好禮貌，總括係nice嘅！

我平時都算唔太鐘意食拉麵既人，因為好怕湯底味精重，食完要飲好多水，所以我食開覺得可以返轉再食既真係冇幾多間！呢間位置我覺得有少少難搵，而且枱都幾細，但拉麵湯式真係好濃好重蝦味，而我又係一個海鮮愛好者！所以覺得碗拉麵好好食，食完都冇話好口渴！咁好既質素，價錢唔算貴，有機會會再返去食！

每個星期餓底都要來上環工作，順道在這邊搵食。這天在順德中心經過此拉麵店，不到晚上6點已經坐滿了一大半食客，襯仲有位攝，讓餓底來試下何解如此受歡迎。每個座位都有下單紙可以自行tick，也有看圖識字的menu可以望望，就在這個moment餓底的辣癮起，點了個正常辣度的辣味噌蝦濃湯拉麵。拉麵很快就有得食，很有效率！賣相跟圖片的是一模一樣！第一件事當然是試下湯底，濃郁到一個點！飲一啖會即刻想飲第二啖，接住接住飲下去！超正！幾啖湯過後開始食拉麵，麵質是毫無懸念地極之彈牙，一口麵，一啖湯，嘩～超乎餓底想像般美味，完全明白為什麼這麼多人了！

每次見到有吾同既拉麵店都會好想入去試，今日考完試去開附近行街，見到依間拉麵店超級吸引呀，所以我地二話不說就入咗去食啦😍入到去見到佢主打係蝦湯底，我覺得好特別，而且佢啲小食都幾吸引，於是我地就叫咗2個麵2個小食🤩味噌蝦濃湯拉麵🍜一嚟到就見到勁足料呀，因為佢有好多細細隻既蝦仔。撈咗一齊食都每啖都有啲蝦仔架。而且，佢隻糖心蛋好入味，同埋好滑，個黃仲真係好流質架。依個個湯就比較重味噌醬味，係比較濃既，而我男朋友叫咗硬既麵，佢話都煮得岩岩，因為佢吾鐘意太淋，拉麵既麵質真傻好重要。醬油蝦濃湯拉麵🍜依個湯同味噌好吾一樣，依個係比較重醬油味，但overall都無味味噌咁濃味，依個都有好重既蝦味。忌廉粟米薯餅😋薯餅入面真係有好多原粒既粟米，再加上綿綿既薯蓉，所以味道真係好夾。乳酪蝦多士😋依個蝦多士表面係一塊薄薄既蝦餅，下面就係好脆既多士😋

今日lunch time行左過黎食呢間來自北海道新開既拉麵 好有日本風既一間店 店面積都幾大 有卡位又有bar枱 格局同日本拉麵店差不多 坐得都幾舒服 呢間主打蝦湯拉麵 🍜-🍜味噌蝦濃湯拉麵 $78 + 另加了一塊叉燒 $10呢碗味噌蝦濃湯拉麵係最受歡迎的 仲有半隻溏心蛋 溏心蛋既流心度不錯而且好入味 蝦湯上面加上了櫻花蝦 蝦味好香 望到廚師好有鑊氣咁炒啲櫻花蝦👨‍🍳 最欣賞係啲叉燒 半肥瘦 肉質很嫩 入口即溶 而拉麵是用粗麵 比較煙韌-🍜叉燒蝦濃湯拉麵 $98呢碗係增量版 叉燒有五塊 份量岩哂男仔 包你食得飽-.🥟餃子而小食方面點左呢到既手作餃子 餃子煎得剛剛好 一份有五隻 餃子皮好薄 肉餡好豐富

呢日同男朋友去澳門，搭船前決定係碼頭食下野先。見到呢間比較特別少少唔洗食fast food 就入去食啦～入面都有幾多位，可以容納唔少人。Menu 上除咗有多款拉麵外，仲有飯同小食。枱上面有好多調味料，可以因應個人口味，幾貼心！味噌蝦濃湯拉麵湯頭濃厚，配有一塊叉燒同半粒糖心蛋，叉燒煮得夠滑，值得一讚！一碗有大量櫻花蝦，唔單止食落有鮮味，連口感都有層次! 麵有得簡軟硬度，我就簡咗普通硬度，麵煮我啱啱好，吸湯汁之如亦有咬口。鹽味蝦濃湯拉麵呢碗亦有大量櫻花蝦，味道比味噌湯頭清，有淡淡既鹽味。一口牛油栗米餅外面炸到好香口，外面脆卜卜，入面甜甜地既栗米味，好好食。和風蝦春卷外表金黃色炸到啱啱好，再加上入面彈牙既蝦肉，外脆內軟。

出發澳門前係信德中心揾咗間拉麵鋪食。麻雀雖小五臟俱全，餐廳座位格局似日本拉麵鋪。店員服務態度殷勤， 我們看完menu之後， 大家皆感到心猿意馬， 因為每一款拉麵都太吸引了！因為朋友對蝦敏感，我們點了緣屋原味味增拉麵，內有一隻糖心蛋，厚叉燒兩片，拉麵麵質幼而彈牙，湯底濃厚，不會死咸。拉麵當然不少得餃子，餃子偏細，肉質鬆散。三文魚子蟹肉丼，三文魚子和蟹肉都裝得滿滿，所以每食一啖飯都充滿鮮味。下次試下其他款式先。

上環港澳碼頭終於有好野食啦~ 今次試左呢間蝦湯拉面 可能唔係抱有太高期待 覺得比想像中好食！我同友人分別叫左個味噌同醬油蝦湯拉面~上菜果陣兩碗面睇落一樣 但食落都係有唔同既！自己就係叫左味噌湯拉面 蝦湯味較濃郁 試左一啖友人既醬油湯 覺得比較淡d 但整體黎講兩碗湯底蝦味都突出 另外拉面仲有一塊叉燒同半個糖心蛋 叉燒唔會話好肥膩 如果覺得唔夠食 可以另外加叉燒～我地仲叫左兩款小食 有蝦多士同蝦煎餃 多士配上沙拉醬食落都幾香脆可口 而個蝦煎餃以為個餡會有蝦味 原來只係係餃子上面鋪左d蝦仔😂

和同事在上環上完堂，已到下午時間。身為麵痴嘅我，立刻問同事附近有冇好的麵店介紹。同事說，上環信德中心有一間日本麵店，主打蝦濃湯拉麵，問我有冇興趣試試。我毫不猶豫立刻答應。麵店位於信德中心2樓，名緣屋。二人點了焦香醬油蝦濃湯拉麵、火灸味噌蝦濃湯拉麵、煎餃子及和風蝦春卷。焦香醬油蝦濃湯拉麵湯頭確有一陣焦香味，蝦味亦非常濃郁，呷一口湯，蝦味隨即散發於整個口腔內，確實鮮味。拉麵則略為粗身及有點硬，如麵身稍腍，相信會更好。叉燒有一大片，肥瘦適中，味道不錯。同事說他的味噌蝦濃湯拉麵亦不俗，蛋亦做到流心，亦加了櫻花蝦乾提升拉麵味道。煎餃子皮薄及肉的份量算多，煎得脆而肉汁可保持。至於和風蝦春卷亦炸得香脆鬆化，如蝦肉的份量稍加多些，相信會更好。埋單每人約$130 ，以此價錢來說， CP值算不錯。

我是好蝦又好拉麵之人，聽聞上環有間不常見的蝦湯拉麵店，當然要來試試。鹽味蝦濃湯拉麵今次點了鹽味，飲第一啖湯，濃濃既蝦味，飲得出用了很多蝦煮出黎既湯，湯上佈滿櫻花蝦，正呀，單單飲湯已經覺得好滿足。食啖麵先麵是粗麵，和之前食其他北海道既拉麵店一樣都是粗麵，我覺得一般來說粗麵比幼麵多點彈牙，兩種麵各有特色，呢度既粗麵煮得剛好，配上無敵蝦湯，真係好正好好食。叉燒和糖芯蛋也是不錯的而粟米荀是有煎過的，都幾好食，用作拉麵配菜不常見。

每次同朋友係上環上完堂都會搵下周圍有啲咩食，今日就係信德中心二樓搵到呢間主打蝦濃湯嘅拉麵！6點前到唔使排隊😍🍀醬油蝦濃湯拉麵(＄75)拉麵湯底由蝦熬製而成，有陣陣蝦嘅香味🤤另外叉燒肥瘦適中，溏心蛋一流，值得一讚嘅係櫻花蝦份量非常多👍🏻 攪拌之後每一啖拉麵都可以食到櫻花蝦！😍🍀火炙味噌蝦濃湯拉麵($88)見到拉麵都有得簡火炙咁特別，就叫左一個黎試下，結果出乎意料之外地好食！😍濃濃嘅味噌湯火侯十足，食落蝦香味比正常更為突出👍🏻🍀和風醬汁赤蝦沙律($55)沙律生菜新鮮爽口，車厘茄亦都好鮮甜，配上滿滿嘅炸蝦，絕對值得一試☺️🍀乳酪蝦多士($38)蝦多士炸得唔錯，脆得黎又唔會有好油膩嘅感覺，入面好多蝦肉，咬落好彈牙！😋😋

北海道好出名嘅蝦湯拉麵開咗喺港澳碼頭😍😍之前一路都見到佢排長龍😵所以就算幾想食都好，都覺得好大阻力🤢🤢今日咁啱落船 見到竟然唔使排隊!!!! 諗都唔諗即刻衝入去😆我哋兩個人叫咗兩款唔同嘅湯底， 我試左醬油蝦濃湯拉麵，朋友就叫左味噌叉燒蝦濃湯拉麵 。因為有五片叉燒😝😝😝!!! 超級抵食。 點菜冇耐就上枱，效率好高! 驟眼睇落去兩碗湯個色水差唔多， 不過食飲落就幾大分別。醬油蝦濃湯拉麵比較重蝦味。另一款嘅味噌都唔算話太突出，喺味噌同蝦中間搵到個平衡點，都唔錯喎!! 呢度嘅叉燒雖然係薄切，不過肥瘦均勻，我哋兩個人share每人有三片😆 非常滿足 !!! 而且拉麵夠彈牙，掛湯力十足🍲 雖然湯底嘅蝦味唔係說話太濃郁， 不過依然美味可口! 配埋餃子食好日本風味， 正!以呢個價錢食到一碗高質嘅叉燒拉麵，性價比都唔錯👍記得之前食過另一間喺灣仔嘅北海道拉麵💩 呢間相比起算做得似日本， 而且服務態度幾好，聽到隔離枱有個客人唔識點菜，店員都非常細心咁同佢介紹👍 讚!!

Such a good day to visit Enishiya original rich shrimp broth ramen on weekend. Not much crowd for us to enjoy a bowl of hot ramen ☺️Tradition Japan Ramen restaurant interior design with open kitchen. Spacious seats.Mini Corn Nuggets with butterPerfectly fried starch covered the Japan's favourite condensed corn soup. Nice side dish to start with.We've ordered Salted Rich Shrimp Broth Ramen. Mouthful of flavours with the first sip of the shrimp broth. Very rich taste of shrimp with rather hard nood

門面同裝修都好有日本風店舖面積大 座位多店員有禮貌 係日式禮貌🤓調味料一應俱全仲有冰水可以自己斟岩哂食熱辣辣既拉麵鹽味蝦濃湯拉麵有一堆櫻花蝦仔！！湯底好濃蝦味唔揸流攤配鹽味都唔錯 因為帶得出蝦既鮮甜～拉麵麵條係較粗個種 彈牙有咬口叉燒都有溶化係口 有油香滲出 水準唔錯而味付玉子都正 唔係會食濟食漏個種 我中意😍三文魚子蟹肉丼驚喜之作 無諗過拉麵店既丼飯會咁出色🤩蟹肉鮮甜juicy 三文魚子清甜無腥脹卜卜🥰下面飯底啖啖有飯素 好有誠意☺️wasabi都係新鮮山葵個款 更有質感😚唔係現成wasabi醬的行貨喔食材同飯素已經好夠味 一滴豉油都無落過～滿足～一口牛油粟米餅一客5粒 好夠熱 上面牛油一陣就溶了🤣入面係由粟米漿加粟米粒粗成甜甜脆脆的 好吃！😋就算凍左都唔會感覺油膩👍🏻臨走前的開心小發現天花版都係蝦圖案 好有日本一絲不苟既精神😙

對香港人來說蝦湯拉麵並不算是陌生，不少老店都會有櫻花蝦豚骨湯面，拉麵哂的海老名獨有的蝦沾麵相信好多人都吃過，加上去年日本知名的一幻拉麵進駐香港，在香港要吃好吃的蝦拉麵並不難，但來到這裏，真是覺得一山還有一山高，不單只是味道而是整體上都展示出一種截然不同的拉麵風格。位於上環信德中心的緣屋，是北海道有悠久歷史的蝦湯底拉麵，進店時看見師傅把一隻又一隻的大紅蝦放進焗爐焗得焦脆，就知道這裏的湯底確實是真材實料，貨真價實的鮮蝦湯。坐在拉麵把台上迎接了這裏最有名的蝦湯味噌拉麵，在香港做味噌拉麵做得好的店舖不多，這裏做得非常不錯，蝦湯底加上配料和味噌在師傅的火爐上大火炒製，用熱力混合各種材料的特性。單是爐上的形象，就已經吸引着食客的心。拉麵質地不俗，這種麵質配上味噌湯底最為適合，糖心蛋十足入味，叉燒也是即場燒製，在肥油中有豚肉獨有的香味。再來是這裏的手工餃子，最令人欣賞的是看見師傅拿着餃子皮親手包好餃子，這個已經超越了味道的層次，而是服務的心。餃子煎得脆度剛好，是必點之作！