緣味小聚 (LADDER Dundas) (已結業)

最近周圍都系呢個厚肉龍蝦海鮮蒸氣鍋既看板，所以真系好想試試。朋友一直推介我試下，今次系附近辦事，可以順便試下，餐廳裝修幾別致。一場持續150分鐘的厚肉龍蝦海鮮蒸汽鍋盛宴‼️ ‼️在這場盛宴中，我試左各種美味的食材，包括龍蝦、扇貝、鮑魚、大蝦、蟶子和蜆子。~~~~~~~龍蝦，它的肉質鮮嫩多汁，吃起來非常滋味。龍蝦經過蒸汽鍋的烹調，保持了其原汁原味，入口時釋放出濃鬱的海鮮香氣，讓人回味無窮。‼️ ‼️~~~~~~~扇貝和鮑魚也的肉質柔嫩，口感豐富，帶有淡淡的甜味和海洋風味。大蝦、蟶子和蜆子，大蝦肉質鮮嫩，味道鮮美，帶有一絲甜味；蟶子和蜆子帶有清新的海洋氣息，口感爽滑，。‼️ ‼️~~~~~~~澳洲M5肥牛。肥牛肉質鮮嫩，口感豐富，蒸汽鍋的烹調方式使得肥牛保持了原汁原味，每一口都散發出濃鬱的牛肉香氣。‼️ ‼️~~~~~~~蝦餃、小籠包和燒賣。點心的皮薄餡多，口感鮮美，每一口都充滿了細膩的口感和豐富的味道。‼️ ‼️

一行六人俾咗張長枱我，地方非常窄，揀咗個最貴嘅餐五百幾蚊，所謂嘅海鮮只係得半邊龍蝦ok,其餘海鮮都係配給，服務態度不是很好，尤其攣髮上年紀的女性；眼見隔籬枱要求要生蠔，遲遲都未送到，仲要水人買優惠券，好似好抵咁🫢但計落又要再去多次，去一次伏一次，不了😑加埋啤酒4000大元，不知吃了什麼😱咁多食評讚好，不知從哪裏來

朋友在open rice 找到這店，本著試吓，點知中伏，5個人坐4人枱已經唔多妥，坐得迫亦唔夠位擺食物，我哋揀左龍蝦餐，3百幾蚊位唔算平，除咗龍蝦，其他海鮮冇一樣得，蝦仲要係霉霉地，食完海鮮變打邊爐，所謂M5 和牛完全唔掂，打邊爐可以選擇食物亦唔多，什麼手工點心亦是一般，唯一欣賞係飲品選擇多。5個人埋單$21xx, 好食都算，另類店舖其實只要海鮮新鮮就OK，連最基本都做唔到，都唔明點解咁多好評，只此一次，不會再來。

今日黎到旺角，諗住食海鮮，諗起有個朋友介紹，去到一間海鮮蒸鍋餐廳，$168 有龍蝦🦞生蠔、鮑魚等….海鮮！有肉，有菜～仲有埋甜品旺角黎講算不得了，性價比高👍值得一試！

我地一上到去揀左150分鐘龍蝦餐，佢就好快上左海鮮幫我地開始蒸😙啲海鮮都好味道，龍蝦都大隻、鮮甜、肉質結實，食落去啖啖肉😋因為我唔食生蠔，好怕啲蠔蒸唔熟，會有腥味，佢就蒸得岩岩好，唔會過老👍🏼如有鍾意食蠔可以叫另外一個餐，可以瘋狂加蠔🦪咁多海鮮係沙白有少少扣分位，因為有啲沙白有沙食完海鮮就轉左打邊爐，我地叫左蕃茄薯仔湯底，不過冇咩味😂😂😂打邊爐既食物都係不過不失，冇咩特別。重點都係蒸海鮮🦞不過佢都有唔同小食，我地叫左客家雞、麻辣雲耳，蝦餃、燒賣、黑金流沙包🤣🤣一餐飯可以食到唔同既野😂😂😂😂

上星期家姐生日，我哋去左食佢最愛嘅海鮮蒸鍋慶祝下🥳揀左150mins 厚肉龍蝦海鮮蒸氣鍋💋有海鮮盛盤、任食M5和牛、果汁、啤酒🍻澳洲M5和牛肉滑嫩多汁，肉質鮮美😀入口即化。厚身大龍蝦真係好大隻😍肉質鮮嫩，帶著淡淡的甜味😋而海鮮盛盤嘅蟶子皇鮮嫩多汁，好鮮甜又無沙😳而鮑魚和白貝都是上等的海鮮，鮮美又口感豐富😽除了蒸氣鍋，我哋仲叫還有幾個點心: 蝦餃皮薄餡靚😙燒賣則肉香四溢，仲有小籠包，好薄嘅外皮包裹著濃郁的湯汁和鮮嫩的肉香，好滿足👅這頓海鮮蒸鍋的晚餐絕對是一次美味的享受，家姐都食得好開心，每款蒸氣食材都好新鮮✨又熱辣辣上菜✌🏻

男朋友帶我去緣味小聚，我都係第一次嚟食，男朋友話事叫左厚肉龍蝦海鮮蒸氣鍋，可以食2個半鐘呀！時間好足夠！我勁鐘意蒸氣鍋食法，真係做到原汁原味嘅效果！海鮮一定要用呢個食法！龍蝦size唔細，顏色鮮艷奪目，仲要超好肉，有點彈牙結實嘅口感，再加上鮮甜嘅味道，絕對係高質素。除咗龍蝦之外，呢幾款都好吸引大鮑魚、蟶子皇、生蝦、貝殼，我就最鍾意食大鮑魚，男朋友就鍾意食鮮蝦，質素都好唔錯！食完海鮮又到食牛肉嘅時候，我就最推介和牛，和牛厚薄適中，而且味道方面有好香濃嘅牛肉味。點心都有唔少選擇，大大個蒸籠，我揀咗小籠包、蝦餃同燒賣，呢三款都係我好鍾意食嘅！首先蝦餃同燒賣都整到外皮好薄，但係餡料都好多，所以都仍然係大大粒。小籠包都好好食，肉汁鎖住喺小籠包入面超級豐富。

海鮮蒸鍋係一次性既，但非常多款式，龍蝦、鮑魚、生蠔、蟶子、花甲、海蝦、沙白蜆，好新鮮，龍蝦預先切開佐，開邊咁蒸更加均勻，龍蝦肉好鮮甜，肉與細嫩Q彈，鮮甜甘香，鮑魚都係爽嫩口感，生蠔蒸熟佐都好creamy，蟶子同蜆果啲都無沙淨係啖啖肉，蝦就彈牙口感好，食一次都回到本呀(^o^)/火鍋就係任食，一定要瘋狂食澳洲M5和牛，和牛雪花紋非常平均，油花十足，肉味又濃，仲有啲肉汁，一啲都唔鞋，嫩滑鮮味，接近入口即溶既口感，淥一淥咁食牛味大爆發（*＾3＾）點心都係任食，小籠包爆汁香濃，肉味十足，湯汁美味；燒賣彈牙煙韌，有蝦有飽清肉餡，又有啲冬菇碎，口感豐富；蝦餃皮薄餡靚，飽滿得黎晶瑩通透，一啖食晒勁滿足(⁎⁍̴̛ᴗ⁍̴̛⁎)

周末，媽咪和我相約去品嚐一家有各式美食的餐廳。我們選了150分鐘任食龍蝦海鮮蒸氣鍋，菜單琳瑯滿目，令人目不暇給🤩首先，我們品嚐了酸辣脆蘿蔔，酸中帶辣，清脆可口，媽咪對這道菜讚不絕口。再品嚐了川味口水雞。這道菜的雞肉鮮嫩多汁，搭配上香辣的醬汁，讓人忍不住多吃幾口😋此外，我們還吃了蝦餃、燒賣和小籠包等點心。蝦餃的蝦仁鮮美彈牙，燒賣的豬肉餡料鮮嫩多汁，而小籠包則是皮薄餡多，滿口的湯汁讓人舉起手指公👍🏻最後，當然是厚身大龍蝦🦞這道菜的龍蝦肉質鮮嫩，味道鮮美無比。整個用餐過程中，媽咪和我都享受到了美食帶來的愉悅。店員也十分有禮，上菜速度亦很快，我非常滿意😊

今日返工嘅時候突然之間好想食大閘蟹又想食蒸鍋，於是就喺OpenRice度搵吓睇吓有啲乜嘢餐廳好介紹，就比我搵咗呢一間緣味小聚！見到啲相好似幾好食同埋性價比好高，於是就帶埋個好姊妹一齊去食飯啦！呢間餐廳而家做緊大閘蟹放題，點心，小食任食❗️真係一間可以食到飽嘅餐廳‼️大閘蟹🦀️唔係好大隻，size適中尚算多膏，每人食兩三隻到啦，蟹膏真係好難忍😂點心方面都係好有水準，我自己好鍾意食呢度嘅蝦餃，呢度嘅蝦餃晶瑩剔透，而且外皮好薄❗️入面嘅蝦肉爽滑彈牙‼️澳洲M5和牛，先講油脂分佈好平均，唔太肥膩肉質上係軟啲，淥一 淥 就食得😋牛味都好濃😍，入口即溶👍🏽牛香由舌頭入到我既味雷😄川味口水雞初初我哋以為會好辣，但好彩沒想像中辣，雞🐔肉既肉質嫰滑，好好味😋

之前食過唔同分店的緣味小聚，令我留下了深刻的印象，因為真係好好味！上次我地申請完海龍卡會員，所以今次有8折。今次朋友話要帶佢去食，為左近佢收工地點，我地揀左係 旺角的分店枱上有清晰指引，教我哋不同菜需要蒸嘅時間。咁就自己想幾時食咩海鮮就幾時整，十分彈性👍🏻大海蝦蝦味同鮮甜味好突出，肉質爽口，蝦頭膏仲可以吸吮埋，正！青口的肉質鮮美，味道清甜、大鮑魚口感鮮嫩，鮮味十足厚肉龍蝦更是讓人驚艷，口感鮮美，肉質細膩，讓人回味無窮。肉類有好多款，仲有無限任食勁多和牛、肥牛、豬雞同小食等，而我最難忘安格斯牛肉味更加香濃，食落好有質感。品嚐點心🥢是一項不可或缺的美食文化，當然點都叫D黎試下啦~燒賣、蝦餃、小籠包更是為這一頓豐盛的宴會畫下完美的句號。呢度海鮮質素絕對新鮮，而新鮮清蒸食原汁原味絕對係食新鮮海鮮既最佳食法。自己製作亦唔難，枱面有提示蒸煮時間。呢個質素做到呢個價錢都幾抵食。唔怪得平日夜晚都全場滿座。

之前食過呢度嘅龍蝦覺得好好味，今次就特登嚟叫呢個「150min 龍蝦任食」！咁就可以食多幾隻🥰食多幾隻就已經回晒本！💕份量十足又鮮甜嘅龍蝦，龍蝦肉堅實富彈性，好正😊💕大鮑魚口感軟熟彈牙，、蟶子皇肉味鮮甜，生蝦蝦肉有咬口好彈牙！💕川味口水雞一入口岩岩就甜中帶辣，辣而不嗆。後勁辣中帶香，香中帶麻，肉質入口細嫩幼滑，層次相當豐富！💕點心方面其實都有唔同嘅選擇，自己就最鍾意呢啲好傳統嘅中式點心，分別就係蝦餃燒賣同埋小籠包，味道分分鐘好過出面嘅酒樓。

今次點 150min 龍蝦任食吃到飽，仲要每位都係$598， 款式多不能盡錄!套餐中的海鮮種類繁多，品質也非常出色。M5和牛色澤鮮紅，油花分布均勻，軟嫩中帶有少許咬感。😋大鮑魚口感獨特，肉質鮮美，鮑魚同肉蟹都係啖啖肉，仲有好多膏，超級滿足。沙白的肉質爽口，味道清甜; 虎蝦都好新鮮，肉質夠爽彈。佢哋主打嘅係 點心，我尤其鐘情❤️燒賣+蝦餃+小籠包。，雖然賣相一般般 ，但食起上嚟 絕對唔失色！ 龍蝦估唔到充滿海水味，也帶來了濃郁的龍蝦味和鮮嫩的肉質，令人回味無窮。龍蝦可以完全唔洗加醬料，食番海鮮嘅原汁原味。呢度有好多套餐揀，時令海鮮每日唔同，有龍蝦有蟹真係好抵食！PS. 服務員非常友好和專業，他們逐一介紹了每一道菜的特色和烹飪方式。他們還特別提醒我們有幾款海鮮不需要加醬油，因為它們本身的海水味道已經很重了。

今日食既係任食大閘蟹火鍋海鮮放題，高檔貴價食材全出，真係要豁出去咁食！大閘蟹重中之重！！！真係爆膏，金黃色既蟹膏，軟膏為主，金黃流心，蟹油滲晒出黎，勁爆豐富，蟹肉亦非常肥美，拆蟹工具齊備，蟹肉蟹膏輕鬆全取，美味滋味🦀海鮮任食海鮮都係講得出既基本上都有，鮑魚，生蠔，海蝦，花甲，款款都好新鮮，好鮮甜，鮑魚又夠爽彈唔會好韌，生蠔就肥美滑溜，海蝦都好彈牙，花甲大隻少少沙都無，超正🦐🐚🦪川味口水雞口水雞真係食到流晒口水，麻香豐富有層次，又辣又麻，雞肉彈牙鮮嫩，一啲都唔鞋口，皮滑雞嫩，又入晒味夠晒辣，惹味到停唔到口🐥酸辣脆蘿蔔蘿蔔香脆可口，非常爽口，酸酸辣辣，特別開胃，蘿蔔好入味，每一啖都係酸辣味道，開胃解膩🥗

♨️屋企又無人煮飯，個個出晒去有約，得返我自己一個係度食，跟住約了幾位朋友出去食大餐，全日做野鬼死咁累唔想周圍走，上網係到睇到旺角有間緣味小聚，係樓上舖，裡面既環境好企理，全部都係好事淨‼️‼️我地今餐就係食厚肉龍蝦海鮮蒸氣鍋，150分鐘食乜都夠，♨️呢個餐既海鮮係無限食，仲有龍蝦，龍蝦係鮮紅色既外殼，入面既鮮肉好有龍蝦既味道，好鮮甜，💯食到停唔到口🈴跟住仲有好多款海鮮，💯特別講下蜆、鮑魚，蟶子、蜆入面既肉好鮮，好爽口。鮑魚既肉好彈牙，好濃郁既鮑魚鹹味，蟶子就粒粒都新鮮，爽口好好食‼️㊙️最特別係仲有埋點心添，燒賣、蝦餃、小籠包一定會食，佢既質素同酒樓一樣咁好，小籠包多汁皮薄，質素確實好‼️環境🉐🉐🉐🉐🉐食物🉐🉐🉐🉐🉐抵食🉐🉐🉐🉐🉐