維の味居酒屋

营业中

休息中

約朋友去食串燒。依間串燒店好有日式小店feel，播著靜音樂，三五知己食住野傾下計，好輕鬆既環境。 店員送上燒鱈魚片，脆卜卜。可以食住等串燒。 先送上大木碟，放了檸檬，薑片，鹽。可以自己調味。燒好串燒，店員再將佢放上木碟。叫左好多串燒，款式多，價錢仲幾抵。牛舌尖。好厚，啖啖肉 黑豚腩。燒肉既味道，外邊燒到好香。帶點肉，唔會全部肥膏，又有油脂香 多春魚。燒到乾身，可以成條食 開邊雞翼。開左邊，可以有大面積接觸到火，令到外皮更脆 點左幾款燒蔬菜。韭菜冬菇秋葵烤香左，入面仲有汁，好甜 雞軟骨金菇肥牛卷。金菇爽口質感，配肥牛最夾 豚肉韭菜卷。韭菜好甜爽口，咬落去仲帶點肉汁 燒菠蘿。切好大大塊，燒過特別甜蒜蓉燒原條茄子。超大條，鋪滿蒜泥，幾濃味

嘢食好味又唔會等好耐，飲清酒仲有得揀杯，好似居酒屋咁，好正👍🏻如果唔飲酒都係人均$300-$400左右，但係食到勁飽🤣質素一定比任飲高，以小店嚟講好高質已經第二次回頭，絕對值得一試❤️

今日好好彩來到此處.其實係長沙灣是有不少美食但往往就是遠在天邊近在眼前.特別是一些不太起眼.其實是卧虎藏龍....就是這處了“維の味居酒屋" 家庭式的貼身服務,好耐未有如此般親切的人情味！！店內位不多因是小店.只有大約四枱.記住訂定以免等太耐！店主送上這前菜給我們品嘗-鳕魚棒$22. 好好味！有魚鮮味及好新鮮的即燒味道！之後我們見menu上有不同的選擇及價錢非常平民所以ordered不同的燒串.你哋望下好有去了日本的味道！朋友是雞翼迷.佢話品質和味道（燒得好脆仍能保持juicy) 仲好過在日本食.其實我不太喜歡chicken wing也忍不住試了.嘩嘩嘩！！真的好高質.最後試了兩款不同的雞翼. 鱔和菠蘿也是必食！我們也試了清酒烹蜆今次要比三個“正”你就知有幾fresh d 蜆！最後埋單也不過$400.

係長沙灣見到一間新開的串燒店不過見價錢親民，所以即管入去試下😛店鋪係小店形式，只有兩位打理食物上都好多選擇，而且價錢都好抵最重要係食物原來好大份！！！真心抵食老板好nice，上左碟燒鱈魚片俾我地一路食住一路簡下野食所以一入到鋪已經開始係咁食食食🤣燒雞泡魚乾雞泡魚乾最岩用黎送酒食啦，點埋沙律醬夠曬惹味汁燒牛舌尖好大塊，通常牛舌尖都比較硬身，但呢度煮得好淋鹽燒多春魚、燒雞軟骨、汁燒牛肋肉蒜蓉豆卜超級多蒜，豆卜燒到脆卜卜，加埋啲蒜好香口燒菠蘿我同朋友都好鍾意燒完都仲keep到好多水份，菠蘿又鮮甜，可以當係甜品食🤣邪惡燒雞皮呢個要趁熱食，上菜時仲見到岩岩燒好既油脂，果然邪惡金菇肥牛卷、燒雞全翼好味之餘，仲要好足料，肉類既野都係大大份上碟茼蕎、翠肉瓜保持到蔬菜既水份食完呢餐我同朋友都覺得味道好同好大份而且小鋪有種人情味～老闆仲會好貼心想知食物煮得好無味值得支持

同朋友仔放工好累 搵樣野食見到新開咗一間食串燒店舖細細地 但服務極好叫咗好多嘢食 價錢好平 嘢食都大碟絕對會回頭 再嚟收工食另外 環境好靜 傾計 飲酒都舒服叫左10幾樣野埋單每人$150 覺得都抵😃😃