綠仙子台式餐廳 (已結業)

仲記得岩岩追到女朋友之後，第一間帶佢去食既鋪頭就係呢間綠仙子，呢間鋪成為左我地成日幫襯既「飯堂」，位置都尚算便利，坐立於荔枝角地鐵站同長沙灣地鐵站交介，價錢合理，值得推介比大家。大廈外牆維修，阻礙左鋪頭門面。閒日午市會好多寫字樓同大廈既員工幫襯，想晏就食就要早啲黎霸位喇，而我地係晚上七點先去幫襯，過埋放工時間，所以間鋪都比較靜，適合唔鍾意同人逼同嘈雜環境下食野既朋友，夜晚綠仙子會開到八點鐘。呢間台式餐廳選擇多，黎親好多顧客都會嗌套餐包野飲(42元)，或者散嗌(38元)。抵呀!講一講主菜先，呢個香茅豬扒飯係必叫呀，豬扒半煎炸，表皮金香，入口充滿咬口，又唔會韌。原本預設有跟醬油，但如果朋友仔你好似我咁重口味呢，就可以落單個陣同店員講要加汁，啲醬汁撈飯一流! 我地嗌左套餐，加左杯凍水蜜桃紅茶都係42蚊炸！呢個係女朋友最鍾意食既玉子豆腐肉燥撈米線，平時我地都係叫開「無敵」肉燥飯既，但今次睇到Menu寫原來有得轉米線，咁我地緊係唔執輸，轉個撈米線啦。嘩!一黎到見到個玉子豆腐唔係平時滑溜溜既，而係酥炸玉子豆腐，一食落口，簡直可以用充滿驚喜黎形容，外皮咸咸脆脆，內裏香滑可口，下次我地黎一定會再點呢個

今日晏就突然想食台灣嘢，嚟到呢間台灣餐廳出面已經飄出陣陣炸物香味。點左個金菇肥牛上海麵，佢仲可以配飯/ 米線/ 公仔麵等等。肥牛有少少雪味，都比較硬身。湯底ok，唔會話過鹹。

自從同事介紹食一碗冬菇酸菜肉絲通開始，就愛上左呢到既早/午餐，不過呢到早餐要有一定價錢先送外賣，所以都好難可以食到而家差唔多每個星期都會黎呢到食肉燥飯，因為$42，仲連珍珠奶茶/茉香奶茶，仲有呢到一啲都唔孤寒，每啖飯都有肉有汁，今次我叫南乳雞翼飯另加肉燥(+$8)，雞翼唔會炸到乾爭爭，不過略嫌唔夠南乳味，而朋友就叫茄子肉燥飯，依然呢到其實除左肉燥飯仲有好多飯同麵選擇，例如卤水雙拼，台式小排骨，鹽酥雞等等，亦可跟飯，新竹米粉，菠菜麵，加錢仲可以轉撈麵等等

雞翼肉燥飯 + 茉香奶茶 HK$42肉燥不過不失，嫌少了點 而且沒有肉鬆？！菜也沒放很多，數片而已......但雞翼鹵得好入味 ，而且肉汁配飯好好食茉香奶香：非常非常值得推介，茶濃奶香！真的每次來每次點，不二之選！個人覺得熱飲比較原汁原味南乳雞翼飯 這家店弄的南乳雞翼煮得好好食，總共有兩隻全翼！雞翼不是煮爛，還有咬口的！ 菜也是只得數片......這間店中午12點半後會超級多人連外賣及等入座都一堆人！！

今日突然好想食台灣野, 可惜荔枝角一向選擇唔多!上次食譚仔經過見到依間台式餐廳, 今次就試下啦!! 估唔到依度lunch都幾多人, 12:30pm去到都要等一陣先有位. 佢地既餐牌除左字之外仲有埋圖比你睇, 對於我地依D有選擇困難症ge人特別有幫助, 咁樣又真係幾貼心ge!!今日order 左個玉子肉燥飯配凍珍珠奶茶 (價錢$40),  個飯黎到都仲熱ge, 玉子係炸ge果種, 肉燥就無咩特別不過不失la~~珍珠奶茶味道淡左d. 不過依個價錢食個lunch 都ok la~

今日做野經開長沙灣，又到午飯時間，見到這間綠仙子不用等位，便入內叫野食。這裏座位擺得很密，十分迫，其實坐得很不舒服。但食飯時間無辦法，只希望食物質數可以便得。看看餐牌，都好多款餐可選，大概連飲品要$42元，不算太貴，於是同同事點了兩個餐，感覺味道一般，酱汁麻麻，飲品可能溝水太多，非常淡口。若下次又經過長沙灣，會試另間食店。肉燥雞翼飯，味道一般，肉燥太乾，汁太杰而無乜味鹽酥雞飯，普通茄醬，鮮茄味不夠，味道不過不失，雞炸得太乾，不太鬆脆，沒有咬口太稀的珍珠奶茶，完全沒有茶味菜式都有很多選擇，可惜味道麻麻

路經長沙灣，正直放lunch下於搵好野食，綠仙子門口貼滿各式各樣美食照片。眼見有得睇無得食，心有不甘決定搵綠仙子出出火。點完餐，5分鐘就上菜。夠爽快玉子一入口即溶，正肉燥味濃，兩者配搭一絕。青蘋果綠茶就不過不失，但勝在夠冰震，爽！下次路過都一定搵綠仙子

今日lunch叫外賣食，其實荔枝角除左程班長都無咩台灣野食，綠仙子算係比較大間，但係今次第二次食都係覺得麻麻，食材同煮法都好普通。今次叫左南乳雞翼飯係推介的款式，所以都期望正正常常。仲以為係用南乳炒到比較乾身的雞翼。南乳味係有不過就加左個汁蓋過左d南乳味，個汁似「燒汁」味，仲令到個雞翼無咁脆口。d菜係要放左係雞翼底，吸左d汁，放係飯面清清地會仲好味lo個飯唔係靚米，食落無飯香味，睇落唔"林"，但係食落好糊咁~~而飯上面又係唔「燒汁」似肉燥汁，如果想撈多d汁送飯，「燒汁」mix「肉燥汁」好怪。因為外賣再加多1蚊~~~埋單$36一個lunch

突然好想食肉燥飯，所以去左綠仙子。去到好彩唔使等位。位低就叫野食。因為向呢度食野最緊要快，係要快d落單，否則人一多，就要等勁耐先有得食😐35元一個飯，不包飲品。以食物質素黎講，價錢其實有點偏貴。。。味道也只係好一般。不過lunch填飽個肚就算茄子肉燥飯因為中意食茄子，所以叫左呢個飯。茄子都算ok,起碼唔會食到成口油。肉燥得少少咁，好彩我叫左多汁，否則真係乾㕷d飯。。碗飯嘅溫度又不太夠熱😐。。。

球場參加完活動, 響附近食個午飯先, 有間台式野, 飯餐都幾多野揀.要左個鹽酥雞柳飯$40, 鹽酥是台式特式, 入口咸咸地, 且個皮夠脆, 但連入面雞肉都炸到乾晒, 不過唔油膩. 個汁酸酸甜甜幾開胃, 白飯幾大碗, 撈埋一齊食無咁乾.跟餐有台式飲品, 凍珍珠奶茶, 珍珠腍腍地幾有咬口, 奶茶奶味重過茶味, 不過唔算太甜, 還可以.

同同事落街lunch, 突然好想飲珍珠奶茶, 所以就去食台灣野. 呢邊選擇唔多, 唔去人氣店, 就去普通野啦, lunch較早, 所以未算多人唔洗等位. 我都幾鍾意黎呢度, 因為地方夠大, 唔洗坐到太迫.款式亦好多, 粉麵飯類咩都有, 套餐仲有飲品, 都係$40, 而家黎講算係平.今日想食飯, 所以要台式豬頸肉飯, 豬頸肉好多舊, 肉質幾嫩, 幾爽口咬落唔起渣. 醬汁甜甜地而且夠多可以撈飯, 有汁撈飯好味好多.跟餐要熱珍珠奶茶, 奶茶係茶精沖, 都幾甜, 都係台式奶茶味道無咩特別. 不過珍珠煲得腍身好易咬, 幾QQ.

LUNCH同事提議食台灣野, 就黎呢間食, 我 叫左個豬頸肉飯 + 珍珠奶茶($37) D汁多到嘔好油  , 飯又涷 , 豬頸肉好一般 , 咁就收我$37 而我同事就叫左新竹米粉餐食, 佢地話OK啵 ,  但我就覺得唔抵食 , 唔會再去lo~~

呢間餐廳第一次食已經覺得佢唔掂，但本住比個機會佢既諗法加上同事鍾意所以都去過4-5次，但係真係唔掂…第一次去我係食招牌肉糙飯，但係佢整到個汁太杰仲要唔熱，成劈啫喱咁，已經驚左。第二次食茄子+唔記得配搭咩餸+飯，又係個凍啫喱汁…。之後嗰次唔記得左食咩。今次…南乳雞翼飯落單時已經問定係咪又係凍啫喱汁，果然係，即叫走汁食豉油。但…雞翼看來係幾年前炸定，唔熱，超級柴皮…  救命…同事之選…炸鯪魚球新竹米佢地就係為左呢個菜，堅持繼續幫襯，但今次食都終於覺得唔掂了，鯪魚球係翻熱的，柴皮到不得了…看來無下次了…

有鑒於荔枝角區欠缺上佳食肆。今日午餐時段，我毅然踏上尋找「荔枝角美食」的征途。經過多返考慮，征途的第一站選擇了從未到過的「綠仙子」。由於時間嘗早，不用等位。（但根據後來所見，接近一點就開始有人等）坐位的確有點兒擠迫，不過還能夠接受。時間緊湊，慢得黎又有D急咁點了一個「牛肉担仔麵」加唔記得乜叉「綠茶」。外觀無可否認係麻麻地，但係味道至係最重要一環。為左唔俾食物濃味影響我對飲品的睇法，我第一口就試了個乜叉「綠茶」。一個字「淡」。如果追求濃味，飲品就絕對不合格。奈何小弟鍾意淡味，飲品都勉強ＰＡＳＳ。之後就品嚐「牛肉担仔麵」。味道不過不失，中規中矩，在沒甚期望下亦沒甚驚喜。讚的是，麵質真的不差。彈的是，麵湯味精味太重，而且分量的確少。但在荔枝角這個鬼地方，＄３５一個ＳＥＴ的價錢，都算合理。當然更好選擇亦不少。最後總結如下：「食物製作好求奇，　回頭再吃機會微。　無奈價錢都合理，　試一試又唔會死。」

由於在附近工作所以有機會耐唔耐去一次．約一年前開始食外賣味道不錯，所以都有去堂食.但是此餐廳lunch的座位安排實在是太差:店內lunch時已十分逼.話雖會由員工派飛安排座位, 但人客要在店內等!!(店內最闊的通道只有約兩呎). 兼且佢地唔會考慮夾人數與座位,例如有張8人抬,就算你有8個人企左係度,佢地都會俾左先到的,even是2-3人的去坐.(p.s.果度d阿姐係無mud禮貌既,所以都幾激氣)所以人多lunch time去食基本上係無mud可能有位既! 由於此因我地從此無去堂食.直至最近:由於周圍都無位,我地忘記左之前既教訓又入左去.結果又係一樣...都算,first come first serve 都係一個公平既方法,我地等.(周圍實在太多人).就係呢個時候, 有位侍應唔小心倒瀉杯珍珠奶茶落我同事條褲度,而對方竟然對唔住都無聲! o個位同事當堂嬲爆,本來已不滿既我地立即決定走人and black list此餐廳.佢地真係要好好改善下服務.我地自問已不是"奄占"之人... -_-"以下資料基於之前去食得來: