紫鶴日本料理 (已結業)

今日到KCC商場嘅一間叫紫鶴日本料理食下午茶，佢既價錢比較親民貼地，而且無加一收費。環境方面，比較露天，空間感好廣，店員比較少，所以要耐心等待送餐。我點左香煎雞扒漢堡飽（$26），當我想要食嘅時候，我發現飽面上有啲唔乾淨，幸好我仲未食🙈我即刻同職員講，佢解釋因為係最後一個飽底，所以無留意到！🙄之後就換咗特式洋蔥豬扒飽（$26），但心情已經麻麻地。當我收到餐時，佢已經幫我塊豬扒切開左一半，可能係想我方便啲食掛。但由於塊豬扒太細，當我食嘅時候根本就咬唔到，所以好快就跌咗落地下😨我只好淨係食個麵飽🙄感覺自己好似未食過任何東西😓這是我的一個不愉快用餐經驗。

哩個新商廈是新開的，見佢做緊聖誕裝飾好靚特意嚟影下相行下街食下野既。下午嚟到唔算多人就去影左相先之後先去醫肚啦！不過可能地點方面都會有啲影響始終都是工廈區，星期一至五應該會好多人中午落嚟食飯，但今日係星期六沒有人來人往所以行商場都唔使咁迫。之後經過間日本餐廳擺咗下午茶餐牌出嚟望過價錢唔貴又多款式揀，就一於試下這間啦！點了“鹽燒鯖魚定食”有湯、白飯、前菜好豐富，鯖魚煎完唔會乾味道清甜。“干炒豬扒出前一丁”炒得好乾身唔油膩，豬扒都有幾多件。“日式餃子拉麵”下午茶餐餃子得兩件但拉麵都好大碗。仲有餐飲每人一杯，以這個價錢真的好抵食。

👭約了朋友在公司附近吃午飯送手信，隨便選了間日式餐廳，觀看食評不是太好評，但朋友減肥要食d低脂餐，惟有冒險去試試！1:30去到餐廳，有很多位，心感不安，坐下來叫了燒魚定食，等了一會，食物便上桌，懷著無期望食這一餐，但食落又不差喎！主角魚燒得剛好，份量適中，白飯合格，麵鼓湯就不夠熱，環境光猛，食店不算細間，沒有壓迫感，服務員態度亦不錯，又一次證明，每個人口味及感受不同，有時真是要去過才知道好不好！個人評分食物：C服務：C抵食：C環境：C衛生：C紫鶴日本料理是一間不過不失的食店！

Lunch有人請，叫左個全場最貴嘅鰻魚飯試下，味道唔錯但未至於好好味，鰻魚同飯嘅比例剛剛好，跟餐嘅湯同中華沙律都唔錯，餐飲柚子蜜就偏淡。其他人叫左好多野，無話難食。呢間食野嘅唔好處就係等野食等好耐，搞到食得琴琴青。

好憤怒呢間嘢由開舖到依家，食物質素一D都無改善，仲要愈黎愈差，價錢又加左。只係呢區冇D像樣嘅食店，所以每到lunch時間就好多人幫襯。今日因為趕時間開會，所以迫住再幫襯佢！叫左個滑蛋豬扒飯套餐，賣相好靚，急不及待食啦！咬一口豬扒⋯⋯唔會呀！再咬一口🐷扒⋯⋯好硬呀！肉質實到不得了，一丁點脂肪層都搵唔到，又完全冇醃過，所以無味。個炸粉醬就厚到咬得得到一舊舊粉，簡直係世界上最難食嘅豬扒，呢間嘢竟然咁到比客人食，好冇良心嘅食店。唯一得個飯同滑蛋汁係入得口。經過呢次慘痛經歷，真係唔會再幫襯

位於九龍貿易中心的紫鶴，主打日本料理。餐廳在lift lobby附近，不少附近的打工仔也會光顧。下午茶時間不少多人，坐得闊落舒適。但下午茶也有茶餐廳的食物如士多、腿蛋治等提供，也有日式炒飯和拉麵等供應，價錢四十元內有一份。點了一客火腿奄列配多士，飲涷華田。食物十分鐘後便來到了，熱辣辣，味道正常。多士是切了邊的，而且烘得很脆，火腿奄列有少許油膩，但味道也是okie的。這個下午茶加錢要涷飲後約30元，不算十分貴。

雖然是午飯時間，但不用等侯坐位。門面頗為光鮮企理，感覺不錯點了圖中食品，但深感中伏豚肉：豚肉佔小鍋一大部分，份量來說非常足料抵食但是，吃一口，肉質跟普通瘦肉肉片無異。完全沒有豚肉的香湯底：原本點泡菜湯底是因為味道酸辣，較開胃。但當弄穿了生雞蛋後，整個湯底都變成甜味。味道有點怪早知當初不點泡菜湯，反正到最後什麼湯底都會被生雞蛋味蓋過（泡菜湯底還要貴一點）整體來說，質素不太值60元同區附近的mochi cafe亦有類似相同菜式，味道較好一點～

今次因為工作關係，要去葵涌呢邊番工！順便可以搵下野食行左去個貿易廣場，見到都有唔小野食，但就比呢間日本野吸引左有好多唔同野食，我就決定要個鐵板牛肉炒野菜定食 ($60)有時唔想食咁多肉就會揀呢d炒野菜既定食！感覺健康d呢個真係多菜少肉架！不過話雖如此，d肉又唔係真係得2-3舊咁既，都唔係少到有d離譜咁啦！牛肉都唔會炒到好似擦膠咁咬唔開，反而都幾juicy個野菜都炒得幾好食，幾香！不過係油左少少咁，如果少d油會更好！

I would come to this place around lunch time if I didn't want to wait in lines.Service ok but food are really just so-so. Portion is not too big either, hence some of you may not feel too full. Tried their udon and sashimi bowl, both is very basic. But I will not recommend the sashimi bowl as I don't feel is too fresh😕Overall my experience here is just ok....

極差！ 牛肉竟然係生嘅！已經要求換過一次！拿入去吾够一分鐘，就拿返來出！第二次食都係d牛肉生嘅！有圖有真相！我真係頂唔順要開返個ac來留言！啲嘢已經唔係好食！但都未至於係甘掛？！沒有最差只有更差！

今日下午到開會專程去食番個lunch同事話呢間好難食但以我咁懶嘅性格佢就喺lobby仲要唔使等位又唔使日曬雨淋Menu 都唔睇即刻坐低以我嘅性格通常都係揀最貴個set應該質素係最好嘅但今次我錯了仲要係好錯滑蛋鰻魚丼定食 $9x滑蛋好濕鰻魚口感淋 pat pat 多細骨食唔出半丁點肥美油香的感覺味道一般丼定食嘅粟米更加係唔知想點凍冰冰但味道又怪怪地食咗兩三粒唔得唔熱嘅湯好淡口

這「紫鶴」正正在KCC的lobby floor，通常來這裡只有兩個情況: (1) 下雨 (2) lunch的時間不多，不然也不會選一家這麽近Office，但又無特別的餐廳。點了一客吉列豬扒拉麵，豬扒的炸粉不厚但亦不薄，可是有欠香脆，算是厚肉，但肉味一般，味道並無特別。拉麵無論是湯底或是麵底也相當普通，只能說中規中矩，不值一談。

處身九龍貿易中心內的寫字樓內, 雖然有數間食肆, 但接近一期既就只有這間紫鶴日本料理。每當下雨天的時候, 便是叫它的時候。論價錢一份雙拼的三文治加熱奶茶$24, 比一般外賣多一兩蚊, 但質量可否做番平常餐廳的份量。每次打開的時候真的很不開心, 奶茶枉枉都是不足, 之前地下那間也有相同情況但亦比紫鶴好些。唔祈求好像大x樂咁到杯邊, 只希望打開的時候不像飲剩咁啫, 真的這麼難, 亦曾反影數次希望改善也沒有。現希望樓下的大x樂和叧一新餐廳快些投入服務讓我們可多些選擇。

要前去附近辦點事，完工後，找吃。隨便的在九龍貿易中心，搵間餐廳，找個位置，坐下，睇睇自己今日的彩數如何?點了一口牛柳粒定食，有跟沙律、湯及飲品。其他不說，主力講講牛柳粒，有點韌，同埋好油，是致命傷。希望，佢會有改善。

下午茶好去處熱辣辣走入坐，禮拜六冇乜人幾好叫左個牛肉鍋烏冬😍啲烏冬彈牙爽口，牛牛肉味濃郁！正！唯獨是唔滿意杯凍檸茶，啲冰多過頭，一拎匙更督檸檬。。啲冰瀉晒出黎，真係啜兩啜就冇晒😓😓😓