影片
港铁奥运站 B 出口, 步行约3分钟; 奥运站B出口汇丰中心斜对面
继续阅读
开饭介绍
主要以自助餐形式供应食物的素食餐厅，口味偏向中式，亦会不时推出创意料理。店门采用水泥墙设计，装潢简约，带点文青感觉。
继续阅读
营业时间
星期一至日
11:30 - 22:00
公众假期
11:30 - 22:00
公众假期前夕
11:30 - 22:00
以上资料只供参考，请与餐厅确认详情
今日一齐同埋啲亲戚朋友一齐过嚟食斋，佢哋推介咗呢间餐厅好耐啦！其实食素菜都可以好丰盛，唔系想像中咁少菜式㗎 ！呢一间净系前菜沙律区都已经有好多款，主食都有成十几款，仲要有埋汤卤肉饭，甜品区等等，真心选择真系好多够晒多元化👍我自己就本身好钟意食辣嘅，最钟意食佢哋呢个手拍青瓜，真系辣得好过瘾，佢哋教嘅酱汁好好👍其他嘢食，例如酸辣粉，卤肉饭，炒粉面等等，去到甜品区，质素都好高！ 晚餐仲要包埋嘢饮添，好抵！ 😍
继续阅读
///又系时候要素一素，每个月入面我都会拣几日食素菜，务求令到自己身体更健康😆呢一间已经试过好多次㗎啦，我想讲食素一啲都唔闷㗎，选择好丰富，好多你想像唔到嘅菜式其实都可以做素菜。 佢哋嘅价钱好大，长者咭仲有优惠，仲要系免加一，食物系完全自在任食嘅，佢哋都有一个自助饮品区，自己斟嘢饮，最钟意饮佢哋嘅凉茶！ 食咗咁多次最钟意嘅都系煎酿三宝，加埋秘制嘅酱汁，好好味！ 沙律酸辣粉同埋凤爪都系我最爱，每次都会食咗几碟先，因为太惹味啦！另外，山水豆腐花都系我自己最钟意嘅心水之一，好清甜。 总括而言，佢哋真系太多选择，唔可以一一尽碌，但全部嘢食都系好好味！服务都好好！小店要继续加油啊❤️❤️❤️
继续阅读
新年食得太多糕啦，系时候要食一食素菜清清肠胃😁一直booked marked 左呢一间餐厅好耐，因为见到佢哋个价钱真系好大众化，百零蚊已经可以任食自助餐，仲要系免+1！选择种类好多，价钱好大众化，性价比极高👍👍👍我哋今次拣咗晚餐时段，见到环境都好阔落，六点几就入场啦，有好多头盘沙律区，热盘，甜品区都有，啱晒有选择困难症嘅我，样样都可以试啲😆咁多嘢食之中，自己都系最钟意食炸嘢，佢哋又要热灯热住，仲保持住温度，个煎堆真系好好食，好脆口，啲菜都好脆绿新鲜😁👍整体而言，高水准👍👍👍
继续阅读
今日朋友生日约食素，一向小吃素的我有意外惊喜，食素食都系感觉是食豆、瓜、菇、菜这几样，这里令我对素有改观。这里竟然有煎酿三宝、咖哩薯仔炆鸡片，四季豆炒腩肉，仲有口水鸡同凤爪突然感到自己有点井底之蛙。讲到口水鸡同凤爪，相似度接近90%，无论外型及口感都极为相似，仲有个卤肉饭，一般食自助餐我唔会食饭，朋友介绍一定要试，我就试吓，真系冇介绍错，味道和好感都十分相似，我至爱佢哋个川辣薯粉同凉拌椰菜丝，好有四川风味，但辣度又适合我们香港人。讲到甜品就是女士恩物，佢哋甜品好丰富，好有罪恶感🫢，佢个焗南瓜🎃布甸超好味，但系一定要快手，好快就冇晒；仲有梳乎厘、好弹牙千层糕同红豆糕、我比较喜欢佢自制红豆沙捞豆腐花，出去食一碗都要三十几蚊，美中不足就系冇蛋糕提供，生日都冇蛋糕切真系唔系好开心。🤣🤣 我唔系素人，今次嚟对素有点改观，但我朋友就觉得啲热荤有少少偏油同偏咸，可能我比较重口味，我就觉得适中。去到最后谂住俾钱才知道这里系相金先惠，这里一个自助晚餐都只系$128，仲冇加收服务费，超底食！ 无论如何，今次冇嚟错，可以再约朋友encore. 挂住食只得一张打卡相㖭！😜
继续阅读
今日刚刚食完，俾其他好评吸引而去，间铺骤眼睇落好似好光鲜亮丽，入到去先发现好乸渣，仲要食物超难食，d汤、粥超咸，汤嘅料劲少，少到完全冇味，剩系落好多盐以图去掩饰，个炒蛋唔知点解可以系超甜，个菜卷又唔新鲜，环境又污糟，啲杯碗好似全部洗唔干净咁，有污渍喺上面我换咗几只，最后索性自己用水洗返干净，𠮶啲嘢饮壶上面好似有陈年油渍咁，全间店嘅感觉好乸渣，有只大蚊系啲甜品上面痴咗好耐，我谂佢食到好饱。食物种类又少又难食，服务态度又差，仲要自助形式食完要自己收返晒d嘢。咁嘅服务、价钱、同质素仲要自己收嘢令人超级心理唔平衡。如果你谂住抄「无肉」个间自助形式嘅素食餐厅，唔该你抄足埋人哋嘅食物种类、质素、同价钱、同埋服务先啦！
继续阅读