純寿司

营业中

休息中

今日約咗中學同學食tea。你知女人最重要嘅終身事業就係減肥，屯門係佢地膽，梗係由佢發辦。佢介紹咗純壽司：下午茶套餐。有四款48至58元，勁抵食。最重要係健康。我哋兩個都揀咗最平嘅熱壽司餐：有四件壽司、一個湯烏冬。另外有個炸物。我哋揀咗炸雞同炸餃子。純壽司不嬲有水準，估唔到下午茶都保持佢一貫嘅水準；埋單連加一$106，超抵。

今日又去屯門做嘢，經過屯門市中心；見到純壽司竟然有下午茶，仲要勁抵。一個set都係五十零蚊：有壽司、炸物同埋烏冬。純壽司出名好食。之前多數去元朗嗰間；唔知道屯門都有；三點幾冇乜人。食物豐富、服務有禮、坐得舒服。百零蚊兩個人勁抵。

一直都未食過純壽司，滿心期待排咗半小時食吓，可惜店舖衛生未如理想。無論係杯口位，抑或係碗、匙羹，都有崩口情況。對於食魚生嚟講，崩口餐具係唔應該攞出嚟，一嚟崩口難清理，容易積藏細菌，二來比食客觀感都唔好。我哋叫咗：茶碗蒸佢係俾咗急凍蝦，仲要係無味，蛋有啲水汪汪熊本拉麵 基本拉麵配菜都有，以壽司舖嚟講碗拉麵味道都唔錯豚肉鍋配白飯呢個配菜都算多，有蔥、大白芽、娃娃菜、椰菜，8塊豚肉，佢個湯好入味，配飯一流總結/ 雖然食物質素一般還可以，但店舖衛生有待改善，明白人手不足，但收拾碗碟車仔也不應長期推來推去，搞到好似酒樓咁🤣話晒都叫做食緊日本嘢🥲🥲

係壽司舖嗌炸雞的確係我問題，但係唯一碟會唔會太過份呢，唔知炸咗幾耐先可以炸成咁。去買豬肉乾都仲juicy過佢，又咸又乾食咗幾舊吞都吞唔落。壽司中規中矩，唔特別評價。

純壽司開咗一段時間，今日午餐時段終於去試吓，點知感覺非常失望，我哋叫了兩份限定午市套餐：1） 滑蛋鰻魚定食 （HK$128），滑蛋鰻魚需要自己烹煮，鰻魚質素一般，其餘伴碟小菜有點求其，麵豉湯總算熱辣辣，但米飯煮時相信水份太多，導致太軟腍的口感。2）滑蛋豬扒定食 （HK$128)，豬扒賣相不吸引，肉的質素亦一般。食物份量還可以，但性價比不高，餐廳服務亦不錯，可惜食物水準令人有點失望。

衛生-倒完垃圾唔洗手攞嘢食，手指插水杯，掃完地在食具旁大力用掃把拍打垃圾桶食物差，所以軍艦紙菜都係淋晒，相信所有紫菜飯底都係預先整定，到你要咩壽司嘅時候就將啲餡料放上去，如果唔係我都唔諗到點解全部壽司飯連手卷都會淋晒；另外啲魚生全部都唔凍，好似放喺室溫咁，有嚴重衛生風險！即叫炸物唔熱，好似預先炸定！唔信可以去試一次，我應該唔係第一個俾負評——————————————————————————————

食物質素一般，黎幾年愈做做差，一個鐵板炒豬肉都可以有d 熟有d 唔熟。壽司飯無醋味，同屋企就咁煮熟珍珠米咁。天婦羅好似岩岩興熱少少咁既溫度。比攤凍左熱少少既感覺。咖哩豬扒飯d 豬扒係又凍又柴，咖哩好味精，食完好口渴。唯一正常既係兒童餐，至少d 食物唔係凍既或者興熱少少咁。D侍應態度好似差佢錢咁，問佢野西面加0反應，唔會回應你。問佢拎menu 係你旁邊拋落張床到。價錢又唔係平，食元氣都好過佢，整體黎講唔好有下次。

呢個「極尚龍之卷」，之前喺元朗都食過一次，今次喺屯門再叫一次，質素一樣，性價比好高，好足料，中間有軟殼蟹，上邊有鰻魚、吞拿魚同埋蟹籽，仲有啲脆脆增加口感我個人就認為不錯，仲要價錢唔貴呢個係「極上大盛軍艦」，有大量嘅吞拿魚，中間仲有蟹棒，都算幾抵食。但係我先後叫咗兩份，第一份吞拿魚都新鮮，再叫多份嘅時候，好明顯啲吞拿魚冇咁新鮮，但整體都唔錯仲有呢間壽司店有IKEA BB櫈，啱晒我屋企咁好動嘅小朋友只有呢張櫈我先有啖好食

今日lunch同同事一齊黎食，真係成件事好噁心。。。一坐低就發現旁邊有隻蟑螂爬緊，同啲工作人員講，完全若無其事無動於衷就咁講話你調位囉，嗰下都已經有少少擔心㗎啦，都唔知啲嘢食會唔會會出事，點知道。。。換咗去另一個位，坐低煮完嘢食就正常咁食啦，差唔多食晒，同事就飲佢個麵豉湯，點知佢飲飲下，突然間面有難色，面都青埋咁想嘔，一望，碗湯入面有一隻蟑螂🤢🤢🤮🤮我哋嚇到魂飛魄散，即刻叫工作人員過嚟，個工作人員即刻拎走碗湯，唔俾我哋再掂，然後仲話換過碗俾我哋，連唔好意思都冇講過一聲。我哋當下嚇到唔記得影低，好在後面影咗張收據證明今日去咗食飯。而家唸番，佢啲湯一定係一大煲咁煮，所以我唸煲野都好多‘料’🤮🤮🤮我哋離開間嘢越諗越核突，係咁乾嘔，真係搞唔掂，啲店員嘅態度都極度離譜，完全係已經習慣咗有呢啲情況出現，好似日常咁。一間咁嘅食肆，收人價錢又唔算平，咁嘅服務態度咁嘅食物質素咁嘅環境，唔建議，唔會有第二次🤡

每次嚟呢度都必定叫兒童餐比個女🥳🥳另外，我鍾意呢度有迷你井或者小烏冬叫適合我呢啲會單拖帶個女出街嘅媽媽除咗兒童餐，其實佢哋嘅定食都好吸引😋😋每一次我哋一家都好開心😁食完嘢小朋友仲有一個代幣可以去扭蛋🥳🥳

做最好的純壽司??  識唱既都應該有返咁上下年齡 回正題,紅日去屯門...諗住大食一餐,行過見到好耐都無食既純壽司 唔知點解比個裝修吸引左入去 純壽司即係峰壽司集團既其中一間,數數手指都成廿年都有以前峰壽司紅既時候,真係一位難求但之後日本師傅走晒,人氣就不斷下滑,作為以前FANS既我都一樣 ...無回頭今次食算係比機會佢平反? 咁又平反到唔到哩??答案係有進步既...餐廳同以前最大唔同我覺得係依家有定食SET叫,仲要好抵食 ,以下個餐都係200唔駛 平剩係吞拿魚散叫都成30蚊件佢有2件...但味道真係好似回不去咁,唔知係未人大左 口味變左? 

呢日上完堂大家二話不說想食日本料理🇯🇵加上氣溫急降❄️食火鍋自然就是必選😋🤭我哋今次揀左呢間餐廳內有提供榻榻米座位🤩餐廳設計是比較日系簡約風格，光線柔和及環境舒適，而且食物性價比超高，坐喺度享受美食仿如置身於日本一樣😙因為今次主要都是小朋友享用，他們自己揀選：1）牛壽喜燒烏冬 $118 （必食推介）🌟🌟🌟🌟湯底味道甜甜又濃郁，烏冬口感比較特別，肉質鮮嫩又易入口，整體上來說也很不錯👍2） 兒童餐 $89 （小朋友大愛）🌟🌟🌟🌟相比起其他餐廳，就只有一個款式，份量正常，包括有扭蛋玩具，小朋友都食得開心又滿足❤️3） 迷你海鮮飯 $48 （女生之選）🌟🌟🌟🌟刺身夠新鮮！配搭珍珠米口感非常一流！....餐廳整體上也值得再去回訪！食物高質下次會再試吓其他！

今次行過一間日本餐廳，有種「諗起都流口水」嘅感覺，決定一試究竟。入面氣氛悠閒，坐低就點咗個【特上寿司御膳】。當啲壽司小心翼翼咁端上嚟，首先眼前一亮，色彩繽紛得嚟款款壽司都幾吸引，食物擺放得好靚仔。吞拿魚中腩簡直是滋味爆炸🍣，微微的暖意中還帶著海水的鮮甜；而三文魚腩就肥美得黎又唔膩口，咬落去彈牙得嚟滑得過水。連配角嘅茶碗蒸都唔馬虎，咸香之餘又嫩滑得黎有層次，真係令人忍唔住夾多幾啖。啲炸物我就食得出佢哋下咗一番工夫，秋葵炸物一啖一個剛好，有咗啲脆口感，雖然個人覺得有啲單調，但都算清新。整個體驗算係教人滿意👌，唯獨啲白身三點盛略微遜色啲，但都算係過得去啦。整體嚟講，食得開心、價錢又算合理，真係可以嚟個「打卡」再嚟幾轉！🎉

突然想食壽司 但又唔想排隊食壽司郎行行下就試下極上鉄火蔥粒吞拿魚丼 吞拿魚唔係度度好食依間水準未去到高 不過不失 起碼無筋先😂飯除左吞拿魚仲有三文魚籽蟹籽同少少海膽食落有唔同口感 另外餐仲有湯 蒸蛋 沙律同炸魧魚女仔食都夠飽山盛海鮮蔥粒吞拿魚丼依個海鮮丼有蟹肉 鰻魚 三文魚籽 吞拿魚 三文魚腩 北寄貝 等等魚生都算新鮮 起碼唔係霉霉爛爛169蚊其實已經算係性價比高總括黎講 都會有下次中價位 質素可以唔駛點排隊 可以慳唔少時間不過魚生都係睇當日情況可能有時都會中伏今次就冇伏既

✨今日晚上我們來到屯門時代廣場的純壽司吃晚餐🍣今天我們叫了定食 (內含雜錦壽司盛(三文魚壽司，吞拿魚壽司，軟殼蟹手卷，三文魚小卷等)，有日式蒸水蛋，沙律，味憎湯😆仲有，我們叫左刺身盛，有生蠔刺身(餐廳採用廣島蠔)，三文魚刺身，池魚刺身，吞拿魚刺身，赤蝦刺身，帶子刺身，北極貝刺身等😆之後仲叫左，加洲小卷，軟殼蟹小卷😆每款三件😍魚籽脆卜卜，壽司新鮮😄雖然製作時間比較耐，但是最緊要就是壽司新鮮和好食😊我們仲叫左軟殼蟹手卷，手卷內的軟殼蟹仲係熱既💕手卷包得大大件😍熱食方面，我們叫了熊本拉麵一齊share食😆好香濃的黑蒜味，仲有兩件大大塊和厚身的豚肉塊，拉麵仲好爽口👍👍正吧✨餐廳環境比較大，多卡位👍餐廳仲有兒童餐提供，不過要12歲以下才可以享用😭大人不能扮小朋友了。不過兒童玩具都幾好吧💕📍純寿司📍屯門屯隆街1號錦薈坊3樓320-326號舖