紅雞

营业中

休息中

2021年1月中用餐見好耐無出尖沙咀，公司又要清假，所以特登請半日假出黎食下韓國菜。上網好多人介紹呢間雞好食，所以毫不猶豫決定食呢間。下午2:00度到左，原來有7折，有3-4枱客人，好期待咁叫左2樣野。首先係半半炸雞🍗揀咗蒜味同原味，鍾意咬下骨所以要無去骨的。味道可以但唔特別，雞的肉質好鞋。第二樣係部隊鍋...非常失望。一見到鍋野，菇既頭都未切，不過諗住韓國野可能有特別風俗要食原味，所以都唔理，諗住照食，當搞左一圈時，見到午餐肉一pat pat, d菜好似煲左好耐咁，於是問侍應，侍應解釋因為d配料一早預先包裝左，壓扁咗，勉強接受，3分鐘後，午餐肉已熔哂，再訪問侍應，侍應提出我地叫其他，我地最後換左泡菜煎餅。希望店主注意此問題，雖然有7折，但食物質素同品牌都好重要，我寧願俾貴啲食好味道同用心既食物，疫市中，大家都加油💪🏻

之前已經介紹過呢一間餐廳了，第一次有韓國菜係令小編想食第二次😝上次係外賣，今次係堂食，感覺依然十分滿意🥰平日晏晝去冇乜人，同朋友坐咗粒幾鐘吹水都冇人理你，仲有韓國綜藝節目俾你睇，想hea時間嘅話係好好嘅選擇🥳.🐔韓式芝士鐵板豬肉蓋飯上次食嘅辣炒豬肉蓋飯太好味諗住再叫多次，但餐牌又搵唔番嗰款，就叫左款類近嘅🥲今次得好少豬肉，而且味道唔夠上次嗰款香口😣勝在個飯有好多芝士，多到浸住啲飯咁濟，所以同人share比較好😆.🐔半半炸雞(蒜香汁+原味)鍾意nenechicken多過呢間，多好多種口味可以揀同埋貪佢細細粒😹不過呢間都做到雞肉嫩滑雞皮香脆👻份量好多，最好3-4個人share🙈同埋喺餐廳食嘅話可以放膽用手食，餐廳有廁所俾你洗手🤩.🐔泡菜配五花腩呢一種菜式比較少見，亦都算係韓國菜入面比較健康😂每一舊五花腩都好靚，肥瘦適中，配泡菜一齊食可以減少肥肉嘅油膩感😋不過價值偏貴，性價比較低🤭.🐔原味乳酪雪沙乳酪飲品好fresh，好襯炸物，解膩一流🤪不過真係好大杯，自己一個飲嘅話，淨係飲一杯都飽曬🤣.🍽味道: 3.5/5🏙環境: 4/5‍👨🏼‍🍳服務: 4/5💧衛生: 4/5💰價錢: 3/5

記得好幾年前因為來自星星的你全城突然好興食炸雞某次喺尖沙咀staycation就搵咗呢間比人介紹到爛嘅紅雞我地兩個女仔，叫咗個半半炸雞同泡菜煎餅半半炸雞因為得兩個人又想食唔同味，所以叫咗半半炸雞但呢個組合選擇不多，我地揀咗甜辣汁同蒜香汁食得出雞係即叫即炸，皮好脆，肉好嫩一咬開炸皮，啲煙就標出黎，好新鮮我自己就比較鐘意蒜香味呢個味係喺原有炸粉調味再用調味粉所以比喺用醬汁調味嘅甜辣味，蒜香味比較脆甜辣味本身個醬好出好惹味但食到最尾會好膩，好滯泡菜煎餅用鐵板上，夠哂熱但粉嘅比例太多好彩有泡菜嘅酸辣味中和一下整體感覺係呢間餐廳做到好似滑咗啞唔算非常出色，但絕對唔係難食如果半半炸雞有得加錢任揀應該會開心啲本身我喺尖沙咀有間最愛嘅韓國餐廳下次介紹比大家，密切留意

呢兩日凍到得8、9℃🥶　要搵D熱野暖下胃 第一時間就諗起韓國菜所以雖然這店出名炸雞 先點個暖笠笠既鍋物 ~-⇒　三款年糕芝士鍋 $178三款分別係有normal、芝士、香芋年糕，另外有一般韓國鍋物有既魚糕、獅子狗等湯底剛開始有少許辣，但芝士融入後辣度剛好!如果可以加多個公仔麵就prefect ~一般韓式年炒糕個人覺得偏辣，同有D寡。但三款年糕口感不同，再配上熱湯，係呢個咁凍既日子真係prefect match 呀~⇒　無骨秘製蒜香蜜糖醬汁炸雞配薯條 $138炸雞可以自選有骨或無骨。選了無骨，也炸得外脆肉嫩，大大件啖啖肉;蜜糖醬份量剛剛好，我好怕有D醬汁太多令到份炸雞好濕。選配薯條因為擔心⇒　草莓酸奶雪泥 $58純粹食辣野同炸雞想飲凍野。基本上只要d味道唔好太假太藥水就ok 合格-無lunch set menu, 而家下午3點後埋單, happy hour 有7折星期六下午不用等位，環境寬闊，韓國待應懂少少中文

韓國人都讚好的韓國餐廳，這餐廳位於尖沙咀諾士佛台側，從地鐵站步行大約五至10分鐘。這家韓國餐廳著名的是韓國炸雞，這天我們叫了一個蜂蜜味的炸雞，炸粉薄薄的，很香脆，炸雞不會炸很很乾，咬落有肉汁，肉質嫩滑。另外我們叫了一個豬腩肉，豬腩肉肥而不膩，絕對不會吃了有越來越漏的感覺，可以一直吃下去。另外我們叫你一個卡邦尼亞年糕，正常發揮，年糕煙un，醬汁甜甜的，很好味。另外我們叫了一杯蜂蜜啤酒，很特別，啤酒底部有蜂蜜，啤酒飲落甜甜的，非常易入口對於不喝酒的人，也可一試。

幾年前開始興韓劇個陣已經要排長龍既炸雞店，估唔到今時今日都仲要繼續排隧先可以食到，不得不說，呢間店長期排隊必有因呀！！蒜香蜜糖/甜辣半半炸雞 $158由於我食野最鍾意𦧲骨，炸雞一定揀原隻炸件上！！🐥🐥件件都大大舊，肉質鮮嫩又多汁，好味到你撐爆肚都會想繼續o趙！！🧄香蜜糖味 — 一片片嘅蒜片配蜜糖，味道除咗夾都仲係超夾呀🍯🍯甜🌶味 — 好少食到辣得黎又甜，甜得黎又辣嘅滋味，點解咁講？因我我諗唔到佢地分開咗係咩味道呀！一句講晒，呢款炸雞係超級好味😋五花腩伴泡菜 $138韓國傳統淹菜 — 辣泡菜分別有白菜同蘿蔔，味道就唔係普通超市買個Ｄ咁，得個辣字，食落仲有甜甜地嘅味道，而且蘿蔔同白菜都好爽口，真係會越食越起勁！！五花腩望落肥膏就十分多喇～女士見到都可能要避避，淨係咁食既話我諗男士都唔敢密密食呀！嗯～🉐好在夾埋Ｄ爽口ｋｉｍｃｈｉ，食落唔會膩，「MA SHI DA」✅✅✅

超好食既炸雞！！高推❤️❤️用app點左2款炸雞點左半半炸雞同秘製蒜香蜜糖醬汁炸雞四個女仔食，份量好足夠每件炸雞都好大份差d 食唔晒，好飽肚即使係外賣，都係好滾熱辣一拆開包裝盒已經有好香既炸雞味😛😛仲要好熱！👍👍趁熱食既炸雞真係好好食/📍秘製蒜香蜜糖醬汁炸雞⭐️⭐️⭐️⭐️第一啖食既就係依款蜜糖令炸雞帶種甜甜既味道，剛剛好一啖接一啖/📍半半炸雞 ⭐️⭐️⭐️⭐️⭐️右邊個款辣汁炸雞真係勁好食個醬配搭得好match 好滋味D 醬真係好多，啖啖都有！👍最鐘意食係依款個陣一食落口第一下，就忍唔住叫朋友快點食😂😂因為真係好正😛/用app叫最後埋單2款炸雞連運費$414❤️ 如果下一次經過尖沙咀會想去門市試下食！

秘製蜂蜜檸檬醬汁炸雞 $168 無骨+$10話說之前睇Emily條YouTube條見到呢間炸雞好出名 而且店員同老闆都係韓國人 野食應該好正宗 宜家又冇得去韓國食橋村炸雞 唯有頂住檔先🥲一上枱已經好香蜂蜜味 叫咗無骨食落啖啖肉 炸粉唔會太厚冇乜油膩感 而且肉質都好嫩滑🤤 加上蜂蜜既份量俾得好慷慨 食落酸酸甜甜加埋熱辣辣外脆內軟既炸雞真係好夾😚 份量都好大cp值好高！✨評分: 10/10🌟韓式牛肉配粉絲 $108又係食韓國野必食既菜式🥳 同樣份量都好多 牛肉整得都算淋身 唔會太「鞋」加埋有好多配菜(蘿蔔、韭菜、洋蔥etc.) 同埋煮得好煙韌既韓式粉絲 整得味道唔會太濃太咸 調味剛好 可以一試😆評分: 8.5/10🌟———————————————————————紅雞 (尖沙咀)尖沙咀金巴利道65-67B號太平洋大廈UG層B舖

Came here a few weeks ago.The food here is not too bad. I got an order of fried chicken and a kimchi pancake. The fried chicken was not too bad. However I didn’t feel like it was legitimate Korean fried chicken. We requested half regular fried chicken, and half spicy fried chicken, but the spicy fried chicken was just the regular fried chicken with chili sauce dumped on it. Feel like they could have tried harder. The kimchi pancake was good though, probably one of the better ones in the areaWoul

今日同三個朋友一齊食晚飯，有朋友提議食呢間就去了，好彩6點幾7點去，如果唔係有機會要等位。我哋嗌左我三樣嘢share，食韓國嘢梗係要嗌炸雞，所以第一樣嗌左半半炸雞，加咗$10要無骨，感覺食得爽d，揀咗甜辣汁同蒜香汁，可能因為用咗甜辣汁，所以唔會好辣仲有d甜味，蒜味都好香濃，兩隻味都好juicy好想再食。之後仲嗌左韓式牛肉配粉絲，牛肉都大舊算多，肉質尚算嫩口，粉絲味道岩岩好唔會好重味，仲有d配菜夾埋一齊食。香腸年糕串都唔錯，除咗香腸同年糕，仲有甜不辣，類似魚餅咁，同個醬汁都好夾，年糕亦都幾煙靭。之後嗌咗乳酪燒酒一齊飲，乳酪味都好重可以遮到好多酒味，但當然仲會飲到酒味，但唔使驚會好濃烈。食物好高質，環境都好有格調，一定會再嚟，老闆同某一兩個侍應應該係韓國人，但都識講少少廣東話，幾nice。

因為好掛住韓國既橋村蜂蜜炸雞！🥺留意到呢間係韓國人主理既韓式炸雞🇰🇷老闆同幾個店員都係韓國人～感覺上會係間幾正宗既韓式炸雞😆所以放假就黎試下啦😍🍯無骨秘制蒜香蜜糖醬汁炸雞 $178 (6.5/10)無骨炸雞啖啖肉 份量仲好多！熱辣辣外脆內軟 炸粉唔會太厚肉質keep到嫩滑juicy🤤炸得非常香脆而且冇油膩感！👍🏻係醬汁方面普通左少少 蒜味同蜜糖味都唔夠突出🦑鐵板蜜糖牛油煎魷魚 $148 (6/10)魷魚原隻上自己切😝有好多魷魚鬚😋鐵板上熱辣辣🔥仲有原隻蒜頭增添香味🧄不過醬汁同魷魚唔係好夾呢🙈有啲太甜..如果用返燒汁會好味啲！除咗魷魚仲有熱辣辣既粗薯食🍟金黃香脆✨🍺蜜糖啤酒 $73 (8/10)炸雞配啤酒🍻正呀😆💯杯底加左蜜糖 甜甜好易入口！啤酒味唔會太重 平時冇飲開酒既都飲到！整體比較普通 冇乜特別 小失望 未必會再encore😢～炸雞可能其他味會出色啲？🤔不過今次有7折好抵！(3:00pm-6:30pm)優惠時段 全單七折😆

有一日的星期六好想食炸雞，7點幾去到好多人等緊，最快要等一個鐘先有位。決定星期一再黎過，由於Red chicken無得book位，所以5點幾鐘就去到，晤洗等位就入得叫左半半炸雞同五花肉，五花肉包住泡菜食好夾晤覺得食緊舊肥肉，一口接一口咁好快就食左半碟。因為炸雞即整，要等耐小小，炸雞都黎la，即刻食啖，外脆內嫩！辣味同蒜味都好好食，份量都好多，最後係食晤晒，打包走。下次會再黎試埋其他菜式，炸雞係必點！

五花腩配泡菜 —— 食咗幾件先記得影相 😂 五花腩好腍，平時我食肥豬肉係會唔呑舊肥膏，但佢嘅肥膏部分唔會太多，夾埋泡菜一齊食唔會漏，一上枱就秒速消滅咗半碟！半半炸雞——揀咗原味同甜辣汁，新鮮熱辣到攤咗陣先擺到落口。炸粉適中，雞肉嫩滑，好食！個人口味覺得呢度嘅泡菜同甜辣汁偏甜，唔係好似平時食開嘅味～

本身已經食咗lunch，但行行下街突然口痕想食炸雞。咁岩經過附近，就入咗嚟食。一入到嚟職員幫你探完熱就即刻有位座！❤️半半炸雞 $158叫咗一半原味一半甜辣味！份量唔算多，每隻味有大概五隻左右。炸雞炸到好香脆，無油膱味。原味醃得足夠，所以本身都夠味，好juicy。甜辣炸雞嘅辣度比甜度高，少少甜，越食越辣，食落非常過癮同惹味。好食度：⭐️⭐️⭐️✨(3.5/5)✅適合2-3人share食餐廳推薦度：⭐️⭐️⭐️✨(3.5/5)食過同一區嘅炸雞，呢間個甜辣醬整得比較出色！炸雞都好脆，唔係用萬年油嚟炸。

睇完YouTuber Emily嘅推介 就一直心思思想黎試好彩6:30之前攞咗飛 等到七點就有枱等緊嘅時候聽到6:30之後黎既人 已經要等到八點幾嗌咗袐製蜂蜜檸檬醬汁炸雞 同三色年糕鍋個炸雞果然冇失望 即使影咗好多相 同朋友傾咗好耐計 食落去佢嘅皮都係好脆 而且啲醬汁酸甜酸甜咁 好開胃 中和到炸雞嘅油膩而個三色年糕鍋幾特別 入邊有普通嘅年糕 紫薯年糕同番薯年糕 但個人而言 都係覺得普通嘅年糕同個醬料味道最夾最後三個人食埋單 連埋嘢飲每人大概150$左右