紅豆冰室

营业中

休息中

不吐不快…一心諗住去餐廳食件西多，嘆杯咖啡，見呢間野開喺咁旺嘅位都一段時間，就諗住入去試試佢，點知冇睇OpenRice 就出事啦…我下午茶餐叫份西多，佢係咩漏奶西多，聽個名幾吸引，點知嚟到真係嚇親 ，個西多好似就咁淋左d美6定阿華田奶上去咁，一切落去就流曬落隻碟，完全唔掂，同我自己喺屋企開杯美6再買片方包浸落杯奶度冇分別🤦🏻‍♀️ 真係好失望囉 ，冇諗過一間冰室整西多都可以整到咁嘅質素🤦🏻‍♀️ 仲要唔平嫁，好似要$4x。其實好食我真係唔介意比貴d 但咁嘅質素都收$4x就真係好唔值另一個朋友就叫左碎蛋牛角包，個牛角包嚟到係扁嘅，好似係唔新鮮咁囉，味道就唔講啦，唔新鮮嘅野會有幾好味🤦🏻‍♀️而店員嘅服務態度都好有待改善，我同朋友一個叫咖啡一個叫鴛鴦，店員擺低杯野飲又唔講係咩野，唔通我同朋友要一人啜一啖睇吓係咪自己杯野唔岩先比番對方？雖然我知自己唔係食咩高級餐廳，但今時今日咁嘅質素真心唔明點解仲未被淘汰🤦🏻‍♀️

主要唔係食物， 食物普通 唔算太好食， 叫咗個雜扒餐但係啲嘢 好咸， 個中湯非常難飲， 飲咗半啖無再飲落去， 最大問題係嗰度嘅服務員態度非常差， 講真唔想做唔好做， 唔知係咪佢哋賺緊最低工資所以有咁嘅態度， 最基本嘅專重都唔識例如見隔離有空位話想調過去坐隔離嗰張枱坐， 個男侍應好似極不會咁話我左騰右騰騰， 之後埋單個tom boy 打扮收銀員, 收多我五蚊仲要大聲咁話我咪畀返你囉， 自己做錯嘢仲要大聲話人， 一啲收養都冇垃圾餐廳請垃圾員工， 永遠唔會再幫襯

店鋪門外設有排隊區，本人亦在排隊區內排隊等候，前方亦有一位客戶在排隊。但在排隊期間，見到另有新到客戶直接行進店鋪內，並即時獲安排座位，員工完全是無視排隊等候的客戶。那在門外排隊有什麼意義，店員上班上得如此差劣，倒不如直接關門停止營業，回家休息。最終，我跟前面排隊的客戶都感到無比憤怒，最終直接走了！想不到旺角區內都會有這麼差的餐廳。響應家超特首所說"Happy Hong Kong"，但這次的經歷絕對Unhappy，這完全是令香港人蒙羞。本人以後不會再考慮光顧此店！

同事推介紅豆冰室的特濃沙爹牛麵早餐意外發現原來外賣平台 外賣自取比即場餐廳叫外賣便宜多了就沙爹牛餐為例餐廳$40但外賣平台 餐費（已包外賣盒）加平台費只需大概$32 麵底是公仔麵可免費轉米粉、米線和通粉沙爹牛很香而且牛的份量也不少但個人覺得偏鹹了一點套餐包括炒蛋+火腿+厚多士蛋是挺滑的餐飲叫了熱杏霜沒有很濃的杏霜味飲品一般般

早前，舊男友結婚一星期後，放5天長假，於是，他便約我出來食飯！同時，我也給他驚喜，送他一份新婚禮物！由於，他先揸車到尖沙咀 LCX 買心頭好，然後，我放工搭船到 Harbour City 等他，他提議到旺角食飯！到達旺角，他帶我到西洋菜南街的茶餐廳 <紅豆冰室>，他以前食過覺得好食！我們在門口看餐牌時，他已發現左邊有卡位；如果我啱食的話，便即刻入座！大致上，我都啱食！ 點餐前，我還為他送上驚喜的新婚禮物！ 他還很客氣請食飯及回禮！ 多謝！等到他生日，我都無 idea 請他食什麼？他不想我太破費，於是，建議我請他到這裡食飯就可以嘞！他真的很為我著想啊！ 跟垃圾前度男友想法好大落差呢！餐牌龍蝦汁海鮮焗龍脷柳意大利粉 $78意粉比我預期多，軟硬適中！海鮮包括：仿蟹柳、龍脷柳、蜆肉、迷你帶子、蝦...等，整體都“夠味”，他取笑我食到“救命”！哈哈！中湯：蓮藕湯不算重口味，亦幾足料又少油！黑椒薄牛扒法蘭克福腸配薯菜 $85有兩大塊牛扒，份量十足！黑椒牛扒惹味少辣，並非黑椒汁，而是配蒜蓉汁；墊底的粗薯條已經腍哂！西湯：羅宋湯酸味頗重，而且，湯水質感很稀薄！我的日式風味晚餐日式玉子鰻

昨晚去了貴餐廳吃晚飯，對你哋服務態度真係嘆為觀止。我們同一對韓國情侶一齊入座，他們坐係我們嘅隔離，之後情侶唔小心將水杯水倒瀉枱上，我哋立刻替他們叫待應去抹。那位閒著嘅阿叔看了一眼，給了情侶一疊紙巾，企係隔離眼望望！然後又鬧他們為什麼用紙巾，是沒有用的，我哋真係拗晒頭。之後我們立刻替韓國情侶說話，他們不懂廣東話，他們是有遊客, 阿叔看了我們一眼，然後繼續鬧，隔了幾分鐘就灰氣地拿毛巾抹抬！重點抹完枱走時用毛巾Fang了幾下，對情侶嘅食物已經喺枱面，污糟嘅毛巾水彈左落客人嘅食物裏面，呀叔望了一眼完全冇道歉就離開喇！情侶望了很驚訝！身為香港人有咁嘅態度真係感到羞恥！不知所謂！

同男友食幾次，前幾次都又大又靚！今次又乾又細塊！失望🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️可能師傅唔同咗啩🤣🤣🤣🤣希望下次唔好再發生🫠

垃圾餐廳x2今日路過見到佢以為係豆子系列，所以入去試下，因為豆子餐廳服務態度佳，食物質素好，點知一入去試就中曬伏。首先第一阿姐態度差，餐廳食品唔多選擇，夾硬叫個午餐炒飯，落order好似欠咗佢咁，佢問飲咩湯，我問有咩湯，佢話紅湯白湯，我話白湯，落order後唔夠一分鐘，另一位阿姐派下午茶餐牌，我即刻問派餐牌阿姐截唔截得切單改落下午茶，嗰位阿姐完全唔理我走咗去，跟住問返落order嗰位阿姐，佢話"落咗單喇喎"，ok，算，改唔到唔緊要，唔係價錢問題，因為同下午茶差唔到十蚊，只不過多啲選擇，跟住佢攞紅湯嚟話冇白湯，然後我問佢，我話落咗order冇得改，咁你做咩攞紅湯嚟，跟住佢一嘢收走紅湯話賠番碗湯畀我，我問佢有咩湯，佢話都係紅湯，然後佢話係咪要改order下午茶，係佢同廚房講，我話唔使改，照食炒飯，去到我食完個炒飯都冇所謂嘅賠湯，首先第一，你問都冇問過我收咗碗紅湯，又話賠湯咁巴閉，做到先講啦，呢間真係垃圾餐廳！

喺旺角行街行到攰攰哋，想搵個地方食個tea。可惜西洋菜南街呢邊無乜舊式茶記，所以就求其去咗紅豆冰室食。去到門口講低話兩位，入面啲staff已經唔係好理我哋。過咗分零鐘就有個行埋嚟問幾多個，咁我就話兩個啦，佢聽完之後就行咗入去，我以為佢係帶我哋入去咪跟住行囉。行咗幾步就唔太耐煩咁嗌我哋去門口等，未有位住....  我心諗都唔知佢做乜。本身想去過第二間架啦，不過朋友話是但照等啦，咁就喺門口等咗幾分鐘。坐低咗開始睇吓食乜啦，咁過程都正正常常geh。講番啲嘢食先，我嗌咗個茶/常餐，火腿炒蛋牛角包加茄牛通。牛角包就擺耐咗有啲凍，火腿似係烚熟定一大堆放喺到，又係凍冰冰geh。至於炒蛋就還好，唔會好老同唔算油。茄牛通一食落去就好重人造蕃茄味，用大量茄膏開出嚟geh 湯底，得好少部份係真蕃茄，唔掂。總結係無咩必要就揀其他餐廳食啦

入座後員工一直叫你等，等唔係問題，叫左你行過黎我叫得野食你要走左去，一次你忙無問題，叫左你起碼3次，無反應，睇唔到，同你講出面好多野做，係我知你忙，你行得過黎一秒，我都未出聲你就左去，一係你學人地得光速餐，唔好俾人睇餐牌，淨係得ABCD，食都唔食，起身走，食左俾錢佢都唔高興，食都唔使食，你儘管做自由行生意啦，黎多一次我睇你有無自由行，生意好呀！

日本醬油炒滑蛋叉燒飯 $61 🍚叉燒好大塊 一啲都唔乾身炒滑蛋好嫩滑 滿滿嘅醬油同滑蛋送飯 口感豐富👍🏻蛋有少量香蔥吊味·鮮茄焗豬扒飯 $68 🍚份量十足嘅豬扒 保留到肉汁 肥瘦適中豬扒上面鋪滿芝士同茄醬 好唔會過酸 好開胃😉仲有少少蕃茄碎 加口感提升🍅可惜個炒飯底稍欠功夫

食茶記其實又唔係話要好好service好好態度, 不過都想服務態度太差, 始終我都係消費者。紅豆都唔係第一次食, 嘢食都ok所以之前先耐唔耐都會食吓。可能通返關, 大陸人又多返, 唔休做我地本地人生意, 態度真係好差。2個人 都已經叫每人一個麵餐, 又唔見話有人頭收費, 第一次落餐個樣好似嫌我叫個餐係平餐, 之後叫我見多次有其他常餐, 睇好先落。咁我地就係唔想要常餐舊包, 食唔哂又哂嘢又貴d, 望完我地都係揀返本身個麵餐, d語氣比本身一開始仲衰咗。其實嫌平賺唔夠咪唔好擺平餐係menu lo,, 再唔係寫到明人頭收費 / 最低入場費。如果唔係好似以前咁 可能去茶記食個包 咬件撻都比你嫌棄, 都真係覺得有d買難受。嘢食其實真係ok ge,, 正常茶記,, 廚房ok lo, 樓面唔休做咁態度差幫手倒米。

其實我知茶餐廳冇態度可言，但係我叫咗野食，等左25分鐘，我好有禮貌同 服務員講 唔該想問個野食得未，等左好耐成半個鐘，然後佢拎張單講都冇半個鐘，然後我同佢講翻 咁15分鐘，ok，佢dump低張單話 師傅整緊啊。再等多十分鐘，我再問另外一個同事，佢都係話師傅整緊，ok 我再催多次，佢先幫我問廚房，廚房話冇單喎其實我想講 我知道返工係辛苦 我都唔係要啲咩態度 我喺嚟食嘢 但我冇諗過佢地草草了事 食個咖喱吉列豬扒飯 一個話師傅整緊咖喱汁 一個話師傅炸緊豬扒 最終食個茶餐廳 等左40分鐘 我唔知係唔係正常啦

一枝公係旺角想食個平靚正下午茶All day breakfast $68薯餅脆，蛋滑，辣肉腸（似台灣腸），魚柳正常，驚喜牛角包入面仲夾住有蛋唯一：冷氣實在太凍，坐一陣個人都震哂因為個場唔夠好大，都有幾部冷氣吹住我

同男友出旺角電器舖辦理好事情後，我冇主意食咩所以佢提議食茶記，醒起附近有間「紅豆冰室」朋友講過話質素唔差，就亂入試下唔知佢同「紅豆烘焙」有冇關係呢？==========🔹 日本醬油炒滑蛋叉燒飯 $61鮮黃的滑蛋配以紅叉燒及青蔥，賣相不錯蛋味就偏鹹一點，口感嫩滑，配飯食幾夾叉燒份量都幾多，蜜汁味道不算太突出，肉質有嚼勁飯粒粒分明推介指數：7/10==========🔹 煙三文魚凱撒沙律 $65上檯時被嚇呆了，以為自己係屋企整先會落咁多煙三文魚足足6️⃣大片外表新鮮的煙三文魚配大量沙律菜，好抵食煙三文魚吃到微微煙燻味，味道不過鹹，油脂豐富沙律菜新鮮爽甜可中和煙三文魚的油膩感，配上美味的麻醬令我整份沙律全部食哂推介指數：9.5/10==========🔹凍奶茶 $10 (點餐加配價）男友飲🙂==========整體用餐體驗滿意，食物質素中上，尤其沙律非常抵食，回訪率高