紅蜻蜓 (已結業)

無試過咁差既西餐廳!!!上星期lunch time去食,可能見我地著校服,所以態度勁差,叫人落單,舉手舉到直晒,明明有個女待應行過2次,黑口黑面咁經過都唔同我地落單,舉手舉左成5mins先有人幫我地落單,仲慘過上堂!!之後食物好普通,有d咸,但比d咁既態度我,龍肉到冇味啦,25蚊一個lunch,大埔仲有好多更好味既choice,下次一定唔黎呢到呀,真係貼錢買難受。

是次去食係食下午茶~~ 叫左個"黑椒chicken肉炒意粉"...味道都ok.. 香噴噴~~ 下午茶黎講份量算係適中..唔會太少咁..叫埋野飲$28如果lunch未食.. 去食個下午茶都夠喇...都算可以~~

上星期去了大埔，行完街想找間價錢平又坐得舒服的餐廳食晚飯，揀了數年前跟同前食過一次午餐的紅蜻蜓。我點了一客咖哩魚柳焗飯，真是超級好味!食物的份量比我想像中大近一倍，咖哩很香口，魚柳新鮮彈牙，口感一流，炒飯熱騰騰好好吃。我吃了約20分鐘，飯都沒有冷卻，不斷冒煙! 我男友吃了紐西蘭豬扒拚雞翼，也很不錯，雞翼很香脆。服務方面，由於我沒有跟侍應說太多，所以不覺得特別差。只是行出門口時那個替老人家拉門的女侍應沒有就多謝，令我覺得有改進的空間。

今晚我同幾個朋友一齊去大埔紅蜻蜓食飯~咁我個朋友叫左一位女侍應生加水~叫左三次之後佢竟然話<我聽到啦!>態度惡劣~埋單既時候通常d侍應生會等到客人攞完d $$$ 之後先離開~但佢就當我朋友攞既時候~佢竟然自己將d $$$ 放係我地既桌上之後離開~我地非常不滿依個服務態度~最後走既時候~我阻到果位女侍應生既時候~佢回左我一話<睇路呀!>........我決定以後都唔會去依間餐廳!!

下午茶時間~男朋友話想試呢間..咁就入左去啦..WELL...SERVICE方面..一個字：差!邊有waiter同個客落單係全程搵個背脊"得"住你ga!?問你飲咩果時d態度真係"好"到...=.=同男朋友2個人叫左1>星洲炒米-呢個都ok la~2>香茅豬排湯檬-十分之唔掂.. 塊豬排鞋到想喊.. d 粉又唔知點咁.. 個湯完全係味精ge集中營!!!雖然埋單好平..不過都係唔會再去=.=

我係大埔居民, 所以間唔中都會去, 食物質素真係普通過普通, 有時貪佢唔駛等位就是但啦, 不過上次真係食到一肚火, 我食煙鴨胸, 都叫ok啦, 我朋友食海南雞飯, 單係賣相已經唔新鮮, 啲雞皮好乾, 好似擺左好耐咁, 食落啲味道都唔得, 我哋好好禮貌同個著西裝嘅captain講出問題, 我哋諗住captain應該會好啲,但係佢就愛理不理, 四圍走, 好似唔想理我哋咁,話無理由唔新鮮, 仲話我哋唔識睇新鮮定唔新鮮, 話已經賣左幾碟都冇問題, 我隔離枱都有叫,不過冇食晒走左, 佢就一手拿起食淨嘅雞擺落口, 然後話冇問題, 跟住又走左去執枱, 根本冇正視問題, 我哋最後問佢可唔可以換第二款, 個captain話:「咁呢碟點呀? 我賣俾第二個呀?」我哋話緊係唔可以啦, 咁我哋再問多次有冇得換, 佢好堅決咁話「冇」, 我哋已經冇嘢好講, 算! 最終我朋友都冇食到碟雞就走左, 激到我哋死, 估唔到今時今日仲有呢啲咁差嘅服務態度, 我哋以後都唔會再去呢間食。

我自己好鐘意食salad, 佢係我食過噤多平民價格salad最大碟的, 每次同男友去我都食廚師沙律, 好足料ga~! 至於D 扒其實好睇運氣ga我覺得, 有時好好味, 話7成就7成, 有時就唔係好掂, 靭得濟咁lor, 有一次冇叫salad, 試下個紅酒鴨胸, 好好味wor. service 就睇人啦, 我記得有個waitress態度其差, 個湯都未飲完就"搶"走咗, 攞野食嚟大大力放, 好似想"dup"爆張枱咁, 雖然嗰陣少人, 但佢傾偈傾到大大聲講粗口lor. But其他的waiters/-tresses就幾正常ps, 我未試過聞到垃圾味wor...

去過紅蜻蜓3次~都係覺得d食物好味, 但服務就完全唔好, d服務員成日都唔理人, 個樣係完全唔想理d客囉, 叫服務員拎張紙巾, 叫左3次先拎到, 第一次叫白衫幫我, 但佢冇左件事囉, 第二次個男服務員聽到, 但走左汁枱, 第三次女服務員拎紙巾好冇禮貌咁放左枱, 真係唔會再去食架喇

若非嫌上面超級城食得多食得悶, 都好少走落樓下搵食, 本來第一次去係普普通通無甚感覺, d 扒仲好韌添, 食事狗都無乜心情影番幅相同觀眾見面. 佢咪又係同椰林閣之流差不多. 但原來去多一兩次已經高下立見. 差就係差. 另外近垃圾房唔駛多講, 每當一開門口, 垃圾味弓入唻唔反胃至奇. 無得怪人, 佢自己門口設計不好. 到上次又去大埔時, 岩岩週末超peak hour, 見食過咁普通本來唔想再去, 但隻狗吠餓, 咪食野大過天啦, 唔理咁多, ok, 入到去見9成坐滿, 個伙計叫等, 不過萬物叢中一點紅, 暗暗地比我見到有行4人卡位, 同伙計講話咪有位囉, 佢係都要你等, 係估到佢有乜蠱惑, 但餓惟有等, 餓住越等越火滾, 皆因有糊無得食, 到幾分鐘過後, 後面有一家3口兩大一細入唻, 咁衰個伙計就比佢地入去坐, 咁樣計人頭計到咁都得, 比左我地都唔至在果一陣啦, 因當時半分鐘不到咁岩又有位, 見住人地遲唻先上岸之後, 伙計想招我地去坐時, 已經慶過辣雞即時走人. 以後再也不去. 這樣的招呼待慢了我們.

我係附近住的, 常常都會經過那兒, 亦有幫襯過, 食就一般啦, 最深刻係午市食過咖哩牛腩飯, 味道ok, 但份量少得可憐!!我係一個普通食量的女仔, 都覺得勁唔夠, 真係兩啖食完.....另外最最最唔得的, 隔離係"垃圾房", 未食就倒胃口!!

記得某日跟媽媽來吃下午茶，發覺分量頗多，味道也可以，最重要係只不過是廿多元一客。那次要了焗豬扒飯和炸魚薯條。焗豬扒飯o既茄汁做得不錯，吃得出用了大量蕃茄，飯雖然不是炒飯底，但也焗得很香，豬扒相當到家，沒有吃柴的感覺，咬落肉汁四溢，只是五香粉過多，有點嗆喉；炸魚薯條驚喜不太，但勝在即叫即炸，上還是熱騰騰的，切開魚塊，內裡還冒煙的呢！唯一不好的是服務幾差o下，盼望下次再去時會有所改善。

上個星期六同朋友去了食午餐之前都去過幾次d食物真係唔錯我叫左個西冷牛扒,朋友就叫左個雜扒d牛扒真係好好食~一d都唔硬但我朋友d豬扒就硬左d間野問題都係d服務唔係太好,由其是d女服務生

lunchtime既時候成日都會黎呢間餐廳食野!d野食都唔錯架!幾好食架!不過d服務有時都幾差!有次去食野,我同學明明叫佢俾意粉,但係佢就俾左飯,叫佢轉番既時候就死口都話我個同學冇講過!!之後我地話有,然後佢\至去換番!果時佢就好似俾面色我地睇咁!!不過之後去都無咩大問題!!所以我仍然會繼續幫襯!!因為d野食都幾正!

今晚本來和家人去附近的某茶餐廳食既.. 但冇開門so在逼不得已下去了"紅蜻蜓"食... d service 超差,尤其是女的waitress..(不是歧視..我自己都係女性), 都只是叫比杯水姐.. total 叫左3 次都冇.. 最後仲夠膽"吉"返個客轉頭, 真係咩service 呀~??? 唔怪得晚飯時間第度都要等位..哩度大把檯啦~.. 真係下次都唔去呀~

It is cheap but NOT good taste. And the service is terrible. If you are in a good mood and not really specific on what you are going to eat...then try it. But is definitely CHEAP.