紅蔥頭 (已結業)

同朋友想搵個地方晚餐同傾吓計，大家都旺角返工，咁就到朗豪坊搵食喇；初步考慮呢間餐廳，喺門口睇餐牌時，門口安排入座的主任，已經好熱情介紹，我們行多一圈，最後都決定到呢間餐廳食，點知門口主任認得我們，仍然熱情招呼我們，仲同我哋講：如果剛才早揀呢度，會有較好位置的座位，但佢都盡力幫我們安排好位置，感謝佢！佢介紹我們一啲懷舊鐵板套餐，抵食夾大件，但我們最終揀咗餐牌牛眼扒同燒豬仔骨，同埋加$25有沙律同飲品，食物份量偏大，味道良好，餐廳所有待應耐心及面帶笑容招呼客人，環境寧靜舒適，餐廳服務時間到10:30，如果要傾夜點就要轉場！最後，帶位主任給我們意外的折扣，而且歡迎我們下次幫襯再搵佢攞折扣，歡愉的晚餐，下次約食飯傾計的好選擇！

套餐價錢非常 reasonable! 個墨汁意粉&心太軟幾好味～ 如果想食西餐，又唔想 pay too much 嘅話，呢間值得試! However, it is hard to take a good foodie pic. here.

今晚約左幾個朋友一齊喺朗豪坊睇戲，為左方便大家唔洗走黎走去，最後都決定選擇喺朗豪坊食晚餐，咁啱經過“紅蔥頭”，平時已經見好多人等位，都無機會去食，今晚竟然無咩人，唔洗等位，緊係唔會錯過呢個機會入去食啦。我地分別叫左5個主菜！1）蜂蜜味bbq火燒豬仔骨估唔到份量都幾大，仲要係啖啖肉，豬仔骨啲醬汁好惹味，肉質一啲都唔韌，薯條都炸得好脆，實在有驚喜！2）西班牙海鮮飯海鮮就麻麻地，唔算話好新鮮，反而個飯出奇地好食，軟硬度適中，味道都出色。3）芝士忌廉汁焗黑松露煙三文魚飯呢個飯就真係唔好食，味道過咸，完成食唔出黑松露嘅味道，食兩三啖都唔想再食！4）黑漆漆墨魚麵 5）鮮蝦墨汁意粉因為我地成班朋友都好鐘意食墨汁意粉，所以叫左兩款差唔多款式嘅墨汁意粉，麵質軟硬適中，食落去唔會覺得好油膩。墨汁味唔算重，食完記得抹咀，因為食完個咀唇同牙都會比墨汁整到黑哂，好攪笑。另外加錢可以跟飲品+沙律或者飲品+法包+湯（忌廉湯或羅宋湯）我就選擇左飲品+法包+羅宋湯，法包好脆，而個羅宋湯都好好飲，有少少微辣，又足料。。。

我和男朋友叫了海鹽薯條、忌廉汁黑松露煙三文魚天使麵同埋芝士忌廉汁焗牛粒飯，味道不錯份量適中。另外令我們欣賞的是，侍應們的殷勤、主動、親切的服務，對客人很體貼，我們對這一餐感到很滿意，值得推介！

25號晚，諗住同舅父慶祝生日，一放工就去朗豪坊搵定位，到咗7點，舅父母一家三口到達餐廳。我們點了兩個二人套餐，不消一分鐘，四個餐湯和法包已經端上桌面，味道還可以。過了3分鐘左右，青口和田螺各一碟便送到，味道稍淡一點。10分鐘後，兩款主菜到，有橙醬蜂蜜豬仔骨，又有帶子牛柳，豬仔骨醬料幾入味，但牛柳方面 我們叫了七成，出嚟稍為熟咗，到達九成，稍有美中不足，但肉質係合格。最後，上埋意大利飯和卡邦尼闊條面，整體尚算OK.最後係租甜品和咖啡，不過不失，沒有特別驚喜。

今天到這裡晚餐，門口帶位經理已經呼呼喝喝坐邊度，然後落單職員極度不耐煩😡😡餐廳只坐滿一半人 不算好忙 但全程黑口黑面！好似入黎食野得罪哂所有人。服務員態度竟可差過澳牛？！ never come back.

5:50pm到落單，話要先收＄，ok，無問題。6pm食物到，食到6:35pm，一位由頭至尾全程黑面的謝姓男侍應，行埋嚟，話晚市開始la，即是叫我地走，態度極不友善。當時我枱面杯奶茶仲要未飲完，我心諗原來呢度係義順，35分鐘你要食晒走人～ 仲要當時餐廳七成枱係無人嘅～我同佢講，你當初可以5:50pm不落我單，我情願去弟到食唔駛俾人催。嗰位謝姓侍應竟然發爛渣閙人！係鬧人呀，冇誇張，仲衰過義順d夥計！相反其他侍應由頭到尾態度友善又有笑容，係唯一呢位謝姓男侍應離晒大譜！咁嘅人都唔炒，呢間餐廳唔使做以後免費都唔會來，我一定叫朋友千祈唔好黎食蕃茄湯pasta：味道太濃，吃完感到口渴菠菜忌廉汁焗飯：味道可以，但白汁對我來說太多，相反菠菜可多点。

紅蔥頭相信很多人都去過,這次去的是朗豪坊的分店。 由於當晚不想等位,所以挑了一家不用等的餐廳。 這晚點了數個菜,全部都屬一般水平。 西班牙海鮮飯勝在海鮮夠多,有魷魚,青口,帶子,蝦,腸仔等,絕不欺場,不過味道則中規中矩。 小吃點了小鐵板一口牛,數塊大於一口的牛配以薯容,賣相ok,牛肉也不會韌, 也屬飽肚之選。

約左好耐，終於約到3位北角同事和我呢位青衣同事開飯，其中一個同事食盡好野又食極都咁瘦，由佢發版揀左呢間，可以舒服地食個晚餐好耐之前係深水埗食過佢，但無咩印象，當重新試下啦，叫左2套2人餐，一齊share食，試多啲嘛！話說我唔食田螺，但前菜都無咩好揀，都是揀左焗田螺，我食左一大半薯蓉，唔錯餐湯我要羅宋湯，因為驚太肥，加上蘿蔔忌廉湯唔夠吸引，個湯都中規中矩啦，唔係稀稀得湯水咁。牛肋條我最愛，幾好食又唔韌，豬肋骨就麻麻，得個腍字，如果表面脆啲和汁入味啲就好，配菜嘅薯條就好唔得，無味又油，炸得唔夠耐咁，有啲啲生嘅感覺墨汁意粉ok,但唔夠香，若加啲蒜香炒下會更美味，個意大利飯都唔錯，唔係太溜，在我而言，可以再creamy些就更正由於唔想晚上飲咖啡，次次話飲乜都唔眼瞓就會中招搞到瞓唔到，所以飲橙汁算，但要加幾蚊好彩唔係好難飲啫。整體唔錯嘅，但未必特別想再食，勝在都幾好坐，食物就無太大期望啦

友人想看某某電影，於是今日一早訂飛，可惜只有9點50分，反正也要來個晚餐，看得慢也沒關係，在朗豪坊逛來逛去，還是選了多年前來過的紅蔥頭吃個晚餐！個人點了個黑漆漆墨魚麵(意大利魷魚墨汁意粉)HKD78，朋友點了另外一款，不過我就不太喜歡了我這款個名幾攪鬼，味道不錯，而且唔會膩同樣地跟某些餐廳一樣意大利粉多，但配料卻不太對稱，到喉不到肺加HKD25可配是日沙律及飲品，但因我點了這杯特飲~瑰麗花園，要另加HKD16個人感覺不太值，因為只是一杯加了玫瑰糖漿的檸檬茶而已不過有清新玫瑰香氣，但檸檬茶有點澀，又不太有檸檬酸味，有點失色是日沙律，雖然酸醋多，但沙律全是菜，沒有別的粟米粒等等配料，十分單調......但菜的口感不錯，只是部分不夠清脆緣嫩，看似不夠新鮮題外話，個別員工服務態度不太好，特別有位只是結賬後問她要回收據看看，她便大大聲悔氣地回應，令人有點愕然，其實我倆沒有別的意思哦，不知是否食客頗多的關係以致心情不太好?但我應該不會再來如果不是太急趕......

每次去到langham place都會忍唔住要食ga個bb豬仔骨真係好好味 肉質剛剛好如果有人陪我食ge話我地會吃二人套餐但係我發覺無論幾肚餓吃二人套餐都會好飽肚所以建議你地如果唔係好肚餓唔好吃二人套餐 會浪費

真的十分難食！叫左一個蜜汁肉醬豬扒飯，佢既賣相已經好肉酸，d肉醬cover吾哂d飯，塊豬扒只係隨便咁放係飯既頂部，薄薄既一片普通豬扒，真係大家樂既焗豬扒飯都好過佢好多！一d配料都冇，跟著豬扒食落去比較鬆，冇咩jiao口，肉醬冇咩特別。一d都吾值。同埋服務非常差，我們食完冇耐，個waitress就比張單我們結帳，好似講我地走咁

星期五晚去旺角食飯， walk in 仲要唔使等位，通常都係伏店💀上次食過一次，覺得味道麻麻，但都想比多一次機會先寫食評。今次點左一個餐牌上有圖片睇嘅芝士千島忌廉汁焗鮑魚海龍皇飯，作為一個芝士控的我，個飯一黎即問: 芝士呢？！同menu上張相出入都好大！千島忌廉汁聽落好吸引，但食落食唔到千島汁，只係食到茶餐廳味道好漏既白汁，而且無鮑魚，點解要係menu上加上鮑魚兩個字呢？！加左約$30 配餐湯及茶，連加一服務費約$120幾蚊，我寧願去快餐廳食焗豬扒飯喇。呢間餐廳試過兩次夠了，真的夠了！

今天我和男友去朗豪坊逛街，行到腳痛，便去這間餐廳吃下午茶，順便坐一坐。我們叫了爆醬蛋多士和唐揚脆脆雞中翼拼薯條。飲品我叫了橙汁。爆醬蛋多士方面，首先烘熱多士，再在多士上放上生雞蛋，再煎一煎雞蛋，雞蛋是半生熟的。味道方面，雞蛋完全淡而無味，要自己加很多鹽，味道一般。不過多士味道不錯。唐揚脆脆雞中翼拼薯條方面，雞中翼是即炸的，雞翼的皮十分脆口，而且雞肉鮮嫩多汁，十分美味！而且薯條雖然是茶餐廳常用的薯條，不過它是即炸的，十分脆口，不過都是不夠鹽，要自己另外再加。橙汁方面，這個橙汁是鮮渣橙汁，都算新鮮，味道不錯。價錢方面，爆醬蛋多士$36，唐揚脆脆雞中翼拼薯條$42，橙汁加$3，下午茶餐廳不用加一，2人總共$81，都算便宜。總結來說，這間餐廳的下午茶不算昂貴，如果大家逛街累了，可以在這裡吃一個美味的下午茶^_^

又到食午飯的時間，今天去試這間位於旺角朗豪坊商場 11 樓的紅葱頭西餐廳。中午時段真的很多人，全場爆滿等了一會餐湯就到，望一望色水還可以，但點解一啲蕃茄和酸味也沒有很淡很淡飲了兩啖便沒有飲了到主菜西冷牛扒配薯菜味道0k，西冷鬆軟有牛味而且厚度適中不會太薄薯條新鮮脆口吉列豬扒配意粉豬扒炸得脆口沒有硬(過了🔥便會硬)，豬扒還可以保留到嫩滑，意粉不會過腍只是餐湯有點淡，整體來講也不過不失吧！