紅葉茶屋 (D2 Place TWO)

营业中

休息中

非常之日式嘅環境，乾淨舒適嘅感覺！食物嘅賣相都好好！試過之後就覺得性價比比較差啲！食物都可以嘅但係性價比，份量就真係比較少！今日試咗好多招牌之選，包括五色魚生、壽喜燒牛肉定食、炒雜菜同埋甜品包括抹茶雲石芝士蛋糕同白玉抹茶雪糕窩夫！嘩！大概$450落樓魚生整體係非常之新鮮好質素，但係藍旗吞拿就遜色咗，有少少腥味！壽喜燒牛肉鍋啲牛肉係好食嘅又唔肥，但係覺得配菜可以多番啲！同埋如果跟嘅蛋係茶碗蛋就會更加Perfect！炒雜菜就係好食㗎，但係份量一見到就嚇親奇少！一個人食都嫌佢細分甜品來講比較失望嘅係抹茶雲石芝士蛋糕食落去完全冇抹茶味亦都冇芝士味做得比較出色嘅就係白玉抹茶雪糕窩夫！有兩粒白玉抹茶雪糕兩塊窩夫同埋紅豆！

朋友帶我去D2附近揾食，睇門面，再睇menu，選擇左呢間，因為食物選擇多，同D座位好似座得舒服，食嘢唔講時間下，都要舒舒服服嫁。去食日本嘢，如果唔食魚生，又係個句，我必叫嘅豚肉生薑燒。佢個名叫生薑燒豚肉定食。豚肉夠鮮嫩，但唔係我最愛嘅口味，甜得黎唔夠味醂同洋蔥味唔夠，加少少酸味會更好，而家伯甜。個麵豉湯都ok,個餸加少少菜中和下油膩感，呢個都加分嘅。個飯軟硬度都適中。朋友食個定食，無影到相添。叫左杯雜莓香橙紅茶，淡淡地，下次要少冰會再好少少。其實為傾計，有D嘢飲下啫。完美一餐當然要有甜品總結。抹茶白肉紅豆窩夫，個窩夫夠脆身，無比溶左雪糕整林，而紅豆甜左少少咁多，個雪糕就最對位，如抹茶味再濃D更正。確實夜晚無乜人，黎傾下計聚下，真係一個好選擇當然睇下同咩人食啦！

初嚐和牛壽喜燒餐廳有分和牛壽喜燒和豪華壽喜燒，價錢相差30蚊，豪華壽喜燒有更多的肉量我們兩個人一齊share一個，可以免費添飯，所以Share黎講都可以好飽第一次食和牛壽喜燒，這個牛的肉質很軟很入口，是平時普通的牛冇得比的，不過賣相方面我覺得如果不是說明是和牛就真係認唔出這就是和牛

之前已經食過旺角嗰間紅葉茶屋，嗰次係食剌身茶漬飯，當時已經覺得幾好味，只係份量唔夠飽⋯⋯但！日本菜就係咁㗎啦！今次荔枝角D2 place開新店，見無乜人知個場唔爆當然試下。今次同女朋友分別點咗牛肉壽喜燒定食，同和牛肉壽喜燒定食，試試有無分別。環境☑️☑️☑️☑️☑️間鋪咁新，一定乾淨又好坐㗎！味道☑️☑️☑️☑️☑️兩個定食都會配兩個前菜、湯、一個半熟蛋，個鍋除咗牛肉就有菜、洋蔥等。牛肉軟林加上牛肉汁，撈飯一流，唔怪得個飯可以任裝。性價比☑️☑️☑️☑️和牛壽喜燒定食係$168，牛肉壽喜燒定食就平啲$128，價錢上唔平唔貴囉，不過由於個鍋加白飯任裝，一定飽！所以性價比算中上。

紅葉茶屋 地址: 旺角彌敦道700號T.O.P This Is Our Place 3樓309-310號舖@momijichayahk 壽喜燒牛肉定食 🍲 $98壽喜燒味道清清地，唔會太濃太鹹。豆腐、冬菇等都滑。牛肉嘅質地都唔錯，都有牛味，不過不失。生薑燒豚肉定食 🐷 $ 88份量算多，但豚肉唔夠厚切，食物味道就不過不失，無特別驚喜。抹茶雲石芝士蛋糕 🍰 $48估唔到最好食係甜品呀，淡淡嘅綠茶香味，而且又唔太甜，但芝士味略為少咗少少。#nicefoodie旺角 

今日去試吓荔枝角D2 Place嘅新店，環境衛生情況十分滿意，食物款式多元化：有刺身、拉麵、窩物、定食、小食、雜果紅茶、各式各樣的甜品🍮、拿鐵☕️、雪糕新地、窩夫🧇、抹茶🍵等等，各式其式，包羅萬有，保證一定可以搵到你想食嘅日式食品，大家不妨考慮週末去行街買嘢睇戲之後品嘗一下Momji-Chauya 嘅日式美食。