紅茶冰室 (已結業)

作為紅茶常客，囧然一個月前先發現佢有all day breakfast，仲要$53落到樓，仲要包埋嘢飲，平到有啲誇張成份all day包括：丹麥多(全份)、茄汁豆、勁長炸魚柳、唔知咩腸2條、煙肉2塊、松露炒滑蛋(好多)。紅茶丹麥多世一有時好想食佢個鮮茄炒蛋牛肉飯或者鰻魚炒飯，都會因為太想食丹麥多而轉咗食常餐類嘅嘢松露炒滑蛋好香同埋都好滑，係份量有點多上碟睇落都大份，但食落係比睇落更大份，食過兩次all day，兩次都食唔晒(given我出面食all day係未試過食唔晒)，下次同佢講腸同煙肉俾少條我先

嚟觀塘開完會見肚餓，就隨便走入呢間茶餐廳吃個快餐，竟然睇見餐牌有一個套餐「菠蘿油配搭經典紅荳冰」只是$30，二話不說就點餐了，環看餐廳內面都好大都坐滿人，幾好生意，話咁快好有份量紅荳冰嚟到，飲咗一啖超爽，好有童年回憶，菠蘿包有大大舊牛油，咬落去鬆軟，好快速度食完覺得耳猶未盡，再單點一碗沙爹牛肉麵，都係勁好味，我童年時代食開冬菇亭茶餐廳嘅味道返曬嚟，再飲完紅荳冰，呢餐好邪惡肥幾磅，但又超級滿足，期待下次再嚟觀塘開會

Danish pastry is a delicious pastry originating from Denmark. It is known for its flaky and buttery layers, which create a unique texture that is both crisp and soft. The pastry is often filled with sweet or savory ingredients, such as fruit, cream, or cheese, and is commonly served as a breakfast pastry or dessert. The sweetness of the pastry is balanced by the saltiness of the butter, making it a perfect treat for any time of day. Overall, Danish pastry is a delightful and indulgent treat that

門口既飽Always order吞拿魚包多餡又好食菠蘿包個脆皮厚身望落勁吸引但叫左下午茶餐食唔落好鍾意吉列豬扒烏冬炸到勁香脆清淡啲友人叫左泰式湯麵尖沙咀個間食過冬蔭公湯底超鍾意下午茶呢間就得普通湯底但清清地都ok仲食過其他款Always my愛店雖然私心鍾意尖沙咀店多啲

夜晚OT完去食晚餐，見紅茶咁多人，唔洗驚俾人趕走👍🏼我就叫左個豬排通粉常餐，豬排好大塊，仲有加黑椒，好食！另外配炒蛋、丹麥酥多士、野飲都係$55，超抵食😋最重要係侍應服務好好，顛覆左我對茶記嘅印象😂😂次次夜晚食都會俾人趕，但係紅茶無催，即使要收錢都係攞埋個錢箱過黎找錢，唔洗我一個人行來行去👍🏼雖然衛生麻麻，地下都有d垃圾，但係茶記黎講咁嘅假期，我覺得ok，下次OT都會再去食，希望可以試倒其他野食

呢日未食早餐就出去做野，做完剛好肚餓🤤想食早餐，不過已經過左早餐時間，諗起紅茶冰室有全日早餐喎。疫情呢3年都冇食到，唔知依加水準如何呢？都好有良心喎！冇加價仍然咁豐富👍🏻👍🏻👍🏻😆丹麥多士夠邪惡，松露炒蛋夠香，煙肉煎得夠脆，魚柳夠新鮮熱辣辣，腸仔係特別肉腸。一切都係咁好食😋呢間紅茶冰室夠大間，所以就算繁忙時間都唔做坐到好迫👍🏻👍🏻唯一變左嘅係，我年紀大左😭食唔晒呀！所以呢個全日早餐真係好抵食！

跑完步，餓餓地，突然想念紅茶嘅流心芝士西多，就過咗嚟觀塘紅茶度食。下午茶時間去到下午6點鐘，而流心西多就係茶餐之一，價錢$35，凍飲加$3。呢塊西多表面平平無奇，但其他佢嘅陷係加入咗芝士，食起上嚟除咗有西多嘅炸香，仲有芝士嘅餘韻，夾埋一齊口感一流

吃過香港多間冰室，令人一直回頭的定必是紅茶冰室😍 不論是早餐、午餐、下午茶或是晚餐，選擇都一樣多，看完整份Menu總會找到想吃的食物！🧀招牌芝士流心西多士 French Toast w/ Cheese ($35)下午茶必吃！新鮮即製之熱辣辣西多士～ 多士內夾著溶化了的芝士，更散發著濃郁的羊奶膻味；加上外層牛油香氣洋溢，十分邪惡😈

平日，如要在午飯的時候，光顧這間紅茶冰室，都要大排長龍的。今天，我在過了繁忙時間才去光顧，不用等已經有位了。看看餐牌和今天的午餐，基本上茶餐廳的食物應有盡有，有選擇困難症的人不宜光顧。我點了一客焗鮮茄牛脷飯，及一杯熱菜蜜。熱菜蜜很快便送上，喝了一口，竟然甜到不得了， 茶水部果然重手。再等了約十分鐘，焗鮮茄牛脷飯也送到了，熱騰騰的，第一口吃下去，感覺還好。 再繼續吃下去，奇怪啦！好像有些不對勁，是什麼呢 ？哦！原來 紅茶冰室的焗鮮茄牛脷飯，是沒有菠蘿的。 我還以為焗飯 加菠蘿，差不多是不明文規定。原來不是的！不過，說句真心話，紅茶冰室的焗鮮茄牛脷飯都勉強算好吃：但如果有菠蘿的話，一定特別好吃的。 紅茶冰室可以多多考慮。

紅茶冰室有啲名氣，佢間間店舖都好大間，又多位；食物選擇多元化，港式、日式、泰式，總有一樣啱你心意。今次6點晚餐時間黎到，現場有4成客人，我地入去闊寛卡位坐，坐得悠然自得。芙蓉蛋飯 🍳🍚3.5/5乾身既煎蛋沒有濕潤同滑溜，但另一角度出發，煎得香脆可口就係芙蓉蛋既精粹，半煎炸既蛋餅，唔企太油膩，入面基本有叉燒絲、蝦仁🦐、芽菜、韭黃，加上靈魂蔥花，放在熱辣辣既白飯上面，滿足！😆😆但佢唔夠豉油，唔夠色水食。😂蒜蓉汁雞扒飯 🐓🍚4/5可以見到大大塊雞扒煎得好香脆，肉質鮮嫩，肉汁豐富，加上特製蒜蓉汁撈飯，顯得特別開胃，另外配菜係有牛油香味既娃娃菜，好欣賞👍🏻🥰。地點:觀塘工商業區，相信午市客人多不勝數，但晚市少人可以接受，加上款式又多，可以慢慢試。環境:光猛裝修，座位寛落，同隔離位保持距離，有私隱度。價錢:60蚊碟頭飯有野飲，正常發揮。加6蚊仲有北海道3.6牛奶，抵飲！🤭服務:態度正常，上菜速度正常，不過只收現金真係好唔方便，一間有幾間分店既茶餐廳開咗幾年都只收現金，節省信用卡公司八達通公司手續費，真係扣分。🙃🙃

剛轉新工，到觀塘返工一個月，聽到同事講紅茶都幾好味架，，終于今日去試下呢間冰室了，，因為我哋提早左食lunch，所以今日系無乜人等位既，好彩提早出發食晏，，因為食完埋單時，一條好長的長龍在等位，好夸張的情況。。我未見過邊間冰室中午食晏是要等咁長龍的位，，因為畢竟食晏才一個鐘時間呀，總體黎講，上菜好混亂，三番四次搞錯單，我的食物比左隔離枱，但隔離枱系未點菜，佢又照食，都幾貪心呀。。。食物味道系麻麻，不過不失，意粉都算彈牙。但要我排隊半個鐘，我就寧愿唔再去食了，因為唔值得我浪費半個鐘時間呀。仲要埋單只可以比現金。

平日午餐時間超級多人，永遠都有條長龍，今日星期一十二點半左右到達，等咗十分鐘就有位，仲係卡位，開心！叫咗個常餐，好快就有嘢食嚟，開心！豬排好大塊，味港道好，份量夠哂大，食完已經非常飽，多士好香牛油味，炒蛋好滑，奶茶好香，成餐都很不錯，又抵食，可以再去。

之前同朋友傾開計， 佢最近迷上左茶餐廳之旅😆😆周圍去食唔同好食嘅茶餐廳。 今日我就經佢介紹之下嚟到呢間有好多間分店， 而每一間分店都有海量座位嘅茶餐廳！ 茶餐廳真係每一個香港人都食過嘅食店。種類又多又齊全， 無論早午晚餐定係下午茶諗唔到有乜嘢食都可以去茶餐廳食❤️❤️ 今次呢間紅茶冰室都唔例外， 我哋下午茶時間大約三點去到， 除咗早餐之外其他基本上都有齊。 包括左 泰式小食， 越南河粉， 豬扒包。雞脾， 雞翼， 沙律， 熱狗， 西多士， 菠蘿油 肉醬意粉， 燒味飯。魚湯泡飯……而我哋就咁啱預正下午茶時間2:30-6:00。 喺芸芸咁多美食當中， 我就揀咗必食嘅出爐蛋撻同埋芝士流心西多士😍😍茶餐廳學麥o麥咁講最緊要有常餐 同特餐因為係全日供應。 我哋就叫咗朋友介紹嘅特餐。兩個人食三個餐真係卡路里嘅挑戰🫶🏻🫶🏻 大大滿足 😜😜🌈招牌芝士流心西多士 $35 （跟餐） 本身西多士已經係激邪惡同埋好味嘅食物！ 加上有芝心流心， 見到個名已經係非叫不可！！ ！ 切開來睇， 上面西多士嘅麵包微微脆卜卜， 黃金色入邊有着濃濃嘅流心芝士， 流心嘅程度走未至於好水好流心嗰款， 而係有啲似芝心批厚厚實實各款。

點麻辣口水雞，鹹到要「洗腎」，仲以為係醬係主要嘅問題，食到最後原來啲雞係鹹到入骨，😅😅😅配左凍咖啡，甜到不得了😅😅😅行左咁遠原來呢間分店冇想嗌嘅餐（成間紅茶冰室最好食嘅餐呢間冇）…..真係唔知講乜，服務態度又差……😅😅本來唔想再多講，但係最尾我嘢飲都未飲完一转頭嘢飲就被收走咗😅😅😅😅大佬，问都唔问，仲行得好快，都未来得及讲………啲枱嘅衛生又麻麻哋，想講我嘅新衫都被整污糟咗，全部都係油……本身好期待，仲特登過嚟食，點知咁失望……都唔明點解有咁多人過嚟食，排長隊

放假懶洋洋咁訓到自然醒~上OpenRice 睇吓觀塘有咩好食~見到紅茶冰室有菠蘿油食，仲有埋全日早餐，一間舖滿足左兩個人既願望🙈最鐘意食all day breakfast 既我，見到餐牌有佢，就二話不說要左全日早餐☺️嘩嘩嘩。。。佢呢份全日早餐可以同外面西餐廳比，夠大份，魚柳都好大舊，佢個丹麥酥都幾好食，內裡鬆軟，外面有小小烘脆~魚柳大塊到遮住左黑松露炒蛋，呢個蛋好有黑松露味，呢個價錢來講都幾親民😋茶飲叫左杯奶茶，佢都幾迎合到我對奶茶既要求，因為我鐘意飲滑既奶茶，同埋飲完唔會令條脷”鞋”，但如果鐘意茶味濃d既朋友，呢個奶茶就差小小茶味喇~蛋撻送到上枱，等左陣先食，佢都仲保持到熱辣辣，不錯，蛋漿無乜蛋腥味😜😂明明叫左菠蘿油，不過因為佢第一個黎，我地太肚餓食左。。。佢既牛油係用冰底裝住上碟，要你自己夾落個包度，個包夠熱，放牛油入去都有溶溶地既感覺，菠蘿皮脆，好食😋