紅粉佳人 (已結業)

每年生日, 都會跟姊妹們去吃餐飯, 不需其他特別慶祝, 因為人老了吧 忽然醒起同事很久之前推介我試這間紅粉佳人, 近年很喜愛吃三文魚的我就去這間吧~進店來的一刻我覺得餐廳過份昏暗的, 有少許夜盲的我看餐牌也有點辛苦;開初侍應安排我們坐普通餐桌, 後來看見我們手袋大到沒地方放時, 就安排我們座卡位, 服務很貼心呢 轉了卡位後, 我們就點餐, 由於事前來了openrice 做功課, 所以大部份都是其他食家推介的 三文魚白汁醬伴法包, 法包很鬆軟而外皮很脆, 我總共吃了5片..... 泡沫煙三文魚忌廉湯, 外觀特別, 就像一杯咖啡味道還好, 咸了一點但很creamy. 還有不算太多三文魚肉... 焗酥皮龍蝦湯, 酥皮脆, 湯熱辣辣, 味道ok 套餐中的頭盤三文魚刺身, 算厚身和新鮮 前菜燒豬脾仔, 味道不錯, 肉質鮮嫰終於到主菜了, 本身是想散叫溏心三文魚, 店員說可以叫另一個三文魚柳餐, 溏心其他即是不是全熟, 叫廚師不煮全熟給我就可以了, 但最後來了還是全熟, 不過店員的貼心又值得一讚, 也沒所謂吧~全熟的三文魚肉質也不會"鞋", 應該是新鮮三文魚 其他主菜分別是重量級牛扒

黎紅粉佳人,當然要有佳人相伴,講笑咋,其實又係幾個男人黎食,依到既三文魚係必食推介,首先係依個三文魚白汁醬伴香焗法包,依個白汁碎蛋醬非常好食,份量仲要有好最緊要係個個法包夠哂熱夠哂脆,加埋一齊食好香三文魚味,而且好脆口,當小食食一流,之後就係依個泡沫煙三文魚忌廉湯,非常之咁creamy, 忌廉岩岩好,唔會太膩,飲落仲有唔少既三文魚肉比你食,仲要幾滑嫁,之後都係三文魚,係依個香煎脆皮三文魚柳配香檳忌廉汁,一開始就咁食唔加汁都好掂,個皮好夠脆,食落好香口,皮又夠厚，佢係整到出面熟而裹面就係保持住生既！兩種口感非常之正,呢個係必食既,之後就叫多一份豬扒伴辣肉腸,依個都唔錯嫁,豬扒都做得好好,夠哂冧又幾有肉味既,唔錯好味，配埋個醬食落一流嫁,仲有熱辣辣既薯角配埋，非常好。

果日同一個係Instagran識既foodie約左出黎不過事出突然，冇諗定去食咩野最後我地睇到不少人話呢間餐廳不錯先決定一試:^)三文魚為主因此周圍都見到魚人（？）出沒:^0個樣好搞笑XDDD餐包外面香脆入面鬆軟可口:^)加上佢既三文魚忌廉醬，creamy得黎有點鹹香味唔會太溜搽包啱哂（Y）沙律蔬菜新鮮爽脆，仲幾清甜沙律醬濃稠左d，破壞左個清新感覺同埋難拌勻三文魚忌廉汁意粉熟左既煙三文魚平舖係面，大大塊加埋意粉食落唔會太鹹，熟左之後亦冇咁油膩忌廉醬好creamy，調味好夠好rich，個份量夠撈勻意粉有餘蔬菜都好清，特別有個翠玉瓜，食落好清甜，微微中和番整體既濃郁感覺意粉煮得ok，有點彈性又唔會淋爛煙三文魚泡沫忌廉湯外貌好似Cappuccino XDDD泡沫細緻綿密，呈粉橙色湯係淡淡既橙紅色，好rich又唔係溜，有三文魚鮮味入面仲有大大塊熟既煙三文魚，鹹香味重可惜我覺得太重口味，稍為過鹹了:^(

補祝朋友生日飯，便來了這間食西餐。朋友推介食物味道不錯，環境又會傾計，所以才來這裏一試。食物味道真的很好，值得推介來食晚飯傾計的一個好地方。******************************放工便前到，到了門前影相，看門面好似很普通。入內環境有點暗，還像扒王之王的感覺，可能今天人不算多，也不會很嘈雜，傾計很好的一個地方。先來餐包，聽說這裏的醬很好味，所以一定要試。包是法式多士，配上牛油外，那三文魚醬入口很香三文魚味，真的好好味。加HKD20可以試這個泡沫三文魚忌廉湯，其實有些南瓜味，配上三文魚很不錯，真的要一試。香蜜燒豬仔脾配蒙古燒肉醬汁，HKD98。燒豬仔脾入口肉很腍，調味很入味，再配上蒙古燒肉醬汁一流，一份有2隻，每人1隻不用爭。錫紙包香焗意式香草煙三文魚及海鮮天使麵，HKD115。香焗意式香草煙三文魚味道配搭合宜，但可式配上天使麵不能入味。2人食這天使麵都很足夠了。香焗橙香軟心朱古力布甸(心太軟)伴雪糕，HKD25。還有雪糕相伴，雲呢嗱味，配上朱古力是絶配的。切開心太軟，都算流心，入口香橙味，不會太甜，這個甜品不過不失。香焗蘋果伴蜜桃脆金寶伴雪糕，HKD25。脆金寶是蘋

青蛙的生日飯,豬大人選了我倆不時路過,但又好奇想試的《紅粉佳人》。青蛙是日放早, 接了豬大人放工後,就一同前往餐廳~我倆比預定時間早了到達,還要等餐廳開門營業。當餐廳開門, 我倆就被安排了一卡位座下,座位是高椅背的粉紅色梳化,高度完全是不會看到其他檯的食客,私人度非常高, 青蛙很喜歡呢~哈哈 ^^點好食物, 又是一輪的拍照,不一會, 餐包及湯就上桌喇!!熱熱的餐包配上餐廳特色的三文魚醬,十分十分好吃!!!!可惜三文魚醬太少了啦~至於餐湯, 我們加錢要了酥皮湯,酥皮即整香口, 但略嫌皮太厚...而湯則不過不失。主菜緊接上桌~青蛙一看到兩個主菜,不其然覺得份量十足~白汁忌廉帶子野菌意份的醬汁非常足,可以每一口都能沾上醬汁,而醬汁的調味適中,但多吃仍有膩的感覺;至於帶子鮮甜, 但外層包著的煙肉則頗硬~另一主菜的煎豬扒,豬扒鬆軟, 但醬汁不夠,食到尾段, 有''寡''的感覺~甜品跟餐有朱古力口味雪糕,另豬大人加了一個心太軟讓青蛙可以切蛋糕 ^^《紅粉佳人》出品的心太軟,沒有那種一切開蛋糕中心就有大量朱古力槳流出來的效果,而且蛋糕不夠鬆軟.....整體上一般~

今次呢間餐廳係好想推介俾喜歡食三文魚既朋友！似椰林閣格局既西餐廳，比椰林閣貴少許但服務跟食物好很多！有三樣必食推《三文魚白汁醬伴香焗法包》比一般既白汁碎蛋醬好食好多而且個包夠熱夠脆！《泡沫煙三文魚忌廉湯》好creamy! Match 得好好而且𥚃面仲有唔少既三文魚肉好滑！《香煎脆皮三文魚柳配香檳忌廉汁》記得要糖心果隻製法呢個唔加汁都好掂！個皮好脆好香囗好似燒乳豬皮，糖心既意思係出邊熟裡面仲保留住生既！呢個真係必食其他野食除甜品都ok, 跟歺既三文魚刺新一般但每片都厚切！朋友們也喜歡這𥚃食物，呢度冇min charge 只要每個人頭有消費就ok,牆上有基督金句，感覺有良心既餐廳，會再來！

今晚去開油麻地，所以黎紅粉佳人食晚餐，無book枱好彩都有位！望左張餐牌成10分鐘先決定到食咩！點了一份豬扒伴辣肉腸，加了$30有餐湯，甜點同茶。先黎四片多士配三文魚醬，呢個係我重點想食！好香好好味，多士又夠脆！餐湯選了忌廉湯，好香好甜，而且好夠熱！豬扒好冧好味，配個唔記得咩醬，而且仲另外上左兜熱辣辣既薯角，又熱又香脆！甜品係普通啫喱無咩特別！另外點了一個雞扒配檸檬汁，雞扒好似塊面咁大塊，但雪味好重，個汁麻麻地！餐湯加了$25轉酥皮龍蝦湯，好重龍蝦味，好夠熱！另外甜品加了$25轉心太軟仲有個雪糕球，普通心太軟一個，味道唔錯！

成日經過都話入去試，但次次都去食其他，今年提早食情人節飯，就提議去呢到食。環境令到氣氛好正*大部都係用粉紅色，係女性既至愛 三文魚白汁醬伴法色包* 正！ 面包脆，加埋令醬，極品！ 泡沫三文魚忌廉湯，外凍內熱，仲有三文魚係入面，特別！ 煙三文魚沙律* 肉眼扒5成熟，味道唔錯，(因為啱啱腸胃炎完所以只可以叫5成，唔係我會叫3成囉) 雜扒(牛，雞，三文魚扒)三文魚扒煎到好脆，好好食！跟餐甜品pancake*食到好飽，下個月再食

有驚喜又好滿足既一餐 呢間 '紅粉佳人' 外表睇落就好似好普通既西餐廳,估唔到會有一間VIP房 (6-8人都OK既)。而餐牌上既主打，多數都配三文魚（挪威三文魚），但係個三文魚真係一般野，無乜特别喎！不過個龍蝦湯和海鲜湯就出奇地好味,又多料！最緊要配埋碟熱騰騰既麪包！好正囉！我地10個人,共叫左8個主菜: 有羊架配田螺，西冷，肉眼，海鮮并盆，咖喱黚魚，鰻魚飯...樣樣都做得唔錯 . *配薯角---又脆! 又正!* 但係我地散叫"焗薯皮"同埋"心太軟"就有啲失色喇!不過最扺讚既就係佢地有位waitress 叫"MAN"  好好好 NICE NICE NICE....... 記得同佢Say hi 啦! ^.^

今次因為上網睇到好多好評，諗住間餐廳都ok~所以就打算試下點知去到門口睇到裝修感覺已經有啲唔對路，入到去更加覺得唔對路由於我食左TEA~唔多肚餓，所以我地叫左一個SET DINNER SHARE~仲有另外叫甜品，因為每個人都要ORDER一樣野食物一黎個賣相已經唔多吸引，食嘅時候都唔覺得好好食，直頭係唔掂，完全唔值呢個價! 面包夾三文魚醬亦都唔係好似之前食評講到咁好食，無咩特別餐湯龍蝦湯味道一般，雖然有少少龍蝦肉，但湯唔係好好味我同友人點左海鮮拼盤，賣相唔吸引，傳說中嘅三文魚唔係特別好食，蟹腳同帶子有一陣雪味，蟹腳無鮮味! D著條唔多好食亦都好咸!至於甜品，我地叫左APPLE CRUMBLE同PANCAKE~PANCAKE麻麻地，入面D生果好少，CREAM太多﹗但個APPLE CRUMBLE都幾好~搭埋雪糕食一流!不過，侍應嘅服務值得一讚，非常有禮貌同招呼周到，好細心咁嘅價錢仲有大把更好選擇!

是日要和貓先生去聽bb講座, 先到openrice 查一下附近有甚麼好的餐廳, 找到這間紅粉佳人, 地點易找亦算就腳, 而且食晏時間還有少量walk-in 位, 真好彩 !餐廳裝修蠻特別, 清一色的粉紅色, 雖然食品是高級茶餐廳, 但能放這樣的心思去佈置小店, 確實有心思 ! 我們各人order 了一份西式午餐, 選擇不算太多, 可卻都兼顧了中式, 西式, 甚至乎印度風味, 算是不錯了~ 而且價錢相當大眾化 , 五十幾蚊包餐湯, 面包, 主菜及餐飲! 我點了一份香煎龍利配粟米蟹肉忌廉汁, 貓先生點了肉眼牛排配香蒜白菌燒汁, 先來餐湯羅宋湯, 蠻多配菜, 而且香甜不辣, 我們整碗也喝罷呢 ! 面包是蒜蓉包, 沒有牛油, 反而配上特別的三文魚醬及蟹子, 很有驚喜 !  這個三文魚醬真的不可錯過呢 ! 講返個主菜, 牛排除了有少許根之外, 以茶記來說, 做得算是不錯呢 ! 龍利煎得很脆口亦香, sidedish 的瓜頗多, 亦可一解白汁的”漏” 服務方面亦很讚, 開水是暖的之餘, 提侍應加水時反應快及有禮… 我們吃完的碟亦自動收妥, 上餐飲時亦較快, 而且熱檸水沒有坊間餐廳常有發生的苦

日前看見食友寫這家紅粉佳人，令我嗜吃的心又再蠢蠢欲動，而且餐廳正是在我工作地點附近，本來決定這天午餐不吃肉的我也終於要破戒... : P這裡位處油麻地與佐敦地鐵站的中間，算不上很方便，雖然附近有幾家學校，但這兒的消費卻不是一般學生哥可以負擔（老師就應該可以，又或者是對面政府合署的職員吧）。再說，這裡其實經營了很多年，就是位於大街上我卻每次都是過門不入，所以它竟然可以在租金連年飆升的年代生存多年，肯定有些過人之處的。門面有一幅三文魚的卡通，推門進內，果然店入其名，一室粉紅色的桌椅，牆上繼續是 cutie 到暈的少女卡通，連餐紙都不能倖免，畫了一條三文魚。既然這裡開宗明義賣三文魚，不吃白不吃，一吃吃到底。餐牌上的西式午餐有一款是「三文魚二重奏（香煎及煙燻）忌廉汁炒菠菜麵」（$56），當然選了它。然後我又在主餐牌上發現了一款紅粉佳人煙三文魚泡沫忌廉湯（$45），問過店員這個是可以從普通餐湯轉選的，不過要加 $40。餐包先來, 是一片法包，伴吃的醬經食友介紹過才知是三文魚醬，用來塗麵包幾香口的。紅粉佳人煙三文魚泡沫忌廉湯用咖啡杯盛著，看來像一杯粉紅色的 cappuccino! 泡泡應該是忌廉來

五六年前開始，已是Pink Salmon的常客。除了因食物令人再三回味外，是它就在百老匯電影中心(BC)附近。所以幾乎每次在BC看電影都會再次光顧。而且亦很喜歡它的氣氛及服務態度，所以和朋友聚會也是熱門之選。今天也到BC看了＜熱血芭蕾＞，又再會一會佳人。可能因物價急升，晚上套餐價錢已由＄60﹣70去到＄100﹣200不等。原本一百左右的三文魚二重奏沙津已脹價到＄155。最平的餐也要＄90左右。其實上星期看＜字裡人間＞，也來了一趟。叫了一個 雞扒配荔枝汁 及 一個豬仔脾。雞扒皮脆肉嫩，但味道和中午普通茶餐廳的味道相似。似乎晚上餐牌中最平的餐都比以前水準下降了。所以今天再試試已很久未再吃過的三文魚二重奏沙津。久久沒再試的原因，是上次點的時候三文魚的份量已減得很少，覺得不值。現在價已再加，但三文魚也是少得可憐。雖然芒果沙津汁及新鮮雜果是它過人之處，可是三文魚生及煙三文魚都是普通，＄155又真的太貴了。另外一個餐點了海鮮天使麵。跟餐的忌廉湯加了田螺肉，特別美味。天使麵茄味清甜而海鮮落足料。有青口肉，帶子，蝦，蟹柳，魷魚及炸魚 ﹣真材實料而有鮮味﹣ 正！  值得一讚再讚的是他們招牌的 三文魚醬

每一星期我都會同我男朋友在 open rice 尋找一些好評的好餐廳去試一試 , 一來可以增進同男朋友的感情 , 二來可以跟他分享美味的食物,真好...今次就選擇這裡~~ 紅粉佳人 .... 來到這裡讓我感覺好特別又有一種浪漫的感覺,只不過因是walkin 急於在限時還枱 , 未能慢慢享受 .至於食物方面豬仔脾配起有少少香橙甜味感覺真的很特別的醬汁 , 另外黑椒牛扒意粉可能真係普通所以未能令我有太大的記憶, 反而蒜蓉包我覺得太硬又不夠蒜蓉味, 另外甜品心太軟令我喜歡食心太軟就是這男友因為我很怕甜只有他才會陪我分享每一次食心太軟時候...

(828)跟太座一起閒遊，中午時份，行到油麻地附近，找地方午膳，想起這裡，Open Rice評分有3.8分，應該不錯的，就來了這裡。我兩選擇了兩個份餐。羅宋湯，這是一碗濃郁的西式羅宋湯，番茄酸度適中，少許辣味，還有牛肉及洋蔥帶出之香味。三文魚白汁醬伴法包 ，脆暖的法包，塗上三文魚白汁醬，美味亦令人回味。芝士蘑菇煙肉炒意大利粉，加入了芝士炒製的意大利粉，香口爽滑，加上蘑菇及煙肉的香味，很好味。咖哩焗牛腩飯，咖哩不是很辣，味道都幾香，牛腩軟腍入味，米飯就比較腍，整體計都OK。熱奶茶，茶味比奶味出位，的確是一杯富濃茶香味的奶茶。這裡環境清淨，燈光幽暗，我倆就在這裡渡過滿意的一餐。