紅米 (億利工業中心)

营业中

休息中

又去D2睇戲等入場，一出D2就見到對面有間茶餐廳，諗住入去求奇食D野都係用QR Code 自己落單，但佢分得太細，睇完餐牌有D難搵唔想食飯，所以叫左個全日歐陸早餐，佢有雞扒，豬扒，魚柳比你揀我就叫左雞扒個賣相係有D頹既，不過食落，個牛角包係熱同脆之餘，仲好香牛油味司華力腸就唔太新鮮同熱，唔係脹卜卜薯餅就好脆，不過有D太油抄蛋都滑，可惜冇調味，要自己落鹽菜唔太新鮮雞扒多汁以呢個價錢黎講，都算係咁

初期開張早午餐都好好食嘅， 做咗半年之後越做越難食 ，早餐嘅選擇又少咗 ，連麵包都薄咗。以前做蒜蓉包而家連蒜蓉都冇埋， 最初啲沙律都有 紫色椰菜之後連嘢菜都冇埋， 淨係識得不停加價，仲要午餐嘅選擇都小埋， 焗豬扒飯全部得骨冇肉嘅 ，係一件唔似豬扒嘅焗豬扒飯。 啲湯底嘅面同飯呢 ，味道直情好似濃湯寶一樣， 去呢間食一定要好小心揀， 以免中伏。

同朋友係附近玩完，小小趕時間所以黎左呢間茶記😂係比較新式既茶記叫左呢個黑椒粟米雞扒焗飯，碟飯既份量真係唔係講小，多到我食左一半就飽左，要打包🤣味道方面我覺得佢合格，係茶記經典頹飯個隻黑椒汁味，耐唔耐食一次係幾懷念既，雞扒都好夠料🙈不過就唔見有粟米另一個叫左蛋包飯加雞扒，同樣蛋包飯嘅份量都係超多，入邊個飯呢係炒飯嚟嘅，已經好有味，加埋少少半熟嘅蛋同埋啲醬汁係正既，至於呢塊雞扒就好普通，寫住係蕃茄汁雞扒，但都係經典頹飯嘅橙色汁😂幾乎冇蕃茄嘅成份整體來講，性價比算唔錯，成餐飯唔貴，但份量多到可以三至四個人食兩個餐，當頹lunch嚟食係唔錯既

茶餐廳菜式真係好多選擇, 上次食蒸倉魚飯覺得好食, 今次又再黎食, 但發覺啲味有啲奇怪, 見到啲骨好易折斷, 啲肉又有啲腥, 應該都真係唔多新鮮, 搞到我下次都唔知好唔好再嗌呢個餐好, 不過應該都可以試下食其他餐既, 話晒有咁多款唔同既菜式.

響出邊做完嘢有個朋友叫我過去荔枝角同佢食飯，本來係食午飯嘅，但係因為大家都遲咗，所以變咗去嗰度食下午茶，跟住佢叫咗我去呢間紅米嗰度食。地點真係好方便，荔枝角地鐵站D2出口嗰條馬路行兩步就已經，好容易搵。返回門口就難睇少少，因為見唔到佢個餐廳名。入到去地方都算乾淨企理嘅，而且下午時間冇乜人。睇完佢個餐牌之後突然間有啲想食酸菜魚，所以就叫咗佢個老壇酸菜魚芫荽泡椒湯飯，出到嚟都好有驚喜，一來味道都好友酸菜魚嗰種味道，二來佢嘅份量都唔係細分，以下午茶來講性價比真係高，食落去亦都算係好味嘅。最後仲有小驚喜，就係如果每人食嘢超過$50仲有一杯雪糕送，所以今次下午茶都食得幾開心，而喺荔枝角區嚟計呢間性價比同味道都算幾好。

叫咗三個外賣 冇一個可以入口， 王牌咖哩豚肉芝士焗飯 味道差勁難食， 將軍黑椒漢堡芝士焗飯 入口 味道怪 浸臭味 根本唔係人食嘅， 蔥燒肥牛鐵板飯照燒汁飯亁完全冇汁 根本食唔到落肚 都係垃圾

今日第一次去荔枝角出job，其實之前都黎過呢到，但真係比較少平日晏晝黎，哇1點都未到間間餐廳都要排隊咁，超多人，我勁驚訝原來啲人咁早食飯，最尾因為我自己一個，誤打誤撞黎左呢間餐廳，見入面都幾大，好快就到我，叫左個黑椒炸豬扒飯，加5蚊加左隻太陽蛋，超抵食，仲有沙律，野飲，個豬扒炸得好香，有肥有瘦，好開胃，最尾埋單都只係50蚊，如果唔加隻蛋仲要45蚊，仲要問我食唔食雪糕，由於我少食雪糕加上太飽就冇食。

打工仔飯堂之選～～紅米位於荔枝角工廈區嘅茶餐廳，食物款式多元化。是日精選午餐：板煎雞扒蛋包飯(意式茄汁) $58雞扒煎得剛剛好，肉嫩香口，配少量沙律菜，雞蛋嫩滑，蓋過整個飯，午餐奉送熱飲，份量適中，價廉物美

今日去開茘枝角D2，寶寶話小帶小弟食好西，就嚟到呢間喺地鐵站附近嘅紅米，睇到個門口，餐廳類似茶餐廳，但又有少許年青格，應該都唔錯。一坐低掃QRcode落單睇menu，款式花多眼亂，寶寶話蛋包飯出名，就叫咗碟板燒雞扒蛋包飯；我就未諗好食咩㗎，但見到雞髀腸仔碟頭優惠價$45咁抵，就揀咗呢個轉白汁粟米配意粉。另外，大食寶寶叫多個白汁白草孖芝焗薯條。食物上菜都相當快，見到個擺盤都覺得吸引！雞髀腸仔係白汁，意粉本身就茄底，少許茄汁醒醒胃，我又幾鍾意！雞髀就少許乾身，但都唔錯，啖啖肉！寶寶個蛋包飯都幾精緻！至於焗薯，有拉絲芝士嘅配搭係唔會失望！同埋呢間有凍檸蜜飲，都係加3蚊，幾好喎。總結而言，茶餐廳嘅價錢，有質量！叻啊寶寶，帶小弟食好嘢！

每次同男朋友去睇戲，紅米都係必食之選，因為方便又抵食，今日去睇戲前都唔例外，又要再幫襯啦。今次點左海南雞飯同雞扒蛋包飯首先說說海南雞飯，不過不失啦，雞煮得比較老，唔夠嫩，不過配埋油飯同湯都叫做加番分。紅米最好味都係雞扒蛋包飯。雞扒經過煎烤後，外酥內嫩，非常美味。蛋包飯則是用蛋液煎熟後，再與飯粒混合在一起，口感鬆軟不油膩，真係幾好味，我覺得係必點之選。總體而言，如果想快捷方便又經濟實惠，紅米確實係個好地方，不過今次無中不足係個冷氣壞壞地，所以我地一路食就一路流汗呢度要扣少少分。

荔枝角下午茶，朋友點左炸雞脾西多🌈炸雞脾拼西多士炸雞脾炸得好乾身，皮脆過頭好硬，食落肉質一樣有點硬西多士足料中間有厚厚花生醬，正🌈黑蒜油日式叉燒拉麵叉燒算軟腍，不過拉麵就淋左少少，口感唔係咁掂仲有🌈薯角同🌈咖喱角。

星期日上午11點的長沙灣工業區能找到吃飯的地方已經不多, 今日經過這間店看餐牌都算吸引, 心想一試無妨, 點知中伏.餐牌寫明全日歐陸早餐, 雞扒/魚柳/豬扒 配 滑蛋+法蘭克福腸+牛角包+三角薯餅+雜果蛋沙律 先58蚊睇落幾抵. 點知上菜完全两回事: 法蘭克福腸變左雞肉腸仔、沙律淨係得菜、牛角包唔似牛角包、又无左件薯餅, 即時呆左叫服務員過來, 佢都幾敷衍下, 開頭話落左早餐餐牌但我落單時同張已打印左出來既單都好清楚唔係呢回事, 再者我入座時佢哋已經收起晒早餐menu得個午餐menu俾客, 跟住就話已經改左冇法蘭克福腸, 求祈俾番塊薯餅我就了事. 由於我實在趕時間, 亦擔心再爭論落去佢哋唔知會俾D乜嘢我所以唯有照食埋單. 但當然真係覺得保佢哋呃左. 所以寫出來俾大家留意下, 反正我本人應該以後都唔會再去.

紅米 (億利工業中心) (荔枝角)荔枝角長沙灣道883號億利工業中心地下8號舖今日係新蒲崗附近做完野，終於可以再去紅米食返個lunch 啦。 點解？平！靚！正！岩曬自己一個人去食🤫對上個次係食佢個焗豬扒飯，味道方面，幾好味架，又大份！ 今日想食d濕野，叫咗個黑蒜油豬骨濃湯拉麵伴日式叉燒 $56。 依個價錢叫唔叫正式？ 但都要接受，因為真係好想食🤭好可惜今日無拉麵，轉左做烏冬，份量其實都幾大份，叉燒得4片但好厚，所以好飽。 茶餐廳黎講個人覺得好足料，味道唔錯。 有幾會大家經過可以試一試架，盡量唔好lunch time 時間去，因為太好味關係勁多人😜地點⭐️⭐️味道⭐️⭐️⭐️⭐️環境⭐️⭐️⭐️服務態度⭐️⭐️⭐️（5星為最高分）

本身有紅米會員一心諗住過嚟嗌外賣自取見擺喺門口嘅外賣餐牌得返三頁就入去問問有無其他，即刻答無，再問之下，點知大大本係收銀底再抽出黎想用會員，show螢幕俾佢睇就問都無問就係咁按我電話大佬呀！私人物品黎架，點可以問都唔問我就掂我啲野架仲不斷按，仲叫我冷靜d你帶住手套，對手乾淨對手套都唔乾淨啦有無考慮過客人架？俾晒錢發現無幫我儲會員，之後又話俾唔返折我我落單第一下就俾左會員號碼你你要幾唔專心先可以做得到？連個經理都唔清楚餐廳既會員折扣最後要問完又問先俾返我，明明口講一個價，俾又第二個價，話系統做唔到講真，點信你呀，個個講既野都唔同真係貼錢買難受呀！

難食 難食 難食 難食 重要野講三次 但難食到我要講第4次睇完戲見到有10幾個好評就入黎試吓 先黎左牛角包 跟住湯 望落都足料嘅 諗住唔錯點知黎左2杯野 用頂級難飲黎形容上面嗰個奶蓋 冇奶味但有洗潔精味兩杯野飲一啖 Ok可以唔洗再飲跟住黎個咖哩牛腩飯 唔熱嘅麻辣肥牛炒烏冬 我叫你少麻辣 我唔會話你冇麻辣味但成個烏冬係冇其他味🤣最好食係個芝士薯條因為全部都係黎貨咁都開到仲有其他分店？認真呢 真係好少有會想食野去話人 但哩間野真係搞唔掂🫠🫠🫠簡直離譜