紅米 (華都商場) (已結業)

上星期五（26/8）大約七點二十五分去華都紅米食飯，見到石板燒好似好吸引，於是叫咗美國大理石試吓。七點半點餐後男朋友個雜扒餐大概兩三個字到，而我嘅石板燒要八點鐘先到。因為餐牌上話沙律、飯同湯都係無限添食，而侍應哥哥解釋係會稍後送上。於是首先處理牛肉，因為塊板燒得比較熱，啲牛好快燶咗個飯等咗兩三個字都仲未到，於是順便問送餐飲嘅侍應姐姐，而得到嘅回應係「轉頭會有！」結果等到八點半終於送飯嚟，忍唔住同侍應姐姐反映話啲肉已經凍哂柴哂… 而佢嘅反應只係「因為今日比較多單，所以送餐時間會較長」並再解釋話「個飯係送嘅…」最後決定燒紅多次塊板，再熱返已經柴哂嘅肉雖然真係理解星期五會比較繁忙，餐廳人流頗多而侍應眼見有三至四位。不過呢次食飯體驗很差… 無理由要我食哂啲牛先再食半個鐘後嚟到嘅白飯… 應該唔會再有第二次

今日睇完戲行開經過呢一間店鋪 即係比佢店鋪出面大大塊牌58蚊酸菜魚吸引住 嗌咗酸菜魚加 讚岐烏冬味道唔錯嘅 但唔算太辣 亦都冇花椒 但58蚊真係算唔差 講真都多魚塊鮑魚花膠。花菇滑雞哩個湯底比較淡，但有2隻鮑魚都抵哂喇啲雞就雞胸位 都多件嘅總括黎講58蚊一個餐真係好抵 糧尾之選🤣

去到個環境已經好污糟 地下同啲餐具都有漬食食下可以有隻蚊飛左落塊多士到2個人叫左2個雞翼撈丁餐個火腿奄列得幾條火腿 仲要淡而無味都算個公仔麵有少少益味都吾再講最離譜係4隻雞翼有3隻都係酸嘅3隻都咬左一兩啖即刻叫個員工換換左3隻返嚟 入面都係有2隻酸嘅真係嬲到同個員工講都係酸喎個員工就叫左個經理過嚟但係個經理話我地吾一早講我地就係講完換左都係酸 先叫你過嚟冇一樣嘢好食嘅餐廳 真係以後吾會再去人生第一次寫食評 竟然係因為難食到咁仲要肚屙建議大家為自己個口同肚著想下

今日約左朋友睇戲，睇戲前當然要醫下肚，經過被紅米紅色的外觀吸引，就入去試一試。很多卡位，坐得舒服。食物選擇豐富。我點了石板燒美國大理石(又稱為牛板腱)，$98有200g，很抵食，用石板上熱辣辣， 想要幾成熟自己控制。我比較喜歡吃六七成熟， 肉質鮮嫩有彈性， 牛油非常香 ，加一點點岩鹽已經很美味。這個石板燒的米飯、胡麻沙律和湯是無限添加 。蕃茄濃湯酸酸味味，這個天氣喝很開胃。加$36點了XXXL 西瓜冰，上桌時嚇了一跳，很大很大的一杯， 西瓜冰清清甜甜，消暑解渴。原條蒲燒鰻魚蛋包鐵板飯，用鐵板上熱辣辣，原條鰻魚配上滑滑的蛋，食到停唔到口。加$20有凍熱飲品、牛角包、迷你胡麻沙律和湯,再加$6轉了虎紋黑糖珍珠奶，黑糖香，甜度剛好。有很多食物都想試，下次再來。

屯門市中心除了商場多，食肆也有很多的，走進遠一點的商場覓食。這裡也有挺多讚選擇的，而且價格相宜，這次就去了家新開的茶餐廳。店舖環境以粉色為主，裝修簡約環境挺大的。大部分也是卡位，坐得較舒適🙈。-💥茶走 | 啡走 HKD$0跟餐有飲品附送，這兩款飲品也是配煉奶，所不用額外放糖。兩杯飲品色澤挺濃的，茶走味道香醇幼滑🤤，啡走味道濃郁。-💥青蘋果綠茶拌愛玉 HKD$16飲品帶漸變層賣相，把飲品攪拌後味道較好。飲品味道酸酸的，綠茶味道清香。愛玉口感滑溜，整體口感清新。-💥川味無骨口水雞飯 HKD$59這個味道很香，無骨版本更方便吃。雞肉肉質滑身，醬汁味道濃郁不咸，感覺是小辣的味道。跟餐有餐湯附送，湯飲味道清香。-💥和風照燒烤雞扒鐵板烏冬 HKD$56用鐵板裝味道更香，熱辣辣吃感覺很可以🤩，熱辣辣時傳出鐵板的“滋滋聲”。烏冬顏色較深色，味道濃郁微甜。雞扒大大件，肉質腍身入味。-💥蔥油滑雞意粉 HKD$38蔥油可選擇份量，喜歡吃的要加倍份量，所以味道挺香的。雞肉肉質嫰滑，配蔥油吃更香口。另外可加HKD$8加配牛角包及火腿奄列，吃的飽飽的很滿足。-

諗住新開未食過，試下個下午茶啦，叫左通粉加蛋治既餐，蛋冇味，直頭鹽都冇落既，碗火腿通粉都係一樣淡而冇味，仲要勁細兜，一啲誠意都冇，可能係早餐食剩擺到下午茶來買掛，bad! 普通餐都咁，可想而知其他餐係點囉~

紅米比起一般茶餐廳多啲特別選擇唔同國家嘅菜式都有，性價比又高今次試咗3樣嘢👅👅👅美國頂級板翼西冷 $148石板燒 係用一塊熱石去燒塊牛扒自己牛扒自己燒，控制要幾成熟都得😎上面有一大塊蒜蓉牛油！好香！🧄叫咗200g 都幾大塊🥩不過好彈油，餐廳可考慮切件上，會方便啲有套餐，跟羅宋湯、白飯、胡麻沙律、溫泉蛋極尚鮑魚花膠 花菇滑雞湯飯🍚 $58濃濃雞湯味，好多湯料 ！蟲草花、白蘿蔔、芫荽、雞件、花膠、花菇、鮑魚仔、娃娃菜又鮑魚又花膠，都係$58 超值呀！！！照燒豚肉片冷烏冬 $55夏日之選☀️沙律菜底 🥗清新開胃😋烏冬預先撈好咗麻醬，口感彈牙 可考慮提供多幾款醬汁選擇就更正👍🏻呢個份量啱曬女仔

下班經常經過紅米都沒有吃過，今次終於和朋友一起來吃。餐廳有機械人送餐，很有趣。食物款式有很多選擇，花多眼亂。綜合水果-田園沙律：黑醋汁酸酸甜甜，作為前菜非常之開胃。水果很多，但如果能轉做新鮮水果會更吸引。白汁香草孖芝焗薯條：薯條偏向軟身，喜歡食軟身薯條的人一定會喜歡。香草味不多，但是白汁很濃郁。千島三文魚蝦蟹薄餅：外型上感覺好像亂做把全部材料放在薄餅中間，但味道原來很鮮味，有濃濃魚蝦蟹的海鮮味道。另外薄餅很鬆脆，沒有餡料的薄餅邊可以當成餅乾吃。板煎雞扒冷烏冬：炎炎夏日一定要吃冷烏冬，配胡麻醬酸酸的，十分消暑開胃。雞扒很大件，肉質嫩滑，肉汁豐富。富士山蛋包王：（魚柳及豬扒）這是二人份量，米飯使用珍珠米，吃起來口感煙韌，加上淡淡的蕃茄味不會單調。魚柳和豬扒都很大件，差點要打包走。特別是豬扒肉多，而且肉質不會乾。轉套餐加$20： 暖心湯，牛角包，沙律牛角包鬆化飲品：熱華田、熱鴛鴦整體上大部份食物份量都不少，吃到捧住肚子離開，這個價錢很抵食。

喺華都廣場想食嘢經常都要大排長龍，今次到了紅米，新派的裝修，除了茶餐廳基本的食品外，還有很多不同種類的食品，最緊要價錢大眾化，當然要試一試啦！點了一份石燒美國安格斯套餐牛肉脂肪豐富，放上熱辣辣的鐵板，香氣撲鼻，大塊的牛肉，很足料！酸菜魚酸菜又淋又入味，魚片夠多，滖住上，熱辣辣很惹味！芝士炸雞，連個鐵板上，絕不馬虎！重量級水果茶，炎炎夏日解暑一流，飲得又食得！一般茶餐廳普遍坐得好辛苦又迫又窄，這裏座位似Cafe，坐得舒服，員工服務態度亦不錯，十分有禮貌👍

午餐松草花鴨腿瓜粒湯飯 $58配熱飲一杯好味指數 4/5 🍭🍭🍭🍭{湯很清甜 鴨腿既肉很多 而且很腍 除鴨腿外配菜亦很多 有：蘿白 娃娃菜 松草花 芫茜 冬瓜粒 等......｝

精選午餐有好多選擇，我揀咗聲稱勁多葱嘅巨人雞扒勁香蔥油飯！估唔到勁快就有得食🤩🤩佢無違反商品說明條例喎🤩真係勁多葱呀!!!用油輕輕炒過啲葱，唔怪得個飯名要話明係勁香，佢真係勁香🤣 撈埋豉油飯食真係不得了😍😍😍我見隔離檯位男士食呢個飯係一大塊雞扒，我呢碗塊雞扒就有啲細😒但原來係有兩塊😂煎到好香脆，連埋皮食都唔覺得油膩，好厚肉但煎到熟透又嫩滑～ 落單時姐姐仲問要唔要加$3加隻流心蛋🤩🤩下次試下先～

琴日好熱😑，我同老婆呀女喺屯市涼冷氣同買嘢，行到華都附近，肚餓添，搵下有無餐廳好食先。行行下就見到一間叫做紅米既餐廳，見價錢合理，就行左入去食。入到去，環境乾淨，服務員態度殷勤，令人感覺良好。坐低後，我開始點餐。點餐方法係掃二維碼係網址度點餐，方法新穎。我叫咗招牌黃金雜扒，美式千島炸魚漢堡配和風紫菜薯條，板煎雞扒蛋包飯，老壇酸菜魚芫茜泡椒烏冬同埋黃金一口炸西多伴雪糕。雜扒份量雖然細咗少少，但味道幾好，價錢都平，個人覺得唔錯。炸魚漢堡好好食，條魚夠脆夠熱，調味啱啱好，我好鐘意。板煎雞扒蛋包飯亦都好好味，啲飯有用番茄去煮，為成碟菜增加一層風味。酸菜魚幾清淡，唔會太油，還好。西多士真係不得了，糖漿加上加上牛油對味覺的衝擊簡直是無法用語言來形容！個人覺得西多士最好吃。總結而言，價錢合理，服務周到，味道還好，個人推薦得閒去下。

今日收工得閒冇嘢做去行吓街，經過呢間餐廳幾抵食，種類又多就去試下我叫咗一個安格斯小牛扒，一個人嘅份量好足夠有湯沙律白飯都係無限添食，牛扒肉同埋脂肪分配剛剛好，食落去牛味重又夠林。放喺個熱石上面煎唔會怕彈油。一塊食完再煎一塊，唔怕過熟又唔怕放耐左凍。沙律菜好新鮮，可以食多幾碗職員亦都好細心攞咗支鹽同埋胡椒俾我哋調味。送餐又好快，有機械人幫手感覺衛生得多。另外我哋叫咗酸菜魚配烏冬，呢度真係想食咩都有魚好滑同鮮甜，加埋烏冬落去食好入味$58呢個餐真係好抵食。套餐加$36有杯勁大特飲，西瓜下面有啲涼粉而家天氣咁熱感覺好爽飲得出真材實料唔會加糖水。今餐真係又好食又抵食，下次會繼續試其他菜式

近日比較多人食的熱石燒肉，如果不想花太多時間等位而又很想吃石燒牛，其實屯門區內亦有其他人氣好評的紅米餐廳，有高質大理燒，頂級美國安格斯等，配飯食，堅正！這店以石板加熱，讓食客在石板上自行燒牛扒，最抵吃的是「美國大理石」200g 只需$98便有交易，是牛頸對落的牛板腱位置，中間嫩筋兩邊的肉佈滿大理石紋而命名,肉質更嫩。每枱均有鹽及黑椒供自行調味。韓式香辣炸雞翼& 蜜糖柚子烤雞翼這款燒雞翼香口又脆香，做餐前小食真係一流，韓式辣醬配雞翼真係絕配，辣辣地幾開胃，蜜糖醬甜甜地，有柚子中和甜度，美味可口！最後配特量級西瓜冰，消暑之選！

原本朋友介紹red rice呢間餐廳，咁岩今日行過華都見到新分店開左就想試下，一入到去第一張台就見到個座位超dirty，座位上仲有上一手客人食完食物嘅污跡，之後我要求換位去到第二張台，第二張台仲嚴重過第一張台，立即叫staff去清潔返，咁我都算，當我去拎餐具見到上面全部都有污跡，我即刻叫staff拎左熱水，用熱水重新洗過，野食就真係好一般，最後出到門口比錢，收錢個staff話仲有雪糕，我即刻話唔洗，我唔想食物中毒，呢間店建議各位入到去望下周圍嘅環境先決定係唔係度食