紅磡冰室 (已結業)

常餐B包括瑞士汁雞翼或香煎豬扒撈公仔麵、牛油多士或蒜蓉包、炒滑蛋或雙煎蛋和熱飲。瑞士汁入味、夠稠，伴公仔麵剛剛好，炒蛋滑嫰，厚多士烘底，配上一杯茶走，奶滑茶香，這個常餐抵食！

下午餐時段在紅磡閒遊，很自然想起以瑞士汁雞翼公仔麵為招牌的紅磡冰室。閒日的二時半人流不多，不需等候便可以入座。相比起另一間分店，此店座位較為狹窄。跟友人一起點了招牌瑞士汁雞翼公仔麵餐、炒蛋及奶茶。炒蛋香滑，多士烘焙適中，好吃。但瑞士汁雞翼不太入味，瑞士汁只吸收在雞皮表層。奶茶奶味太重遮蓋紅茶本身香味。另外點的金菇肥牛卷配薯皮。肥牛卷味道較淡，相反薯皮味道較為突出。整體來說不過不失，但個人比較推薦同區另一分店，食物質量較好。

今次試咗雞翼公仔面配抄蛋蒜香土司，份量比想像多，而且好好咪，啲公仔而軟硬度適中，有啲似伊面。仲有瑞士汁雞翼好入味，甜甜地，有啲芝麻係面頭，好香，而且啲肉幾滑。仲有個抄蛋都好食，有啲蛋汁，所以食落去好滑，配埋蒜香土司，係一種味覺嘅沖激，值得一試。

o係溫完書肚餓就想出去覓食，奈何行左一個圈都諗唔到食d咩好，最後行到紅磡冰室就入左去坐低左!一拎起餐牌黎睇，嘩都幾貴，不過可能我太耐沒番黎香港，以為一個晚餐仲可以30蚊有找哈哈。叫左一客椒絲腐乳生菜，但之後侍應話唔夠生菜可唔可以加其他菜，所以就揀左菜心！我覺得味道唔錯，唔會太咸！ 第二樣就係叫左沙爹金菇牛肉煲，點知就黎左沙爹雜菜牛肉煲，哂呢個菜果陣就係想食d金菇，但佢就黎錯左，正想同侍應講既時侯望見廚房入面個個人都換哂衫所以就沒叫佢換了。但個侍應亦都沒事先知會我地佢地已經沒金菇，如果沒既話我已經唔會叫。 唯一不得不讚係 侍應態度好好服務都唔錯！ 下次都係唔會夜晚黎，中午黎食常餐算

無食一排紅冰，今次去食返已經風光不再😞我照舊叫左個常餐c同雪山朱古力西多。常餐c蛋好炒得都滑，但就無味，自己要再落鹽先食到有味，跟住個撈面唔夠熱，送到黎無耐就凍晒🌚但個豬排就幾好既，夠晒淋。最令我失望既係西多，送到黎見佢個樣都幾靚，點知一食落口就出事，又乾又淋又多油，仲要只不過係多左幾下朱古力拉花就比普通西多收貴好多，係我食過最唔脆又無味既西多，好似食緊一舊舊面包咁🌚🌚

呢日係愛麗絲midterm既大日子😩 小新就陪佢去紅磡冰室食個lunch先上路喇👫其實呢次係愛麗絲第一次食紅磡冰室，我地兩個都叫左個特餐B。愛麗絲食既係牛油多士煎雙蛋，配瑞士雞翼撈公仔麵，熱好立克，$39。首先要讚既係個牛油多士👍🏻 同普通茶餐廳唔同，因為塊多士係烘既，脆脆地又帶牛油香，同埋平時烘多士係要加錢，但呢到就唔洗😂 之後就係主菜喇👏🏼 雞翼好食! 瑞士汁甜甜既，肉亦都好淋，可惜得三隻，愛麗絲一啖都冇俾小新食😂 至於個公仔麵唔錯，唔會炒到好乾，撈埋啲汁👍🏻咁小新食既就係蒜蓉包炒蛋，配豬扒撈公仔麵，凍奶茶，$42。個蒜蓉包又係令人驚喜😋 因為都係烘既，脆中帶蒜香，食到lam lam利😈 至於豬扒都好淋好易咬，不過就冇瑞士汁既，所以都係推薦大家食瑞士雞翼😎

星期日下午無咩野做 就落去食下午茶  過番個充實既下午上網找找下資料見到紅磡冰室都好似唔錯。就落去試試。本人最喜歡既西多士朱古力雪山西多士  雖然制作需時  但一上黎外形已經十分吸引  朱古力加上糖粉口感十分軟熟，中間沒有花生醬，唔伯覺得十分甜再配埋一杯冰凍既凍檸茶  呢個下午茶就滿足地度過

煩悶既星期六要番半日心情不太愉快。收工去到紅磡已經過晒食飯時間 咁唯有食個下午茶醫下肚。連晏就都無食就叫左個特亡餐食下，紅磡冰室一向既口碑都唔錯。呢個炒蛋蒜溶包。蛋炒得好滑。包兩邊都有烘烘蒜溶 十分香叉燒通 份量足夠 叉燒唔會老食落無渣 口感不錯呢個特餐對於我呢個星期六要番工既人又提供番足夠既能量準備放假去玩用餐時間 見到員工耐心地解答一位婆婆既問題 令我對呢間餐廳既服務印象大增。

去茶餐廳食早餐，有什麼好寫？其實本來也無打算打食評，但吃過小店的出品後還是想在此稱讚它一番。雖然它自稱冰室，但感覺一點也不懷舊，以黑白為主的裝潢新潮光猛，位子大約四、五十個，地方淺窄但坐得尚算舒適。這兒的早餐有大約八款選擇：較大路的有麵搭多士、特別一些有黑松露炒蛋和香煎魚柳，另外還有三文治和麥皮滿足不同人的需要。望著那餐牌每一款我也蠢蠢欲試，幸好是日不知怎的一早起來已覺得好餓，心裡一直想要點個豐富大份一點的來餵飽自己，不然又要糾結的選一輪。早餐B－沙嗲牛肉米$30平日不喜歡吃醬料的我很自然的撥一撥那沙嗲汁，見其不是杰撻撻的分不清究竟是肉還是未搞融的茨己加分。牛肉份量多且是一塊塊的，沒有被鬆肉粉洗禮得不似"肉"型，沙嗲味道香濃，調味得宜，是用心之作。早餐B－火腿炒蛋拼多士(+$1)兩片厚多士份量十足，烘得金黃香脆，男友加上牛油的更是誘人；很多時候茶記的炒蛋都以柴皮的狀態呈現，在沒期望的情況底下吃到滑溜又有蛋香的炒蛋令人驚喜，另外兩片火腿也沒惹人討厭的肥肉粒，張大嘴巴三者合起來同吃很是滿足。早餐B－熱檸水用瓦杯裝的檸檬水裡用上四片檸檬，十分慷慨，吃過油膩的食物後清清嘴裡的味道感覺清新；惟這

住紅磡實在有太多好野食，基本上紅冰既早午晚市我都食過晒，而當中紅磡冰室既奶油酥😩😩😩😩👍🏼👍🏼👍🏼👍🏼 成個餐都只係30$幾蚊，有瑞士雞翼撈丁，奶油酥（加錢轉既）配炒蛋🙈 抵食又好食，奶油酥每次都一定一定要嗌！係必食既item. 其實本身佢跟餐既蒜蓉多士都好好味，係用厚多士黎整，但係奶油酥係更加出色🙈不能抗拒呀😩另外下午茶仲會有唔同既炒粉麵飯，試過佢既乾炒豬扒意，鑊氣十足，食落唔會太油好香口，雖一不足就係鬆肉粉豬扒😩同其他茶餐廳一樣，脫離唔到鬆肉粉既魔咒，硬係要同可惡既鬆肉粉扯上關係，除左呢點，依然係十個讚既😌另外其實佢晚餐都好好食，大概$60-$80一個小菜，配中湯白飯，當中西檸雞係有意想唔到既驚喜，而紅磡雞煲，黑椒薯仔牛柳粒都係出色之選🙆🏼唔好錯過呀佢係紅磡有新舊店兩間，新店會坐得舒服啲（但係總會覺得舊店味道好啲）而舊店呢，就係譚仔式既密度😬迫迫埋埋一齊坐，不過個人認為味道就好啲囉😝

今次朋友約我黎嘅呢間紅磡冰室, 假日中午時候, 已經開始要排隊, 平時都會同朋友點兩個唔同款嘅餐,  我地可以食多樣, 又可以為大家介紹多一樣(呢個先係重點 ), 但今次朋友超級推介以上嘅瑞士汁公仔麵, 我地兩個都係雞翼狂熱分子, 於是每人一份, 嘿嘿常餐B $39 嫩滑炒蛋配蒜香烤蒜蓉包(3.5/5)蒜蓉好似法式多士咁, 牛油同蒜味索哂入麵包, 浸淋後再烤脆, 夠特色!瑞士雞翼撈公仔麵 (4/5)瑞士汁唔會得個咸字, 相當緊要!! 雞翼炆得好入味, 帶點甜, 要趁熱食奶油酥 特及常餐 加$8 (3/5)一個牛角包水平切開一半, 焗過後搽上牛油煉奶, 奶油酥就係咁樣形成! 牛油滲入牛角酥皮中, 咬一啖牛油直落喉嚨, 後悔已經太遲 不過好滿足, 哈哈嫩滑炒蛋(3.5/5)炒蛋起碼有兩隻雞蛋嘅分量, 都炒得好滑跟餐加$5有大大杯紅豆冰, 紅豆份量好多, 食到飽! 熱飲免費 推介此餐廳 3.5/5 呢間分店有啲壓迫, 如果到另一分店, 會比較鬆動, 都好多食客黎排隊, 其他食物應該都唔錯平均消費$44-47, 每人一個常餐, 加了招牌紅豆冰及奶油酥 紅磡冰室 Hunghom Cafe星

在紅磡上班，也應該慶幸四周都有多元化餐廳選擇，不必屈服在連鎖店之下。紅磡冰室有兩間，個人較愛到明安街的一間，午市多有四選飯麵選擇，如這天的茄子火腩、干炒叉燒烏冬、福建炒飯和鹹蛋蒸肉餅，看來都是男人的浪漫，價錢中上，$42連熱飲，但看到配料的份量如此慷慨，也不必計較。其實茶記的福建飯多數是獻汁多而配料切得細，這裡就通通大堆頭，一眼看得出有那幾種食材，也不會汁撈飯，炒飯底乾身粒粒分明的，蛋味甚濃，在同區吃到這質素的炒飯不多，而且一定飽肚，以常餐也要$38，$42吃個炒飯不是更化算嗎?

係呢到,BREAKFAST同LUNCH就食得多,DINNER都係第一次兩個人食, 叫左兩樣野, 左邊係粉絲牛肉煲, 右邊係栗米魚柳再加一個白飯個粉絲牛肉煲好正, 拎黎既時候SASA聲, 仲好熱D牛肉夠晒"林", 粉絲都有牛肉味, 好入味栗米魚柳好大碟, 好足料, 好有WOK氣

汗蒸後，又在紅磡呆了大半天，離開時，已約四點了，肚子餓得咕咕直響。路過紅磡冰室門口，始發現乃一間裝修新穎如茶記的冰室，而非傳統殘舊老店也。推門而入，整齊乾淨，然枱與枱之間極為擠迫，絕對容不下滔滔之輩也。小妹被安排與兩名男士搭枱，舉手投足均要小心翼翼的，生怕稍一不小心，容易有磨擦。特餐常餐由$32-$38不等，價格不菲，但一次過可嚐盡數款美食。下午茶餐選擇也頗多，又有鑊氣小炒，由$24-$38不等，奉送咖啡或茶，豐儉由人。餐飲轉凍檸茶(+$3)，茶香檸味，各司其職，水準之作。小妹點了香煎豬扒撈公仔麵配嫩滑炒蛋配牛油多士$38，雖然頗貴，但份量夠多夠大，味道也不錯，吃得小妹胃頂肚撐的，值回票價。若是兩個人同share，必會更佳也。炒滑蛋濕濕的、粘粘的，堆成一座黃色小山丘似的，入口質感香滑無比，份量也蠻多的，好味﹗牛油多士厚大，烘得香脆帶微焦燶，咬下多士微脆，若搽多點兒帶鹹味的牛油，味道會更好。香煎豬扒撈公仔麵的水準也遠超小妹的預期，公仔麵軟硬度恰到好處，入口條條爽彈具嚼勁，且均勻地沾滿了香甜中帶鹹的瑞士汁，惹味非常。豬扒沾著白芝麻同煎，香口多汁美味之餘，肉質也頗佳，肉味也頗為突出。若能上枱

食物質素都可以,但服務態度太差,又不斷加價.叫左:木耳蒸雞飯,瑞士雞翼撈公仔麵,煎蛋,牛油多士.木耳蒸雞飯:蒸雞幾滑,份量都可以,餸飯幾好味.瑞士雞翼撈公仔麵:雞翼好細隻又唔夠味,瑞士汁同超市買到冇咩分別,好一般.煎蛋:普通.牛油多士:多士太淋唔脆,唔新鮮.整體:服務態度太差,價錢都唔平囉!