紅磡冰室

营业中

休息中

食物質素 9/10朋友極力推薦，所以收工就同左佢黎食午餐。見到周圍既人都食炒飯炒麵，但我同朋友就叫左常餐。瑞士雞翼公仔麵望落好似好普通無咩特別咁，但係好好味，食落口想一啖接一啖食！尼度既雞翼都算比得多，有三隻，都算係有良心！炒蛋蒜蓉包超級鐘意食尼度既炒蛋同蒜蓉包！炒蛋好滑，係我食過最香最滑既炒蛋！另外，個蒜蓉包整得好香，面且個包好軟熟，好有咬口，超好味！環境衛生 8/10環境大，新裝修，坐得舒服！服務質素 8/10尼間舖頭都多人食，周不時都見到要排隊，但都好快入得，同埋上野食既速度好快！

今天中午十二時左右，想再一次光顧這店，之前已經來過三次，覺得都不錯，所以今天再來幫襯！有幾個人在排隊等位，好快便到我，有一位帶眼鏡的男職員問我幾位，我說两位，他帶我到一張長枱，安排我坐中間两個位，因我們拿住很多東西，我便跟他說，這個位置太窄了，我想坐卡位，他馬上黑口黑面說要等幾久，我說沒有問題，我便行回排隊位置再等，等了一陣，他又過來問我幾位，我便說两位，等緊卡位，他又馬上改口說，卡位都要搭枱的，两個人要坐埋一邊，我說那些細卡位，只能坐两個人，如何搭枱？我見所有細卡位，都是坐了两個人，如何能搭枱？我對上三次，都是两個人坐這些細卡位。跟住他很負氣對我說，你等卡位我沒有所謂，但我一定要你搭枱！我覺得很生氣，所以便走了，你們應該把規矩寫出來，說明两個人一定要搭枱，這樣大家便會清楚，等待與否，我自己決定！貴店的裝修和食品都不錯，希望個別員工能有禮貌一些，盡量滿足客人的小小合理要求！

和朋友去深圳shopping, 特地在上水下火車，去試了試香港的第8家、也是剛剛開幕的紅磡冰室，佔地約五仟平方英尺，富有現代感的設計，讓人有到了酒店咖啡室的感覺。出品保持一貫的水準，大件夾抵食，大家看照片就可以就不用多介紹了。自從2013年在紅磡開了第一 家”紅磡冰室”, 這間上水的分店，己經是它們的第八間分店，為新界北區的居民和來香港一日遊、購物的國內遊客又多了一個選擇！

彩園邨商場食肆一直冇乜幾間，紅磡冰室進駐後，長期大排長龍，其實喺第二區都食過，質素OK，環境亦OK，但始終唔明白，唯獨是上水呢一間長期都要等位。一去到，一如想像，係要等位，等咗大概五分鐘，終於有位，環境好大，座位空間感十足，裝潢帶時代感，坐低剛好下午茶時間，決定一試朱古力棉花糖吐司。吐司一道，棉花糖焗得漲卜卜，甜香撲鼻，拍個照後，一口氣食晒，非常好味！

之前在尖沙咀已經有吃它們下午茶餐、份量大大份、有很多選擇、例如豬扒菠蘿包「入面真的有菠蘿」😊超驚喜、花膠撈面「試過整個部門全部同事都叫、吃花膠作下午茶、不得了」、每份都超大份😂😂、試過附近幾間茶餐室、始終都係最好這一間。講番上水這間分店、新開張一星期、又看看水準有沒有不同。果然保持一貫水準👍🏻👍🏻👍🏻「得」。又係下午茶時間去、點了我至愛的「瑞士雞翼撈丁」份量跟午餐一樣、很飽肚、下午茶價錢、午餐份量👍🏻👍🏻👍🏻😂超值。另外朋友叫了新嘢、「朱古力棉花糖土司」@$37、我以為好甜、點知味道剛剛好、很香、我吃了一碟撈丁也忍不住吃了幾件😬😬。我和朋友都吃得很滿足、一定再來😊😊。

今日去左朋友屋企玩，兩個肚餓走左落去食野就去左食新開的紅磡冰室，之前係紅磡食過佢地的晚餐都唔錯嫁，所以今次就再食，不過係食下午茶時段我地兩個人叫左一個特餐，一個常餐特餐：蜜汁叉燒通心粉配煎雙蛋牛油多士都唔係蜜汁叉燒......冇汁冇色，仲有點乾，不過份量都ok多湯底冇味，通粉就有D少牛油多士好香另一個係常餐：蕃茄鮮牛肉通心粉配嫩滑炒蛋牛油多士E個係真蕃茄湯底，真到D湯好濃好杰，食完要飲好多水，不過蕃茄味真係好香，牛肉都ok多，唔韌炒蛋好滑好香