紅火雞煲 (元州街)

营业中

休息中

講到要喺深水埗區任食打邊爐我第一時間就諗起紅火雞煲！真係細細個就開始食佢佢地除左任食雞煲之外仲有好多好特別嘅火鍋配料估唔到一段時間冇黎佢哋竟然仲加埋有韓燒真係一個價錢有晒兩種享受入咗之後首先可以自選湯底或者雞煲雞煲份量都好多，而且好惹味講返佢哋嘅火鍋配料佢哋除咗有一般嘅肥牛、丸、蔬菜等等佢哋仲有海鮮配料好似海蝦、鮮魷魚、象拔蚌片，是日海鮮就有蟶子而最特別嘅就一定係新鮮即劏嘅田雞上枱嘅時候隻田雞仲會郁架！仲有其他火鍋店少見嘅新鮮雞雜、豬粉腸、豬膶等等嘅內臟而韓燒配料嘅陣容都唔馬虎有牛肉、雞翼之餘仲有羊架、豬仔髀牛油金菇粟米呢啲都唔少得訂座送一碟手切肥牛要嚟燒肉會比較好食！小食任食仲有OOHA 任飲以任飲任食嘅火鍋店嚟講呢度嘅火鍋配料真係夠晒特別如果想是非一般嘅火鍋配料真係一定要嚟紅火雞煲

今晚同屋企人去了長沙灣紅火打邊爐，平時都間唔中幫襯下，勝在食物款式夠多，質素有保證，而且價錢合理，二百多元有得食雞煲火鍋及韓燒。今次就唔食雞煲啦，因為母親大人唔食得辣，所以就揀了花膠雞煲，花膠份量很多，而且每件都有半隻手掌大小，入口帶點彈性且爽口，雞肉嫩滑，湯底充滿雞肉鮮甜。另一邊廂，開爐燒肉，肉類款式很多，羊架嫩滑，蜆肉鮮甜無沙，牛仔骨黑椒味突出，十分惹味，還多幾款台灣香腸，豬腩肉等等。燒肉期間又去打下邊爐，蝦丸、墨丸全部都是手打，爽口彈牙，有粒粒蝦肉及墨魚肉，真係超好味，海鮮有新鮮海蝦及鱔片等，全部都很鮮甜且有質素，外面還有蔬菜任取。最後打邊爐點可以唔啤一啤佢。

這間位於長沙灣的紅火雞煲，晚市主打任飲任食雞煲、火鍋及韓燒，食物款式甚多，而且任飲還有啤酒，每位都是二百多元，性價比高。先叫了個濃湯花膠雞湯底，雞肉嫩滑，花膠爽口，湯底鮮甜。之後就可以加湯打爐，火鍋料有超過50款，海鮮都很新鮮，手打丸更是必食，非常彈牙。肥牛肉都不錯，不會太肥。外面還有些蔬菜等自取。另一邊廂，又可以烤肉，海鮮中海蝦很新鮮、羊架嫩滑及舌心爽彈，以上都是必食推介。整體食物質素不俗，而且款式多至令人眼花繚亂，確是抵食之選。

今日係家庭日，就同家人一齊去食打邊爐放題，黎到長沙灣呢道搵到呢間餐廳，裝修比較平民化，價錢方面都非常親民。真係值得一試，一試便愛上。服務態度十分好客，真係有家的感覺。呢道係食雞煲火鍋，之後食完可以加湯打邊爐，旁邊有個韓燒爐又可以韓燒，真係一次過滿足曬三個願望。首先我地點左個招牌自家製百年古方雞煲，可以選辣同唔辣，我地就選左唔辣，味道好香濃，聞到都流晒口水，食落重有驚喜，非常香濃而不油膩，雞肉非常滑溜，真係世界級享受。食完雞煲之後馬上加湯打邊爐，呢度有好多海鮮可以任食，我地點左海蝦，魷魚，一口脆鯇片，爽口鱔片，雞子，青口，鵝腸，生蠔，扇貝，重有緊係唔小得既手打鮮蝦滑，手打墨魚滑。鱔片一定係韓燒下佢先夠爽口，真係十分好味，口感一流，食完都要再encore。最重要既係有得食田雞，呢道係即叫即劏，拎到出黎啲神經重跳下跳下，真係非常新鮮，我都係第一次見。重有肥牛同咪黑豚肉都係可以自己任拎黎食，蔬菜bar都有好多款式可供選擇。重有飲品bar可以任飲。有罐裝，自家製既涼茶可以下火。真係非常細心。

長沙灣深水埗雞煲邊爐出名平靚抵食收工經過元洲邨附近見到一間雞煲幾抵食 一個價錢任食任飲而且可以同一時間韓燒埋一個價錢兩種味覺享受一秒間就決定入座生意難做 店外有外賣兩餸飯區 店內頗闊落店員態度超好一入店即安排入座 推介必食食物一坐低我地就落左個百年古方雞煲聽說係店鋪最出名自家製雞煲等緊既時候可以出去自助區拎飲品種類都算很多 仲有竹蔗水 食火鍋必備！神徒們最愛OHHA!都有 係0卡0脂可以留返啲quota盡情食火鍋喇一轉身 原來仲有玻璃瓶汽水夠哂氣啦我就冇飲呢款喇 大家想飲可以問下醬料區自助混醬有辣有唔辣 任君選擇熟食區有三款熟食我想留肚打邊爐就冇試到唔知味道如何呢仲有一大個雪櫃可以係雞煲上菜前拎黎韓燒住先有牛有豬熱辣辣雞煲送到喇超香超濃超入味而且份量十足色香味俱全加埋其他配料打邊爐簡直一流推薦墨魚🦑餅蝦餅 彈牙爽口竟然連田雞都有係即叫即劏上檯時仲識郁鱔片又係好好好好食😋爽口新鮮一定要再叫！韓燒部分推薦生蠔🦪同扇貝仲有羊架鮮甜juicy! 食下食下 食左個半鐘已經好飽任食兩個鐘絕對足夠今晚真係大滿足！下次一定要來作戰一番

元州村外有間好抵玩抵食嘅雞煲+火鍋+韓燒任食任飲餐牌大部分食材都可以自取雞煲+火鍋+韓燒 $238🐓百年古坊雞煲-雞煲相當香 味道惹味-醬汁包裹每舊雞件 有辣度可選-雞肉都算嫩 唔會炒到「鞋烚烚」食完雞煲就可以加水變成火鍋同步可以係隔離韓燒-燒多春魚微乾 收乾水份就會好香好脆口 正-豆卜燒脆又係好正 加少少鹽-牛油粟米同樣係童年回憶-牛油焗蒜香金菇 金菇幾幼又嫩飲品都係任飲 仲有啤酒🍻訂枱仲送手切牛肉 油脂分布平均 肉味濃總括而言，晚市$238價錢可以食盡咁多款，啱哂一大班人聚聚

紅火雞煲 (長沙灣)長沙灣有間雞煲+韓燒都係每人$238，好抵食，就同朋友一齊食，正😍😍百年古坊雞煲🥘🥘好足料，雞煲好入味，啖啖肉🍗🍗韓燒🥓🥩大量食材可以韓燒，我們燒左牛肉、羊架、黑椒牛扒、黑豚肉、雞軟骨等等都好好味✨✨美國雪花肥牛🥩肥牛肉味濃，幾好味，一定要叫😚😚西班牙黑豚肉黑豚肉口感一流，肉味濃郁，都好正❤️❤️炸物類 🍽炸魚皮、油條丸類🍥🍥🍥、新鮮蝦有蟹柳、紅火四寶丸、手打墨魚滑、鮮蝦滑、牛丸、墨魚丸等，仲有好多丸類任揀🌟🌟菜類🥦🥬有蛙蛙菜、生菜、茄子等等，大量蔬菜款❤️❤️自己出去食品區揀👍👍粉麵類🍜🍜讚歧鳥冬飲品🧃🍹有好多款飲品選擇，零卡路里OOHA 柚子海鹽味、荔枝乳酸味、可樂、烏龍茶、綠茶、烏龍茶、紙包飲品等等大量選擇😍😍食左好多野🥩🍗🍅🥬好豐富👍👍地址：長沙灣元州街277-279號地舖整體評分：4/5味道：4/5環境：4/5抵食：5/5

今晚去食雞煲❓定韓燒❓定係火鍋好呢❓🤔選擇困難症嘅我去「紅火雞煲」就可以滿足晒3個願望😇而且店員服務好又性價比極高‼️.百年古方雞煲🐓雞肉加上自家秘製醬汁新鮮炒起👨🏻‍🍳肉質頗嫩😋而且每件雞都俾醬汁包圍👍🏻加埋青椒、洋蔥煮非常惹味🌶🫑🧅.韓燒🔥🥩蒜香生蠔雖然細隻🥺但估唔到一咬咁juicy🦪另外推介必燒雞肉串🐔醬汁味道經典😌炙燒芝士丸燒完好流心🧀.火鍋🍲爽口牛栢葉真係好咬口😆美國雪花肥牛🐄西班牙黑豚肉🐖2款肉都唔差，唔會太朝或太鞋😬.手切肥牛🐂 肉味濃郁，而且有啲雪花紋❄️肉質滑嫩🤤.自助區🥟有大量丸類🍢蔬菜🍅🥬🌽.小食🧆咖喱魚蛋彈牙入味🍛無骨鳯爪、鴨血、青瓜都出色🦆🥒.飲品🍹有各式汽水🥤啤酒🍺茶類飲品🍵同夏枯草

話說我成日都會心血來潮想食啲不合時宜嘅野，上星期有一日就想食雞煲，所以就真係入左間食雞煲嘅餐廳，因為見佢好特別，又有做雞煲又有做韓燒～🐔任食雞煲、火鍋加韓燒 $238 （9:00後 $218pp)我地叫左百年古方雞煲同埋半隻雞～可能因為我地叫左bb辣，所以就真係唔會太辣。另外個汁都真係幾惹味～本身我以為係養生煲，但無諗過味道都可以做到好似麻辣雞煲咁濃味😆不過我自己覺得呢個煲應該好味過麻辣雞煲，感覺無咁鹹同埋無咁heavy無咁膩咁~本身我地想叫一隻雞，但朋友擔心食唔哂，所以我地就叫左半隻雞先～但半隻雞都已經好多！啲雞件斬得幾好，成個雞煲都無碎骨～然後啲雞都算嫩滑唔柴😳又夠哂入味！之後就加湯打邊爐~有好多料都可以出去自己攞嘅～所以就係kind of半自助形式咁樣～蔬菜都新鮮同埋洗得乾淨～牛肉都唔差，都唔會柴～ 安格斯牛柳粒就比較適合韓燒烹調方式～粟米就真係超級清甜🥰 啲丸都正常水準～好特別嘅係有粒黑松露芝士丸～咬落去嗰陣都會爆哂漿同埋真係有黑松露味😆之後炸魚皮都好香脆，食得出唔係出面買嘅～佢有個多餸啲嘅menu同埋優惠啲嘅menu~ 多野食啲嗰個就係上面我叫嗰個～就基本上咩都有，而少啲野食

想食雞煲邊爐嘅朋友可以試下呢間😳抵食到傻咗，性價比超高，質素仲要唔差🫣一個價錢唔單止有雞煲打邊爐，仲可以食埋燒肉，仲要乜得係任食😈呢個配搭認真唔話得，其他餐廳亦都好難見到，一次過滿足曬幾個願望🤣.🥢雞煲、火鍋、韓燒放題 $238/人(21:00前入座) $218/人(21:00後入座)雞煲有兩款味道同唔同辣度選擇，呢到嘅雞煲係即叫即煮，好juicy😻食完雞煲直接加湯打邊爐，所有食材都係任叫任食，食材新鮮，款式亦都好多，特別推薦墨魚滑同埋蝦滑😙而燒肉提供嘅肉類雖然少啲，但都可以過下口癮，燒菠蘿同埋雞軟骨好好食🤪最估唔到係飲品都好多選擇，人地貴價放題先有嘅款式佢都有😎另外預先book枱有一碟手切牛肉送，大家記得預先訂枱喇😝.💰人均消費～$250.🍽味道：3/5🏙環境：3/5👨🏼‍🍳服務：4/5💧衛生：3/5💰價錢：4/5

好味指數：😋😋😋😋推薦指數：⭐⭐⭐⭐本身諗住打邊爐，都知呢度又有雞煲🐔又有韓燒😮咩都比佢做灑啦😂😂一個價錢就可以滿足3個願望✅雞煲+火鍋+韓燒$238百年古方雞煲兩個人食選左半隻雞，留翻個肚打邊爐同食韓燒😆選咗小小辣🌶️雞煲醬汁好香，另加上配料青椒、洋蔥等配料，非常惹味😋雞肉好嫩滑☺️食唔停口食完雞煲打邊爐，食物選擇種類多，大概有50-60款😍有啲用餐紙order，其餘大部分係出面攞，有我最中意嘅魚頭同鵝腸😋韓燒額外有order紙，燒海鮮同串燒都好正😍不過太飽試唔到咁多嘢😆😆唯有下次再試📍紅火雞煲 (長沙灣)地址：長沙灣元州街277-279號地舖

因為朋友想食韓燒，🤓而我又鍾意打邊爐，長沙灣呢間放題店就最啱喇，一次過滿足你嘅唔同願望，🥳等你同朋友都可以盡興回歸。 邊爐同埋韓燒嘅配料都幾多。🥢山根同腐竹一樣唔可以錯過，❤因為入味之餘，更加可以索曬湯汁嘅精華，超入味！🤩 佢哋嘅🦐大蝦雲吞都好唔錯，應該係鋪頭自己包，所以好有手工嘅風味，🥟而且包得大大隻，入邊嘅餡料都好多。💰呢度嘅價錢都幾抵食，200幾蚊，🔥已經可以吃盡雞煲火鍋同埋韓燒！ 

之前路過長沙灣見到呢間雞煲店，睇外表以為係咩小食鋪，跟住同friend一起入去先知原來真係有雞煲。不過唔止雞煲，仲有埋韓燒同火鍋。個menu上面好多野可以揀，不過一定要試試雞煲，味道幾好，我地係中辣，都已經好夠味，而且都唔會好油或者好鹹，份量都好多。之後我地都有試下韓燒同火鍋，牛肉普普通通，冇乜特別，但脂肪比較多。菠蘿，雞腎同豬肉都OK，不過不失。但海鮮唔係好掂，有少少怪味，最好食係帶子，好鮮甜，但唔好食個邊皮，其他海鮮都麻麻地。同埋間鋪其實唔係好大，唔係好舒服，衛生其實都唔係幾好。

今晚去食雞煲？定韓燒？定係打邊爐好呢？今次介紹一間平民美食，係集以上3樣野於一餐！！同時可以韓燒+雞煲+邊爐🤭呢間街坊食店唔起眼，但一去到店鋪出面，有兩餸飯、點心賣，入到去就係重點！！佢下晝3點幾開始有得食，有兩份menu~ 兩份menu都會有齊韓燒+雞煲+邊爐 。分別在於$188menu 少左鱔片同羊架、部分海鮮。我要左貴d既menu，好多野食，樣樣都有d，食到飽到上心口🤣 雞煲揀左佢地自家秘方，百年古法雞煲個汁真係幾好食，仲可以免費加雞🤣 店員話有客加雞加到食左3隻雞😳 其他食物我地有order過：蝦、蝦滑、墨滑、魷魚、蟶子、扇貝、蠔、牛肉片、手切肥牛、牛脷、牛柳粒、豬脷、豬腩片、一字骨、豬頸肉、雞軟骨、雞皮、雞肉、象拔蚌片、鱔片、脆鯇腩骨、脆肉鯇、魚雲、魚皮、羊架、腐竹、支竹、娃娃菜、生菜、台灣腸、金菇、蘿蔔、豬紅、雞脾菇等等…. 佢仲有個自助櫃，有好多野飲同野食拎架好抵食，雖然話食2個鐘，但唔會一夠鐘就趕你走，我地唔覺唔覺仲坐左3個鐘🤫 店員服務態度都非常唔錯，最後捧住個肚走差d唔記得講！whatsapp/openrice預先訂座仲送手切牛肉一份，牛味好濃好好食🤩

( ͡° ͜ʖ ͡°) 紅火雞煲 - 港式❝ 食雞煲火鍋定韓燒⁉️小朋友才做選擇 我全部都要‼️ ❞✿ 九點後入座 $208一位任食兩小時～價錢都幾親民～✿ 麻辣重慶雞煲 我哋揀咗中麻辣 夠哂辣叫咗半隻雞份量都夠雞肉嫩滑亦都好入味 好惹味～✿ 火鍋我哋主打食肥牛同海鮮牛肉肉質肉味都唔錯 唔會淨係得d肥肉海鮮方面 海蝦同蜆都好味蝦肉夠實同新鮮 食左兩轉～蜆加落麻辣湯就好似食卜卜蜆咁吸哂d麻辣精華 好正 蜆肉新鮮 食咗三轉😂另外丸係自助出面凍櫃夾試咗流心黑松露丸又幾特別喎另外佢嘅火炙芝心丸好濃好流心 瘋狂食咗好多粒😋✿ 韓燒手打鮮蝦餅同墨魚餅係必試超足料同好新鮮彈牙蝦餅直頭見到好多隻蝦肉 食得好滋味～另外香草羊架香草好香醃得好入味少少羊酥味 都幾香口唔錯不得不提係燒台灣鳳梨燒菠蘿真係好正好甜 必食！╰☆* 推介指數：🌟🌟🌟🌟/  ‘𖤘◦″ 𖤣 紅火雞煲 (長沙灣)長沙灣元州街277-279號地舖✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿