紅伶飯店

营业中

休息中

有日同啲朋友好隨意咁話想打冷，見呢間咁多評價就想試下，晏晝臨時臨急先打去訂枱，但應該落場冇人聽，估唔到佢見到missed call竟然打返比我，成功book咗枱，呢個舉動好有人情味🥰 去到門口企滿晒人都有啲意外，但因為book咗成功入座✌🏻環境係好舊式類似大排檔嘅格局 滷水鵝唔錯，少少肥，肉唔鞋 滷水雜錦好正，好多鍾意食嘅款式，例如鵝腸、大腸、墨魚，完全冇食內臟擔心會有嘅怪味，而且肉質好爽口 黃金雞軟骨都比想像中出色，個皮好薄同炸得酥脆，鹹蛋黃香但唔過油 辣酒煮花螺就反而平庸少少，主要淨係鹹，唔算好有辣酒嘅惹味 勝瓜都幾唔錯，唔會過份清淡，啲瓜有甜味 呢間以穩打穩紮唔花功嘅食物同人情味取勝，絕對可以encore😋*****多quota評價：😋Quota花得值(🤮<☹️<😐<😋<🤤)

滷水什錦$139滷水什錦味道普通，有滷水鵝腸、腎片、墨魚片、生腸、豬肚、豬耳、紅腸同埋大豆芽豆卜，滷得算入味。馳名煎蠔餅$89超大塊，入面都食到有好多粒蠔，煎得鬆脆。蠔仔肉碎粥(小）$42粥煮得唔夠綿密，似泡飯多啲，薑味同胡椒粉味都重，但味道食起上黎都唔錯 。呢間打冷平時都多人排隊，之前食飯時間都見餐廳門外有長長既人龍，所以放棄左排隊。今次宵夜時段黎到，唔使等位，但食落又覺得唔係真係咁好味，可吃可不吃。

試咗一間好食嘅潮州打冷，食咗以下餸菜︰冰鎮Wasabi墨魚︰爽、彈、新鮮，一流嘅餐前小食。鹵水鵝肝鵝腸︰鵝肝又嫩又滑，鹵水味道香濃，鵝腸夠肥美，D鵝油好香。椒鹽鮮魷︰新鮮惹味，份量比想像中要多，好食。沙拉大蝦球︰$139有咁多粒蝦球認真唔錯，佢個沙粒汁其實係類似千島醬，我覺得比普通沙律醬同個蝦球更夾。黃金涼瓜︰鹹蛋兼同涼瓜真係絕配，又香口又惹味，$99真心抵食。鹵水鵝︰呢度係1/4隻鹵水鵝，味道好份量足，多謝店員哥哥推介咁樣叫抵D。潮州春菜煲︰唔會好油又唔會太鹹，春菜都係咁樣食最好食。避風塘茄子︰少少辣，又係好惹味，好食。傳統反沙芋︰全晚只有呢個唔掂，可能係D芋頭唔靚(其實如果唔靚就用黎煮其他餸，用黎做反沙芋死硬啦)

聽說這間潮洲打冷非常受歡迎，因此我提前一星期就訂了位，以免等待太久。枝竹羊腩煲(大)🐐侍應建議我們選擇大份，價格比細份多一百元，但會多很多羊肉，我們接受了建議。果然，煲菜份量十分豐盛，裡面有枝竹、馬蹄等多種配料。羊腩的皮軟肉嫩，肥瘦適中，且沒有羊羶味，炆得非常濃郁入味，再配以腐乳，味道更加出色。馬蹄的口感爽脆，枝竹則吸收了充足的湯汁，非常美味😋。冰震芥辣墨魚片🦑墨魚新鮮彈牙，肉質堅實，再加上芥辣的調味，呈現出日式的風味🇯🇵。潮州蝦棗🦐這道菜是迎春限定的，當然不能錯過。外皮腐竹炸得香脆，入口酥脆，但內部的豬肉味道稍微濃重，蝦味則較為輕微，整體來說不過不失👌。酥炸脆皮大腸🐷它的顏色是啡色的，而不是我們想像中的紅色。外皮酥脆，內裡軟嫩，夾著少許肥羔，再加上酸梅醬，非常美味。唯一的缺點是在食用時仍帶有少許大腸的味道，未必人人都喜歡🤔。沙爹牛肉炒芥蘭🐮🥬芥蘭嫩綠爽脆，牛肉鮮嫩多汁，而沙爹汁則帶有一絲甜味，並不辣，非常美味😋。當食飽離開時，發覺餐廳已經座無虛席。需要注意的是枱與枱之間的空間相對狹窄，環境亦有些嘈吵。

It’s said Hung ling having long history and pretty famous Daa laang restaurant, though some bad comments lately, a bit doubt before going but it turned out with good and delicious foodsPig Blood Curd is so mama, lacking of taste, i guess simply can skip this one Braised Goose in plate with tofu is in good shapeGoose Intentine is in really good taste, i like the chewy texture of intentine haaa, second time trying and seem the feeling getting better each time, and i like onion here soft Fried Squi

同一大班朋友慶祝生日同埋食團年飯，梗係去打冷舖，又食到啲平時少啲食到嘅嘢，又有潮州風味，最緊要係成間舖頭嘅氣氛都好熱鬧，最適合食團年飯咁我哋有好多好多嘅人，所以都叫咗好多好多嘅餸當然有叫到佢出名嘅冰鎮墨魚片、蠔餅、椒鹽鮮魷、椒鹽九肚魚、鵝片、鵝肝、雞軟骨、椒鹽豆腐、金菇粉絲肥牛、啫啫雞煲、小炒王、蜜糖薯仔牛柳粒、馬拉盞通菜同埋反沙芋佢嘅冰鎮墨魚好爽口配埋佢個芥末豉油作為前菜簡直一流，佢嘅椒鹽鮮魷、椒鹽九肚魚椒鹽豆腐同雞軟骨，賣相都係差唔多，都係避風塘風味，好香口佢嘅蠔餅所有嘅邊位都好脆好多蠔又唔腥大大隻平時就比較少食滷水嘅鵝肝，今次第一次食，感覺都幾新鮮，佢嘅鵝片仲配埋豆腐同埋鵝腸，佢驚我哋例牌唔夠所以建議我哋叫¼隻，所以每個人都食到d其他嘅小菜都發揮到正常嘅水準，有鑊氣又唔會太鹹，食完之後都唔會覺得超級口渴最尾我哋食嗰個反沙芋，因為我哋叫焦糖反沙芋，所以上到嚟嘅時候啲焦糖一凍咗少少，就即刻凝固咗，所以我哋每個人都好大力先至可以分得開，有啲人仲整散曬添整體來講呢間嘢嘅服務態度同埋嘢食水準都好高建議大家可以book位試吓

Revisit? Yes✔️朋友生日想食打冷，指明係要食紅伶飯店，5個人嗌咗9嗰餸，最後竟然清哂😹 菜式選擇多，定價親民，不過要預咗坐得迫同嘈吵，但成班朋友食幾開心~ 重點推介煎蠔餅、韮菜豬紅同冰震芥辣墨魚片！蠔餅一份有兩大塊，幾乎每啖都有蠔仔，唔係得粉漿，炸衣仲好酥脆，仲要$100有找！豬紅嫩滑唔會腥，同埋勁多韮菜🫶🏻 墨魚片面頭淋上麻油，配上芥辣好開胃，口感爽脆。反而最出名嘅滷水就覺得一般，叫咗滷水什錦，但就無記憶點⭐️馳名煎蠔餅| $86⭐️韮菜豬紅| $80⭐️冰震芥辣墨魚片 | $109⭐️辣酒煮花螺 | $129西蘭花炒帶子 | $169 蜜椒薯仔牛仔粒 | $139滷水什錦 | $139椒鹽黄金豆腐| $89石窩馬拉盞通菜| $119

呢間名店真係聽聞左好耐，評價好壞參半，本來無特別大既期望，但出到黎結果又唔錯喎😆🍽️冰鎮芥辣墨魚片 (7/10)墨魚片食得出係新鮮，爽口彈牙，不過不失喇😌🍽️椒鹽鮮魷（7.5/10）外皮炸得好酥脆，但入面鮮魷仍然嫩滑，唔錯😋🍽️小炒王（7.5/10）好多時出面啲小炒王都無咩特別，呢碟好難得炒得幾有鑊氣，海鮮既份量都唔少，值得一叫👍🏻🍽️椒鹽脆皮豆腐 （8/10）一上枱熱辣辣，雖然唔算脆皮，但炸粉好薄，夾埋入面既嫩豆腐一齊食，正❗️🍽️滷水鵝（7.5/10）可以揀上庄/下庄，份量好大，鵝肉肉質唔鞋唔乾，油脂足夠，仲食到新鮮鵝既韌性👏🏻而滷水汁就正常發揮，唔會好鹹，但唔算好突出🫢🍽️韮菜豬紅（8/10）打冷一定要食豬紅！！！🤣呢個湯濃得黎帶有少少辣，好惹味🤤豬紅唔會一夾就散，口感啱啱好唔會粉，如果再入味啲就更好😎🍽️煎蠔餅（7.5/10）呢間既炸物都唔錯，好香口，蠔仔份量亦幾多，係略嫌油膩左少少🤏🏻—˗ˏˋ 𝓜𝓮𝓶𝓸✍︎ ˎˊ˗呢間舖頭好出名，當晚見面口水都排左幾枱人，以為名店通常食物質素好易出事，但個晚落得又幾好喎，雖然未算十分驚喜，但絕對係合格水準之上，加埋價錢都係人均150蚊左右，值得一試😉✨推薦指數

冬天就會諗起打邊爐，羊腩煲補下身。油麻地呢間老字號，如果唔去預約即場排隊真係好多人㗎。今次即興去諗住早啲會有位啦，點知都要等一個鐘頭。叫咗最出名嘅羊腩煲，滷水鵝，蠔餅。終於到我哋啦，上咗2樓，兩個人食，位置好狹窄。羊腩煲不過不失，不過發現毛巾生菜，原來要另外叫㗎。其實呢間本身都係老字號，但係發現價格都比較貴喎。而且唔適合慢慢食。因為樓下仲有好多人排隊佢都有限時㗎。下次要叫多啲人嘅時候先至試啦，羊腩煲份量好大㗎。

今日心血來潮想同屋企人食打冷，一search打冷就會見到好多人推介呢間，於是就嚟試吓，冇book位，6點幾去到，好彩冇人排隊，入面都唔滿，3個人坐張大圓枱。椒鹽鮮魷 $109份量還好，有十幾舊啲椒鹽唔算好香，不過好咸，啲鮮魷有啲厚粉豉椒炒蜆 $99有幾隻都有沙，少少辣火腩豆腐斑腩煲 $119火腩大概5-6舊，斑腩3-4舊，有啲豆腐有啲菇唔算好香，火腩少少鞋，斑腩實肉，豆腐夠淋，個汁唔太濃味蠔餅 $86熱辣辣上枱，個餅好脆，啲邊位都好脆，都幾多蠔，而且啲蠔幾鮮幾香，唔會太腥星州炒米唔會太多粉喺啲麵上面，炒得幾乾身不太油

必食潮州菜館🤩紅伶超級好吃✅滷水鵝片 $149鵝片唔肥肉質鮮嫩，唔算好薄片，下面有豆腐，加辣椒油一流🤩✅冰震芥辣大墨魚 $119呢個大推！墨魚爽口彈牙，加了芥末有吃魚生感覺，很特別！✅椒鹽白飯魚 $99好好好好食！炸粉唔厚，椒鹽味夠香😍勁多炸蒜，送酒一流！✅沙嗲牛肉炒芥蘭 $129沙嗲味夠，牛肉唔韌，芥蘭唔老，完成收貨😚✅蠔餅 $86潮州菜必食，夠脆餅皮唔厚，好食✅藍妹 $35 x 4太多菜送酒，不經意飲咗4支🤣

從前的煊記令人懷念，今天的紅伶卻令人再三回味，而且價錢相宜，性價比極高。Wasabi墨魚片據聞是此店的招牌菜之一，墨魚很鮮味，一片片薄薄的，與Wasabi是絕配。常說鹵水拼盤是一家潮州打冷店的命脈，鹵水做得不好，其他菜式好極有限。此店的鹵水味道香濃兼有層次感，鹹味以外還吃到其他香料的味道。鵝肝拼鵝腸是不會輸的菜式，正宗來自潮州的獅頭鵝才有這麼大副鵝肝，還有鵝腸內的脂肪正正是獅頭鵝腸精髓所在，那鵝油的香味令人無法抗拒，其新鮮度比媲美潮汕吃到的鵝肝鵝腸。鹵水鵝肉又是另一美味之作，幸好侍應建議我們到1/4隻比較化算，我們蝗蟲部隊兩三下手腳便吃光了，因為真的鮮嫩美味。蜆仔肉亦很鮮味，點了潮州粥一拼吃最好，這裡的潮州粥有分室溫的傳統食法及翻熱吃。避風塘茄子不過不失。蠔餅最令人失望，不點沒損失。

有個為食兼嘴刁嘅朋友話一講羊腩煲其中一間別是嘅就係呢一間位於油麻地內街嘅潮州打冷店，今日終於有機會試到。因為得三個人所以原本諗住要個細嘅羊腩煲，點知夥計哥哥話我哋三個都咁大隻，叫個大羊腩煲啦，其實細羊腩煲$398大羊腩煲只係貴$100，見夥計哥哥咁有誠意而且都係有高人推介，我哋三個決定要個大羊腩煲。個羊腩煲好快已經到咗，應該係預先整好然後雪住佢有客叫就即刻攞出嚟雖然滾翻起要一段時間，不過比起平時食到嘅羊腩，呢個似乎入味啲，個鍋好大，可惜幅相顯示唔到佢嘅震撼度，入面亦都係好多羊腩，我哋三個夾極都有，夥計哥哥仲話呢個係潮州食羊腩煲，入面基本上都係羊腩，冇其他配料，所以好足料，羊腩多到爆，真係好食。

係呢排個個都話香港好難清嘅時間，竟然喺朋友約嘅呢間打冷度，發現咗罕見嘅人龍，入到去餐廳裏面超級多人，超級熱鬧勁有氣氛！好興奮，咁樣點咗佢一堆嘅招牌菜，發現真係樣樣都好好食，亦都感謝朋友請客，所以可以有機會成個Menu叫咗一次！特別推薦所有椒鹽類、冰鎮芥末墨魚片（超超超好食）總之見到Menu有咩就嗌啦，全部都好食

食物非常普通，只係一般打冷，冇話特別好食而且有啲又太鹹，有啲又唔入味可能太高期望所以對於食物有些少失望致命傷係服務態度，員工態度極度惡劣，二樓一男一女員工十分冇禮貌。我地好聲好氣講嘢，點知佢地就比說話我地聽。男職員同女職員當著我地面喺我地隔離話：「乜今日啲客嘅質素都咁差」之後成餐飯一直被西面，攞幾對筷子都藐嘴藐視，簡直俾錢貼難受👎🏻👎🏻 已blacklist，以後唔會再幫襯🙅🏻‍♀️希望大家唔好中伏