糖痴豆

营业中

休息中

每次經過糖黐豆 如果見冇乜人 都會忍唔住衝入去食反碗糖水😂其一 係食回憶 另外啲嘢食真係好好味🤤-📍芝麻多士👍🏻👍🏻😋係每次去都必叫 切四角 share食😍多士焗到啱啱好 香脆 然後上面嘅芝麻醬份量剛好 好香芝麻味 又唔會好甜-📍店三寶可以一次過試晒 心太軟 檸檬撻同蘋果金寶😍真係三款都好好味 唔會死甜 好香 一啖tart一啖雪糕 好正🤤如果雪糕再大球啲就好啦🙈😛-🐷: 由細幫襯到大個 甜品嘅水準仍然保持到🤤每次食完都會好開心😛始終係半山 甜品嘅價錢都唔會太平 但一分錢一分貨 如果唔好食又點會成日都要排隊吖😭 真心希望糖黐豆可以長做長有😭😭💕

糖痴豆可以話係小編中學時其中一個回憶以前一放學都會去打下打躉吹下水今日見早左食完晚飯 就同個朋友一齊上去嘆個飯後甜品本身小編唔太好朱古力不過心太軟係小編唯一鍾意嘅朱古力甜品！而糖痴豆嘅心太軟 亦完全乎合一個心太軟最需要嘅野——就係一切爆漿流心嘅視覺震撼喇！小編以前都有係屋企試過焗心太軟 不過可能無乜天份 所以都係半實心狀糖痴整出黎嘅時間火喉剛剛好 切開流出黎嘅朱古力漿 加上朱古力蛋糕同雪糕甜滋滋嘅感覺實在係太幸福喇！希望糖痴豆愈做愈有等我時不時都可以回味一下中學時期嘅回憶啦！

今日同friend食完飯又心思思想去食甜品，食窩夫，於是又從山下爬上黎半山糖痴豆上次食過佢地既焦糖香蕉窩夫，覺得幾正就再食多次。焦糖香蕉窩夫 $50 窩夫內脆外軟，配埋凍冰冰既雪糕食一流。焦糖香蕉煮到軟軟地，焦糖脆脆今次差啲，有少少怪味，但係整體係好好味既我朋友就叫左麵包布丁 $46 麵包布丁好香蛋味同埋奶味，食落滑口有麵包軟粒，夠濕潤，好味！雪糕同窩夫一樣係普通既香草雪糕，cream就毅然係萬年屹立不倒既植物性忌廉，我一般都好少食

在西營盤跟朋友吃完飯以後想要吃甜品，就想到了這家在半山的，中學時期常去的甜品店。於是，我們就從山腳下慢慢地爬到半山，邊走邊消化，到達時剛剛好可以再吃。雖然吃完飯有點飽，但是還是想吃窩夫，畢竟甜的跟鹹的是兩個胃嘛。所以我就點了個焦糖香蕉窩夫，本來沒有太大的期望，沒想到這個有讓我驚喜到！窩夫外脆內軟，熱騰騰的，配上冰凍的雪糕簡直就是人生一大享受。配料還有焦糖脆脆和焦糖香蕉，味道都不錯，不會煮過頭，沒有苦味。當然啦，奶油是植物性奶油，萬年屹立不動，永遠不會融化，這是稍微扣分的位置，但是整體味道還是很棒的。

甜品同午餐熱食好多都好有特色，例如焗雪山brownie，朱咪咪，芒痴痴，奶醬多，飛碟，忌廉意粉，忌廉烏冬等等，都係好有特色，係出面搵唔番 中學點憶<3 希望糖痴豆愈做愈好

食完晚飯，女仔個肚當然會留個位比甜品有位朋友強烈推介糖痴豆，話係佢由細食到大，自認都幾咀雕ge我，都比佢講到想去試下面包布甸，個fd話係呢到ge皇牌，每次黎都一定會食果然!!一食落去有一種好幸福ge感受好香奶味蛋味又好軟滑，真係好好味至於apple crumble，上面ge蘋果肉碎加肉桂粉真係好絕配，但係撻底略厚同硬，用匙羹要好用力先篤得開你總是心太軟~心太軟~食心太軟，當然最期待一切落去即爆漿，同埋最怕太甜。呢個心太軟，焗ge時間掌握得perfect而且甜度剛剛好食甜品最好就同幾個fd一齊食，咁先可以一次過試多d款式

第一次去呢間甜品屋，入到去竟然係三個大男人主持嘅一間甜品屋，出色地甜品幾好味呀，佢哋都好Nice😄😄😄😄😄😄😄😄叫咗個暗檸檬撻同埋麵包布甸，檸檬撻個皮超級脆，一定會再去同埋佢都好近地鐵站，好鬼方便，最緊要係好食同埋態度又好，希望呢間小店繼續加油，雖然價錢唔係平，但係係值得嘅因為有水準，不過如果佢可以大份D就好，因為其實個雪糕都幾少，不過唔緊要啦最緊要好味，雖然個檸檬撻唔係流心，但係檸檬味好重架

西半山有一間幾出色的甜品店，我同老公成日都食，因為佢超like甜品，而且我地一致認為糖痴豆d甜品好有水準，出面好多集團式的甜品舖都比不上！地方細細，但都坐得舒服，好多甜品photos,好靚！我老公最最最like炸雪糕, 外皮酥脆又不會太厚，炸得時間恰到好處，而且生果是新鮮水果麵包布甸，我choose左mango ice-cream! 我可以講冇一間甜品店可以做得好食過糖痴豆，連我本身不太like甜品，我都極like依度嘅麵包布甸

每次做完運動都心思思想食焗雪山班尼士！別人說不要前功盡廢，但我一於少理。做運動就是為了要吃多點甜品！這兒的焗雪山Brownies是高水準，有心思的。賣相吸引之餘，口感層次分明，上層是焗蛋白加脆脆糖，中間是冰凍的雲尼拿雪糕，底層是厚厚的熱Brownies，朱古力味濃郁，質地不會太實，也不會太鬆，非常適中。周邊圍著七彩繽紛的什果，包括西瓜，火龍果，哈蜜瓜，士多啤梨，芒果等。緊記要每一口也有包含每一層，那就滋味無窮！

附近有不少甜品店，大部份不是太貴便是不能保持水準，光顧多年的糖痴豆始終如一保持高水平，最重要價錢合理。以前喜歡吃心太軟，因怕肥改吃炸雪糕，萍果金寶(阿Q精神)，吃了多年依然咁好味。老人家想滋潤就可吃蘆薈雪梨，小朋友一定愛吃大雜會~朱咪咪，滑嘟嘟，雪糕椰果芒果涼粉共冶一爐

糖痴豆是小妹與中學同學的熱門聚腳點 它就開在學校旁邊 雖然對中學生而言有點貴 但真的很好吃 讓我們不惜一切地上癮 正餐加上一款甜品 已經$60多了... 但我們也吃光顧了一年又一年這是小妹每次必食的maincourse 焦糖玉桂多士 多士大概一寸厚 中間是個大大的雪糕球 餐牌寫著vanilla 但其實可以向店員要求換成朱古力味 周圍有大塊的焦糖脆脆和煮熱的香蕉片 小妹建議大家不要記著食雪糕 要讓香蕉的熱量把雪糕融化掉 把它塗滿整塊多士 這樣麵包就不會又乾又硬 另一個必食之選是朱古力班戟 $34兩塊 裡面有朱古力雪糕 M&M朱古力 香蕉 和cream 大家放心 雪糕的份量比cream多！選的M&M也是大粒那種～～這裡的班戟皮是自己做得 所以比外面的柔軟、有彈性！

糖痴豆---由開鋪幫襯到而家，雖然已搬離西營盤但係都要keep着返嚟食，皆因佢D甜品真係好好味啊每次都有驚喜，永無令我失望我最新嘅致愛， LEMON TART酸甜啱啱好，外脆內軟，熱辣辣嘅tart加埋雪糕一齊食lum起都流口水💕💕仲有心太軟，芒痴痴，同埋好多特色甜品都係必試啊食完包你好開心唯一唔好咪就係高峰時間可能要等lor，不過都好快入座💕

同男朋友食完個happy friday dinner, 我地就去左呢間我地一直都好想試的甜品店, 我地係大學的時候都冇一齊食過, 嘩, 入到去好多人喎, 仲有好多人係門口等緊外賣添 我地叫左店三寶, 分別有心太軟, 檸檬批 同 apple crumble , 而當中的檸檬批我覺得係最好味既, 通常食既檸檬批都係凍冰冰, 但呢個係暖笠笠 , 裡邊的檸檬批餡好流, 個味甜甜酸酸好LEMON, 好開胃! 個apple crumble都係熱辣辣既, 都好好食呀! 跟住叫左個芒痴痴, 個甜品好足料, 有芒果肉, 爆珠, 椰果, 好好味, 加埋一齊食非常之有口感, 果然係廚師推介!

甜品不管甚麼時候吃都適合，給人一種安慰和放鬆的感覺。這次要推介的是這裡的焦糖玉桂多士和炸雪糕。焦糖玉桂多士擁有多重的口感，不管是鬆脆還是柔軟，都是可以自己調配，我個人認為最好的吃法當然是一次享受兩種口感。此外，玉桂的香味和焦糖的香味非常配合，兩種香味配在一起就更加濃烈。有些遺憾的是多士不夠脆，我個人喜歡比較有焦脆的多士。炸雪糕外脆內軟，朱古力的味道並未有影響到，依然美味。我最喜歡的是配有水果的配搭，在嘗試多種甜味，在吃一下水果，不會感到膩，重點是心理上也覺得健康一點。

個日去完HKU探朋友之後大家都好想食甜品，作為中大學生既我唔知個邊有咩甜品店，佢就話要比個驚喜我，由HKU出發行5-10分鐘路程到左呢間叫糖痴豆既舖頭。一入到去已經見到好多附近既學生放學後黎食甜品，等左5分鐘先有位坐。我心諗甜品店間間都係個D例牌加啦，會有咩特別呢，一拎起餐牌先見到有好多唔知咩名既甜品我揀唔落手就事但叫左好似係佢招牌既「糖痴豆」！點估都唔會估到有咩材料，拎到過黎超級有驚喜～上面係一球雲呢拿雪糕，再加一大炸一粒粒既野，包括有涼粉、䈮篛、西米粒、黃豆等等，總之你諗得出粒狀既野都有！咁多野估唔到配搭埋一齊又好夾，有唔同既口感，食完一粒硬既豆可以食番粒軟既䈮篛，食完粒粉既黃豆可以食番粒滑嘟嘟既西米。唔使驚佢太乾，下面加入左涼粉用既糖水，清清甜甜，最岩夏日食，仲好健康！面頭既雪糕除左增添清涼既感覺，熔左流入豆粒中間，為碗糖水加入甜味同奶既幼滑，我會比一百分！順便介紹埋友人個碗芒果米粉，我試左幾啖都覺得大讚～芒果味超級濃郁而且仲分左唔同層次，有芒果汁既清新甜味，又有芒果雪糕既奶滑濃甜，更有fresh軟淋淋既甜中帶酸芒果肉～同軟滑既米粉一齊食既飽肚又清香