糖心軒

营业中

休息中

嘢好唔好食係另一個問題，但靜係等位攞枱都已經一肚氣🤬開始搵位時已經知道前面有十張枱要等，本來就冇乜期望，不過因為啱啱見到一堆人埋單走人，即管就等下佢，突然前面派枱好快就剩兩張到我，當然開始有期待⋯⋯惡夢由此開始！哩差兩張枱到我哋就害我等咗一個鐘頭，之間不斷有熟客打尖（當然都係話有訂枱，但都唔應該咁樣處理掛）真係火都嚟埋🤬講到食物方面，價錢唔算便宜（亦唔算太貴）所以性價比唔高（可能係因為星期日，冇特價）真心咁講，我如果唔係差兩張枱到我我肯定唔會等一個鐘頭，哩間亦唔值得我等一個鐘頭😂我估計唔會有下次囉

今日去飲下午茶。等咗一陣就入得有位坐。坐低後發現張枱較高，想換枱。當時見到附近有一張枱已經清理好，咁就同個女待應講話想轉枱。佢話前台嘅人已經安排好坐位，會有其他人坐。咁我只係同佢講左一句：「我哋轉枱你都可以free咗呢張枱俾其他人。」個女待應即刻話：「我唔想嗌交，你同前枱講」我真係黑人問號⋯⋯之後，我無再叫佢。留意吓佢哋班待應，全部對熟客就有講有笑，對住生客就木口木面。咁我又真係無俾利是佢哋。雖然食物都okay, 但咁嘅服務態度，我諗我唔會再去啦。費時食到成肚氣。同埋價錢都唔平，俾多少少起碼坐得舒服又唔會俾人duk.😡

屋企人一直都想試糖心軒，因為平時都多人而具價錢較貴，所以係奧運打滾咗幾年都無食過。今日趁平日放假，佢又有特價下午茶大中小點$26，就同二老去試下。雖然佢點心既選擇都算多，又另外有張下午茶點心紙，但係屬於大中小點既就唔多，好多都係廚點同特點。咁知慳惜憸既我哋就盡量係有限既大中小點入面揀咗8樣，連埋3位茶加一埋單$284。整體黎講d點心都係有返咁上下質素既，我特別鐘意個小籠包，皮夠薄肉汁份量適中，因為一般酒樓做小籠包都麻麻，所以佢呢個都做得唔錯。唯一覺得差既就係牛柏葉，真係好韌，咬唔到。

一向喜歡一盅兩件，尤其是下午茶時段有優惠，所以每星期都會去飲茶一兩次的。這間位於奧海城商場的中式餐廳，面積不是很大，但佈置簡潔，光線充足，感覺舒服。店是以魚翅鮑魚為主打，但點心也很出色。每次來都會要一壺人參烏龍茶，這款茶飲後有點回甘的口感，我非常喜愛的。我們點了-鮮蝦餃皇 皮薄,蝦肉爽口，大大隻-鮮蝦豆苗餃 滿滿的豆苗，加埋蝦肉，非常清爽-原隻灌湯餃 湯汁清甜，有蝦，花膠和瑤柱等-南翔小籠包 皮薄，餡多汁多-懷舊芝麻卷

本來放工唔想煮飯，選擇左呢間餐廳原本以為鮑參翅肚餐廳，價格一定很貴。但裡面其實都有不少親民既普通小炒。點左兩個小炒（欖角爆炒排骨、上湯莧菜）+ 一個雞湯翅（198六兩，抵食）兩個人合計577，食得好開心，放工唔想煮飯既好選擇服務態度都幾好（上菜較慢，記得注意催吓菜）會有下次

今晚是一餐生日飯，去了一間以食海味為主打的中式餐廳，這間不是大型的酒樓，所以地方不是太大，佈置簡潔，燈光充足。近門口放著很多介紹魚翅參茸的擺放。近日做優惠半價的雞湯翅，每人有足3兩。用雞淆製的雞湯做湯底，美味鮮甜，再加入魚翅。魚翅略嫌散鬆一點。之前在沒優惠時來食過的魚翅，比較一梳梳的，明顯是比較靚的。其他點了蒜蓉炒蟶子，新鮮的蟶子炒得很爽口鮮甜，只是份量少一點。時菜炒斑塊，班塊走油再炒，很有口感。時菜用了芥蘭，炒得恰到好處。香橙骨味道很好，排骨淋軟多汁。鐵板蝦球，蝦肉彈牙。最後來一客壽包結尾，完滿的一餐生日飯。-沙窩雞煲翅-蜜味香橙骨-翡翠炒班球-豉椒炒蟶子-鐵板生抽王蝦球-壽包

今日下午本帶著老人家飲茶，知客見到我哋行動慢，編左我地三個人坐兩人位，一直沒有人理會我們，我叫咗佢哋話三人位，一直冇加位。茶一路未開，見到鄰桌走，心想未有人理過，可以轉枱啦，結果又話唔得，要去問帶位喎。點知一問兩問，沒有人理會不特止，仲俾面色我哋睇。咁唔得唯有坐回原位，之後再叫佢加位啦，那個侍應差劣的態度大聲地同我哋講，佢今日做到而家冇停過手，點可以咁早理到我哋喎🤬！結果一肚氣。茶都仲未開（已經等左二十分鐘），邊度食得落，即走!其實呢份係你嘅工，你預咗忙，你要唔忙返屋企做少奶囉，C9 你可以唔好打工。你由朝忙到晚係你嘅份內事，唔可以搵啲客出氣，呢個時勢你可以返屋企唔好做，大把人想做。以後都唔會幫襯亦都唔會叫人去。

之前去幫襯呢間店主要原因只係為左就腳 但此店食物普通 價錢偏貴之外 最最令人氣憤係嗰度嘅服務態度非常惡劣 經理 待應 知客等等 上下一心 都係只對有打賞嘅熟客笑 其他客人就晚娘咁嘅面口對待 呢種格局嘅店我永不再幫襯 免得貼錢買難受

在依度, 要食花膠啊,  海參啊, 魚翅啊, 鮑魚啊才比較合情合理, 因為D 點心又貴又唔好食, 鮮蝦荷葉飯係好大份, 但食了一些, 已經唔想食下去, 可能因為獨食了花膠煲, 胃口不合再填其他食物吧。 花膠煲好多大大塊花膠, 亦有薑絲去走腥味。海參煲也是滿滿的,  我媽食到唔想食, 其實一些貴價野, 真不宜太多, HK$88 兩個煲, 其實唔洗太大份量,  做好D 質素不是更加會打響名堂嗎 ?  我都唔知點評價.....  人地比多我, 都唔一定好, 我重質第一, 量是第三, 第二是服務態度, 我發覺只得一位服務員比較OK, 其他都差差地, 無咩服務可言。

雞湯翅味道適中，可惜雞湯料並不包括在內。28頭禾麻物有所值，味道口感都恰如其分。龍蝦18:45分時已全部售罄，炸子雞在19:00下單時也售罄。只好下次再評。冰梅骨有驚喜，水準之上。一斤上下的老虎班只是一般，卻不要忘記價錢才HKD 300-400。甜品並沒有很多選擇，全部都會送綠豆沙。不知道是人手缺乏還是顧客太多，服務員態度有點焦燥和怠慢。結帳時贈送了幾張雞湯翅贈券，下次吃滿900圓可以用一張，如此類推

週日一行10人喺奧海城附近玩完，由於冇預訂任何餐廳嘅情況下，經過呢間酒樓，竟然有位，於是諗都冇諗就入咗去食，希望冇伏。10個人，叫咗九個餸，四個飯，本身以為份量咁少，會食唔飽，但竟然食得飽哂我地咁多人😀😀😀龍蝦伊面，份量俾我哋想像中少，其實伊面都唔係好貴姐，俾多啲面都唔得？芝麻西檸蝦球，檸檬味較重，酸酸甜甜咁，幾好食😋👍🏻南乳翠香雞，冇乜南乳味，但係幾香口，還可以。食到一半先記得影，雖然份量唔算多，每個餸都百零蚊左右，我地叫咗九樣嘢，除返埋每人都係百幾蚊，性價比都算高。但如果四至五個人嚟食，可能性價比就冇咁高啦。

我地同坐著輪椅嘅家人等位，睇住冇攞飛D人係咁入去。到我地上前投訴，知客反而大聲回應，毫無歉意。到我地離開嗰陣，輪椅出門口有困難，知客企係度望，完全無幫手，一Ｄ同理心都無，態度更...Terrible service. We were waiting for a table with a family member in a wheelchair. Numerous people got in and cut the line and when we confronted the waiters, they yelled back unapologetically. When we were trying to get the wheelchair out, the waiters crossed their arms and gawked at us without offering help. I would say they are not only unprofessional but apathetic as well.

今日嚟到奧運，貪佢夠靜，特登選間酒樓慢慢坐下休息吓，見都有人排糖心軒，即管試一試，等左10分鐘到已經有得入座，叫咗三籠點心，春卷好好味，入面啲蝦好大粒，另外家鄉炒銀針粉好少地方有得食，呢到炒得好味，又唔算好油，值得推介

Anyone likes yumcha?☺️呢間既點心係同區黎講質素都算係咁。佢既蛋散比較出名，我d朋友都幾鐘意食😂😂但我就麻麻地個質感。 我幾鍾意佢嘅XO醬蘿蔔糕，辣辣地幾惹味！

今天約了朋友食午飯，我到達時，朋友手中已拿着號碼紙，說下一張枱就到我們，但是，朋友說沒有飛的熟客都直入，不用取號碼紙等位，因此，我朋友已備兩個熟客打了尖。剛好見到兩位食客結賬走人，我們正準備入內，結果，又被熟客搶了枱，十分無奈，於是我去投訴門口知客，她說：投訴她也沒用，要投訴就投訴經理罷！十分無禮！十分氣忿！既然只招待熟客就不要派飛叫人等，永遠都是等下一張，永遠也等不到，取了號碼紙的永遠只有等的份兒